突然跌左！？

今早泵第一次奶時，

奶泵(http://frankiengfung.blogspot.hk/2014/01/yeah.html)較平常嘈，

甚至吵醒了老公.......

小茄見喉管有水，

心想可能係這些水令奶泵變得嘈，

當泵完之後，

小茄見到奶量少左，

開始擔心及回想會否食了甚麼回奶食物呢？

另外要計劃如果增奶呢？

小茄試左兩次之後發現冇進展，

開始更擔心了......

但當清洗時，

小茄細看活門的小膠瓣，

咦.....

點解會咁嘅？

裂！？穿了！？
小茄仔細再檢查，
係喎！
真的爛了！ 

難怪奶量會減少了......
(韻慈時曾試過因這塊瓣爛了，
完全泵唔到奶，
乳腺很快就塞了及發燒，
更換了就可以泵得出了！) 
有著上次經驗，
小茄立即更換小膠瓣，
好在老公之前已經買了後備 (http://frankiengfung.blogspot.hk/2014/03/010314.html)，
更換後一切正常啦！
好在及早發現......
感謝主！感謝老公！

花生節瓜煲豬尾骨

天氣咁熱.....

加上老公今天上課，

小茄煲定湯，

今天食湯飯啦！

家中有節瓜又有豬尾骨，

不如再煲節瓜豬尾骨湯啦！

小茄還是會加少少花生，
因小頌祈將踏入另一個猛長期，
小茄要為迎接這個猛長期而再增加乳汁........
努力！加油！

花生節瓜煲豬尾骨

是日天氣炎熱，

令人冇咩胃口，

再加上家中有節瓜，

不如用少少豬尾骨，

再加少少花生及薑，

煲番個湯，

一來可以補充多點水份， 

兩來又可以做湯飯......

節瓜花生煲豬尾骨

是日老公出海練習，

所以最好都係煲湯，

咁......老公回來就有啖湯水啦！

今次煲節瓜豬尾骨湯，

小茄又可以以形補形，

當然要加薑啦！

另外再加點連衣花生，

繼續增加乳汁 :P

WebRep

currentVote

noRating

noWeight

合掌瓜花生煲豬尾骨

由於小茄尾龍骨開始痛，

所以老公買了豬尾骨回來，

可以煲合掌瓜，

再加少少薑及花生一齊煲，

三小時後.....

飲得！
希望可以以形補形，
由於加了花生，
所以同時希望可以增加乳汁應付頌祈的猛長期啦！

青木瓜花生煲豬尾骨

頌祈出世後，

由於小茄餵哺母乳關係，

所以間中都需要補充湯水，

特別在猛長期前則需要飲一些有助乳汁增多的湯水，

所以今日小茄煲了青木瓜花生豬尾骨湯......

青木瓜：去皮去籽

豬尾骨：出水洗淨

連衣花生及薑

所有材料煲 3小時.....

飲得！

在二等病房的日子

當小頌祈食完奶(http://frankiengfung.blogspot.hk/2014/04/blog-post_1135.html)不久，

姐姐過來通知小茄二等病房有位了，

希望小茄可以收拾好物品，

待果邊執完床就可以轉過去，

另外選埋晚餐及第二日的餐單.......

小茄亦通知老公需要轉床，

原來老公擔心小茄在普通病房會休息得唔好，

會影響上奶及出奶，

所以煲了黃豆豬手湯及會煮定飯，

方便小茄可以在第二朝清早食用......

(老公，真係好細心喲！)

在二等病房，
空間比普通病房大，
可能只係兩位病人共用一間病房，
所以比普通病房靜，
雖然沒有海景，
但沒有西斜，
小B可以好好睡覺，
小茄也可以小睡片刻........

小茄便開始了三小時餵一次奶，
小B瞓小茄又瞓，
鬧鐘響就準備餵奶，
由於開始谷，
小茄知道谷到實，
小B沒可能夠力啜的，
護士教每次餵奶前會用熱毛巾，
按一按鬆，
讓阿B可以啜到，
另外小茄會在小B啜奶時，
一隻手托住小B，
另一隻手推鬆乳房，
令母乳出得好一點......
慢慢見到小B有足夠的濕片，
而且有較稀的便便，
(有點似芝麻糊，
所以小茄唔再食芝麻糊了！
哈哈哈哈！)
護士解說：
有尿即食到前奶，
有足夠水份，
有便即食到後奶，
就可以增到磅了！

小B，努力丫！

再次踏上母乳媽媽之路

小茄生完小B之後，
助產士已通知小茄暫時未有私家床位(http://frankiengfung.blogspot.hk/2014/04/blog-post_21.html)，
所以當小茄離開產房後被推到普通病房......

由於韻慈不能進入病房或產房，
所以老公需要照顧韻慈而沒有陪產
(其實小茄自知如果老公係產房可能會冇勇氣去面對生產痛楚)，
而且小B出世係半夜，
唔知生產時間有幾長，
還是去韻慈回家睡覺，
所以老公跟韻慈沒有在醫院留守......

由於小茄入院行李還在產前病房，
要老公幫手把行李從產前病房攞去產後病房.....
(冇計啦！都係保障番遮！)
其實都冇咩所謂，
因為小B出世後，
小茄需要滴子宮收縮藥水，
係滴完之前都唔可以落床，
還好的事被安排在窗邊望海的床位，
小茄可以往窗外望.....

