源興美食的午餐

小妮子要求到源哥哥度食午飯，所以去探源哥哥lu......

今次食左咖喱燒鴨飯、梅菜蒸肉餅飯


同埋XO醬炒麵，這個炒麵炒得好香，唔油，值得再食😋😋😋😋


睇番餐牌，原來呢個炒麵配埋燒味都只係$48咋，以鰂魚涌寫字樓區黎講，應該好抵丫！👍🏻👍🏻👍🏻


其實源哥哥都有接晚市私房菜㗎！
因為要準備食材，所以記得預訂啦！
之前小茄都試過......(http://frankiengfung.blogspot.hk/2014/03/blog-post_2395.html)
諗起都好味😋😋😋😋



晚市餐牌......好多選擇

The Farm 晚餐 - 洋蔥汁牛脷餐

小茄晚上出去整完野，需要醫下肚啦！小茄決定試下The farm嘅晚餐，之前小茄試過呢度嘅早餐，所以小茄相信唔會中伏嘅😁😁😁

可能係晚上近 9 點了，所以人客唔算太多......


小茄選擇左羅宋湯：好似早餐嘅湯粉咁有濃濃嘅番茄味，有很多蔬菜，還有牛肉粒，而蒜蓉包唔似其他食肆咁硬，呢塊係外脆內軟，蒜味好香，配埋羅宋湯係剛剛好！👍🏻👍🏻


牛脷餐跟薯菜配洋蔥汁：呢個牛脷好有驚喜，伴菜新鮮，牛脷有 5片，好夠分量，而且好鬆軟，好有肉汁，而薯條唔似老麥嘅又幼又乾


小茄選擇飲凍檸茶少甜：天氣太熱，所以偶爾破戒似飲野，而且凍飲唔駛加錢.....

而甜品可以選擇啫喱、芒果布甸、香蕉pancake


小茄選擇了布甸，因pancake感覺會更飽，而小茄又唔喜歡啫喱嘅色素🤔🤔🤔，連自己都覺得好煩😆😆😆😆

呢餐真係唔錯，小茄覺得好滿足☺️☺️☺️☺️

要留意：佢地會 21：30 last order㗎！同埋聽街坊講外賣好抵食㗎！

圓方餃子粥麵

話說小茄為小妮子嘅暑假準備(http://frankiengfung.blogspot.hk/2017/07/blog-post.html)而到深水埗，行到有少少肚餓.....所以搵野食😋😋😋😋

去到圓方餃子粥麵，睇下餐牌先......


小茄叫左：

蝦米腸粉：冇合益泰小食咁多豉油，雖然試過要求合益泰小食少豉油，但還是很多.....所以見到呢碟腸粉，小茄好開心，自行添加芝麻、甜醬，感覺就好似廣告話：收唔收宣傳廣告又我自己決定！

煎餃子：由於較遲黎，所以小茄決定食完腸粉先.....雖然好似會涼左D，但小茄覺得好在放涼一會，因為餃子煎到皮脆，餡料很熱，當小茄輕輕咬了一小口時，內裏的熱蒸氣散出.....小茄心想：好在！否則會熱傷......當小茄輕輕反轉餃子，有湯汁由小破口流出，都有半湯匙㗎😲😲......真係做到外脆而入面都仲好juicy㗎！😋😋😋😋😋

The Farm 早餐 - 番茄湯底豬潤通粉餐

小茄又到The Farm食早餐......因小茄上次見到餐牌(http://frankiengfung.blogspot.hk/2017/06/the-farm.html)時，好想試個豬潤通粉，但細佬仔上次要求食鮮牛肉，咁今早當然試豬潤通粉啦！

小茄曾猶疑薑絲湯底還是番茄湯底好呢🤔？
如果薑絲湯底，細佬仔未必接受到，咁就番茄湯底啦！
另外細佬仔想食蛋，而小茄又唔想食午餐肉，所以問一問......可以將午餐肉改成煎蛋......

所以今早嘅早餐就變成：番茄湯底豬潤通粉、煎蛋、腸仔、牛角包，配熱華田


熱華田？？係咪覺得好奇怪呢？係丫！小茄突然想變一變，冇咩特別 :P

個通粉嘅豬潤都幾厚，煮得岩岩好，又唔腥，而且原來同番茄湯都幾夾......真係幾好味......

