我好驚丫！

剛剛當小茄幫韻慈吹乾頭髮時，
韻慈突然問小茄：媽咪，聽日小B出世未？
小茄答：媽咪唔知道丫！呢個問題你應該問天父......
韻慈突然大喊地說：我好驚小B出世會抓我丫！
小茄聽後只話：如果小B一出世就識抓你，咁媽咪都真係幾驚......
韻慈聽後唔再喊，但再說：如果小B玩電掣，我會抱起佢.....

小茄聽後.....
真感安慰，
雖然唔知點解韻慈突然會有這些想法，
但佢出發點都是愛錫小B的......
哈哈哈哈！

要細聲點！

在韻慈善用短短十多分鐘學習期間(http://frankiengfung.blogspot.hk/2014/04/blog-post_3840.html)，

小茄聽到韻慈說：

要細聲點！

唔好嘈到小B.....

而且我又可以聽得到！

小茄聽後雖感到安慰，
但心想：希望佢真係記得啦！

親子體操 130314

今早天文台雖然話相對濕度係99－100%，
小茄都曾想過親子體操會否取消呢？
但whatsapp又冇呢個消息，
咁......待韻慈上校車後，
小茄自行乘車回校啦！

回到學校，
小茄見到戶外遊樂場的確有點濕，
所以擔心地問一問老師，
老師話都會如常進行，
只不過會提一提小朋友要小心......

等了一陣.....
韻慈下車啦！
韻慈見到小茄在校，
的確覺得很開心.....
為免韻慈唔專心，
所以小茄就算不能跟足所有動作，
都盡量跟啦！
以身作則，
韻慈見到的確真係會投入一點.....

在活動期間，
小茄見到韻慈會主動跟同學的弟妹一起玩......
唔知韻慈在想甚麼呢？
如果當小B出世後，
韻慈都會主動跟小B玩，
應該都會係幾好嘅事，
但可能小茄想得太多了......
現時小茄只希望當小B出世後，
韻慈唔抗拒就已經很好的了！

原來又有另一個意思的！

還記得在約兩個月前，

當小茄照完結構性超聲波就跟韻慈講番小B呢個消息，

而韻慈亦很快地把消息消化了(http://frankiengfung.blogspot.hk/2013/12/blog-post_4829.html)，

並且開始實習跟小B生活(http://frankiengfung.blogspot.hk/2013/12/blog-post_7777.html)，

在呢段時間，

韻慈一直把比比當成自己，

而牛牛當成細佬......

今午因可以跟大比比一起玩，

韻慈突然把大比比當成媽咪(即小茄)

哈哈哈哈！
估唔到小小的獎勵，
俾韻慈攪到有另一個意思出來......

作醒呀！

昨天晚上，
小B突然郁，
小茄話：我俾人踢！
怎知坐在小茄隔離的韻慈對住小茄個肚話：你作醒呀！
小茄連忙跟韻慈說：你應該跟細佬講唔好踢媽咪......
老公聽到聲，
鑽個頭出來聽到上述事情都大笑......

哈哈哈哈！
其實果刻真係很好笑 :D

要踏入另一個階段

雖然韻慈快4歲，

但因她的嬰兒床較大，

而且話可以 0-4歲，

所以韻慈一直都是睡嬰兒床......

但由於韻慈快 4歲，

怕嬰兒床承受唔到韻慈的重量，

所以在上星期六小茄返醫院做檢驗時，

老公跟韻慈去睇及訂單人床，

並安排了星期二下午送貨......

所以小茄係收貨前，

先略為執拾好地方......

另外老公放工回家需要拆嬰兒床，

及為韻慈安新睡床，

所以小茄需要預備定晚餐(http://frankiengfung.blogspot.hk/2014/02/blog-post_2783.html)，

等老公可以安心處理好兩張床.....

為免韻慈在爸爸安床時攪攪震，

所以小茄跟韻慈砌砌圖......

