一個全職媽媽會做........: 旅行－台灣

Tuesday, 31 December 2013

Day 3 @ 聖誕台灣飛牛牧場體驗之旅 [24-28 Dec 2013]

可能第二天體驗太多，

所以第三天早上韻慈完全唔願起床......

睇佢瞓到.......

但當佢一起床，
就急不及待去洗手間扮靚.....

梳洗後，又另一個樣......
爸爸當然要滿足下佢愛被影相的要求啦！

而小茄發現原墅的小擺設及花圃都擺得好靚.....
所以忍唔住影下來.....

也影了牧場的景色.....

在食完早餐後，
應韻慈要求再去餵餵兔寶寶、黑山羊、綿羊，
雖然還有水域生態區未曾參觀，
但為免太累，
而且準備在上午 11時前check-out，
大家都唔想時間太趕，
最後韻慈決定再到草原活動區放風箏.....

今次韻慈完全可以自己控制到風箏了！

放完風箏後，
回房略作梳洗，
要準備check-out了！

不得不讚牧場的細心，
會預備梯級俾小朋友......

在準備check-out時，
爸爸發現已約好接送我們到台北的車一早已抵達了！
這樣，我們安心check-out，
向台北君品酒店出發......

約經過個多小時車程，
在這個多小時，
司機很細心地停一停讓我們伸伸腳及去洗手間，
順利到達君品酒店，

但由於我們早了抵達酒店，
房間其實還未準備好，
所以我們決定往外走走，
順便搵食......

到達台北地下街，
竟然可以搵到臭臭鍋......
爸爸跟小茄當然唔會錯過啦！
豆腐海鮮鍋

麻辣臭臭鍋

大腸臭臭鍋

醫完肚，在地下街行了一陣，
決定返回酒店，
感謝酒店 6樓前枱職員Johnny幫我們打點一切，
並帶著親切的笑容細心講解一切，
還有到依家都唔知點解會幫我們upgrade房間......
還提供免費上網服務添！
房內環境.....

由於訂房時，已通知酒店有小孩同行，
所以酒店為韻慈準備了一套小孩用品.......

而大人用的盥洗用品都很齊全.....

文具都齊全.....

還有免治馬桶.....

安頓一切，稍作休息......
就向台北101大樓出發，
因幾年前當爸爸跟小茄渡蜜月曾試過85樓隨意鳥餐廳，
覺得食物唔錯，價錢都合宜，
所以今次爸爸想帶奶奶再到隨意鳥餐廳試一試，
但今次.......真令爸爸跟小茄甚失望，
價錢貴，味道.....唔得！
最慘係職員見韻慈快 4歲，
建議可幫韻慈點兒童餐，
但發現唔太適合韻慈，
完全食唔到食材的真味......
難怪韻慈完全唔想食！
韻慈，對唔住！爸爸媽媽誤會你！
以為你因為曳，所以唔想食.....
但當爸爸媽媽試過味之後，
爸爸媽媽都接受唔到呢個味道.....

好不容易完成呢一餐......
點都要幫韻慈影張「到此一遊」相

回到酒店，
韻慈梳洗完，乖乖上床瞓了！
小茄還是覺得韻慈瞓緊嘅時候係最可愛的......

同時爸爸出外見朋友，
竟然俾佢搵到幾年前試過去牛肉麵......

Day 2 @ 聖誕台灣飛牛牧場體驗之旅 [24-28 Dec 2013]

經過一晚休息，

韻慈精神哂了！

還可很精神照鏡和自戀一番......哈哈哈哈哈！

在早上7時左右，
我們到飛牛餐廳吃早餐.....
小茄最喜歡餐廳的鮮奶饅頭、土雞蛋、清菜及麵....

另外每天都可以換領新鮮的乳製品！

吃完早餐後，
正式開始今次體驗之旅嘅行程.....
我們先經過飛牛廣場......
在這裏，小茄頓時覺得空氣份外清新！

感謝主，
讓我們有陽光陪伴，
而且有雲遮一遮，令我們不至於覺得太辛苦......

經過廣場，第一站：兔寶寶之家，
韻慈先跟兔寶寶傾計，
之後就係餵兔寶寶了！
(小茄近距離接觸動物，而氣管冇敏感！可能真係因為空氣精神啦！)

離開兔寶寶之家，下一站：黑山羊生態區......

係餵黑山羊期間，
竟然有一隻很餓的黑山羊連包草粒的紙袋都吃掉！

餵完黑山羊之後，
在等待餵牛寶寶喝奶奶期間，
還餵了鴨寶寶......