支持小店，會繼續幫襯😉

The Farm 早餐 - 番茄鮮牛肉通粉餐

一直聽到街坊讚好食，小茄之前曾經過，可惜未開舖......😓😓😓(通常都早過 8 點)

近排聽到有街坊講雖然寫話早上 8 時開始營業，但如果店舖職員番左黎都可以入去......小茄聽到😄😄😄😄可以去試啦！因小妮子 7: 40前已上校車，慢慢再行過去....大約 7:45左右，見水吧位已開燈，所以跟細佬仔入去坐下慢慢等......


細佬仔要求食番茄通粉果個餐，好啦！


番茄鮮牛肉湯通粉餐包括：
番茄鮮牛肉湯通粉 - 個湯很香，帶點甜，鮮牛肉鬆軟，份量都幾大碗，大約可以分到 3碗白色的小碗子.....都幾好食！😋😋
火腿奄列 - 小茄要求轉成煎雙蛋....其中一雙蛋穿了但煎得幾香
牛油方包 - 小茄食到最後果啖，覺得奇怪：點解會有香草味嘅？
小茄飲熱檸茶 - 茶沒有澀，都幾香.....

全個早餐 $33/，有興趣試埋其他野😋😋😋

四季茶餐廳早餐 - 精美早餐 A

今早帶了小妮子返幼稚園做義務小老師(http://frankiengfung.blogspot.hk/2017/04/blog-post_3.html)後，因小茄有D野攪，所以係西營盤食早餐啦！

慢慢行就行到四季茶餐廳，其實之前小茄都幫襯過一次，因果日小妮子派上學期嘅成績表，同埋要開家長教師會，小茄趁中間嘅時間食早餐......

今次小茄帶同細佬仔一齊，所以唔可以食麵......咁繼續早餐A：鮑魚火腿絲(小茄選擇配通粉)、腸仔煎蛋、牛油餐包、熱檸茶(因捐完血解禁😜http://frankiengfung.blogspot.hk/2017/04/blog-post_1.html)啦！


鮑魚火腿絲通粉：竟然有兩條生菜，幾特別！
牛油餐包：中間烘過，有少少脆....
腸仔：整熱左嘅，但唔肯定係點整熱.....因冇煎香嘅氣味....
煎蛋：穿左😒😒，蛋黃汁流晒出黎😔😔😔😔，唯有用餐包點黎食啦！

熱檸茶：好熱....可以慢慢飲，但紅茶勁苦澀，小茄飲落似飲苦茶😖😖😖，而且冇檸檬果份清香☹️，成杯真係苦茶咁.....小茄頂唔順！真係要加糖........😩😩

全個早餐 $30/，如果有其他選擇嘅話，我唔會再幫襯！

如有朋友認識果附近嘅食肆，請告知其他茶餐廳選擇，好嗎？謝謝

在源興美食新舖的午餐

今早小茄貪睡地瞓到11點幾......
所以冇食早餐丫！

小朋友爸爸建議去源哥哥度食飯......好丫！橫掂小茄都未去過源哥哥新舖(鰂魚涌海光街11號漢威大廈地下7號鋪)，搬左之後其實對小茄黎講都幾方便，因唔駛過海😜😜😜😜😜

本來小朋友爸爸想叫咖哩，但源哥哥話是日冇咖哩......真可惜！爸爸唯有轉叫左豬手飯、海南雞飯，同埋小韻慈要求嘅叉燒飯.......



海南雞飯：油飯好香，雞好滑，薑蔥蓉(原來影漏左)好新鮮，醃蘿蔔....小茄覺得有點酸，如果多少少糖就好了，但爸爸話依家呢個味足夠.....

秘製家傳豬手飯：好香花椒、八角味，但唔苦，豬手依然炆得好腍，而皮都仲有咬口.....正！

鎮店叉燒飯：嘩！😲半肥瘦㗎！肥位.....脆口㗎！瘦位好腍唔硬.....超好味！難怪小妮子每次必叫👍🏻👍🏻👍🏻👍🏻👍🏻


源哥哥，多謝你！搬左舖水準維持得很好，好好味！希望繼續客似雲來丫！

美食廊 - 醒晨早餐 A

雖然今天是星期四，但幼稚園沒有親子體操，所以......小茄同細佬仔行遠少少......

行到美食廊......之前係面書群組有街坊話幾好，所以試一試啦！

見到個餐牌，一個字「平」，小茄還是要一個早餐 A：火腿通粉、煎雙蛋、牛油方包，但就飲熱檸水.......

