紅莓乾麵包

次次都係齋麵包，唔好話孖寶會覺得悶丫，就連小茄整都覺得悶......所以小茄會加其他材了，曾試過提子乾、芝麻...通常係做型時加..孖寶都覺得好好味.....

今次試下用紅莓乾啦！


效果都幾得意喎～😉😉

麵包實驗

早前小茄試左網上多個不同方法(如用暖水喚醒乾酵母、先把糖溶係水加入酵母、整個粉糰唔加鹽，等等.....)去整麵包，但效果都唔理想......

今日小茄用番原本嘅方法(http://frankiengfung.blogspot.hk/2017/03/07mar17.html)，

第一發酵完，幾好👍🏻👍🏻

烘完.....鬆軟的.....
久違了！

手搓麵包 20Mar17

上次整嘅包包(http://frankiengfung.blogspot.hk/2017/03/07mar17.html)今早食完了......
所以小茄今早整包包......

但今日小茄又想參加小妮子嘅校運會(http://frankiengfung.blogspot.hk/2017/03/blog-post_20.html)，
所以小茄決定係出門口前搓好麵糰，等麵糰係屋企慢慢發酵.....
(好在手搓麵糰所花嘅時間唔算多...😏😏😏...)

回家後幫麵團鬆弛、造型、再發酵......

全部在計劃中.....

完成啦！

手搓麵包 07Mar17

過去兩年多，其中一樣野小茄係冇變過，就係依然會自己做麵包俾孖寶食......

但係呢段時間小茄曾被「朋友」話過：其實駛乜咁辛苦？出去買咪得囉！味道咪又係差唔多......仲要攪到對仔女咁咀刁，自己搵黎攪！

買回來的確方便，但知唔知坊間嘅麵包點整出黎？加左幾多唔需要嘅野？坊間嘅甜度真係適合自己？材料來源自邊度？

這就是小茄到依家還堅持的原因，但相信呢位「朋友」應該到呢刻都唔會明㗎啦！

講番整麵包......

材料：
高筋粉 300g
酵母 5g
砂糖 20g(按口味加多減少)
鹽 5g
油 20g(我用橄欖油)
暖水 200g做法：
用部份暖水把酵母溶
把高筋粉、鹽、糖撈勻，加入酵母溶液攪勻，加入暖水搓至起筋膜，加入油搓至油全滲入粉糰中

以室溫進行一發，約2-3小時，當粉糰發至原來的2-3倍
取出排氣鬆馳約20分鐘後造型
利入沒有開的焗爐進行二發，放一碗熱水在粉糰旁，約50分鐘至 1小時，粉糰發至容器8成高取出
預熱焗爐，用170度焗30分鐘，通常我會用錫紙蓋頂，因怕燶面，焗完30分鐘會試粉糰是否已全熟，如未熟就再加時，如已熟透則加焗5-10分鐘(不用錫紙蓋頂，好讓麵包上色)
取出離模待涼切片

180714 豐富的早餐

韻慈最愛的榛子醬包包、蛋蛋加朱古力奶(母乳版)......

其實小茄已跟韻慈清楚表明朱古力奶是用母乳沖製的，
當她知道後，
每次見到都好開心！
小茄見到韻慈冇再抗拒更開心！ :D

WebRep

currentVote

noRating

noWeight

兩溝麵包

在過去一段時間都係整全麥包，

既然買了包白麵包，

不如整番一次兩溝包啦！

做法：http://frankiengfung.blogspot.hk/2013/09/blog-post_1656.html

今次的麵粉糰不是分四份，

而係分了五份，

由於韻慈開始放暑假，
所以第五小份就留給韻慈啦！
(http://frankiengfung.blogspot.hk/2014/07/blog-post_470.html)

雖然有一段時間冇整兩溝包，
但效果都唔太差......  

:)

全麥包(加大)

一直以來，

小茄每次都會以375 克麵粉來整包包，

所做出來的包好似太少了......

