白汁肉片飯@30Jun2017

材料：
甘荀、薯仔、豬肉、麵粉、忌簾、飯

做法：
1. 豬肉切片，甘荀和薯仔以滾刀切角
2. 燒熱少少油，加入麵粉以細火炒至微黃
3. 加入忌簾，煮至微滾(有小氣泡)時，加入豬片、甘荀和薯仔

4. 煮至全熟，加少少鹽調味

放上飯面，完成！😋😋😋😋

白汁粒粒字母粉@29Jun2017

材料：
粟米粒、甘荀、豬肉、麵粉、忌簾、字母粉

做法：
1. 甘荀、豬肉切粒
2. 燒熱少少油，加入少少麵粉，以中慢火不停炒至麵粉轉淡黃色，加入忌簾拌勻
3. 加入粟米粒、甘荀、豬肉和字母粉，煮至全熟

完成！😋

西蘭花小肉丸通粉@28Jun2017

材料：
西蘭花、甘荀、粟米粒、豬肉、通粉

做法：
1. 西蘭花汆水、甘荀切片、豬肉剁碎搓成小肉丸
2. 水滾後加入小肉丸
3. 見小肉丸轉白色後，加入甘荀片、粟米粒和通粉
4. 見通粉煮熟時，加入西蘭花
5. 煮至西蘭花熟透

便食得啦😋😋😋！

細佬仔開始咀刁啦！成日都要求小茄整肉丸，好在整肉丸都好簡單，將肉洗淨👉🏻切片👉🏻切粒👉🏻剁碎👉🏻略拌(已起膠)👉🏻每次取少少搓成圓球👉🏻放入滾水煮......

The Farm 早餐 - 番茄湯底豬潤通粉餐

小茄又到The Farm食早餐......因小茄上次見到餐牌(http://frankiengfung.blogspot.hk/2017/06/the-farm.html)時，好想試個豬潤通粉，但細佬仔上次要求食鮮牛肉，咁今早當然試豬潤通粉啦！

小茄曾猶疑薑絲湯底還是番茄湯底好呢🤔？
如果薑絲湯底，細佬仔未必接受到，咁就番茄湯底啦！
另外細佬仔想食蛋，而小茄又唔想食午餐肉，所以問一問......可以將午餐肉改成煎蛋......

所以今早嘅早餐就變成：番茄湯底豬潤通粉、煎蛋、腸仔、牛角包，配熱華田


熱華田？？係咪覺得好奇怪呢？係丫！小茄突然想變一變，冇咩特別 :P

個通粉嘅豬潤都幾厚，煮得岩岩好，又唔腥，而且原來同番茄湯都幾夾......真係幾好味......

支持小店，會繼續幫襯😉

紫菜粒粒通粉@26Jun2017

材料：
青瓜粒、甘荀粒、粟米粒、蟹柳、壽司紫菜、通粉
[話說昨天幫小妮子預備午餐盒(http://frankiengfung.blogspot.hk/2017/06/lunchbox-for-school-picnic.html)後有些材料預備多了，唯有把它們切成粒粒，方便儲藏和準備細佬仔午餐時用啦......]


做法：
1. 蟹柳切粒
2. 水滾後先加入通粉，再加入青瓜粒、甘荀粒、粟米粒及蟹柳粒，煮至所有材料熟

3. 最後把壽司紫菜剪碎放在通粉上

食得啦！😋😋😋😋😋

lunchbox for school picnic

明天係小妮子學校的服務生日營，需要自備午餐......
小妮子便要求帶壽司.....
簡單地幫佢預備青瓜、蟹柳、甘荀、粟米粒、飯、壽司紫菜，
全部都係佢喜歡的😅😅😅😅


將青瓜、蟹柳、甘荀、粟米粒、飯整熟晒先

之後卷.....卷.....卷......

之後再切.....切.....切......

再排好晒入飯盒中

最後放係雪櫃先，明早帶埋冰種出去......

25 Jun 2017：扁豆赤小豆老黃瓜煲豬骨

是日小茄靚湯：扁豆赤小豆老黃瓜煲豬骨湯

材料：
扁豆、赤小豆、老黃瓜、豬骨、薑

做法：
1. 扁豆、赤小豆洗淨，浸 15分鐘
2. 豬骨汆水，洗淨，備用
3. 老黃瓜去瓤，洗淨，切件
4. 薑洗淨D泥，拍扁佢！
5. 煲2/3煲水，把所有材料放入煲內，大火煲15分鐘，轉細火煲 3小時。
6. 如有需要，可加鹽調味。



功效：
老黃瓜 - 清熱解暑、利尿解毒、滋潤補益
赤小豆 - 健脾、袪濕、利水、解毒、消腫
扁豆 - 健脾、化濕、消暑、治療水腫

#小茄湯水
#清熱袪濕健脾解毒消暑去水腫

檸蜜@25Jun2017

今早起身覺得個人好似dry dry地......
不如整杯檸蜜sweet下先....

