冬天的保暖三寶－NB

今次小茄為小B預備了佢出世後的保暖三寶，

包括有：
－小背心
起針＋邊位：http://frankiengfung.blogspot.hk/2013/12/nb.html
後幅：http://frankiengfung.blogspot.hk/2013/12/nb_4992.html
其中一幅前幅：http://frankiengfung.blogspot.hk/2013/12/nb_11.html
另一幅前幅－完成：http://frankiengfung.blogspot.hk/2013/12/nb_15.html
PATTERN：http://frankiengfung.blogspot.hk/2013/12/nbpattern.html
－蝴蝶巾
上集：http://frankiengfung.blogspot.hk/2013/12/nb_8119.html
下集：http://frankiengfung.blogspot.hk/2013/12/nb_16.html
－冷帽
http://frankiengfung.blogspot.hk/2013/12/nb_18.html

頭尾用了兩舊冷，幾十天時間！

NB 冷帽

織完背心......

織完蝴蝶巾......

繼續向上發展.......

今次織帽！

先起 80針，

接下來，尾接頭地開始織.....

之後不停團團轉地織，
到最後慢慢減針至得番 8 針收針！

今次帽嘅pattern跟背心一樣的，
襯番一 set！

簡易NB蝴蝶巾 (下)

上集(http://frankiengfung.blogspot.hk/2013/12/nb_8119.html)最後講到要織到約 10寸左右......

準備收埋個尾......
一般可以似上集咁開多一個窿，
但小茄通常織嘅蝴蝶片只係開一個窿.....
所以到織完 10寸之後，
會以兩針織一針的方式，

將 20針變成 10針， 

接下來以一行高一行低，
織約 1寸半左右
(同樣小茄織了14行)， 

之後以一針分兩針， 

將 10針變成 20針， 

以低針織一行固定行，
接下來，每次RS都減 1針， 

減至 3針為止，

最後收針，完成！ 

穿好嘅樣子！ 

簡易NB蝴蝶巾 (上)

剛剛完成了小B的背心，

今次要準備織小B的蝴蝶巾，

雖然話係NB蝴蝶巾，

但就算為韻慈織蝴蝶巾，

小茄都在呢款蝴蝶巾作少許變化.....

先起 3 針....

之後每次係RS都加 1 針...... 

直到加至 20 針為止....... 

接下來，需將呢 20 針分單、雙數，
有小心D！因都會幾易甩，
所以為安全起針，
各自數一數針...... 

分完之後，將其中一半用扣針扣實..... 

先將在織針的一半以一行高針一行低針咁織..... 

織到約 1寸半左右
(小茄織了14行)停一停...... 

將另一半同樣以一行高針一行低針咁織..... 

同樣織到約 1寸半左右
(小茄織了14行)停一停...... 

之後，需要將兩半夾埋一起，
先將兩行針平排，
以一針前一針後將它們夾埋...... 

夾完之後，都要數一數是否齊 20 針.....

確認齊 20 針後，
以低針不停地織..... 

需織到約 10 寸左右......
待續.

NB小背心－前幅(二)~完成！

週末韻慈家姐放假，

小茄唔可以密密織，

所以第二幅前幅好似織多幾日.......

織完哂！
當然即時縫埋一起啦！
以免放低一排就唔想再攪..... 

縫好兩邊，還差條領位...... 

終於完成了！
用左一星期時間......
NB細件D，真係會快完成D！ 
遲D用冷整幾條繩黎帮，
或者好似韻慈果件咁用扣針......

小茄特別搵番4年前陀緊韻慈時為韻慈預備的冷背心仔......

韻慈的第一個興趣班＠香港話劇團 (lesson 12 on 131213)

今次係第十二堂，係第一階段的最後一堂......

小茄跟韻慈很準時地在3時到達電車站，
但今天竟然交通非常暢順，
所以早左到達中心......

