薏米水

由於天氣炎熱，

再加上今早老公帶同韻慈做運動，

所以小茄只好煲定薏米水，

好讓他們消消暑，

做法：http://frankiengfung.blogspot.hk/2014/05/blog-post_24.html

今次老公要求加幾粒糖冬瓜......

老公還準備了一壺明天上課飲.....

配對練習

韻慈對這套數字咭又有新玩意了！

小茄留意到韻慈今日把相同數目的咭砌在一起，

當韻慈見小茄望住，
便立即解釋，
兩張咭都係一樣的數目，
之後會讀埋英文，
及咭上的字......

舌頭練習

還記得在韻慈幾個月大時，

家母曾多翻要求韻慈：

要多伸出舌頭，

要伸長一點......

家母解釋：

這樣可以令舌頭靈活一點，

對說話、進食都有幫助......

最近小茄也同樣要求小頌祈需要做同樣的練習，

但他近幾日病了，

所以沒有練習......

今日當小頌祈有所好轉，

他竟然伸出舌頭，

自我練習！
哈哈哈哈！

WebRep

currentVote

noRating

noWeight

洋蔥朋友

曾經睇過一篇文章關於未剝皮的生洋蔥可以吸病菌，

放係室內可以預防感冒，

所以韻慈小時候會長期有個生洋蔥放在房內......

小頌祈病了！

老公再把未剝皮的生洋蔥陪伴著小頌祈左右，

感覺就像朋友一樣.......

種菌

唔知因甚麼原因，
小頌祈突然病了！
對丫！係小頌祈丫......

對著這個剛滿月的頌祈，
小茄起初真的沒有辦法，
當朋友話依家的菌好勁，
令食母乳的頌祈也中招，
而老公就話可能頌祈所中的係小茄之前冇中過，
所以母乳內沒有這種抗體，
小茄突然想到一個方法，
就係要盡快令自己中招，
自己體內盡快製造抗體，
這樣，
母乳內便有抗體陪頌祈打仗，
雖然方法似有點冒險，
但都要試一試......

小茄用吸鼻器替頌祈清鼻腔，

以韻慈時經驗：
如小茄吸完沒有嗽口，
便會中招......

結果：
今次小茄同樣都中了.....

而頌祈也慢慢好轉過來......

感謝主！
看顧著我地，
雖然在過程中辛苦，
但有著各樣的提醒......

小茄餵哺母乳除了讓頌祈肚子得到滿足外，
還需要做頌祈的人肉種菌器.......

阿仔，努力！

WebRep

currentVote

noRating

noWeight

花生節瓜煲豬尾骨

是日天氣炎熱，

令人冇咩胃口，

再加上家中有節瓜，

不如用少少豬尾骨，

再加少少花生及薑，

煲番個湯，

一來可以補充多點水份， 

兩來又可以做湯飯......

衣櫥換新look

還有個多星期才端午節，

雖然傳統上「未食五月糭 寒衣未入櫳」，

但近排的天氣最低溫度都超過廿五度，

而最高溫度更超過三十度，

所以小茄見今午有少許時間，

不如就幫韻慈的衣櫥換一換季啦！

其實真係少少時間－約二十分鐘就可以，

因小茄只需把原本下層的夏天衫，

跟上層的冬天衫調轉，

同時請韻慈企定定度一度衣、褲、裙是否還合身......

攪掂！

接下來：
搵日要搵番一些頌祈合適的衫，
還有小茄要清走一些產後唔岩著的衫
(呢樣可能一日都執唔完！)

WebRep

currentVote

noRating

noWeight

被發現了！

當小茄忙完見到小頌祈竟然......食紗巾！

小頌祈心想：被發現了！

其實爸爸跟小茄預左這事會發生，
所以當爸爸買紗巾時會小心選擇(http://frankiengfung.blogspot.hk/2014/02/200214_9637.html)

安靜地消磨時間

這幾個星期，

一直有個問題困擾著小茄，

就是正當小頌祈食奶時，

韻慈總是忘記要安靜，

之後小頌祈便會唔專心地飲奶.....

