砌畫

估下韻慈做緊甚麼？
佢利用磁石的顏色來砌圖畫.....

砌了甚麼？
韻慈解釋：藍色係海，黃色係沙灘

哦！明白了！

咁樣玩都得......
佢覺得得就得啦！
哈哈哈哈！

咁就可以搖啦！

小茄見到韻慈把盒子套在筒裏便問：點解要咁整嘅？
韻慈答：本身個盒唔可以郁唔可以搖嘛，將佢套入筒度，咁佢咪可以搖囉，搖黎搖去，唔會再唔識郁唔識搖啦！

配對練習

韻慈對這套數字咭又有新玩意了！

小茄留意到韻慈今日把相同數目的咭砌在一起，

當韻慈見小茄望住，
便立即解釋，
兩張咭都係一樣的數目，
之後會讀埋英文，
及咭上的字......

母親節禮物

明天是五月第二個星期日－母親節，

昨天晚上，

韻慈送給小茄在學校做的手工－背囊，

小茄雖然知道老師預備了不同的物料，
韻慈需要把不同的物料貼在背囊上作裝飾及畫上公仔，
但總算係韻慈第一次親手做的母親節禮物.......

謝謝老師們的心思，
讓韻慈多一個學習的機會！

觸電課

自從韻慈開始幫手開燈(http://frankiengfung.blogspot.hk/2014/03/blog-post_5538.html)後，
有時韻慈洗完手抹完手便會嚷著要自己開自己房燈，
但小茄跟爸爸常常都會擔心一個問題－觸電，
所以有天晚上爸爸在韻慈臨瞓前叮囑韻慈一定要抹乾手才可以開電掣，
而且解釋了觸電這個問題......

******************************************************************

爸爸解釋過後，
有天晚上，
韻慈突然在洗手前就開自己房燈，
小茄跟爸爸都覺得奇怪，
所以望一望韻慈......
韻慈立即解釋：
因洗完手，手會濕，
咁就唔可以開電掣，
咁所以我依家開左先，
之後洗手，咁就唔會......觸電啦！

小茄跟爸爸聽到，
明白晒了！
並且因韻慈還記得而感到安慰！

自製越野路

是日中午，

當韻慈等待食午飯時，

突然自製了越野路出黎玩.....

高高低低......

由最初要扶住，

到慢慢唔駛扶......

玩得很開心！

其實佢只係用呢一套膠盒黎玩......

哈哈哈哈！
呢套玩具真抵玩！ 

三原色的學習

最近韻慈突然愛上用她的蠟筆......

其實佢已經玩到得番紅、黃、藍三種顏色(即三原色)，

小茄覺得讓韻慈玩下其實咩色都冇所謂，

如果韻慈有需要其他顏色的話可用其他顏色筆......

怎知單用三原色，

韻慈都可以搵到樂趣 :D

如佢發現紅色＋黃色會出到橙色

佢甚至將三原色混在一起，
除可見到橙色外，
還見到有綠色.......
甚至有啡色的出現！

真不能低估這個小朋友的創意及觀察力！

還有沒想到只係讓佢玩玩，
竟然已建立佢研究顏色的興趣......

如果佢把這研究精神運用在其他事上，
小茄開始不能想像了！

玩具收納

今早當小茄在廚房整麵包(http://frankiengfung.blogspot.hk/2014/03/blog-post_5882.html)時，

突然發現韻慈靜晒，

小茄開始找尋韻慈的踪影......

原來韻慈自己入了睡房，

把玩具收入玩具箱內.....

但這個玩具收納箱，
只能在玩具放得齊整才可以蓋好......
而平時韻慈擺放得很求其，
所以都很難蓋得好，
或者總有一兩樣玩具不能放入......

今次......還算可以啦！

創意畫

突然老公傳來的相......

原來韻慈真係會在任何題目也會把爸媽加在內.....

見到呢個情況，
小茄真感欣慰！

有步驟！？

今早小茄在廚房忙著整麵包(http://frankiengfung.blogspot.hk/2014/03/blog-post_1470.html)及煲湯(http://frankiengfung.blogspot.hk/2014/03/blog-post_23.html)，

而韻慈則自行做話劇團功課，

小茄間中出黎望一望......

咦......

韻慈竟然識用較淺嘅顏色先起初稿，

之後再用較深繼續畫......

比以往只愛用黑色畫.....畫.....畫......

小茄覺得真係一大進步，

因以往很難可以修正......

另外再細心一望.....
原來韻慈識得先填好外框，
要填內裏.....
就連韻慈自己都會話：
咁樣畫好外框，就唔會出界啦！ 

睇黎韻慈的確進步不少.......

謎底終於解開了！

最近有一個問題令小茄跟老公想極都想唔通.......

為什麼韻慈會叫這支東西做「斑馬線」呢？

其實老公跟小茄想了幾天，
還是唔知點解韻慈會咁叫，
只知道佢想飲時就會話想飲「斑馬線」，
但每次老公或小茄都會嘗試更正：這支東西叫杏仁露，
韻慈都可以即時更正......

直到今早韻慈又想飲時，
老公問韻慈：這支東西叫甚麼？
韻慈想了想後答：「斑馬線」......「行人路」......
由於韻慈剛起床，
所以咬字發音冇平時咁清楚，
亦因為咁......
老公跟小茄終於知道為何韻慈會叫這支東西做「斑馬線」的原因了！
原來佢將杏仁露變成「行人路」，
而佢更將「行人路」跟「斑馬線」連起來.....

所以韻慈會把杏仁露叫成「斑馬線」！
(哈哈哈哈！)

究竟點攞呢？

今午當小茄在廚房整完野出來，

見到剛沖完涼的韻慈在著襪

仲要差唔多著好添......

