有機蘿蔔炆有機牛腩

老公今晚回來後有野做，

小茄唔想見到老公咁忙去煮飯，

橫掂雪櫃有白蘿蔔同牛腩，

不如今日就炆番煲蘿蔔牛腩啦！

做法：http://frankiengfung.blogspot.hk/2013/11/blog-post_3454.html

白切有機雞

今次小茄學整白切有機雞......

先將有機雞洗淨，

另煲滾一煲水(約可蓋過雞多少少)，

放入幾片薑片、兩粒八角、少許花椒及少許鹽略煮至出味，

將已洗淨的有機雞放入煲內，

讓熱水灌入雞胸腔內，

再把雞提起，

令整隻雞離水，

之後再放入滾水中，

重複呢個動作六次，

再將整隻雞放入水中，

以大火煮至水滾後，

轉極微火煮15分鐘後熄火，

待雞在煲內浸30分鐘，完成！ 

雖然賣相好似差左D，
但味道都算OK......

之後老公用左少許煲內嘅雞汁煮魚翅瓜＆粉絲，
超好味！

有機蘿蔔炆有機牛腩

在剛剛的星期，農夫叔叔為小茄家送來有機白蘿蔔，

所以老公特別買有機牛腩......

預早請小茄炆牛蔔腩....

所以小茄為老公及韻慈憑記憶去炆牛腩.....

(因上一次炆牛腩應該已經係上一個冬天了！)

做法：

先將牛腩焯水，焯水後洗淨待用；

另外拍定薑、幾一個八角及少許花椒洗淨、蘿蔔處理好待用；

燒熱煲，加少許油，加入部份薑爆香，再加入花椒八角略爆；

加入牛腩，再加水(水位定必蓋過牛腩)，再加少許生抽、老抽及一小粒冰糖；

待水滾後收細火蓋蓋煮20分鐘後熄火；

焗約30分鐘；

另要處理蘿蔔啦！
先係細煲加少許油，加入餘下的薑(因小茄都會擔心涼，所以煮蘿蔔呢部份嘅薑會比較多)爆香；
加入蘿蔔略炒，加入水及少許冰糖煮15-20分鐘；

經過第一次焗後，將牛腩剪細件(約麻雀大小)，

再加入煮過的蘿蔔，開火；

待水滾後收細火蓋蓋煮20分鐘後熄火；

焗約30分鐘； 

如是者......
重覆“待水滾後收細火蓋蓋煮20分鐘後熄火；
焗約30分鐘； ”兩至三次，
到最後一次再調好味就可以食啦！

下午5:10，炆左成個晏晝，完成了！