接家姐放學！

每天中午，

小茄如以住一樣都需要接韻慈校車，

但要帶埋初生的頌祈，

唔通要抱佢落去？

就咁抱住好似有點唔穩妥......

所以都係攞番韻慈時買的流動屋啦！

小茄喜歡叫它袋鼠袋.....

(相片取自老公FB) 

頌祈係袋鼠袋裏應該都幾舒服......

出面就算日曬雨淋，
佢都唔駛怕啦！

母親節禮物

明天是五月第二個星期日－母親節，

昨天晚上，

韻慈送給小茄在學校做的手工－背囊，

小茄雖然知道老師預備了不同的物料，
韻慈需要把不同的物料貼在背囊上作裝飾及畫上公仔，
但總算係韻慈第一次親手做的母親節禮物.......

謝謝老師們的心思，
讓韻慈多一個學習的機會！

快點到啦！快點開門啦！

由於爸爸唔放心小茄，
所以請假陪小茄返醫院做檢查(http://frankiengfung.blogspot.hk/2014/04/120414.html)，
韻慈知道爸爸請了假，
所以一心諗住爸爸會接校車，
但校車到站時只見小茄接校車而感到失望......

當韻慈知道爸爸在家準備午餐時，
立即入lift，
之後請lift快點到啦！快點開門啦！
當lift門一開，
韻慈立即跑到家門前！

呢個女幾掛住爸爸！ :D

大雨下接放學 020414

天文台突然發出特別天氣提示，

小茄留意到外邊天色頓時轉黑......
不久便開始下大雨了！
但......接校車快到了......
小茄唯有準備一下先，
帶雨傘就唔少得啦！
但只帶下傘唔多足夠，
所以小茄只好著埋件防風防水褸啦！

著了這件褸就好似著左件雨褸一樣......
雖然件褸有點大，
但現在剛剛可以包住小茄個肚......
唔錯嘅選擇！

當韻慈下車時，
小茄只是輕輕的抱一抱起韻慈到大廈大門，
咁韻慈跟小茄就唔會被雨弄濕啦！

大家可以放心，
其實只係幾步路，
對小茄來說還可應付得到的！

學校親子旅行＠保良局賽馬會大棠渡假村 290314

由於小B的預產假將至，

所以是次的學校親子旅行小茄不能參與，

只好由爸爸陪韻慈參加啦！

當爸爸跟韻慈回校後不久，

小茄收到爸爸訊息話：自己的地位不保了！

因韻慈回到校後，

立即已經搵番自己的好朋友了！

一起等人齊，等出發.......

而被冷落的爸爸竟然見到松鼠遊戲.....

出發啦！
幸好韻慈還曉得嗲爸爸咋！

到達渡假村，

小朋友被安排觀察......

水池的龜

呢個反應.....
(幾好笑！)

(好驚訝！)

竟然俾爸爸見到蝸牛......

之後自由活動，
但由於天下大雨，

天文台還發出了黃色暴雨警告添！

韻慈只好吹波波啦......

點解會咁多表情？

爸爸影得幾手

繼續吹丫！吹丫！吹個大波波......

自由活動時間過後，
午餐時間，醫醫肚啦！
(唔知韻慈食成點呢？)

午餐過後，
老師帶領小朋友們做音樂體操及集體遊戲.....

小茄相信都幾開心，
但始終下雨，
所以少不免會掃興的......

辛苦了爸爸啦！

WebRep

currentVote

noRating

noWeight

創意畫

突然老公傳來的相......

原來韻慈真係會在任何題目也會把爸媽加在內.....

見到呢個情況，
小茄真感欣慰！

親子體操 270314

又到了星期四－親子體操了，
其實昨天晚上小茄睡得未算太理想，
老公都建議留在家休息，
但見到韻慈強烈要求小茄可以陪她一起做親子體操，
小茄還是陪她吧！

當然小茄依然比乘校車的韻慈早回到學校，
所以校車回到學校，
韻慈在車上見到小茄已到學校，
直情開心到彈起.....
(哈哈哈哈！連校長見到都覺得佢好開心！)
韻慈執好書包加入體操，
但今早韻慈真係唔太投入，
就算小茄不停提醒或者小茄跟住做動作，
韻慈都表現得悶悶不樂.....

幸好在遊戲時間，
韻慈還玩得很開心，
但遊戲時間完結後，
韻慈又變得不太開心！
小茄心想：發生咩事呢？
但很快問題解決了！
當韻慈見到好朋友返到時，
韻慈立即精神晒！
原來佢知道好朋友病了，
擔心佢今日要請病假，
所以覺得唔開心！
(哈哈哈哈！呢個女真係呢......)

WebRep

currentVote

noRating

noWeight

做功課！

以往韻慈做功課多用小茄的顏色筆來做功課，

但由呢個星期開始，

韻慈話老師要求用鉛筆來做功課......

所以現在每次只需要預備一支鉛筆及橡皮膠就可以了！

昨天當韻慈第一次轉用鉛筆時，
小茄留意到韻慈做完像未做一樣，
可能係之前用顏色筆只需用少少力就已經有色，
韻慈像習慣了那個力度，
所以當轉用鉛筆就像冇用力一樣......
而韻慈見到冇色，
便轉用大力(睇落都幾吃力)執住支鉛筆了！

今天韻慈應該吸收了昨天的經驗，
所以一開始就比以往大力一點，
但睇落又唔算吃力......
而小茄留意到當韻慈對自己所做的唔滿意時會自行擦掉，
再密密地繼續做....... 

