昨天下午沖涼時，韻慈突然記起第二天是星期四，
之後就話：媽咪，我想你陪我番學校做體操丫，好唔好丫？
小茄見韻慈咁有誠意，又清楚地問，就答應了，
但小茄跟韻慈講：希望佢可以跟校車回校，而媽咪就自行搭小巴到校！
起初韻慈唔想，但當小茄再三解釋就應承了.........
到了今早，韻慈自然地係6:30起床，
到7時前已經吃過早餐！(小茄完成不敢相信)
到7:20已經換好校服.....
平時拖一小時完成的事，今早所有事情都提早完成(小茄還以為自己發夢中)
小茄見韻慈今早有進步咁乖，所以決定帶韻慈去附近兩個公園玩一陣才等校車......
韻慈拾完一片葉話要送俾爸爸！
怎知，當韻慈去完兩個公園玩完都只係7:55，雖然韻慈都願意乖乖企好等校車，但小茄心想：要等成20分鐘，仲要吹住北風，韻慈好容易再病一病，手尾好長ga喎......咁不如同佢一齊搭小巴，自己係可能會辛苦少少，但總好過佢病丫！
所以小茄決定同韻慈一齊行去上小巴總站搭小巴回校，期間當然打俾跟車褓姆交代聲......
係途中，有個同學仔上車，仲不停叫韻慈.....
應該成車都知韻慈上左車.....
但韻慈又冇理會！
回到學校，小茄有了上次經驗，所以只係企係外邊，而韻慈自行入內換鞋、放好書包、入好家課，之後在課室睇書等待......
到開始體操時，韻慈跟著老師出課室，
眼神不停地尋找小茄，
小茄見到佢嘅不安即刻現身......韻慈立刻安心哂！
但當體操時間開始時，
小茄發現韻慈好似投入唔到，
本以為可能韻慈因早起玩完而攰，
但見韻慈有少少眼濕濕，
所以決定問一問韻慈諗緊咩？
原來韻慈突然想返話劇團......
小茄只好解釋明天放學後先可以返.....
韻慈好似唔想接收呢個答案，所以小茄只好拉開話題，
講番尋日韻慈要求媽咪黎做體操.....(又work喎！)
韻慈突然記起，所以可以投入到了跟著老師一起跳.....(good！)
今天跳完舞的遊戲係需要家長陪住小朋友一起做的，
雖然老師擔心小茄可能會失平衡而提議可由老師代勞，
但為左韻慈開心，小茄堅持自己黎，當然小茄用一隻腳做好平衡啦！
玩完遊戲後，韻慈主動話好開心(咁就好了！)，
但還想小茄陪多一陣，所以一直拖實小茄的手，
直到老師叫到紅色的士組時，
韻慈輕輕放開小茄的手，講完再見，慢慢行去排隊.....
小茄望住呢個情景，完全明白韻慈的擔心，
多謝校長在早幾天跟小茄花了成個鐘去解釋韻慈的憂慮！
小茄再次覺得韻慈真係冇入錯學.......
體操完左之後，小茄跟幾個家長傾談而冇去健身室，
但小茄覺得跟其他家長聯誼都是需要的！
小茄明天要繼續努力做運動啦！
