050913 坐校車的第一天

今日係9月5日，
韻慈終於正式開學啦！
冇錯.......之前果8日係學校安排讓K1學生好好適應的漸進式適應班......
今日才真真正正的開學，
韻慈亦要過埋開學的最後一關﹣自行坐校車上學......

其實呢一關小茄真係好緊張，
因韻慈自出世以來，
第一次係沒有爸媽陪同下自己坐車......
亦可能太緊張關係，
所以褓姆姨姨約左8：03上車，
我地記然係7：50已經到達車站......
但今早不停地下著雨，
所以校車係8：20之後才到站......
(聽日會安排係8：00左右出門口)

係等校車期間，
小茄再次提醒韻慈：係校車上，對手要放在大腿上，唔可以攪其他小朋友.....
所以當韻慈上到校車時，
佢自己搵一個單邊尾位，
咁佢就唔會攪擾其他小朋友啦！
小茄見到韻慈坐好之後，不停隔住窗講野，
似係有千萬嘅野要叮囑小茄咁.....
而且還向爸媽飛吻......
到校車要開車時，
韻慈主動跟爸媽say goodbye.....

當時......
小茄覺得韻慈真係大個女了！

唔知陣間12點幾接校車時，韻慈情況會係點ga 呢？

送韻慈上校車後，
小茄在附近行左一陣，
街坊都紛紛問及妹妹係邊.......
小茄好似有少少失落，但也感到安慰......

見到韻慈長大，小茄慢慢已接受了......亦對韻慈嘅適應感安慰......

感謝主！一直由K1面試到依家韻慈上K1嘅帶領，安慰我們一家嘅心情，求主繼續看顧！