睇黎老師的要求真的有佢嘅道理，
另外韻慈對自己都真係有要求！
咁又係嘅，
佢係要對自己所做的付責，
而唔係對爸媽付責！

親子體操 200314

唔知點解上星期四跟今天都很潮濕(http://frankiengfung.blogspot.hk/2014/03/130314.html)，

雖然相對濕度未至於99-100%，

但小茄會覺得容易熱左.....

但既然韻慈表現得很想小茄可以陪佢回校參與親子體操，
既然韻慈可以獨立準備好所有野，
可以準時等校車.....
而且小茄又可以上到小巴，
咁就陪佢回校啦！

回到學校，
等了一陣，
校車都返回學校了！
今早小茄企在另一個位置，
所以韻慈下車時未能即時見到小茄，
其實咁都好，
起碼小茄可以睇到韻慈平時情況係點，
直到老師向韻慈指出小茄位置......

體操開始了！
韻慈執好書包才加入.....
雖然起初韻慈未算太投入，
經老師提醒，
韻慈慢慢投入了......

小茄也嘗試做動作，
雖然小茄只係郁動雙手，
但其實都可以好攰，
所以小茄覺得老師們及小朋友都好利害！

做完體操，
老師安排溫習遊戲，
小茄見小朋友們都很投入，
玩得很開心！

自我調節時間

這個星期韻慈練習獨立準備上學，

但今早遲左 10分鐘才起床，

小茄心感不妙......

會否所有野都會遲 10分鐘呢？

因佢試過遲 5分鐘起床，

所有野就會遲 5分鐘(http://frankiengfung.blogspot.hk/2014/03/blog-post_9683.html)，

但結果竟然係比昨天還早，

小茄幫韻慈紥完辮子

還不到 8時.......

所以小茄心情可以放鬆地唱下歌.....

當韻慈聽到小茄唱歌，
自己又要唱歌.....

唱完歌仔，
輕輕鬆鬆準備出門口等校車了！

在等校車期間，
因時間還早，
加上沒有趕時間的感覺，
所以韻慈可以輕聲地唱下歌，郁動一下......

變魔術

當韻慈玩緊環保積木之際，

突然韻慈跟小茄說：

媽咪，我變個魔術俾你睇丫！

小茄心想：又有咩鬼主意呢？

韻慈繼續：正方形......

變成長方形......

再變番正方形......

其實只係一張紙巾對摺再對摺，
但小茄睇完配服韻慈的演譯，
佢會覺得係一個魔術，
而且佢嘅表達手法真的似在變魔術.....

能夠把學習生活化其實真係唔容易，
要把學習遊戲化其實更加不容易.....

韻慈，你係得嘅！

成功的喜悅

從昨天韻慈可以獨立的準備上學，

佢因成功而唱歌(http://frankiengfung.blogspot.hk/2014/03/blog-post_9683.html)，

為了不讓韻慈只是三分鐘熱度，

小茄決定給她多點肯定.......

今早韻慈準時起床，

之後如常食早餐及準備上學，

雖然過程之中出現了問題，

但韻慈還可以準時出門口.....

小茄還有時間可以幫韻慈梳頭紥辮子，

幾開心！

在等校車時還可以有時間睇報紙...... 

幾認真！
(但小茄相信佢感該係睇唔明的......) 

但既然佢話要睇，

就滿足下佢啦！

溫習自動波

由上年11月開始，

每當韻慈做完功課都會自己把已做完的功課放回書包(http://frankiengfung.blogspot.hk/2013/11/blog-post_9348.html)，

但小茄留意到自第二個學期開始，

小茄決定放手，

而且跟韻慈說佢不需跟小茄交代(http://frankiengfung.blogspot.hk/2014_02_01_archive.html)開始，

韻慈完成功課後，

不會立即把功課放回書包，

而會先翻看之前的功課，

輕聲地讀出功課出現的生字......

當讀完之後，
便會把功課收好！

原來佢已曉得每天溫習，
難怪小茄都覺得自第二個學期開始，
韻慈的記憶比上一個學期好！
希望佢呢個習慣可以繼續維持著，
雖然小茄都知道上到小學將會很難維持，
但希望到時韻慈可以懂得如何分配時間啦！

一邊唱一邊做

其實早前小茄曾提及到在第二個學期，

小茄會放手讓韻慈自行處理校內及校外的功課(http://frankiengfung.blogspot.hk/2014_02_01_archive.html)，

小茄可能唔需要再為韻慈緊張，

所以多了點時間留意韻慈在過程中的表現......

而韻慈覺得輕鬆了，

所以總愛一邊唱歌，一邊做功課......

見到佢咁開心，
小茄覺得呢個決定都唔錯丫！

但小茄突然腦海浮現一個問題，所以問韻慈：
你在學校做工作紙都會一邊唱，一邊做的嗎？
韻慈點頭道：係丫！
小茄聽後心想到另一個問題：
係咪真的呢？如果與的話，咪好嘈囉！

但是真是假都好啦！
小茄只知韻慈在家可以輕鬆地做功課就足夠了！