鈕.......樓

話說小茄要去搵想要嘅鈕，
怎知小妮子知道便問：點解仲要搵樓嘅？我地唔係已經有地方住啦咩？
小茄只好解釋：我要搵嘅係扣嘅鈕，釘係件衫上嘅鈕，唔係住嘅樓丫！

咁就可以搖啦！

小茄見到韻慈把盒子套在筒裏便問：點解要咁整嘅？
韻慈答：本身個盒唔可以郁唔可以搖嘛，將佢套入筒度，咁佢咪可以搖囉，搖黎搖去，唔會再唔識郁唔識搖啦！

當然唔係咁簡單！

韻慈有幾聲咳，

昨天小茄見有雪奶(已雪到變冰的母乳)多，

所以俾韻慈飲，

但韻慈竟然話好臭，

(小茄覺得很心傷)

昨天晚上，

在面書群組見到有媽媽把母乳加入飲品給家人飲用，

其家人咳好似有改善，

所以小茄決定今早一試，

用暖左的雪奶加少少可可粉，

變成朱古力奶.....

俾韻慈飲......

韻慈飲完話：好味！媽咪，聽日都沖俾我飲丫！
小茄聽後開心晒 :P

唔知係心理作用還是真係有效呢.....
飲後幾小時，
韻慈好似咳少左......
不過唔緊要，
最緊要係佢肯飲.....

點樣洗呢？

話說韻慈弄污了睡袋，
小茄見到便話：唔緊要啦！搵日幫你洗啦！
韻慈竟然問：點樣洗？
小茄想了一想話：不如著住去泳池洗，好嗎？
韻慈聽後傻笑一番.....
小茄再諗一諗後再話：再唔係你著住沖涼一次過洗埋，好嗎？
韻慈聽到繼續傻笑......

之後小茄反問：咁應該點洗好呢？
韻慈答：放入洗衣機洗.....

產後的全麥包

雖然小茄還坐月中，

但其實都回復得八八九九，

所以老公都慢慢開始上班了！

既然老公開始復工，

小茄都需要復工了！

點解小茄好似咁急呢？

因為在過去幾星期，

當小茄在廚房整野時，

韻慈總愛問：媽咪，你係唔係整麵包丫？

小茄聽到既開心，

但也帶點不快，

開心的是原來過去的付出係有人欣賞的；

不快的是對韻慈或多或少都有影響的......

所以小茄要好努力地令自己盡快回復正常生活，

希望可以縮短對韻慈的影響....

今早當小茄餵完頌祈食奶及自己吃過早餐後，

小茄便開始準備材料「開工」，

小茄當然是很懶地搵攪拌器代勞啦！ :P 

做法：http://frankiengfung.blogspot.hk/2014/02/blog-post_3697.html 

焗完出黎，
有點醜樣.....

切完又覺得鬆軟的，

但可能有點生疏，
所以切得有點醜！

終於出得院啦！

由於入院時抽血發現有輕微妊娠毒血症(http://frankiengfung.blogspot.hk/2014/04/blog-post_21.html)，

所以唔出得院(http://frankiengfung.blogspot.hk/2014/04/blog-post_23.html)，

醫生早上檢查時話驗血報告出了，

雖然指數回落，

但未算正常水平，

小茄緊張地問：可以出院嗎？

醫生反問：你想出院？

小茄即答：緊係啦！我想返屋企，見我個女，我好掛住佢丫！

醫生了解後話：好啦！但要覆診，覆診前要抽血，睇下指數是否繼續跌至正常水平，另外係屋企要繼續量血壓......

感謝主！終於可以出院了！

老公跟韻慈來醫院接出院，

當小茄見到韻慈(不是隔著電話)時，

小茄開心到差點喊出來，

自韻慈出世後，

未試過咁耐時間見唔到呢個女，

好想抱佢，

但揹著小B......抱唔到！

眼見呢個女在幾日間長大了不少......