統辦日@2017

是日 6月 22日，係小妮子學校嘅統辦日，
所謂統辦日 - 係校方為免家長因幫學生買書、買校服、訂飯、安排校車服務而請太多假期，所以特訂一天請晒 4間服務供應商來到學校，家長一次過辦理晒買書、買校服、訂飯、安排校車服務......

由於統辦日是即場派埋書，要小妮子揹新書回家......太重了！而且還要處理校車服務......所以小茄覺得還是自己到學校處理為佳，只不過呢個星期一直下雨，小茄一直擔心，如果下雨再加上要帶同細佬仔，都幾煩喎......

感謝天父，今早放晴，小茄待小妮子上校車後，跟細佬仔很順利地上到小巴......
到學校......買書及安排校車服務嘅過程都幾順利......

點算後......還有 5本書未有，書商已出通告話開課後係校內補回......

雖然未齊晒，但都幾重！要小妮子揹回來，睇怕佢一落校車便嚷著叫重！

處理埋校車留位之後，小茄跟細佬仔行去買卷蛋，因小妮子話想食華爾登餅店嘅斑蘭卷蛋.......

由於小妮子昨天晚上已問小茄可否今天放學校睇新書，所以回家後，小茄立即變身成包裝部女工，幫小妮子係新書上貼上名字及用包書貼包好新書......

用了個半小時，小茄終於包好晒呢疊新書了！☺️☺️☺️

蟲草花肉丸番茄濃湯通@21Jun2017

材料：
番茄、蟲草花、豬肉、通粉

做法：
1. 蟲草花先用暖水浸泡 15分鐘
2. 番茄切粒，豬肉剁成蓉後再搓成小肉丸
3. 水滾後先加入番茄發蟲草花煮 5分鐘
4. 加入肉丸，待肉丸開始浮起時加入通粉
5. 煮至通粉熟透


食得啦！😋😋😋😋

檸檬薏米水@21Jun2017

材料：
生薏米、熟薏米、檸檬、水

做法：
1. 生薏米、熟薏米洗淨，浸 10分鐘
2. 放入已煲滾嘅水中，以中火煲 45 分鐘
3. 切幾片去皮檸檬，加入煲內，熄火，蓋上煲蓋，焗 15分鐘

飲得！😋😋

加入檸檬， 多份酸味，清神醒胃

椰菜甘荀肉粒通@20Jun2017

材料：
椰菜、甘荀、豬肉、通粉

做法：
1. 椰菜、甘荀切片，豬肉切粒
2. 水滾後加入肉粒，待轉白色後加入椰菜、甘荀及通粉

3. 煮至通粉熟透

食得！

蟲草花勝瓜通粉@19Jun2017

材料：
蟲草花、勝瓜、豬肉、通粉

做法：
1. 蟲草花用暖水浸泡約 15分鐘
2. 勝瓜滾刀切角、豬肉切粒
3. 煲滾熱水，加入肉粒及蟲草花
4. 待肉粒轉白色後加入通粉
5. 煮約 5分鐘後，加入勝瓜
6. 煮至勝瓜及通粉熟透

完成啦！😋😋

通粉會略染上橙黃色，細佬仔幾喜歡㗎！😉

自家製(原味)爆谷😋

小妮子今早睇緊小學校際通識大賽時，突然要求食爆谷......
好啦！😅

材料：
爆谷豆、油

小茄用呢款爆谷豆.....

做法：

1. 加少少油係有蓋嘅煲內燒熱

2. 加入爆谷豆，略拌混後蓋上煲蓋，轉中細火，讓爆谷豆在煲內慢慢受熱爆開

經過一連串爆聲後......可以食啦！😋😋

**記得一定要蓋上煲蓋，否則會爆到周圍都係爆谷了！🤣🤣🤣🤣

18 Jun：粟米鬚水

材料：粟米鬚、水




做法：
把所做材料洗淨，放入煲內以慢火煲 45分鐘完成！

功效：
祛濕消暑、降低血糖、利尿減肥

#小茄湯水
#祛濕消暑降低血糖利尿減肥

家家開心嘉年華 Family Fun Day 2017

應小妮子要求，小茄今早到學校的家家開心嘉年華做義工......

