(http://frankiengfung.blogspot.hk/2014/03/050314.html)後，
視光師當時tick左「請於小一參加學生健康服務」，所以當小妮子升上小一剛開學時，小茄便簽左相關通告......
今年小妮子預約了 4月 5日(即今日)做檢查，昨天晚上，小茄還以爲返健康院，點知再睇番預約信時才留意到原來係去西環學生健康服務中心(好在咋！)
雖然約左 9 點，但小茄未到 9 點已經上到去，而小韻慈則由學校老師帶佢去到......
入到中心，姑娘指示要先到 32號房等小朋友，再聽一聽流程簡介...
仲派左呢張咭，方便識別.....
小茄今早大頭蝦忘記帶圖書俾細佬仔解悶，所以係中心攞左D小冊子俾細佬仔睇......
等待時，小茄略見今早嘅流程，當然！到小朋友黎到時，護士亦以英語(因小妮子學校有很多外籍學生)講一次流程.....
聽完流程簡介，小妮子到 1號房度高磅重.....小茄則在房外等候.....
見到流程板.......
之後到 2號房做視力、聽力測試，姑娘係小妮子做完兩個測試後讚佢全部合格，冇問題！小茄留意到小妮子左眼較弱，姑娘解釋左眼比右眼差少少，但都係唔需要帶眼鏡嘅......
做完測試後，要到 24號房見醫生啦！
醫生話高度、體重都算OK，不過以佢呢個高度黎講偏重，但都還係體重圖表嘅正常區域，之後就小茄面前幫小妮子檢查發育情況(當然未開始發育啦！)醫生都話女仔正常會係十歲才開始發育，但都要繼續留意囉！
之後派左張網上服務帳戶啟動便條俾小茄.....咁就走得啦！
小插曲：當護士派番本健康紀錄冊俾小韻慈時，小妮子見到籌號係 611，即刻話媽咪 6月 11號生日㗎！😏😏
回家後，幫小韻慈啟動網上服務帳戶啟動後，見到很好的提醒！
No comments:
Post a Comment