急救！？

話說小茄係十多年前還做課餘托管導師時覺得無無聊聊，所以去學急救，之後逢 3年就再考試續牌，只不過......當韻慈出世之後就停了！

最近身邊有朋友學急救，小茄再拎番急救書出黎睇啦！邊睇邊寫筆記......

其實對小茄黎講係一個唔錯嘅溫故知新機會，而且待頌祈入學後，小茄都想再考番嘅.......

13 Mar：芫茜水

話說明天小妮子將會在學校打針，
佢婆婆(即小茄嘅媽咪)曾提醒左小朋友打針前最好清一清熱，
而且教小茄可以簡單地煲芫茜水都可以清熱....

材料：
連根芫茜.......多棵

做法：
把芫茜浸洗乾淨，另煲一煲水，待水滾加入芫茜，大火滾 15分鐘後熄火蓋上蓋子焗......

飲得！

自家製100%橙汁橡皮糖

認識小茄都會知，小茄好多時都會自家製，因為坊間買到嘅都會有好多添加劑......

小茄一直很少買糖給小韻慈食，但有邊個小朋友不喜歡吃糖呢？

所以試下自己整，確保冇色素、人造味，糖份可以由自己決定！

材料：
橙汁............ 0.5杯 (約 100cc)
魚膠粉......... 4茶匙
玉米糖漿..... 2茶匙

做法：
-先用1.5個橙搾汁，多出黎果0.5個橙，俾孖寶食左....😅😅
  (1.5個橙要視乎橙嘅大細，今次小茄用嘅係細橙，一個又唔夠，兩個又太多)

所以最好用量杯睇住.....

-之後將橙汁、魚膠粉及玉米糖漿放入煲內，用細火慢慢煮至稠身

小茄用呢隻玉米糖漿，係烘培店或大間少少嘅起級市場可以搵到

-同時間係模具掃一層薄薄的油，方便凝固後容易脫模

-橙汁稠了，倒入模具

-放入雪櫃雪 15分鐘，

-之後取出，小心地脫模.....

Yeah！完成！

質感很QQ喲！

小韻慈食到不想停口，細佬仔見家姐食當然唔執輸啦！

小茄也試了一粒，QQ的橡皮糖帶著淡淡的橙味，難怪佢地會食唔停口啦！
🤣🤣🤣🤣🤣

11 Mar ： 番茄薯仔紅蘿蔔洋蔥煲豬骨

是日小茄靚湯：番茄薯仔紅蘿蔔洋蔥煲豬骨

材料：
番茄、薯仔、紅蘿蔔、洋蔥、南北杏、薑及豬骨

做法：
1. 南北杏洗一洗，之後浸起碼 15分鐘
2. 豬骨汆水，洗淨，備用
3. 薑洗淨D泥，拍扁佢🤣🤣🤣🤣
4. 番茄去頂，切角
5. 紅蘿蔔、薯仔洗淨外面嘅泥 (小茄連皮用，冇去皮)，以滾刀切角
6. 洋蔥去外衣切大粒
7. 煲2/3煲水，把所有材料放進，用大火煲15分鐘，轉細火煲兩小時
8. 如有需要，有少少鹽調味



#又煲自己🍅🍅
#小茄湯水
#😋😋😋😋
#加左洋蔥多份香甜
#有齊孖寶喜愛的

各有工作的

可能大家會覺得小茄湊住兩個小朋友應該很忙的，點解還可以整野食、幫人織冷衫、整手作仔、仲可以打blog？就趁今日呢個情況拆解一下啦！

雖然今天是星期六，家姐仔唔駛返學，但話說呢個小朋友昨天冇認真做功課，結果今天要繼續啦......(冇計🤷🏼‍♀️🤷🏼‍♀️🤷🏼‍♀️🤷🏼‍♀️)



係家姐仔做緊功課嘅同時，小茄先係廚房準備煲湯(http://frankiengfung.blogspot.hk/2017/03/11-mar.html)，煲落湯......之後便可以織野啦！

咁細佬仔做緊咩呢？


佢就自己有自己玩車車，今早佢就選擇爬上highchair度玩.....

解釋番點解小茄要坐係度呢？

原因好簡單......小茄唔坐係度，細佬仔就會揀家姐玩，而家姐又會受唔住引誘......小茄坐係度嘅話，情況會正常番一D，起碼細佬仔唔可以騷擾家姐......