姐姐好細心地幫細佬仔準備碗仔同茶匙😊😊....

食物黎啦！


小茄第一個反應係：碗通粉好大碗丫！😲😲
小茄分左一半俾細佬仔之後，都可以食飽！而且通粉嘅生熟度剛剛好，唔會太硬又唔會太「淋」，但湯底當然應該有味精啦！

今次小茄轉飲熱檸水，其實小茄都好想試呢度嘅熱檸茶，但由於小茄之前試過血紅素唔夠而捐唔到血(http://frankiengfung.blogspot.hk/2017/03/blog-post_19.html)，而睇番D資料話濃茶會影響鐵質嘅吸收，所以.....小茄唯一要改一改呢個習慣啦！
不過呢杯熱檸水飲落好香檸檬味，小茄好滿意！☺️☺️

全餐早餐 $27/

潮順記粉麵茶餐廳早餐 - 營養早餐 A

是日星期四，小茄需要帶小頌祈到幼稚園熟習環境，唔想行得太遠啦！所以近近地係附近茶餐廳食早餐.......




睇下牆身嘅memu先.....

小茄唔諗啦！早餐A啦！牛油方飽、腸胃煎蛋、火腿通粉、熱檸茶......落完單之後，姐姐好細心地預備個碗仔&茶匙俾細佬仔.....


黎到.....份量好足夠丫.....小茄分左一半通粉俾細佬仔，都有大半碗㗎！但個湯就......明顯味精囉.......所以全部隔湯......😓

腸仔.....外脆內熱冇燶
煎蛋.....小茄要求反蛋，但蛋汁還在，所以小茄分左蛋白俾細佬仔食，而小茄再反一反個蛋黃......但竟然冇穿到！😁


到杯熱檸茶.....紅茶很香濃，有少少澀，但加埋檸檬嘅香，感覺好似小茄小時候聞到茶餐廳熱檸茶嘅味度.....

全個早餐 $29/，係丫.....真係三十蚊都唔駛丫......

金發茶餐廳早餐 - 醒神百搭早餐A

今早行完少少食早餐，行到去金發茶餐廳，之前吾家試過呢間嘅午餐&晚餐......


對住個餐牌.....小茄又有選擇困難症啦！
但去到茶記.....不如試下個早餐A先啦......一般早餐A會有火腿通粉、蛋、包......

呢度嘅早餐A：素鮑片火腿通粉，小茄選擇餐肉煎蛋(反蛋)，熱檸茶.....

黎到.....份量好足夠丫！
小茄分左一半通粉俾細佬仔，都有大半碗飯碗嘅通粉㗎！
而就算飲左D湯，都冇口渴嘅感覺.....
餐肉....兩邊都煎過，好香口丫！
煎蛋....雖然小茄要求反蛋，但蛋黃冇熟透，還有蛋汁㗎！所以小茄只分左蛋白俾細佬仔食.....
而跟餐果個包.....竟然係提子包，小茄再睇番餐牌，原來跟餐係提子包或牛油方飽，幾得意喎！

到杯熱檸茶.....充滿紅茶嘅香，冇澀嘅感覺，飲時還帶著少少檸檬香，好味丫！

全個早餐剛剛 $30/

合益泰小食

小茄原本諗住食完早餐，才慢慢搭車過深水埗入貨(http://frankiengfung.blogspot.hk/2017/03/blog-post_10.html)，但......小茄突然懷念合益泰嘅腸粉，所以寧願早少少搭車過深水埗(http://frankiengfung.blogspot.hk/2017/03/100317.html)，再係合益泰小食(深水埗桂林街121號地下)食腸粉做早餐......

點解小茄懷念合益泰小食？因為係小韻慈出世前，小茄其實係深水埗政府合署上班，偶爾會在合益泰小食買腸粉外賣，回到辦公室食 😁😁😁😁，而且小茄很喜歡可以自己加很多芝麻的......合益泰小食可以完全滿足到！😅😅😅😅


嘩！好多野都想食丫！😋😋😋😋😋



最後小茄叫左一客細腸粉(＄2一條，所以有 4 條)、三粒燒賣、一個粉果、一件糯米卷......😁😁😁😁😁

當腸粉加少少甜醬&勁多芝麻，正丫！而燒賣.....有冬菇粒係入面，好香丫！

食完......飽飽！😋😋😋😋😋

匯寶小廚早餐-羅宋湯底配秘製豬扒轉通粉

由於今早小茄需要帶小頌祈到幼稚園適應，所以近近地係屋企附近食早餐......