回到家，

韻慈見到小B睡在餐椅上，

表現得很開心！

她的小B回家了！

韻慈開心了一會兒便問：點解小B瞓呢度？佢唔係同我瞓咩？

小茄解釋完，

韻慈只好扁咀地離開房間，

讓小B休息......

唔出得院！ :(

自再踏上母乳媽媽之路(http://frankiengfung.blogspot.hk/2014/04/blog-post_1135.html)後，

小茄很努力地每三小時餵一次奶，

希望小B可以維續夠濕片片有便便，

就算收水都唔好輕太多，

黃疸指數唔好太高，

可以順利地出院......

到生完第三日，

正當小茄準備可以出院時，

(因韻慈時順產正常觀察最少48小時就可以出院)

醫生檢查後話水腫未退到，

血壓偏高，

入院時驗果次血(http://frankiengfung.blogspot.hk/2014/04/blog-post_21.html)發現肝酵指數較高，

有輕微妊娠毒血症，

所以血壓一直偏高，

會再抽血檢驗，

睇下指數會否下落.......

終於明白點解入院血壓會上到158，

原來不單只係因為痛而令血壓高，

而係真係有問題！

小茄認知妊娠毒血症會死.....

再想起家中的韻慈，

又望著剛出世的小B，

開始擔心萬一自己離開，

佢地兩個會點呢？

老公對住佢地兩個點算呢？

一邊想，眼淚隨隨落下.....

情緒稍微平伏，

收到韻慈的電話，

當小茄聽到韻慈的聲音時，

眼淚再次落下，

(真係好掛住佢，

未試過咁耐冇見過佢抱、過佢了！)

但小茄忍著淚扮冇事繼續跟韻慈傾電話，

直到韻慈問：媽咪，點解仲係醫院，唔出得院嘅？

小茄只回答：因為媽咪身體差，有問題，所以唔可以出院

講完後，已經忍唔住喊，不能再扮了！

韻慈聽到也即時喊.....

老公只好安慰地說：有醫生睇住，冇事嘅！加上轉左入二等病房(http://frankiengfung.blogspot.hk/2014/04/blog-post_5974.html)總比普通病房好，好好休息下......

收線後，

小茄再想：

開心又要過，

唔開心都要過，

橫掂都要住多日，

不如努力好照顧小B，

另外自己放鬆心情，

可能指數會跌番，

咁咪可以出院囉！

接近中午，

小B要見兒科醫生，

當醫生幫小B度黃疸指數後話有少少高，

需要照一日燈，

小茄心想：冇請謂啦！橫掂自己都要住多一日......

但有護士入來聽到小B要照燈時，

立即跟醫生傾番小B出世時數，

再翻查參考資料，

原來有少少誤會，

小B黃疸指數還屬正常偏理想......

(小茄聽後安樂了！)

之後檢查小B的反應，

當然會喊啦！

(之後發現小B被嚇到瀨尿！)

下午，有位護士突然有個請求：

希望小茄可以泵出母乳讓她可以用不同的方法餵小B，

(其實又冇咩所謂，

又可以學多點事......

幾好丫！)

所以小茄泵定母乳讓護士可以示範......

係過程之中，
護士話小B好緊張，
由於之前係埋身餵哺，
所以就算佢咀仔細，
都肯張開個口食奶，
但就會出現有咀角漏出嘅現象......
小B竟然可以食晒預備的45mL母乳！

小茄另外發現如果抱著小B埋身餵哺時，
血壓會偏高，
但如果量血壓時不是在抱小B，
血壓會比較正常一點，
而且在跟護士傾談中，
如果休息不足，
血壓都有可能會升高，
咁......小茄唯有把半夜的奶餐假手於護士......
估不到埋身餵哺完3小時，
泵晒兩邊乳房可以有85mL，

雖然小B只可以在埋身完4小時食到75mL，
但.....小茄休息完真的好一點，
希望血壓可以回復正常啦！

話口未完......出事了！

話說今早韻慈自行替車仔變身(http://frankiengfung.blogspot.hk/2014/04/blog-post_4867.html)，

雖然小茄發出溫提請佢小心，

但對於一個四歲的小朋友來說：

有得玩又點會真係小心呢？

結果不出 5分鐘就出事－整到手指了！

韻慈當然大叫大喊跟小茄說：媽咪，我整到丫！隻手指好痛丫！

小茄出奇冷靜地叫韻慈：你去廁所喊完洗完面先，之後媽咪先幫你處理....... 

