久違的大大冷

剛完成了長頸巾(http://frankiengfung.blogspot.hk/2017/07/c003.html)，小茄決定處理家中嘅冷......

其中要處理這包大大冷，好似已經好耐啦！😏😏😏😏

織乜好呢？🤔🤔

Brioche Stitch的織法

小茄剛完成的長頸巾(http://frankiengfung.blogspot.hk/2017/07/c003.html)是用了Brioche Stitch的，

Set Up Row: *YOS, k1, repeat from * to end of row.

Row 1: *YOS, bk2tog, repeat from * to end of row.

Repeat Row 1

#150cm長
#希望可以帶溫暖的祝福俾人
#VegabyFrankie

C003 ：雙面長頸巾(深藍色)

小茄新作品完成了！


(https://www.facebook.com/vegabyfrankie/photos/a.316388398709649.1073741830.316384248710064/498354887179665/?type=3&theater)

如欲查詢或訂購，歡迎留言或私訊。

#150cm長
#希望可以帶溫暖的祝福俾人
#VegabyFrankie

翠蘆莉開花

由上年 11月初，學校派通告參加一人一花活動，經過大半年時間，翠蘆莉開始開花了！



紫色花花好靚丫！
因為小茄喜歡紫色☺️☺️，而且小茄都喜歡花(相信冇咩女仔唔喜歡🤔🤔)，只不過小茄對花粉敏感，所以一直都又愛又恨，特別係收到濃郁花粉嘅，如百合......簡單係要立即服抗敏藥，否則就.......慘啦！😖😖😖😖

The Farm 晚餐 - 洋蔥汁牛脷餐

小茄晚上出去整完野，需要醫下肚啦！小茄決定試下The farm嘅晚餐，之前小茄試過呢度嘅早餐，所以小茄相信唔會中伏嘅😁😁😁

可能係晚上近 9 點了，所以人客唔算太多......


小茄選擇左羅宋湯：好似早餐嘅湯粉咁有濃濃嘅番茄味，有很多蔬菜，還有牛肉粒，而蒜蓉包唔似其他食肆咁硬，呢塊係外脆內軟，蒜味好香，配埋羅宋湯係剛剛好！👍🏻👍🏻


牛脷餐跟薯菜配洋蔥汁：呢個牛脷好有驚喜，伴菜新鮮，牛脷有 5片，好夠分量，而且好鬆軟，好有肉汁，而薯條唔似老麥嘅又幼又乾


小茄選擇飲凍檸茶少甜：天氣太熱，所以偶爾破戒似飲野，而且凍飲唔駛加錢.....

而甜品可以選擇啫喱、芒果布甸、香蕉pancake


小茄選擇了布甸，因pancake感覺會更飽，而小茄又唔喜歡啫喱嘅色素🤔🤔🤔，連自己都覺得好煩😆😆😆😆

呢餐真係唔錯，小茄覺得好滿足☺️☺️☺️☺️

要留意：佢地會 21：30 last order㗎！同埋聽街坊講外賣好抵食㗎！

小妮子的掃描

上星期小妮子話今早第一堂要掃描(http://frankiengfung.blogspot.hk/2017/07/blog-post_20.html)


結果：原來要掃球體......

小茄覺得以小妮子黎講，算係唔錯啦！當然還需要努力啦！
小茄要求真係低😄😄😄😄

不請自來去飲茶

今天學校安排去飲茶，從中學習飲茶文化

小茄跟幾位家長決定自行到酒樓飲茶

細佬仔不停地食，不停話：食完啦！
😂😂😂😂真係俾佢笑C了！

期間突然有個同學走過黎多謝小茄之前教佢熨珠.......
冇諗過會有同學還記得，而且特意走過來😘😘😘😘

太陽準備下班時

突然見到......


畫一樣.......

小茄如果可以畫到咁就好了！

25 Jul：生熟薏米煲冬瓜湯

早兩天大暑，煲番個祛濕消暑湯飲下先......