上課時間到了，
由於今堂會有open class，
所以導師今次要求由家長們講陣間見.....
當小朋友們進了課室後，
職員提醒請家長需要4時15分返回中心，
小茄見還有不足30分鐘，
所以決定留在中心，
邊織冷衫，邊等時間過.....

open class時間到了，
導師很細心地為小茄預備小椅子.....
(因小茄已唔方便坐在地上了！)
係呢段時間，
小茄終於知道韻慈在以往11堂係課室所做所玩嘅野......
(小茄見到韻慈的表現，其實真係好好笑)

到最後，由導師派發証書及日誌......
小茄當然會為韻慈及兩位導師拍照留念啦！

見到呢張証書，
証明第一階段已經完了！
將會在出年2月14日開始第二階段，
冇錯！韻慈生日當日開始丫！
在跟導師傾談時，發現原來導師都係同一日生日的！
(哈哈哈哈！真係橋！)

NB小背心－前幅(一)

可能已經用後幅大約計好針數及行數，

所以前幅相對較快.......

還有一幅前幅就織完，
之後就要縫好邊位......

NB小背心－後幅

用了3天時間，

完成了！

用了不足半舊冷.....

還有兩幅前幅.....

NB小背心

努力了幾天，

小背心的後幅差不多完成了！

小茄都有幾年冇織NB野了.....
NB野比較細件D，
所以速度比想像中快！

091213 產前檢查＠母嬰健康院

在10月31日贊育產檢後，

醫生決定小茄可以交由母嬰健康院跟進，

所以就約左小茄今早在母嬰健康院掛新症啦！

所謂掛新症其實都只係話第一次係呢間母嬰健康院檢查，

所有資料都係由贊育過黎......

由於約了9點，

所以小茄可以如常待韻慈上校車後，

才乘電車到東邊街行上去.....

今次小茄冇再喘氣了！

主要係由於小茄行得慢

(嘻嘻嘻嘻！)

當小茄到母嬰健康院時，

只是8:52，

先登記先啦！

之後慢慢等！

到9時正，姑娘們開始開工，
小茄要驗尿、過磅＆量血壓，
驗尿：冇問題，試紙都冇變色
(小茄覺得奇怪，點解唔變色，但姑娘話唔變色先係正常，其實小茄真係唔係太記得4年前嘅野了！) 
過磅：其實早上係屋企磅已知道，小茄又輕番3磅.....
(所以都預左可能又會俾醫生建議依多D野等等....)
量血壓：可能剛才行上母嬰健康院，所以血壓高左少少，所以姑娘要求再量過，
(兩姊弟都係咁，每次產檢都係要量兩次血壓！
其實除左要量兩次血壓之外，兩姊弟一到產檢日都會興奮到4點幾起身不停地郁！)
好在第二次量血壓正常！

檢查完三樣野之後，等見姑娘，再見醫生......
在等待時，小茄又點會讓自己浪費時間呢？
繼續密密織！

見姑娘：唔記得傾左D咩lu.....
(可能我專注地記住要請醫生開証明書)
只記得姑娘問產後會否餵母乳？
小茄答可能啦！
姑娘問駛唔駛聽講座？
小茄話唔駛啦卦，大女都餵左兩年多D.....
姑娘似安心地話有經驗可以唔駛啦！

見醫生：第一時間請佢開証明書！
(費事又忘記！)
度肚，聽小B心跳，
(小B係咁郁，醫生話佢心跳正常)
之後摸小茄隻腳，
(應該係檢查水腫問題)
再睇黎之前的驗血報告－一切正常，
結構報告－冇事，唔駛再照......
醫生冇提小茄體重問題，
(Yeah！又過到關！)
之後約下次期走得！

離開時10:30......
小茄覺得好快！好過係贊育果邊等......
下次.....6星期後見！ 

NB小背心

午飯回來，

小茄真的要認真開工了！

今次用SIRDAR DK SHADE 0216，

睇落都幾靚......

先開71針..... 

先織8行全低針，再一行高針一行低針織兩次，
開始加少少pattern啦！

又要開工了！

既然已經知道小B性別，

所以小茄立即係羊工房度訂冷，

準備織野俾小B，

但剛剛收冷時，

韻慈見到是粉藍色，

所以也要求要粉藍色......

睇黎小茄要努力啦！ :)