老公好勁！

用了不足 1小時就已經組合好韻慈的新睡床，

韻慈見到自己的新睡床當然很興奮啦！

擺好床上用品，都幾好！ 


但不竟都是新睡床，
韻慈都要些時間適應的.....
可能冇嬰兒床圍住的安全感，
所以較難入睡...... 
並且半夜醒了一醒.......
希望今晚會好一點啦！

煮得咁講究嘅？

突然韻慈話：我要煮飯俾細佬食......
小茄回應：哦！
韻慈繼續：我要整燒烤俾小B食.....
小茄開始懷疑，但都只回應：哦！
韻慈好講究地繼續：先燒完腸，之後要起左皮，因為燒過的皮唔岩細佬食，咁佢只可以食入面嘅肉，之後再加菜，將所有野放入個煲度，記得唔可以放骨，之後開火煮......煮到熟晒就可以食得啦！
小茄驚訝地想：點解韻慈會咁講究呢？
但還只回應：哦！

可能肚中的小B聽到韻慈家姐所說的，
所以表現得很興奮，
可能以為真係有野食喲！

一定要話我知ga.......

當韻慈在睇有關生BB嘅節目，
都會話：媽咪，你生BB時一定要話我知......
小茄通常都會問：點解呢？
韻慈就會解釋：因為你生BB時會攪到地下污髒哂！
小茄邊笑邊回應：哦！
之後韻慈會接著解釋：如果媽咪生BB時唔同我講，我就會唔知，咁就幫唔到媽咪打電話......
小茄繼續笑笑地問：咁你打電話去邊？俾邊個？
韻慈會話：打電話俾爸爸囉！

韻慈......經常令小茄啼笑皆非，
但的確聽到時會令小茄幾窩心的！

講故事

今午，

韻慈自己做完功課後，

自動自覺地從房拿出圖書，

之後坐在sofa上，

抱住比比及牛牛，

幻想跟小B一起睇圖書，

一邊睇一邊講......

預演「我放學啦！」

話說今早韻慈出門口時叮囑小茄要安靜，

小茄還在想韻慈突然對玩伴這麼好呢？(http://frankiengfung.blogspot.hk/2014/01/blog-post_1229.html),

但當韻慈放學回家時，

一入屋就大叫：BB，我放學啦！細佬，我放學啦！

之後就撲過去！！

睇黎......
小茄又要跟韻慈傾一傾，
放學後唔好太興奮地大叫！
還有回家後第一時間要洗手漱口換衫！

姊弟情深 (三)

今晚當老公摸小B時，
韻慈變得很緊張地話：
爸爸，你唔摸得小B ga！
小朋友先摸得ga！
因為小B好細ga咋！

小茄聽後真係覺得超好笑......
亦覺得安慰：原來韻慈開始識得保護小B......

姊弟情深 (二)

由於韻慈唔小心整親，
而小茄要為韻慈處理傷勢，
但可能韻慈喊聲太大，
而肚中小B又唔知發生咩事，
所以當小B聽到喊聲，
便十分緊張地撐緊小茄個肚.....
再加上韻慈的爭扎，
小茄剛剛幾驚小B提早出來......

因被尊重......

自台灣旅行後，
韻慈總不願自己回房自己睡......
韻慈總會找出很多藉口，
就算韻慈上床後還是無心睡眠......
小茄見狀，覺得不是辦法，
前晚跟韻慈解釋完，
韻慈似明但還未心熄......
到最後，
小茄決定搵小B幫手，
扮小B跟韻慈說：韻慈家姐，晚安！
韻慈又會立即答：媽咪、細佬，晚安！
當韻慈答完就乖乖入睡了！

昨天晚上，
小茄見韻慈上床後又再不願入睡，
唯有立即再扮小B跟韻慈說：韻慈家姐，晚安！
韻慈又會立即答：媽咪、細佬，晚安！
不足三分鐘，
韻慈入睡了！

真不明白因甚麼原因，
是因被尊重，還是其他呢？

姊弟情深 (一)

近呢幾日小茄發現到韻慈同小B有D好得意嘅行為，
就係......

每次韻慈曳曳，小茄勞氣時，
小B都會好大力地撐大自己，
同埋令小茄個肚實哂.....
感覺就好似跟小茄講：唔好鬧韻慈家姐啦！
每次要直到韻慈摸摸小茄個肚，
小B就會放鬆地跟踢韻慈隻手......