當韻慈平伏心情後出來，

小茄檢查韻慈的手指，

哦！只係少少腫了！少少紅了！

但小茄明白十指痛歸心，

所以難怪韻慈會大喊嘅.......

小茄只好幫佢輕輕按鬆，
還有幫韻慈輕輕拉直及屈曲，
由起初韻慈覺得很痛，
到最後韻慈覺得唔痛很止......
冇事啦！

觸電課

自從韻慈開始幫手開燈(http://frankiengfung.blogspot.hk/2014/03/blog-post_5538.html)後，
有時韻慈洗完手抹完手便會嚷著要自己開自己房燈，
但小茄跟爸爸常常都會擔心一個問題－觸電，
所以有天晚上爸爸在韻慈臨瞓前叮囑韻慈一定要抹乾手才可以開電掣，
而且解釋了觸電這個問題......

******************************************************************

爸爸解釋過後，
有天晚上，
韻慈突然在洗手前就開自己房燈，
小茄跟爸爸都覺得奇怪，
所以望一望韻慈......
韻慈立即解釋：
因洗完手，手會濕，
咁就唔可以開電掣，
咁所以我依家開左先，
之後洗手，咁就唔會......觸電啦！

小茄跟爸爸聽到，
明白晒了！
並且因韻慈還記得而感到安慰！

快點到啦！快點開門啦！

由於爸爸唔放心小茄，
所以請假陪小茄返醫院做檢查(http://frankiengfung.blogspot.hk/2014/04/120414.html)，
韻慈知道爸爸請了假，
所以一心諗住爸爸會接校車，
但校車到站時只見小茄接校車而感到失望......

當韻慈知道爸爸在家準備午餐時，
立即入lift，
之後請lift快點到啦！快點開門啦！
當lift門一開，
韻慈立即跑到家門前！

呢個女幾掛住爸爸！ :D

我好驚丫！

剛剛當小茄幫韻慈吹乾頭髮時，
韻慈突然問小茄：媽咪，聽日小B出世未？
小茄答：媽咪唔知道丫！呢個問題你應該問天父......
韻慈突然大喊地說：我好驚小B出世會抓我丫！
小茄聽後只話：如果小B一出世就識抓你，咁媽咪都真係幾驚......
韻慈聽後唔再喊，但再說：如果小B玩電掣，我會抱起佢.....

小茄聽後.....
真感安慰，
雖然唔知點解韻慈突然會有這些想法，
但佢出發點都是愛錫小B的......
哈哈哈哈！

要細聲點！

在韻慈善用短短十多分鐘學習期間(http://frankiengfung.blogspot.hk/2014/04/blog-post_3840.html)，

小茄聽到韻慈說：

要細聲點！

唔好嘈到小B.....

而且我又可以聽得到！

小茄聽後雖感到安慰，
但心想：希望佢真係記得啦！

執拾被鋪

通常當韻慈起床後，

小茄都會幫她摺被，

執拾被鋪.......

今早當小茄如常想幫她執拾時，

韻慈突然話：我自己摺丫！

小茄還不相信自己所聽的，

但見韻慈堅持的樣子，

小茄只好返回廳啦！

隔了一會兒，

當韻慈得意地走出來時，

小茄再入韻慈房間一望.......

原來佢真係識執拾！

(哈哈哈哈！)

如果佢可以維持每天都執拾好嘅話，

小茄又可以放手交俾佢自行處理啦！

韻慈的第二個興趣班＠學校 (第二階段 lesson 6 on 260314)

話咁快已經到了第二階段的最尾一課了！
呢個星期都交埋第三階段的費用......