由於義工家長需提早回校幫手，所以小茄出門時小妮子還瞓緊，已叮囑爸爸按時陪小妮子等校車😏😏😏😏

小茄自己去麵包舖買個紅包煎包

在小巴上食....

不愛遲到的小茄當然又早左回到學校啦！


入口處

攤位平面圖

禮堂佈置.....

難得到學校，再向老師了解一下小妮子在校情況先，雖然平時小茄會以電話或School App向老師查詢，但還是面對面跟老師傾談會較好......

之後小茄應老師邀請，到儲物室搬禮物😉

及後開始係熨珠攤位幫手☺️☺️

小妮子回到學校，搵完小茄後自己跟同學去玩了☺️☺️☺️☺️

今日雖然忙到冇時間自己砌珠，

唯有買其他義工姨姨整定嘅製成品啦！

番茄山藥肉片湯粉@16Jun2017

材料：
番茄、山藥、豬肉、通粉

做法：
1. 番茄切粒，山藥去皮切片、豬肉切片
2. 水滾後先落肉片，待肉片輕輕變白時，加入番茄和山藥
3. 見山藥煮至半熟時，加入通粉
4. 熟至通粉熟透，完成
(**山藥和通粉會令湯變稠，所以要邊煮邊攪拌，防止黐底)

😋😋😋

The Farm 早餐 - 番茄鮮牛肉通粉餐

一直聽到街坊讚好食，小茄之前曾經過，可惜未開舖......😓😓😓(通常都早過 8 點)

近排聽到有街坊講雖然寫話早上 8 時開始營業，但如果店舖職員番左黎都可以入去......小茄聽到😄😄😄😄可以去試啦！因小妮子 7: 40前已上校車，慢慢再行過去....大約 7:45左右，見水吧位已開燈，所以跟細佬仔入去坐下慢慢等......


細佬仔要求食番茄通粉果個餐，好啦！


番茄鮮牛肉湯通粉餐包括：
番茄鮮牛肉湯通粉 - 個湯很香，帶點甜，鮮牛肉鬆軟，份量都幾大碗，大約可以分到 3碗白色的小碗子.....都幾好食！😋😋
火腿奄列 - 小茄要求轉成煎雙蛋....其中一雙蛋穿了但煎得幾香
牛油方包 - 小茄食到最後果啖，覺得奇怪：點解會有香草味嘅？
小茄飲熱檸茶 - 茶沒有澀，都幾香.....

全個早餐 $33/，有興趣試埋其他野😋😋😋

粒粒節瓜牛丸湯飯@14June2017

材料：
節瓜、香菇、牛肉碎、雞蛋、飯

做法：
1. 香菇浸軟後切粒，浸香菇水留下
2. 節瓜去皮切粒，雞蛋打散
3. 牛肉碎搓成小牛丸
4. 水滾後先放小牛丸，待小牛丸浮起時，加入節瓜粒、香菇粒及浸香菇水
5. 煮至所有材料全熟，加雞蛋熄火拌混.....

食得啦！

勝瓜牛丸湯通@12Jun2017

材料：
勝瓜、牛肉碎、通粉

做法：
1. 勝瓜切角
2. 牛肉碎順一方向攪至起膠，搓成牛丸
3. 水滾後加入牛丸，待牛丸浮起後加入勝瓜
4. 待再滾時加入通粉，煮至通粉熟便食得！

考試後記

靜左幾日.......冇事嗎？

唔駛擔心！

小茄只係休養左幾日......事緣小妮子係考試前在校被同學「野」病了，之後細佬仔也相繼病了.....作為照顧者嘅小茄，很難不被染病，加上為小妮子考試溫習解說，講野比平時多幾倍，所以小茄失聲......及後老朋友-氣管敏感又黎煩擾啦！

今次發病都幾嚴重，更出現喘鳴，服用抗敏藥只能舒緩一陣，藥力過後氣管又開始速過.......

可能每晚臨瞓都咳......以小時計算......所以精神唔算太好，個腦唔係好想運作，幸好小妮子係試後呢幾日都沒有家課，咁個腦即使唔運作，影響都唔係好大，不過呢度就靜左幾日囉.......