通常韻慈沖完涼，

都會出廳自己著襪子，

但今日天氣真係太暖，

小茄都冇諗過佢還需要著襪......

奇怪啦！

佢嘅襪子應該夾晒係高高的架上，

以韻慈高度應該攞唔到，

咁究竟佢點攞到呢？

小茄只能問韻慈如何攞襪子呢？

韻慈立即示範：

先企上小椅上，

再企上小枱上，

這樣就可以攞到了！

獨立的小妮子

昨天晚上，
韻慈少有地同時激嬲了爸爸及小茄.......

平時爸爸及小茄都會出手幫韻慈做少少事，
讓佢可以早點上床睡，
但昨天晚上爸爸跟小茄都決定唔出手幫韻慈做任何事，
韻慈只能靠自己去準備好睡前事情......

爸爸跟小茄透過韻慈房的監測器見到，
韻慈在沒有爸媽幫忙底下，
自己慢慢準備再有事......
包括開無葉風扇、調教風向及大小等......
當然所用的時間一定比平時多，
而且有些事情不算太理想，
但畢竟係韻慈在沒有任何協助底下完成......
當刻爸爸跟小茄覺得驚訝，
叫人怎可看輕這個4歲的小妮子呢？

韻慈的第三個興趣班(第二階段)＠香港話劇團 (lesson 5 on 140314)

將近星期尾了！
韻慈期待的一天又到啦！
亦因佢期待了一星期，
所以很迅速地食過午飯、換好衫、準備好出門口，
之後準備乘車回中心......
雖然有點早到，
但韻慈可能獨個兒在中心運用小椅子想出多個玩意......
而且因為早到，
在韻慈玩完多個玩意後
還有機會學習靜心等待......

待韻慈由導師帶入課室後，
小茄需要辦理一件煩務......
小茄選擇行過果間店舖，
看似後遠，
但其實只係不足 15分鐘路程......
起初小茄還擔心會否趕唔切在下課前接韻慈呢？
怎知一來一回都只係用了不足 35分鐘就完成那件煩務.....
到小茄回到中心坐好時，
便見到韻慈跟著助教姐姐去洗手間......
(其實韻慈會唔會知道小茄曾經離開呢？)
韻慈返回課室後，
小茄再等多一會，
夠鐘下課了！

導師總括提到：
所有小朋友都已學會了一些演話劇的完素......

當韻慈下課時，
導師讚賞韻慈係一個好幫手，
今日幫導師忙.....
(唔知幫了甚麼呢？另外好似由上星期開始導師冇再提到韻慈在小休時坐唔定啦喎......導師冇提，小茄又冇問了！)

在回程途中，
小茄問韻慈其實做了甚麼呢？
韻慈覆述：幫導師收拾、及提同學要攞番個書包才下課....
(哈哈哈哈！原來係咁！)

WebRep

currentVote

noRating

noWeight

又多一個玩法

當小茄突然出廳時見到，

磁石排得幾有規律喎.......

小茄不禁地問：韻慈，點解......磁石會排成咁呢？

韻慈解釋：佢地要分顏色企好.....
小茄開始唔明，唔通佢又當左磁石係人？
韻慈繼續解釋：有些字母企得穩，咁就分番不同顏色，幫佢地分組......
有些字母企唔穩就留佢地係盒裏......

哦！小茄明啦！
原來佢係留意字母有冇平面，
之後分顏色......
咦！小茄諗到下次可以引入甚麼俾韻慈學啦！

私人劃位！？

韻慈突然把一個cushion棟在梳化及小座椅之間，

小茄探頭一望，
韻慈自得其樂，
就像在自己房內一樣......

但當韻慈玩完後，
便會收拾齊整.......

其實小茄真想跟韻慈說：不設劃位！
但回想到小茄小時候都會這樣，
所以冇理由反對！

等待中的練習

今午當小茄在廚房煮午餐時，

韻慈竟然扒在地上，

用顏色筆在說明書上畫......

其實佢有意思嘅，
佢表達到點解會咁畫的，

咁就讓佢練習一下啦！

我煮緊野丫！

通常韻慈企在大門口都唔會係好事！

但.......今午當小茄在廚房煮午餐時，

聽到韻慈好似好忙，

所以小茄探頭望一望，

原來韻慈自己企左係大門口......

韻慈見小茄探頭出來，即話：我係廚房煮緊野丫！

之後韻慈繼續投入其中話：加點洋蔥、

再加牛肉、

再加辣椒

好似有紋有路咁喎！
究竟佢煮緊咩呢？

等候時都要練習

今午當韻慈放學回家，

換好衫，飲完水，

自己走左入房......

攞左本故事書出黎

邊睇邊學故事，

雖然佢未必講番故事內容，

但佢會嘗試另作一個合情理的故事......

其實小茄唔想太局限韻慈的思想，
更唔介意佢天馬行空.......

謝謝Patsy姐姐送了這套書給韻慈，
讓韻慈常常可以使用這套道具 :)

多功能的......

在上星期，

韻慈安排了一張床(小椅子)給她的好朋友(http://frankiengfung.blogspot.hk/2014/02/blog-post_5065.html)，

但原來唔只係一張床咁簡單，

原來韻慈每晚臨瞓前會放她的拖鞋在小椅子底，

早上從小椅子底取出拖鞋，
韻慈見小茄似有疑問就解釋：係丫！擺左入去，對拖鞋就唔會阻住＆整到人啦！

小茄頓時覺得韻慈好細心，
同埋見佢識得自己運用空間(小茄冇提過佢)而值得加許！
讓佢按需要而自由發揮都係一件唔錯嘅事！