如過去兩星期一樣，
韻慈知道要再回校上興趣班，
所以很快食完午餐、準備好出門口.....
而且小茄跟韻慈也很順利上到小巴，
所以比上星期早到，
但好在小茄跟韻慈可在學校大堂邊坐邊睇食譜邊等......

等了一會，
主任出來接小朋友入課室了！
而小茄還是選擇留在大堂等候，
睇完一會食譜，
跟其他家長閑聊，
時間就這樣過了！

當韻慈下課時，
突然要求要行一陣街街.....
其實小茄聽到唔太想，
因知道再咁行的話，
小B可能會再落......
而小茄真係唔想小B太早出世，
但再想到呢兩星期因擔心小B會早產，
所以的確少了跟韻慈行街，
再計計日子，
就算真係早都唔算早太多.....
再想到當小B出世後，
小茄會較難可以單獨跟韻慈外出，
點都要帶埋小B，
要好好珍惜可以跟韻慈單獨外出嘅時光.....
所以就算點都好啦！
小茄都應承韻慈慢慢行回家啦！

WebRep

currentVote

noRating

noWeight

韻慈的第三個興趣班(第二階段)＠香港話劇團 (lesson 6 on 210314)

又到了韻慈期待的星期五了，

每逢星期五，

韻慈都會很興奮......

特別在放學後，

韻慈興奮情緒就有增無減，

呢個情緒其實已經足夠推動到韻慈可以很快地完成午餐、換衫準備出門口.......

所以每次都可以準時出門口，

乘車返回中心......

在乘車時，

韻慈突然話：好攰丫！陣間返到話劇團要瞓覺先得啦！

小茄聽到回答：係丫！咁陣間瞓陣啦！

雖然小茄口是這樣回答，

但心想：信你返到中心會瞓先奇！

(第一，返到中心咁吸引，

還可以見番每星期只能見一次的朋友，

怎捨得瞓丫？

第二，韻慈不嬲都沒有瞓晏覺習慣，

除非佢好病時都可能會肯瞓一陣.....

或者佢嘅電力散盡就會瞓一瞓，

否則真係想佢瞓一瞓都難....)

結果：回到中心，韻慈還是興奮地玩.....玩.....玩.......

直到導師帶領小朋友們入課室，

小茄還是見到韻慈甚興奮.......

今次小茄冇特別事情要做，

所以還是坐在中心的一旁睇食譜，

盡量唔影響小朋友上課，

直到下課為止......

導師講番韻慈今堂表現：

今日韻慈好興奮，

小茄只說係丫！希望唔會太過度啦！

在回家途中，

小茄忍唔住問韻慈：點解今日你會特別興奮呢？

韻慈答：因為呢.....我係學校整左隻復活蛋，之後又返左話劇團玩囉！

謎底終於解開了！

最近有一個問題令小茄跟老公想極都想唔通.......

為什麼韻慈會叫這支東西做「斑馬線」呢？

其實老公跟小茄想了幾天，
還是唔知點解韻慈會咁叫，
只知道佢想飲時就會話想飲「斑馬線」，
但每次老公或小茄都會嘗試更正：這支東西叫杏仁露，
韻慈都可以即時更正......

直到今早韻慈又想飲時，
老公問韻慈：這支東西叫甚麼？
韻慈想了想後答：「斑馬線」......「行人路」......
由於韻慈剛起床，
所以咬字發音冇平時咁清楚，
亦因為咁......
老公跟小茄終於知道為何韻慈會叫這支東西做「斑馬線」的原因了！
原來佢將杏仁露變成「行人路」，
而佢更將「行人路」跟「斑馬線」連起來.....

所以韻慈會把杏仁露叫成「斑馬線」！
(哈哈哈哈！)

變魔術

當韻慈玩緊環保積木之際，

突然韻慈跟小茄說：

媽咪，我變個魔術俾你睇丫！

小茄心想：又有咩鬼主意呢？

韻慈繼續：正方形......

變成長方形......

再變番正方形......