今次小茄以450克麵粉來整包包，

另外小茄沒再計要用幾多水，

只憑感覺逐少逐少地加水......

結果，

都唔太差！ :D

WebRep

currentVote

noRating

noWeight

全麥包

家中的包包食完了！

小茄又係時候要整麵包，

上次小茄整包時，

剛剛小頌祈病了......

小茄完全心不在焉整包，

結果.....當然唔理想啦！

而小茄亦無心情影相及打blog......

今次頌祈慢慢回復了，

小茄可以安心地整包包.....

效果......可接受啦！

切完！都不錯..... 

產後的全麥包

雖然小茄還坐月中，

但其實都回復得八八九九，

所以老公都慢慢開始上班了！

既然老公開始復工，

小茄都需要復工了！

點解小茄好似咁急呢？

因為在過去幾星期，

當小茄在廚房整野時，

韻慈總愛問：媽咪，你係唔係整麵包丫？

小茄聽到既開心，

但也帶點不快，

開心的是原來過去的付出係有人欣賞的；

不快的是對韻慈或多或少都有影響的......

所以小茄要好努力地令自己盡快回復正常生活，

希望可以縮短對韻慈的影響....

今早當小茄餵完頌祈食奶及自己吃過早餐後，

小茄便開始準備材料「開工」，

小茄當然是很懶地搵攪拌器代勞啦！ :P 

做法：http://frankiengfung.blogspot.hk/2014/02/blog-post_3697.html 

焗完出黎，
有點醜樣.....

切完又覺得鬆軟的，

但可能有點生疏，
所以切得有點醜！

再次全麥包

今次可能係預產期前最後一次整麵包了！

但由於雪櫃的麵包差唔多食晒，

小茄一定要整定，

否則韻慈就冇包包做早餐了！

可是......小茄忘記買白麵粉，

所以今次都係整全麥包吧！

做法：http://frankiengfung.blogspot.hk/2014/02/blog-post_3697.html

其中麵粉全用高筋全麥粉......

在攪伴過程中另加入多少少水份.......

焗完！都唔太差......

切完......
今次切得麻麻地...... 

連早餐的麵包都已經預備好，
咁就算小B突然話要出世，
小茄都可以安心一點，
起碼韻慈可以食完包包才上學！

挑戰全麥包

老公突然請小茄考慮今天整麵包，

小茄心想：雪櫃還有麵包......

再加上家中只得全麥粉，

要整全麥包.....

有點難度喎！

但小茄再諗到：小B隨時出世，

正所謂「今日唔知聽日事」，

老公咁提出得，

一定有佢嘅原因.....

橫掂又冇野做，

咁就整麵包啦！

而全麥包.....對身體好丫！

小茄都要慢慢掌握如何做出令家中大小朋友都喜歡的全麥包......

做法：http://frankiengfung.blogspot.hk/2014/02/blog-post_3697.html

其中麵粉全用高筋全麥粉......

在攪伴過程中另加入多少少水份.......

今日整麵包還有一個因素要考慮，

就是今早的相對濕度係100%，

但全麥粉需要的水份比白麵粉多，
所以小茄都要嘗試.....

結果：
雖然發得唔算太高，
但就一定唔會太實！

希望家中大小朋友都喜歡啦！

麥多過白的兩溝包

今天小茄不急於整包包，

因還有兩片包包，

但想到今午當老公出海回家可能會肚餓，

不如都係整定啦！

但由於家中只得150g白麵粉，

所以唯有用全麥粉替代埋啦！

做法：http://frankiengfung.blogspot.hk/2014/02/blog-post_3697.html

今次小茄留意到原來全麥粉需要多少少水量，

如果只用原來的 210ml水，

粉不能成糰，

因在粉糰攪伴過程中，

小茄曾多次加入水份，

但每次只能加入少量，

因怕水量太多......

焗到一半加芝士片..... 

待涼後切片.....