休息了一會，
小茄在想：
不論出院後是埋身餵哺還是泵出來餵，
首要都是要令乳腺通順及上到奶.....
小茄決定㩒鐘請護士幫助抱小B嘗試埋身餵哺，
因為小茄已經錯失了生產後立即餵哺嘅時機，
怕再拖落去乳腺未通，
會影響上奶及出奶.......
所以小茄要爭取時間，爭取機會，
再次挑戰餵哺母乳.......

小B第一次埋身，
護士話佢咀較細，
所以要有耐性引佢張開口，
佢個口要大到可以吸到乳暈才算正確，
如果只吸啜乳頭，
雖然容易，但乳頭會容易整損，
所以當見到佢變得懶惰，
便要他重新張開口，
用番正確方法吸啜才可.....
(雖然韻慈小時候也是食母乳的，
但韻慈時不能埋身餵哺)
護士細心在旁講解，
糾正小B的錯誤，
雖然認知上，
小茄知道小B應該啜不到甚麼，
但感覺上，
小茄似慢慢感到乳腺被啜通......

小B，努力丫！

可惜當小B發現滴藥水的喉時，
便開始唔再專心，
不停地郁到條喉，
令小茄手背種豆位痛.......
冇計啦！
要是小B唔專心掛住玩條喉，
倒不如下次再試啦！

護士再回小茄床邊了解埋身餵哺情況，
小茄只好跟護士說小B玩條喉這個問題，
護士立即安慰：唔緊要！陣間再試，其實都試左40分鐘，算唔錯了......待滴完藥水，條喉就可以拆除，唔駛擔心！而且BB剛剛出世，體內還有儲備的，唔駛擔心會餓親.....維持兩至三小時俾BB食一次就可以......
護士並勸小茄好好休息一下，
之後便幫小茄把小B放回嬰兒床了！

天還未亮，
但小茄瞓唔著，
可能剛才由見紅到小B出世來得太快，
小茄像消化不良，
需花點時間重組一遍，
而且在小茄換唔到氣之際，
小茄再聽到的聲音，
很親切、很溫暖、很熟識，
肯定唔係助產士們，
但究竟係邊個呢？

在小茄慢慢重組完一遍後，
小茄開始累了，
坐著都可以睡著，
當小茄睡醒時，
天亮了，
準備食早餐，
小茄望一望支藥水，
點解滴得咁慢嘅？

護士來視察滴藥情況都發現慢左少少，
所以再調節速度，
而且剛剛相隔了三小時，
又係時候俾小B練習啦！
今次小B開始識啜了，
但佢還是很想懶惰，
不停要糾正......
經過60分鐘後，
頂唔順，
小茄開始手攰了！
只希望小B下餐可以乖一點啦！

放低小B後，
便聽到老公跟韻慈的聲音，
他們幫小茄把入院物品從產前病房攞落黎產後病房，
其實由於韻慈年紀小不能入病房，
但又沒有人可以照顧韻慈，
唯有再次一齊進入病5房啦！
老公為了不想大家難做，
所以幫小B影了相便走了！

小茄由於還滴藥中，
未能可以落床，
所以不能處理物品，
只係拿出手機為小B影相，
另外還想方法可以令小B啜得好一點及自己可以快一點上奶......

到差唔多夠鐘，
再跟小B試一試實踐那些方法，
可惜還未上到奶......
小茄心想：可能生完之後未飲水，所以唔理想，待拆豆後第一時間要補充水份.....

好不容易終於滴完兩包藥水，
護士安排姐姐陪同小茄上洗手間，
(為了安全，
生完第一次落床上洗手間一定需要有人陪同，
怕媽媽暈低......)
當小茄回床後，
立即在袋中拿出保暖壺及炒米茶包(http://frankiengfung.blogspot.hk/2014/03/blog-post_7164.html)，
焗炒米茶來補充水份及希望體力可以快回恢復......

不久，
夠鐘食午餐，
小茄望一望碗湯，
有花生......增奶湯！？

小茄向姐姐查詢， 
原來醫院提供的午餐及晚餐內的湯水都係增加乳汁湯水......
(太好啦！)
另外姐姐還俾了一張關於增加乳汁湯水小冊子，

食完午飯，休息一下......
又係時候再俾小B試下埋身，
今次冇左滴藥條喉，
小B可以專心啦！
小茄不停提醒小B要張開口，亦當小B想懶惰，
嘴仔沒有吸啜乳暈時，
小茄只好輕輕令小B輕開口，
再用正確姿勢吸啜，
當小B吸啜時，
小茄覺得乳房開始有少少漲，
有種似曾相識的感覺，
當小茄見小B自行輕開口會展現笑容，
小茄開始猶疑：
究竟小B啜唔啜到野呢？
究竟係唔係已經上到奶呢？

在幫小B換完片後，
小茄自行檢查乳房......
真係有黃色的初乳出丫！

感謝主！
小B真係啜到奶 :D
小茄開始放心了，
因小茄知道乳汁出到即乳腺已經開始通了，
而且又上到奶，
只要小茄跟小B再努力一點，
小B就可以全人奶，
唔駛補奶啦！
感謝主！
預備了最美好的俾小B :)

求主繼續保守就算小B要收水，
但體重都唔好跌太多，
因唔想再經歷韻慈家姐時的問題，
女兒真的唔想再令自己咁大壓力......

WebRep

currentVote

noRating

noWeight

還用得...... yeah!

小茄剛剛終於記得要搵番個奶泵出黎，

一個曾經為了韻慈的健康努力，

一個陪伴了小茄廿五個月零十日的奶泵......

經小茄一試，奶泵還著......

希望直到小B出世，
它還可以繼續伴陪小茄為小B的健康努力.....