久違的掃描

昨天小妮子上完學校暑期班回來表示：學校工友教佢掃描，話要求下星期三第一堂要掃一個正方體......
其實小茄好想知小妮子會畫成點呢？🤔🤔🤔

咦......小茄都好似好耐冇畫過啦喎！
突然癮起......
搵支筆黎玩下先😄😄😄😄

真係太耐冇畫啦！
冇咁得心應手，線條有點生硬，如果俾之前讀design教畫畫嘅阿sir見到，應該會有更多意見了！🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️

小頌祈的要求

雖然依家小頌祈已經兩歲幾就快三歲，
但小茄沒有讓佢上學前班 (PN)，
因小茄覺得PN唔係必需入讀嘅，
而且由幼稚園幼兒班 (K1)開始，
便有起碼十五年(3年幼稚園＋6年小學＋6年中學，已未計大學)嘅讀書生涯等緊佢，
點解唔俾佢玩多一年呢？

所以每朝當家姐上校車後，
小茄都會應細佬仔要求周圍行，
今早就去公園玩.......
其實公園設施既可以玩，


亦可以學到好多野㗎......

仲可以學習同其他小朋友玩，同公園嘅婆婆交談，同公園嘅伯伯一齊做運動.....

之後，細佬仔仲要求行到去石塘咀一田，
其實小茄很喜歡係早上帶小朋友去超級市場，
因比較少人，職員比較輕鬆，
會同小朋友玩，
而且小朋友又可以有D時間認識不同嘅事物....

今早細佬仔係一田一邊推貓貓車，一邊跳......不停話：貓貓Kitty有包包、菜菜、魚魚、肉肉、糖糖但會咳咳嘅，學左蠔......

哈哈哈哈！幾開心！

似曾相識的軟件

小茄突然有需要用AI(Adobe Illustrator)做文件，

對住呢個版面似曾相識，
但其實都已經有一段時間冇用了！

而在用AI做文件前，
小茄還是覺得應用畫簿起晒草圖出來先......
哈哈哈哈哈！

史路比－手工起稿

其實小茄都好耐冇畫畫了......

由於過年時應承了韻慈要整個比比鎖匙扣，

所以今日小茄要開工了(http://frankiengfung.blogspot.hk/2014/02/diy.html)！

但開工之先，

都需要起一起初稿嘅......

編織手記

小茄有時為免自己忘記針數、行數，

特別係完成後幅後，

要再起針織前幅時，

往往會忘記針數、行數，

而小茄又懶唔想下下數針數、行數，

所以小茄有時會攞本畫簿出黎，

大約記低針法、針數、行數、尺數，

漸漸呢整畫部就變成了編織手記了！