到差不多時間，

準備在乳牛媽媽之家門外排隊及洗手，聽職員講解......

牛寶寶開餐了！

在餵完牛寶寶之後，
我們觀賞了鴨BB大遊行，
別以為是剛餵的鴨寶寶出來遊行，
而係一大群大少少的鴨仔出黎做運動.......
這群鴨仔聽話地跟著職員行來行去，
可能遊客摸摸及餵飼......

觀賞完鴨BB大遊行，
還有些時間才到幫牛媽媽擠奶奶時間，
所以襯呢段時間，
我們先到蝴蝶生態區觀賞蝴蝶，

起初韻慈唔願意入生態區，
因韻慈一直都唔喜歡識飛的昆蟲，
但見到爸爸及小茄都入內，
唯有跟住入啦！

但當韻慈見到美麗的蝴蝶，
竟然睇到唔願離開！

當回到乳牛媽媽之家，
發現都未夠鐘.....
所以我們到隔鄰的綿羊生態區餵綿羊......
其實係每一個生態區都會有誠實商店售賣飼料，
雖然沒有職員在場，
但韻慈都會很誠實地放下所需金錢才攞飼料.....

當買完飼料，這班餓綿羊已急不及待等開餐了！

在餵完綿羊後，時間也差不多了！
我們先行洗手，
再望一望圖解，

之後當然係排隊，
聽職員講解.....

可以幫乳牛媽媽擠牛奶啦！

幫乳牛媽媽擠完牛奶後，
爸爸跟韻慈試用另一個方法餵在橋上的黑山羊......

之後準備返回餐廳醫肚了！
在回餐廳途中，
爸爸遠望見到乳牛生態區，
所以當然行過去望一望啦！

睇完乳牛之後，
我們都要醫一醫肚了！
今次決定到紅穀倉試一試.......

檸檬香草嫩煎鮭魚排

香烤優格莎莎雞腿排

野蔬燉烤小羊膝

牛奶布丁(示範)

牛肝菌野菇燉飯

味道不錯！

在吃過午餐，
我們睇番地圖：原來只係未參觀水域生態區，
開始安排參加DIY體驗園區的活動.....

活動(一)：冰淇淋搖搖樂－整雪糕，
材料：cream＋牛奶＋糖

先將材料拌混，再放入冰種入搖至凝固.....

約搖十分鐘左右，完成啦！

成功！幾開心！

享用完雪糕後，需將用具洗淨喲！

等待活動(二)：牛奶雞蛋糕－整cake，

材料：土雞蛋＋油＋牛奶＋奶粉＋糖＋玉米粉＋低筋粉

先將蛋白蛋黃分開，
蛋白加入糖打至挺身.....

蛋黃加入其他材料拌混......

爸爸好努力地打，
佢覺得自己等同於人肉Kitchen Aid......
(小茄覺ga！老公真係好利害......)

待爸爸把蛋白打至挺身，而小茄又將蛋黃切底拌混，
所以將兩盤混合在一起，
輕輕拌混，要保存蛋白的空氣還在蛋糕內.....

韻慈擺好紙杯......

爸爸將漿分好......

之後交由職員放入焗爐......
在等待蛋糕焗熟之時，
爸爸跟韻慈再次清洗用具，
總於俾韻慈恨到洗野啦！

蛋糕都出爐了！
幾好味！真係幾鬆軟......
爸爸的努力係值得嘅......

完成了兩個DIY活動後，
由於時間尚早，
所以到草原活動區放風箏，
沒想到第一次放風箏的韻慈竟然慢慢掌握到收放.......

放了一會兒，太陽下山，
草原上開始大風，
再加上下著毛毛雨，
令我地感覺更冷......

所以先回房略作休息，
經過原墅的大廳......
裝飾得幾靚.....
很有家的感覺，所以真係幾舒服......

韻慈又把握機會扮可愛.....

休息過後，又係時間食晚餐啦！
由於已試過犇牛牛的鮮奶鍋，
所以不如留在紅穀倉試下其他野.....

紅燒牛腩飯

海鮮墨魚義大利麵

雖然呢一餐味道較濃，

但都幾好味！

晚飯過後，
我們參加牧場的夜間體驗活動－整雞蛋餅，
在等待期間，
韻慈認識了來自台灣的姐姐，
姐姐其實是說國語的，
相信韻慈其實聽唔明，
即明乎其實真係雞同鴨講，
但姐姐跟韻慈又好似玩得很開心，
所以......其實語言係唔會成為人與人之間嘅限制，
最緊要係要真誠相待......
這樣就可以結識到朋友了！