其實爸爸跟小茄已經多翻提醒韻慈，

但可能之前只得佢時已習慣了！

這兩天，

小茄為免韻慈在弟弟飲奶時不停問小茄問題，

所以會在頌祈開餐前先問韻慈還有冇問題，

確認韻慈冇問題才開始俾頌祈開餐，

可能這樣做對韻慈來說似一個提醒，

所以今日韻慈在弟弟飲奶前便安排自己如何消磨時間－玩砌圖......

結果：好成功！韻慈真的不發聲......
小頌祈在 15分鐘內完成 5安奶.....
而韻慈在這 15分鐘又不會覺得無聊......
雙贏！

薏米水

天氣漸漸轉熱了！

近日經常下雨，

天氣又熱又濕，

係時候煲番一些清熱祛濕湯水......

當想到祛濕，

小茄最記得小時候家母一定會煲生熟薏米煲冬瓜，

但小茄怕煩，

所以只係煲薏米水.......

做法：

煲滾水後放入已浸洗的生熟薏米大火煲 10分鐘，

再用中火煲 45分鐘，

熄火後再焗 5分鐘

飲得！

在網上資料睇到：
原來薏米營養價值高，被譽為「世界禾本植物之王」，薏米含澱粉質、蛋白質、各種礦物質及維他命B雜。薏米有清熱祛濕功能，中醫稱其有健脾胃、利小便、消水腫、寧神安眠作用。長期進食可以滋補強身，無論寒底熱底，食用後皆無不良反應，是夏天清暑及冬天進補的理想食物。

210514 的黃昏

在準備頌祈開餐時，

小茄竟然見到這麼美的景色

WebRep

currentVote

noRating

noWeight

滿月啦！

今天是 5月 21日，

小頌祈滿月啦！

200514 的黃昏

正當小茄要抱小頌祈食奶時，

小茄見到窗外美麗的景色！

感謝主！

粉葛煲豬尾骨

近日天氣又熱又濕，

老公又買左粉葛，

不如加少少薑、赤小豆及扁豆煲豬尾骨吧！

三小晚後，飲得！ 

受傷了！

最近呢兩日，

小茄很怕小頌祈食奶，

因為小頌祈食奶期間及食完奶都要掃風，

但小茄隻手......

因掃風而爆擦了！

估唔到咁快就受傷了.....  
:(

不同的用法

蕉枕除了在懷孕期間讓小茄墊著腰骨，

脊柱冇咁易受壓(http://frankiengfung.blogspot.hk/2014/01/blog-post_16.html)，

另外可以讓小頌祈靠著望床鈴公仔(http://frankiengfung.blogspot.hk/2014/05/blog-post_9036.html)，

今日當小頌祈食完奶掃完風之後，

經老公提醒了小茄，

發現原來可以再利用蕉枕讓小頌祈靠著躺，

因每次食完奶掃完風，

為免奶倒流及小頌祈可能會在這時大/小便，

所以小頌祈通常都需要坐多一會兒，

在過去日子，

小茄都會讓小頌祈靠著的，

但小頌祈經常用頭骨大力壓在小茄的手，

令小茄很痛......

哈哈哈哈！

希望唔駛再痛啦！

扮得有幾分似

突然，

韻慈把大比比扒低.......

估下佢想做咩？

其實佢幫緊大比比掃風.....

偷偷地走出來

正當小茄在廚房預備材料煲湯(http://frankiengfung.blogspot.hk/2014/05/blog-post_173.html)時，

小頌祈在房裏睡著了......

但當小茄再入內望一望時，

發現小頌祈的手偷偷地走了出來.....

佢唔喊......
小茄都唔多加理會啦！

WebRep

currentVote

noRating

noWeight

節瓜花生煲豬尾骨

是日老公出海練習，

所以最好都係煲湯，

咁......老公回來就有啖湯水啦！

今次煲節瓜豬尾骨湯，

小茄又可以以形補形，

當然要加薑啦！

另外再加點連衣花生，

繼續增加乳汁 :P

WebRep

currentVote

noRating

noWeight

真的很好味嗎？

話說老公在昨天晚上已經交低請小茄今午燉橙(http://frankiengfung.blogspot.hk/2014/05/blog-post_9036.html)俾韻慈食......

但唔知點解佢食燉橙會咁開心呢？

睇得到嗎？

繼昨天小頌祈要練習頸力(http://frankiengfung.blogspot.hk/2014/05/blog-post_3495.html)，

今午當小頌祈食完奶之後被安排靠著蕉枕(http://frankiengfung.blogspot.hk/2014/01/blog-post_16.html)望著掛在床鈴的公仔，

其實小茄不知小頌祈是否真的睇得到，

但見到他的眼睛會跟著公仔郁，

可能他見到......一件物，

只係未見到細節.....

