最大得益者

昨天小茄把書櫃內的工具書執拾一遍，

本只想方便自己......

但沒想到韻慈會對這些工具書會有興趣的......

她隨手拿出急救書，
小茄心想：你又睇得明！？

當她見到一些佢有興趣的相片，
會嘗試在相片中理解，
估唔到佢又可以講到似層層......
甚至見到唔明白嘅地方，
會走來問小茄......

小茄很開心韻慈也有興趣 :D

睇完急救書，
韻慈又拿出食譜來......
睇情況......這些工具書很快便會被韻慈睇過一次

其實都幾好丫！

把袋子結上！

一直以來韻慈經常要求小茄幫她把袋子打結，

小茄起初都會幫她，

但慢慢小茄會請韻慈自己嘗試......

突然小茄在韻慈玩耍時發現.......

原來韻慈自己可以把袋子打結了！

雖然好似收得未算太齊整，
但總算學曉......

配對練習

韻慈對這套數字咭又有新玩意了！

小茄留意到韻慈今日把相同數目的咭砌在一起，

當韻慈見小茄望住，
便立即解釋，
兩張咭都係一樣的數目，
之後會讀埋英文，
及咭上的字......

變形金剛

今早，

話說有個小朋友覺得架車仔玩到悶......

所以自行動手把車仔變身....... 

奇怪啦！
韻慈係幾時知道呢個機關呢？

小茄只好提醒：要小心點啦！

三原色的學習

最近韻慈突然愛上用她的蠟筆......

其實佢已經玩到得番紅、黃、藍三種顏色(即三原色)，

小茄覺得讓韻慈玩下其實咩色都冇所謂，

如果韻慈有需要其他顏色的話可用其他顏色筆......

怎知單用三原色，

韻慈都可以搵到樂趣 :D

如佢發現紅色＋黃色會出到橙色

佢甚至將三原色混在一起，
除可見到橙色外，
還見到有綠色.......
甚至有啡色的出現！

真不能低估這個小朋友的創意及觀察力！

還有沒想到只係讓佢玩玩，
竟然已建立佢研究顏色的興趣......

如果佢把這研究精神運用在其他事上，
小茄開始不能想像了！

時間利用

當韻慈放學回家，

換完衫後，

小茄在廚房煮午飯，

但發現點解出面又咁靜嘅？

原來韻慈入左房......

自己開晒野聽歌學習中.....

其實只係短短十多分鐘，

點解要攪到自己好似好忙咁呢？

(哈哈哈哈.....又開到成床都係野，

但佢自己執番就尤佢啦！)

變魔術

當韻慈玩緊環保積木之際，

突然韻慈跟小茄說：

媽咪，我變個魔術俾你睇丫！

小茄心想：又有咩鬼主意呢？

韻慈繼續：正方形......

變成長方形......

再變番正方形......

其實只係一張紙巾對摺再對摺，
但小茄睇完配服韻慈的演譯，
佢會覺得係一個魔術，
而且佢嘅表達手法真的似在變魔術.....

能夠把學習生活化其實真係唔容易，
要把學習遊戲化其實更加不容易.....

韻慈，你係得嘅！

溫習自動波

由上年11月開始，

每當韻慈做完功課都會自己把已做完的功課放回書包(http://frankiengfung.blogspot.hk/2013/11/blog-post_9348.html)，

但小茄留意到自第二個學期開始，

小茄決定放手，

而且跟韻慈說佢不需跟小茄交代(http://frankiengfung.blogspot.hk/2014_02_01_archive.html)開始，

韻慈完成功課後，

不會立即把功課放回書包，

而會先翻看之前的功課，

輕聲地讀出功課出現的生字......

當讀完之後，
便會把功課收好！

原來佢已曉得每天溫習，
難怪小茄都覺得自第二個學期開始，
韻慈的記憶比上一個學期好！
希望佢呢個習慣可以繼續維持著，
雖然小茄都知道上到小學將會很難維持，
但希望到時韻慈可以懂得如何分配時間啦！

獨立的小妮子

昨天晚上，
韻慈少有地同時激嬲了爸爸及小茄.......

平時爸爸及小茄都會出手幫韻慈做少少事，
讓佢可以早點上床睡，
但昨天晚上爸爸跟小茄都決定唔出手幫韻慈做任何事，
韻慈只能靠自己去準備好睡前事情......

爸爸跟小茄透過韻慈房的監測器見到，
韻慈在沒有爸媽幫忙底下，
自己慢慢準備再有事......
包括開無葉風扇、調教風向及大小等......
當然所用的時間一定比平時多，
而且有些事情不算太理想，
但畢竟係韻慈在沒有任何協助底下完成......
當刻爸爸跟小茄覺得驚訝，
叫人怎可看輕這個4歲的小妮子呢？

又多一個玩法

當小茄突然出廳時見到，

磁石排得幾有規律喎.......