睇完句memu......

小茄叫左羅宋湯底配秘製豬扒轉通粉，跟番茄粒炒蛋伴牛油多士，飲熱飲茶。

炒蛋份量.....相信可能用細size嘅蛋......

熱檸茶.....有少少澀，但就算小茄唔加糖都入到口嘅.....

羅宋湯底配秘製豬扒轉通粉.....個湯底偏酸，而豬扒似係一半.....食落都有少少咬口，但豬扒有少少鬆....唔知會唔會用鬆肉粉呢？

以呢個價錢黎講，算合理嘅.....但下次會試其他配搭

海皇粥店 Vs (正宗)卓記

早前聽電台主持介紹話海皇粥店依家有早餐都好似幾抵咁，

小茄見屋企附近開左間，所以昨天決定一試......
豬血艇仔粥＋炒米......好似$32 (有點貴喲)
另買一碟腸粉走豉油俾細佬仔，都唔平㗎！好似超過十蚊㗎！🤑🤑🤑

食落.....中伏！
碗粥好似好大個碗，但個碗唔深，所以其實碗粥唔算大，只係勝在夠熱，不過......個炒米就......唔係好掂！冇香味.....冇味！連D菜都冇味......小茄心諗：點解個炒米可以攪到咁㗎呢？
小茄唯有勁加芝麻，希望又份香味.....食埋佢啦！😤😤
細佬仔食齋腸都食到皺晒眉頭.....唉！😩
食完一出門口......口渴到爆！應該都落左唔少味精喲！😫😫😫😫

今朝細佬仔話想食腸粉，但唔去尋日果間，要去街市食.....
所以今早上左士美菲路熟食中心 (正宗)卓記，
小茄特登叫番同一樣嘅野 (豬血艇仔粥＋炒米)，(正宗)卓記收 $14+$6，小茄再買一碟腸粉走豉油俾細佬仔 ($6)，加加埋埋都只係$26，平海皇粥店差唔多一半丫！

聞落去.....好香！有少少鑊氣，椰菜有甜味㗎！
而碗粥都熱㗎，仲好多豬紅添.....
細佬仔對碟齋腸好滿意，不停地食.....仲比小茄食得更快添！
食完冇太大嘅口渴感.....

講真......小茄知道除非自己煲嘅粥啦，否則外出食粥實會有味精，但落還落，唔好太誇張，話晒味精都唔係好野黎㗎嘛！！


(正宗)卓記餐牌   一

(正宗)卓記餐牌   二

合桃牛油蛋糕from占美餅店

上次老公係占美餅店買生日蛋糕(http://frankiengfung.blogspot.hk/2014/06/from.html)時見到合桃蛋糕，

便話好想試......

今次吾家做早餐.....

未切前.....

唔客氣啦！

睇下入面先.....
個質感似莎莉蛋糕，
有合桃香，
蛋糕裏加了提子乾，
令蛋糕味道及層次更豐富......
(小茄下次整蛋糕都可以學習下....)

老公覺得略甜左少少，
但呢個可能係佢個人口味黎....

WebRep

currentVote

noRating

noWeight

生日蛋糕 from占美餅店

昨天是小茄3X歲生日，

今年由於小頌祈剛出世，

所以留在家會較適合......

當小茄覺得會在平淡中渡過時，

老公下午回來時竟然帶了幾盒占美餅店的盒回來，

而其中一盒竟然係生日蛋糕......

當老公打開盒子時，

係香杏鮮雜果蛋糕.....

陣陣的鮮果香、蛋香慢慢散發出黎，

小茄終於明白之前電台節目主持人所講嘅情況啦！

其實小茄有點怕食蛋糕，

但當食蛋糕時開始改觀，

因蛋糕上的水果很鮮甜，

蛋糕很香軟，

忌廉很香滑，

整體味道很清甜，很真實，各樣的配搭令蛋糕很有層次，

不像會其他鮮果蛋糕只係甜及油膩......

起初小茄還擔心三個人(包括老公、韻慈及小茄，小頌祈......太細唔食得！)如何食完一磅蛋糕呢？

但其實這個蛋糕真係好好味，

結果竟然食晒了！

事後老公解釋蛋糕其實係新鮮做好的，

未經過雪櫃，

所以香味可以保留.....

怪不得跟其他餅店的蛋糕唔同啦！