而細佬仔通常玩到攰，都自己會瞓.....

所以時間上還算可以分配到嘅......

玫瑰鏈墜(粉紅色)

在 2 月初，Vega by Frankie推出了❤️情人節玫瑰花禮盒❤️(https://www.facebook.com/media/set/?set=a.410110369337451.1073741841.316384248710064&type=1&l=5da54c8ecc)，當時小茄已構思把手織玫瑰花變成鏈墜，所以今早小茄到深水埗入貨(http://frankiengfung.blogspot.hk/2017/03/blog-post_10.html)，又怎只會購入髮夾呢？

回來後，小茄為朋友女兒準備髮夾(http://frankiengfung.blogspot.hk/2017/03/blog-post_62.html)後，便立即把之前的構思實施出來......


手織玫瑰花變成鏈墜
(https://www.facebook.com/vegabyfrankie/photos/a.409838292697992.1073741840.316384248710064/424741467874341/?type=3&theater)

如欲查詢或訂購，歡迎留言或私訊。

蝴蝶髮夾(紅色)

昨天有朋友托小茄為佢女兒準備髮夾，小茄因被欣賞而感到興奮，所以今早到深水埗入貨(http://frankiengfung.blogspot.hk/2017/03/blog-post_10.html)，
下午立即準備髮夾......

完成了！(https://www.facebook.com/vegabyfrankie/photos/pcb.424740854541069/424740581207763/?type=3&theater)


入埋包裝袋！
(https://www.facebook.com/vegabyfrankie/photos/pcb.424740854541069/424740591207762/?type=3&theater)

希望朋友及小朋友喜歡！☺️☺️☺️

如欲查詢或訂購，歡迎留言或私訊。

氹下自己

有邊個女人唔愛美？

小茄都唔倒外，

當小茄入貨(http://frankiengfung.blogspot.hk/2017/03/blog-post_10.html)時，係宇宙見到有幾靚嘅鏈墜，所以買黎氹下自己.......

Yeah！

去入貨

昨晚小茄檢查家中的手作仔材料後，決定今早過深水埗一趟，補充番D材料先......

今早待家姐仔上校車，便帶埋細佬仔搭車過深水埗(http://frankiengfung.blogspot.hk/2017/03/100317.html)，去合益泰小食食早餐(http://frankiengfung.blogspot.hk/2017/03/blog-post_93.html)，再周圍行了一會，等到宇宙開舖......

小茄補充番D髮夾先......

小茄......可以開工啦！☺️☺️☺️☺️

合益泰小食

小茄原本諗住食完早餐，才慢慢搭車過深水埗入貨(http://frankiengfung.blogspot.hk/2017/03/blog-post_10.html)，但......小茄突然懷念合益泰嘅腸粉，所以寧願早少少搭車過深水埗(http://frankiengfung.blogspot.hk/2017/03/100317.html)，再係合益泰小食(深水埗桂林街121號地下)食腸粉做早餐......

點解小茄懷念合益泰小食？因為係小韻慈出世前，小茄其實係深水埗政府合署上班，偶爾會在合益泰小食買腸粉外賣，回到辦公室食 😁😁😁😁，而且小茄很喜歡可以自己加很多芝麻的......合益泰小食可以完全滿足到！😅😅😅😅


嘩！好多野都想食丫！😋😋😋😋😋



最後小茄叫左一客細腸粉(＄2一條，所以有 4 條)、三粒燒賣、一個粉果、一件糯米卷......😁😁😁😁😁

當腸粉加少少甜醬&勁多芝麻，正丫！而燒賣.....有冬菇粒係入面，好香丫！

食完......飽飽！😋😋😋😋😋

100317 早上@堅尼地城海旁

由於小茄決定今早去深水埗入貨(http://frankiengfung.blogspot.hk/2017/03/blog-post_10.html)，所以待家姐仔上校車後，帶埋細佬仔(因吾家冇請姐姐，而且不能獨留兒童在家中，所以小茄去邊，細佬仔都要一齊去，除非佢爸爸放假又留在家啦！)去搭西隨巴士......

小茄見還有時間，所以同細佬仔行到海旁的巴士總站上車.....

一望出去.....



好大霧丫！
細佬仔見到有婆婆在拉筋，有伯伯在釣魚......佢好興奮丫！☺️