150514 的黃昏

在照顧韻慈及頌祈的時候，

小茄同時見到窗外的黃昏，

所有唔開心都會頓時忘記.....
哈哈哈哈！

點樣洗呢？

話說韻慈弄污了睡袋，
小茄見到便話：唔緊要啦！搵日幫你洗啦！
韻慈竟然問：點樣洗？
小茄想了一想話：不如著住去泳池洗，好嗎？
韻慈聽後傻笑一番.....
小茄再諗一諗後再話：再唔係你著住沖涼一次過洗埋，好嗎？
韻慈聽到繼續傻笑......

之後小茄反問：咁應該點洗好呢？
韻慈答：放入洗衣機洗.....

要支持住丫！

沖完涼，

食完奶.....

小茄見小頌祈精神好似幾好，

所以就陪佢練習下啦！

今次練頸力.....

靠自己努力撐起個頭，

其實小茄早係小頌祈初出世在醫院期間已經無意間發現他頸力的幾大，
出院後小茄在有一次幫小頌祈沖涼時，
不小心令他轉了身扒在床上，
當小茄擔心會影響呼吸之際，
但小頌祈竟然自己撐起個頭....
所以之後只要小頌祈乖乖食完奶之後，
小茄會讓他扒在小茄身上練習頸力！

間中練習下，
就正如韻慈所講「做功課」

接家姐放學！

每天中午，

小茄如以住一樣都需要接韻慈校車，

但要帶埋初生的頌祈，

唔通要抱佢落去？

就咁抱住好似有點唔穩妥......

所以都係攞番韻慈時買的流動屋啦！

小茄喜歡叫它袋鼠袋.....

(相片取自老公FB) 

頌祈係袋鼠袋裏應該都幾舒服......

出面就算日曬雨淋，
佢都唔駛怕啦！

合掌瓜花生煲豬尾骨

由於小茄尾龍骨開始痛，

所以老公買了豬尾骨回來，

可以煲合掌瓜，

再加少少薑及花生一齊煲，

三小時後.....

飲得！
希望可以以形補形，
由於加了花生，
所以同時希望可以增加乳汁應付頌祈的猛長期啦！

產後的全麥包

雖然小茄還坐月中，

但其實都回復得八八九九，

所以老公都慢慢開始上班了！

既然老公開始復工，

小茄都需要復工了！

點解小茄好似咁急呢？

因為在過去幾星期，

當小茄在廚房整野時，

韻慈總愛問：媽咪，你係唔係整麵包丫？

小茄聽到既開心，

但也帶點不快，

開心的是原來過去的付出係有人欣賞的；

不快的是對韻慈或多或少都有影響的......

所以小茄要好努力地令自己盡快回復正常生活，

希望可以縮短對韻慈的影響....

今早當小茄餵完頌祈食奶及自己吃過早餐後，

小茄便開始準備材料「開工」，

小茄當然是很懶地搵攪拌器代勞啦！ :P 

做法：http://frankiengfung.blogspot.hk/2014/02/blog-post_3697.html 

焗完出黎，
有點醜樣.....

切完又覺得鬆軟的，

但可能有點生疏，
所以切得有點醜！

120514 的黃昏

小茄本以為不停下著雨，

應該沒有機會見到黃昏景色，

但突然小茄被金光燦爛的海面吸引了，

 原來太陽間中在雲之間露出來.....

嬰兒床的適應

由於小頌祈需要食夜奶，

為免他影響韻慈家姐晚上的睡眠質素，

所以在過去的兩星期多，

小頌祈一直都跟小茄及爸爸同房，

日間睡在大人床上，

晚上睡在highchair.....

在過去幾天晚上，

小頌祈似開始準備戒夜奶，

雖然還在觀察階段，

但小茄也要為他戒夜奶後作準備，

老公先把韻慈之前用的嬰兒床(http://frankiengfung.blogspot.hk/2014/02/blog-post_2826.html)砌番好，

而小茄則需要再把所有床上用品清洗一次......

今天日間，

小頌祈試睡在嬰兒床啦！