小茄不禁地問：韻慈，點解......磁石會排成咁呢？

韻慈解釋：佢地要分顏色企好.....
小茄開始唔明，唔通佢又當左磁石係人？
韻慈繼續解釋：有些字母企得穩，咁就分番不同顏色，幫佢地分組......
有些字母企唔穩就留佢地係盒裏......

哦！小茄明啦！
原來佢係留意字母有冇平面，
之後分顏色......
咦！小茄諗到下次可以引入甚麼俾韻慈學啦！

日常中的學習－減數

韻慈在話劇團上完堂後，

因今晚小茄和韻慈會跟爸爸的同事食晚飯(http://frankiengfung.blogspot.hk/2014/03/blog-post_9771.html)，

所以小茄和韻慈在爸爸公司附近等爸爸放工(http://frankiengfung.blogspot.hk/2014/03/lesson-4-on-070314.html)！

在等待期間，

韻慈要求小茄跟她溫習加數，

小茄很高興佢有呢個興趣，

但當溫習完後，

小茄見還有時間.....

不如試下引入減數啦！

有時理論上似係容易，

但應如何引入俾韻慈知，

又可以令佢容易明白的呢？

啊！其實日常中好很多道具可以幫手的.....

今次小茄就利用座位，

咁樣韻慈既容易明，
又可以在玩時提高興趣，
而且令佢更加記得.......

對住韻慈的學習，
只要花多點心思，
咁佢就可以學得很好了！ :) 

等待中的練習

今午當小茄在廚房煮午餐時，

韻慈竟然扒在地上，

用顏色筆在說明書上畫......

其實佢有意思嘅，
佢表達到點解會咁畫的，

咁就讓佢練習一下啦！

等候時都要練習

今午當韻慈放學回家，

換好衫，飲完水，

自己走左入房......

攞左本故事書出黎

邊睇邊學故事，

雖然佢未必講番故事內容，

但佢會嘗試另作一個合情理的故事......

其實小茄唔想太局限韻慈的思想，
更唔介意佢天馬行空.......

謝謝Patsy姐姐送了這套書給韻慈，
讓韻慈常常可以使用這套道具 :)

怎能輕看你呢？

有時別輕看小朋友，

雖然韻慈只是一個四歲的小朋友，

但間中佢都幾細心......

今次佢會為大比比蓋被，

之前佢知道小茄腰骨痛會為預備cushion......

韻慈，當你慢慢長大時，希望你都可以慢慢學會如何照顧人，但當你學習如何照顧人之前，先要學會照顧好自己 :)

生活中的認字遊戲

突然韻慈在繪畫練習(http://frankiengfung.blogspot.hk/2014/02/blog-post_4020.html)期間，

取了由教會寄來的信出來，

並且把信中的「四」字圈起來，

小茄見到當然會問韻慈點解有呢個舉動啦？

韻慈解釋：因為見到星期四嘅「四」字，所以將佢地圈出黎囉.......

繪畫練習

很多時，

韻慈都會要求要畫公仔......

其實小茄好少會開題，

通常都會由韻慈自行決定畫甚麼，

畫完韻慈需要解釋畫了甚麼......

其實小茄主要想知韻慈當刻在想甚麼......

扇舞篇

昨天晚上，

當韻慈等待著晚飯之際，

突然取出膠扇子，

係度扮跳扇舞......

其實佢只係在公園見到婆婆姨姨跳扇舞，

而並沒有正式學過，

所以步法、手法、如何開扇/收起扇都不曉得，

但見到佢嘅動作都有少少似......

同埋真係幾好笑！

已變黑的銀匙回復光亮

應有一段時間冇幫韻慈的銀匙洗白白了！

見今日有少少時間，

小茄決定跟韻慈一起做實驗－幫銀匙洗白白先......

已變黑的銀匙

一個大碗 

一張錫紙 

把錫紙包在大碗內 

把銀匙放在碗內 

加入熱滾水，當然由小茄代勞啦！ 

水位一定要蓋過銀匙

加少許鹽 

 等變色.....

黑色開始慢慢褪了！ 

 韻慈從旁觀察......

但一邊觀察，一邊話臭.....
哈哈哈哈！ 

褪得七七八八了......

雖未算完全光亮，
但比最初光亮得多了！

玩天然環保積木

經過韻慈多番要求，

今午玩天然環保積木－PlayMais，

其實只需要小量清水就可以玩，
但小茄並沒有特別講解，
就讓韻慈自行摸索吧！

韻慈可能見到盒上的說明，
所以便知道要點點水，
之後就可以黏實...... 

雖然小茄唔知韻慈砌甚麼，
但冇所謂啦...... 

最後，韻慈解釋：原來佢砌緊支咪......
哈哈哈哈！

玩完之後，
要收拾啦！
切.....切.....切...... 

反而收拾比砌還要開心......
因為切.....切......切.......