今日雖然都未完全好番晒，但總算開始冇再喘，呼吸都算暢順嘅......希望慢慢冇事啦！☺️☺️

番茄山藥牛丸湯通@6June2017

材料：
番茄、山藥、粟米粒、牛肉碎、通粉

做法：
1. 番茄去蒂似粒
2. 山藥去皮，以滾刀切角
3. 牛肉碎搓成小牛丸
4. 水滾後加入番茄粒，待再水滾時加入牛丸、山藥、粟米粒
5. 待再水滾時加入通粉，煮至通粉熟透

完成！食得😋😋😋😋

小妮子今日考完試，要求食手搓肉丸......好啦！整俾佢食啦！

F005：代織小童上學長袖外套(深藍色)

話說上年當小妮子準備升小訂校服時，小茄本想向校服供應商買校徽，怎知供應商表示冇校徽賣，建議係佢地度買外套......小茄唯有買啦！

點知.....小妮子著果件外套都唔夠一年，袖位開始爛了！😡😡

小茄見橫掂都要幫細佬仔織上學嘅背心(http://frankiengfung.blogspot.hk/2017/05/e009.html)，為免家姐呷醋，不如都織番件長袖外套俾家姐啦！


(https://www.facebook.com/vegabyfrankie/photos/a.316395922042230.1073741833.316384248710064/468749166806904/?type=3&theater)


(https://www.facebook.com/vegabyfrankie/photos/p.468749376806883/468749376806883/?type=3&theater)
家姐試著.......
小妮子即話：呢件好暖丫！之前買果件冇咁暖.......

小茄心諗：都講到明係溫暖牌，緊係暖㗎啦！傻妹😅😅

#希望可以帶溫暖的祝福俾人
#VegabyFrankie

節瓜粒粒湯飯@5June2017

材料：
節瓜、粟米粒、豬肉、雞蛋、飯

做法：
1. 雞蛋打散
2. 節瓜、豬肉切粒
3. 煲少少水，待水滾後加入豬肉粒
4. 待豬肉轉白色，加入節瓜粒及粟米粒
5. 煮至節瓜熟透時，加入雞蛋，熄火

拌勻，放在飯面，完成！😋😋

勝瓜小肉丸通粉＠2June2017

材料：
勝瓜、粟米粒、豬肉、通粉

做法：
1. 勝瓜切角
2. 豬肉切粒、剁碎，順一方向攪至起膠，搓成小肉丸
3. 水滾後加入肉丸，待肉丸浮起後加入勝瓜、粟米粒
4. 待再滾時加入通粉，煮至通粉熟便食得！

午膳供應商試食會@1Jun2017

早兩天，小茄收到小妮子學校嘅義工媽媽邀請參加今午的試食會，因校方想轉午膳供應商，需要請老師、家長及學生試味評分......

今天要試 3間午膳供應商(聽其他義工家長講，之前已經試左幾間......)
其實小茄完全唔知邊 3 間，因校方安排佢地以代號代替，其實咁都幾好丫......起碼唔會其他因素影響到評分.....每間都有 5款飯餸試食，試食完之後要填番學校嘅評估表.....


好啦！真係要試啦........

第一間：包裝好似坊間嘅叮叮飯咁，一開時小茄立即聞到陣係飯壺裏焗左好耐嘅味......味道偏咸，顏唔單調唔吸引，西蘭花帶苦澀......其實西蘭花係焗完之後會變黃，咁就會苦㗎啦！而且飯好硬！雖然有義工話可能係三色飯，所以會硬少少，但吾家都有煮糙米，唔會硬到咁......

第二間：包裝雖然採用紙嘅包裝，但好難開㗎！就算職員教授開飯技巧，小茄都唔係次次都開到，而且要一隻手托住盒飯，如果盒飯熱嘅話都幾危險，一開嘅時候感覺似食Pizza Hut 咁，款式多選擇，有pizza、蒸飯、烏東，等.......但份量好大，如：一盒蒸飯再加一盒蔬菜.....太多啦！另外椰菜花太「淋」，菜心變黃了！而三色飯就冇第一間咁硬，入到口嘅.....

第三間：包裝好似有些食肆咁開蓋分 3隔，雖然係膠，但職員話收番會循環再造的，一開......小茄覺得正常外賣飯盒，飯餸顏色豐富，飯可以聞到飯香，而三色飯都煮得幾好味，蒸蛋好滑，而菜蔬用南瓜、番薯......

3 間當中，小茄較喜歡第三間，因有齊色香味，但小茄只係其中一個代表，幫 3 間午膳供應商評分後，交俾高層做最終決定啦！

校長話一般兩至三年會轉午膳供應商，小茄估唔到今次有份參與......雖然真係咩都唔識，但又幾好玩.......

唔知來年小妮子嘅午膳會係點㗎呢？