肯郁啦！

踏入兩個月，
小頌祈已經開始唔再係「一舊飯」，
例如：
當小頌祈躺在床上蕉枕，
再開著床邊的床鈴時......

小頌祈除了看得見，
還開始會嘗試動手攪公仔啦！
哈哈哈哈！:D

在詩歌中改變

當小頌祈慢慢成長，
開始多運用舌頭時，
帶來另一個麻煩的問題－食奶時唔專心，
小頌祈在食奶中途(開始有飽的感覺)時，
便會用舌頭頂番出來，
起初小茄以為可能有氣在肚，
所以幫小頌祈掃風，
但掃完風之後，
當小茄希望小頌祈食奶時，
他總會勁喊，
小茄還以為可能是打完針的反應，
剛巧小茄受啟發，
其實可以在他開始唔專心食奶時唱下歌，跟他傾計......
小頌祈也慢慢改善！

每當小頌祈食完奶後，
小茄會邊掃風邊唱《For the Beauty of the Earth》，

小頌祈聽見似安心地坐定定讓小茄掃風，
而小茄又可以輕輕鬆鬆幫小頌祈掃完近 4分鐘，
小頌祈肚內的氣也可以清到出來......

整件事由麻煩的搏鬥，
在詩歌中改變了......

感謝主！
讓女兒有機會學習，
也可以有時間練下歌 :)

姊弟相處 3 －要練習啦！

每天韻慈都很期待一件事，

就是幫韻慈弟弟練習......

韻慈扮做小老師，

慢慢讓弟弟練習聽覺，

練習方向、距離......

相比韻慈小時，
小茄今次舒服得多了！
哈哈哈哈！

270614 的晚霞

今天竟然有空睇一睇晚霞.....

真的很美！

特別在幾分鐘後，
變得更美！ 

感謝主！

砌畫

估下韻慈做緊甚麼？
佢利用磁石的顏色來砌圖畫.....

砌了甚麼？
韻慈解釋：藍色係海，黃色係沙灘

哦！明白了！

咁樣玩都得......
佢覺得得就得啦！
哈哈哈哈！

做咩好呢？

小茄發現如果自己在泵奶時，

唔專注係出奶情況的話，

出產會多一些，

所以小茄一直會分散自己注意......

最近小茄喜歡一邊泵奶時，

一邊玩數獨.....

時間過得快一點，
變得輕輕鬆鬆了！

2014年製咸柑桔 (續四)

又有幾個月冇睇到柑桔啦！

(http://frankiengfung.blogspot.hk/2014/03/2014.html)

因這幾個月小茄真的很忙！

今早小茄記得它們，

所以攞出黎望一望先......

好似有部份鹽已經溶了.....

有粒黑左.....
但底層有粒還很橙喎...... 

開燈睇下先.....
變左深啡啦！ 

頂層嘅鹽真係溶左好多，
但還蓋著.....

檢查完，
收番埋佢地去床底先......

咁就可以搖啦！

小茄見到韻慈把盒子套在筒裏便問：點解要咁整嘅？
韻慈答：本身個盒唔可以郁唔可以搖嘛，將佢套入筒度，咁佢咪可以搖囉，搖黎搖去，唔會再唔識郁唔識搖啦！

節瓜煲豬尾骨

是日週末，

老公出海，

最好.....當然煲湯，

做湯飯啦！

WebRep

currentVote

noRating

noWeight

當然唔係咁簡單！

韻慈有幾聲咳，

昨天小茄見有雪奶(已雪到變冰的母乳)多，

所以俾韻慈飲，

但韻慈竟然話好臭，

(小茄覺得很心傷)

昨天晚上，

在面書群組見到有媽媽把母乳加入飲品給家人飲用，

其家人咳好似有改善，

所以小茄決定今早一試，

用暖左的雪奶加少少可可粉，

變成朱古力奶.....

俾韻慈飲......

韻慈飲完話：好味！媽咪，聽日都沖俾我飲丫！
小茄聽後開心晒 :P

唔知係心理作用還是真係有效呢.....
飲後幾小時，
韻慈好似咳少左......
不過唔緊要，
最緊要係佢肯飲.....

合桃牛油蛋糕from占美餅店

上次老公係占美餅店買生日蛋糕(http://frankiengfung.blogspot.hk/2014/06/from.html)時見到合桃蛋糕，

便話好想試......

今次吾家做早餐.....

未切前.....

唔客氣啦！

睇下入面先.....
個質感似莎莉蛋糕，
有合桃香，
蛋糕裏加了提子乾，
令蛋糕味道及層次更豐富......
(小茄下次整蛋糕都可以學習下....)

老公覺得略甜左少少，
但呢個可能係佢個人口味黎....

WebRep

currentVote

noRating

noWeight

全麥包(加大)

一直以來，

小茄每次都會以375 克麵粉來整包包，

所做出來的包好似太少了......

今次小茄以450克麵粉來整包包，

另外小茄沒再計要用幾多水，

只憑感覺逐少逐少地加水......