再來兩溝包

今次小茄其實唔急於做麵包，

因還有兩片麵包，

足夠韻慈跟小茄一天的早餐，

但當小茄想到明早要返贊育做檢驗，

應該更加冇時間做麵包，

而今早韻慈已經食粟米作早餐，

冇理由明早又食粟米......

但食其他又可能唔夠纖維素.......

所以小茄還是提早一天－今早做麵包啦！

焗完出來......

雖然唔算發得好高，

但比上次(http://frankiengfung.blogspot.hk/2014/03/blog-post_8851.html)好......

切完.....
的確比上次鬆軟，
但應該還留有少少上次的質感......

希望家中大小朋友喜歡啦！

兩溝包出事了

家中的包包食完了！

所以小茄都需要整包......

但由於小茄掛住想著點解韻慈會咁開心(http://frankiengfung.blogspot.hk/2014/03/blog-post_9683.html)，

而忽略了是日潮濕問題，

所以今日的麵包感覺上似落多了水......

焗完出來，

的確冇之前兩次發得咁起.....

切落都覺得似實左少少.......

但老公竟然話喜歡呢個質感......
真的辛苦晒啦！

WebRep

currentVote

noRating

noWeight

兩溝芝士包

點解小茄好似好趕咁一定要昨天開始浸薑醋(http://frankiengfung.blogspot.hk/2014/03/blog-post_4042.html)？

原因其實好簡單......

因小茄預料家中的包包今早會食完，

小茄今天要整包包，

所以如果昨天唔開始浸薑醋，

那麼就要迫埋一天之內要做好多野，

或者就遲一天先可以開始浸.....

由於之前用開的乾酵母已用完，

今次小茄嘗試新的乾酵母，

效果係點？

唔知道.....

唯有其他野維持不變啦！

份量及做法：http://frankiengfung.blogspot.hk/2014/02/blog-post_3697.html

經過兩次發酵後，
效果都唔算太差...... 

焗到一半加芝士..... 

焗完出黎.....
都幾好！
當然冇上次(http://frankiengfung.blogspot.hk/2014/02/blog-post_27.html)發得咁高啦！
但今次難得係表面光滑......

切落都幾鬆軟......

應該唔太差嘅.......

健康的早餐－簡單的蛋治 020314

今早小茄見老公剛用完鑊，

鑊裏還有少少油，

所以決定今早唔烚蛋，

利用鑊裏的少少油炒蛋，

烘熱兩片麵包，

整蛋治當早餐啦！

再加多一杯全脂奶便成為小茄今早的早餐了！ 

健康的早餐－芝蛋多士 280214

昨天整完兩溝包(http://frankiengfung.blogspot.hk/2014/02/blog-post_27.html)，

再聽到韻慈的意見(http://frankiengfung.blogspot.hk/2014/02/blog-post_5656.html)後，

小茄在想：冇理由唔整芝蛋多士ga......

由於想食就要整心態，

所以.....小茄立即整了！

做法：http://frankiengfung.blogspot.hk/2014/02/110214.html

可能感覺上加了麥粉的兩溝包比全白麵包健康，
所以小茄食得幾開心！好滿足！

成功的兩溝包－食家意見

通常每次整完包包，

小茄都會問一問韻慈：麵包好唔好食？

以往韻慈都只係會話：好食！

昨天整完包包(http://frankiengfung.blogspot.hk/2014/02/blog-post_27.html)，

韻慈應該係第一個試食，

所以小茄都會問韻慈：今次嘅麵包好食嗎？

今早韻慈都會話：好食！好鬆軟......

當小茄細看麵包，

睇落真係好多窿喎.....