另外每當韻慈摸小茄個肚時，
小B都會表現得很活躍......

小茄每次都唔知好嬲定好笑，
估唔到佢地之間嘅感情已經結連了！

希望小B出世之後，
韻慈唔會只識吃醋，
要好好珍惜跟小B之間呢份情啦！

深層次解釋

其實係過去呢幾個月，
小茄眼見韻慈情緒波動，
但小茄真係唔知應該點勸導，
又怕講左，韻慈又唔會明......

但感謝主！
剛剛有一次機會了！

事源：
韻慈再一次唔聽講，
小茄多番提醒都唔聽......
小茄明白應該韻慈情緒再次波動，
所以小茄只好停一停諗一諗，
組織一下：
點樣可以令韻慈完全明白小茄嘅感受呢？
點樣先可以令韻慈認認真真接受細佬呢？

最後，
小茄決定向韻慈担白：
其實小茄在家母(即韻慈婆浪)死後，
慶幸還有哥哥(即韻慈舅父)，可以一同處理問題，
如果只得小茄一個，好多野都會不懂處理，
(呢個可能都係家母生兩個的原因)
亦因著呢次經驗，
小茄開始擔心，
如果將來有一天，
小茄跟老公都離世的話，
而韻慈面對難題時會點呢？
所以小茄願意再交俾神去決定是否需要多一個小朋友
(即依家肚中的細佬)......

小茄再次清清楚楚地跟韻慈解釋：
細佬嘅出現目的唔係要搶走爸爸媽媽，
而係要係將來當韻慈遇到有咩事都好，
都可以有個人跟佢有商有量，
當然細佬出世之後，
可能會少左時間，
但爸爸媽媽都會係度，
唔會俾人搶得走......

感謝主！
係解釋過程，
韻慈還對婆婆離世有記憶，
佢知道小茄講爸爸媽媽死後係會同婆婆相見，
到時只淨下佢，
佢好似識將依家同幻想爸媽死後只得佢嘅情況相比，
(當然可能是小茄想得太多啦！)
解釋完韻慈好似想通了，回復正常！

但小茄相信韻慈只係暫時記得，
所以解釋一次係唔足夠，
隨著肚子進一步漲大，
小茄只好預備多次解釋，
希望韻慈總有一天會記住.....

已溶入其中....

原來韻慈除了將消息消化得快之外，

佢還會很快地將消息溶入生活中，

正當小茄開始煩惱如何令韻慈明白，

但原來韻慈已經自己實習緊：如何跟細佬生活.....

當要玩耍時，

韻慈一定先擺好比比＆牛牛在旁邊，

口說要細佬望住.....

就算影相都會要求細佬望住，
但自己就......

希望韻慈繼續努力啦！

就算見到真人都可以愉快地接受啦！

消息消化了！

今早當韻慈起床時，

帶著比比及牛牛出來，

跟平時有點不同－平時只帶番比比出廳，

仲會細心擺好比比及牛牛添！

小茄估計韻慈思想可能起了變化......

所以係韻慈食完早餐之後，

小茄就向韻慈問過究竟，

原來比比代表自己，而牛牛代表細佬，

牛牛好眼瞓，所以比比抱住牛牛瞓......

真估唔到韻慈消化消息的能力都幾快！

向韻慈提及

自從發現有小B後，
小茄跟老公都想韻慈有一起同行的感覺，
而且都很關心韻慈情緒變化，
起初知道bingo時，
的確冇經驗，
所以有少少開錯頭的感覺......
但慶幸有學校老師幫忙及提醒，
韻慈的表現慢慢有所改善，
今早知道小B性別後，
小茄在接韻慈回家後向她提及，
韻慈明顯有少少低落，
小茄估計可能韻慈擔心被冷落的感覺又再出現，
小茄見狀，開始從男女分別去想.....
究竟有D咩係女孩子會做，而男孩子會少做ga呢？
在早上跟老公傾談中諗到啦！
女人天性愛美，
小茄試從這點出發啦！