結果，

都唔太差！ :D

WebRep

currentVote

noRating

noWeight

160614 的黃昏

當小茄覺得累時，

只要黃昏時望出窗外，

見到夕陽景色之後，

彷彿「叉了電」一樣 :D

WebRep

currentVote

noRating

noWeight

節瓜豬尾骨湯

昨天整了潺菜豆腐豬尾骨滾湯(http://frankiengfung.blogspot.hk/2014/06/blog-post_15.html)，

今日不如煲番個節瓜豬尾骨湯啦！

小頌祈的第二個猛長期已過，

第三個猛長期未到，

所以今次煲湯唔加花生，

改用南北杏.....

按摩！？

當爸爸太累時，

最喜歡請韻慈為他做一件事，

便是揼揼骨、踩踩背.....

韻慈玩得很高興，
但是否有成效就唔知道啦～

潺菜豆腐豬尾骨湯泡飯

由於潺菜跟豆腐都唔適合煲太長時間，

所以小茄預先煲好豬尾骨湯底(http://frankiengfung.blogspot.hk/2014/06/blog-post_14.html)，

待晚飯前加入潺菜及豆腐滾一滾，

便是潺菜豆腐豬尾骨湯啦！

天氣這麼熱，

泡飯是一個唔錯的選擇喲！

豬尾骨清湯

由於有些材料唔可以煲太耐，

只可以做滾湯，

所以小茄唯有用幾舊豬尾骨煲好一個湯底先......

都真係幾清喎..... 

姊弟相處 2 －望住我做咩呢？

小頌祈望緊咩呢？

原來佢望住韻慈家姐玩...... 

當韻慈家姐見到頌祈細佬望住自己便問：
你望住我做咩呢？ 

小茄見到呢個情況，
只能說：細佬也想一齊玩，
但要等細佬大一點才可以了！

120614 的黃昏

小茄突然向窗外一望......

嘩！很美丫！
個「咸蛋黃」係金黃色的......
令海面也染成金光閃閃！

原來太陽臨下山的一刻，
會把天空染得這麼美！

生日蛋糕 from占美餅店

昨天是小茄3X歲生日，

今年由於小頌祈剛出世，

所以留在家會較適合......

當小茄覺得會在平淡中渡過時，

老公下午回來時竟然帶了幾盒占美餅店的盒回來，

而其中一盒竟然係生日蛋糕......

當老公打開盒子時，

係香杏鮮雜果蛋糕.....

陣陣的鮮果香、蛋香慢慢散發出黎，

小茄終於明白之前電台節目主持人所講嘅情況啦！

其實小茄有點怕食蛋糕，

但當食蛋糕時開始改觀，

因蛋糕上的水果很鮮甜，

蛋糕很香軟，

忌廉很香滑，

整體味道很清甜，很真實，各樣的配搭令蛋糕很有層次，

不像會其他鮮果蛋糕只係甜及油膩......

起初小茄還擔心三個人(包括老公、韻慈及小茄，小頌祈......太細唔食得！)如何食完一磅蛋糕呢？

但其實這個蛋糕真係好好味，

結果竟然食晒了！

事後老公解釋蛋糕其實係新鮮做好的，

未經過雪櫃，

所以香味可以保留.....

怪不得跟其他餅店的蛋糕唔同啦！

尿布初體驗

估下呢堆咩黎？
(提示：http://frankiengfung.blogspot.hk/2014/02/200214_9637.html)

對！
係已洗好及摺好的尿布！

點解要轉用尿布？
最重要係韻慈時用尿片會紅pat pat，
但轉用尿布後就冇這個問題，
次重要係環保，
尿布洗完可以再用......

先預備膠褲仔(韻慈時選用motherease，小頌祈當然用番啦！)、已洗及摺好的尿布及尿布墊

用法其實很簡單.......

先放好膠褲仔 

再放上尿布 

最後加多張尿布墊 

咁就用得啦！

由於今日係小頌祈第一日用尿片，
小茄要留意佢嘅反應，
如......
－會否紅pat pat呢？
(雖然韻慈與頌祈係兩姊弟，
但他們都係兩個獨立嘅個體.....)
－會否會有爆片呢？
－會否唔願大小二便呢？

090614 的黃昏

雖然多雲，

但感謝主讓小茄見到紅紅的「咸蛋黃」

姊弟相處 1

小茄安排小頌祈坐在餐椅(http://frankiengfung.blogspot.hk/2014/06/blog-post_9494.html)，

除了小頌祈坐得開心外，

相信連韻慈也覺得開心，

因弟弟可以坐住聽她說話，

開始互動了！

餐椅初體驗

隨著小頌祈慢慢長大，

躺著周圍望已經不能滿足他了！

那麼，

唯有放他在餐椅上，

這樣，他看到的事物較多，
而且慢慢讓他的肌肉、筋骨適應.....
蓋上小被子就唔怕冷親啦 :D 

扁豆赤小豆老黃瓜湯

老公買了老黃瓜，

小茄就用老黃瓜煲湯吧！

但其實小茄只識將老黃瓜加少許扁豆、赤小豆、豬骨及薑一起煲......

飲得！ 

070614的黃昏

小茄突然被窗外金光閃閃的海面吸引住，

奇怪！
整日都像天暗暗，
太陽常被雲層遮住...... 

但.....
還是很美的！