怪不得韻慈話鬆軟啦！

兩溝芝士包

家中的包包今早已食晒了！

雖然今早小茄要陪韻慈回校做親子體操(http://frankiengfung.blogspot.hk/2014/02/270214.html)，

但當小茄想到明天下午又不能留在家整包，

如果今早唔整的話，

就要到星期六才可以整，

那麼呢兩天韻慈食咩做早餐呢？

而且當小茄諗番起之前睇過有關坊間買到嘅麵包的調查，

見到佢地嘅鈉含量及添加劑，

小茄真的怕怕了！

所以今早小茄一起床就立即準備整包的份量(http://frankiengfung.blogspot.hk/2014/02/blog-post_3697.html)，

因家中有全麥高筋麵粉，

所以今次高筋麵粉有少少改變，

只用 200g白麵粉加 175g全麥粉整兩溝包......

攪完材料，
搓好麵糰，
準備好進行第一次發酵，
小茄食過少少早點，
再幫韻慈變髮(http://frankiengfung.blogspot.hk/2014/02/look-270214.html) ，
總算準時出門口.......

到小茄回家後，
其實都已經過了三個多小時，
好在今早天氣暖，
相對濕度又高，
所以經過第一次發酵後，
麵糰的表現都不太差..... 

小茄立即把大麵糰分開進行鬆馳，

之後再造型及進行第二次發酵，
經過第二次發酵，
真係發得比預期理想！ 

當準麵包被焗到一半時，
小茄在上面加芝士，

之後再把準麵包再焗埋下半場...... 

今次製成品真係唔錯...... 

待涼後切......

感覺幾好！

今次很成功喲！

簡單白麵包 (內附份量及做法)

今日小茄又要整包包啦！

材料：

水-------------210ml (但由於今日相對濕度高，所以今次減至200ml)

白高筋麵粉--375g

鹽-------------7.5g

糖-------------15g

牛油----------25g (今次用初搾橄欖油取代)

乾酵母--------5g

做法：

1. 把所有材料放入攪拌缸中，

留意乾酵母需跟鹽、糖及油分開......

2.用螺旋拌打器以低速慢攪 3分鐘，
轉以中至高速(KitchenAid的4-10度)快攪 15分鐘，
之後在工作板上撒上少量高筋粉(份量外)，
從攪拌缸取出麵糰，
雙手先沾少許麵粉，
再用手搓 3分鐘，
最後收口朝下放入搽了油的發酵盆中，
蓋上保鮮紙......
3. 在焗爐下隔放一盤滾水，
上隔放發酵盆，
關上焗爐門，
進行 3小時的第一次發酵，
期間每小時換一次滾水.....
經過 3小時後，
麵糰膨脹至原來的 2.5倍，
且在麵糰中間整個窿不彈回就可以了.....

4. 在工作板上撒上少量高筋粉，
把發酵好的麵糰分成 4份，
每份麵粉壓平少少對摺，
轉 90度再對摺後收口向下，
放左另一塊撒上少量高筋粉的工作板上，
蓋上保鮮紙，
進行15分鐘鬆弛..... 

5. 鬆弛後的麵糰會比未鬆弛的膨脹少許，
若用手指壓麵糰後不彈回即代表鬆弛完成.....

6. 在工作板上撒上少量高筋粉，
取其中一份麵糰放在工作板上，
收口向下，用手輕輕壓出小麵糰多餘的空氣，
用麵棍壓成厚薄均勻的長片(長度約 30cm)，
翻轉把麵皮慢慢捲成筒狀，
以同樣方法把其餘 3份麵糰變成筒狀..... 

7. 在烘焙模舖上牛油紙
(方便之後脫模)

8. 放筒狀麵糰上搽油，
再蓋上保鮮紙，
在焗爐下隔放一盤滾水，
上隔烘焙模，
關上焗爐門，
進行 50分鐘的第二次發酵......

9. 完成第二次發酵後，
取出麵糰及滾水，
把焗爐預熱至170度，
放入麵糰焗30分鐘，

由於今次老公想在表面加芝士，
所以小茄刨定一些芝士，

待麵包焗到最後 5分鐘時，

在表面加一層芝士，

10. 完成 30分鐘的烘烤，
需立即取出及脫模， 

11. 放涼後(約 1小時後)
把麵包切成片，完成！