其實只係一張紙巾對摺再對摺，
但小茄睇完配服韻慈的演譯，
佢會覺得係一個魔術，
而且佢嘅表達手法真的似在變魔術.....

能夠把學習生活化其實真係唔容易，
要把學習遊戲化其實更加不容易.....

韻慈，你係得嘅！

一邊唱一邊做

其實早前小茄曾提及到在第二個學期，

小茄會放手讓韻慈自行處理校內及校外的功課(http://frankiengfung.blogspot.hk/2014_02_01_archive.html)，

小茄可能唔需要再為韻慈緊張，

所以多了點時間留意韻慈在過程中的表現......

而韻慈覺得輕鬆了，

所以總愛一邊唱歌，一邊做功課......

見到佢咁開心，
小茄覺得呢個決定都唔錯丫！

但小茄突然腦海浮現一個問題，所以問韻慈：
你在學校做工作紙都會一邊唱，一邊做的嗎？
韻慈點頭道：係丫！
小茄聽後心想到另一個問題：
係咪真的呢？如果與的話，咪好嘈囉！

但是真是假都好啦！
小茄只知韻慈在家可以輕鬆地做功課就足夠了！

開心的小妮子

由於昨天晚上小茄透過監測器見識過韻慈的獨立(http://frankiengfung.blogspot.hk/2014/03/blog-post_17.html)，
所以今早小茄決定繼續放手，
今次小茄直情大膽到唔報時，
點解話大膽？
因如果韻慈唔專心做好自己的事，
就好大機會會趕唔切上校車！
而且今早韻慈比平時遲了5分鐘才起床，
小茄心裏開始擔心，
亦有定心理準備韻慈很大機會會遲了！

結果：
最後小茄只幫韻慈探熱及簽校車簿......
(雖然韻慈識探熱，
但呢個點都係家長嘅責任，
而且點都唔可以俾韻慈自行簽校車簿！
特別係不誠實的冒簽，
這個行為要不得！)
韻慈所有事情都遲了 5分鐘才完成！
但幸好還可以在8：10前出到門口......
總算安全地上校車！
(哈哈哈哈！當刻真係笑唔出！)

之後，
小茄從同學家長傳來的信息得知：
「韻慈今朝好開心，一路換鞋，一路唱歌“雀仔吱吱吱...“問佢係咪好開心，佢點頭話“係“~」
其實小茄見到信息果刻，
第一個反應係：「下！」
小茄在想差點趕唔切上校車，
還值得開心嗎？

但當小茄再想多一陣，
小茄開始估到點解韻慈會覺得開心......
因今早韻慈第一次在沒有提示下，
靠自己專心做好自己本份，
可以趕得切上校車......
(佢可能從中得到成功感！)

如果真係如小茄所想的話，
韻慈真係長大了！
而小茄遲下亦真係可以安心地坐月了......
但小茄還需要問一問韻慈開心的原因，
以及再用多幾天嘗試是否真的成功.......

******************************************************************
到韻慈放學時，
小茄問韻慈：點解今早會咁開心呢？
韻慈立即再表現唱歌：雀仔吱吱叫，兔仔蹦蹦跳.......
小茄睇完表現，再問：點解會咁開心？
韻慈答：因今早可以返到學囉.....

似乎離小茄所想的原因不遠......

傻妹，見到你成長，媽咪同你一樣都覺得真係好開心！

WebRep

currentVote

noRating

noWeight

又多一個玩法

當小茄突然出廳時見到，

磁石排得幾有規律喎.......

小茄不禁地問：韻慈，點解......磁石會排成咁呢？

韻慈解釋：佢地要分顏色企好.....
小茄開始唔明，唔通佢又當左磁石係人？
韻慈繼續解釋：有些字母企得穩，咁就分番不同顏色，幫佢地分組......
有些字母企唔穩就留佢地係盒裏......

哦！小茄明啦！
原來佢係留意字母有冇平面，
之後分顏色......
咦！小茄諗到下次可以引入甚麼俾韻慈學啦！