材料：
老冬瓜、生薏米、熟薏米、薑、豬骨

做法：
1. 豬骨汆水備用
2. 生、熟薏米清洗乾淨
3. 老冬瓜洗淨外皮切大件，薑拍扁
4. 滾水後，加入所有材料，待再滾時轉細火煲 1.5小時，加鹽調味完成


功效：
冬瓜 - 清熱解毒、利水消痰、除煩止渴、祛濕解暑
薏米 - 利水滲濕、祛濕除痹、健脾止瀉、清熱排膿

#小茄湯水
#清熱利水祛濕健脾解暑解毒消痰排膿

香蕉蛋糕@24Jul2017

材料：
熟透香蕉............3隻(壓成蓉)
雞蛋...................1隻(打散)
牛油...................30克(先融化)
雲呢拿香油........0.5茶匙
鹽......................0.5茶匙
低筋麵粉............120克

做法：
1. 預熱焗爐至 175度
2. 把牛油加入香蕉中拌勻，加入雞蛋、雲呢拿香油再拌勻
3. 加入鹽拌勻，分三次篩入低筋麵粉拌勻至無粒狀物



4. 把拌好粉漿倒入小蛋糕紙杯中，放入焗爐烘焙 1小時



暫時小妮子番暑期活動要帶茶點，整蛋糕就可以方便安排佢嘅茶點啦！😉😉😉

珍惜可以捐血時......

睇番紀錄-上一次捐血已經係 4月 1日(http://frankiengfung.blogspot.hk/2017/04/blog-post_1.html)，應該係 7月 15日可以再捐血了！不過小茄有少少技術上嘅問題，無謂運吉啦！😏😏😏😏而且小朋友爸爸可以代小茄照顧孖寶，咁就唔知咁辛苦帶埋佢地去捐血站啦！

填完表，等檢查血紅素時.....

小茄見到枱面有個好得意嘅小血包鎖鑰扣嘅相😍😍😍😍

今次嘅血紅素結果係12.2 ✌🏻✌🏻✌🏻✌🏻係可捐血範圍以內，好在上星期冇運吉咋😎😎😎😎


之後等見護士，係等待時小茄繼續發揮織女本色......密密織地等......

見護士.....又有一包補品😂😂😂😂

等量血壓......因之前有兩個特別case......
小茄慢慢地等(因怕心急，血壓會高)......差點瞓著🤦🏼‍♀️🤦🏼‍♀️🤦🏼‍♀️
量血壓啦！115/75😎😎😎😎幾好咁喎，而pulse就 88 🤔🤔🤔好似有D快喎.....攪咩丫！🤔🤔🤔🤔🤔不過護士話好.....咁就算啦！

今次有個襟章......橙色.....幾靚喎！😄😄😄😄

過程途中，小茄聽到HKU嘅捐血站會係 8 月底可以用啦！

用左 6分鐘捐左 450cc血......差唔多啦！

捐完血，飲番杯淡味嘅利賓納仔仔先.....以形補衫(講下咋！😁😁😁)

今次還有靚靚嘅夾送😍😍

下次係 11月 4日可以捐啦！
11月......到時身體應該會健康D，因細佬仔讀K1，小茄可以做番運動啦！
同埋......可以係HKU捐血站喎！但中區捐血站有位風趣嘅護士.....🤔🤔🤔🤔🤔好難取捨添😆😆😆😆

唔專業嘅理髮師

睇番細佬仔上一次剪髮......原來已經係 3月初嘅事(http://frankiengfung.blogspot.hk/2017/03/blog-post_99.html)了！難怪佢D頭髮咁長啦！

小茄趁小妮子今日全日跟學校旅行，所以帶細佬仔去剪頭髮......

今次試係厚和街嘅一間小型理髮舖，
入到去理髮姨姨就問：細佬仔幾多歲先？
小茄答：3歲.....
姨姨再問：佢乖唔乖先？
小茄心諗：呢樣好難講㗎喎......
只係回答：佢坐得定嘅......
姨姨話：今朝有個 4歲嘅喊足成個過程
小茄聽後話：放心啦！佢唔會喊，剪髮時坐得好定....


開始剪髮，細佬仔完全合作，因貪靚😏😏😏
相反姨姨不停望住電視，小茄幾驚佢會剪到自己或者整到細佬仔.....
完全唔專業，不過 $35.....算啦！下次去第二度剪髮啦！

應承左要整嘅芒果冰棒

之前應承了小妮子會整芒果雪條，但一直都冇咩時間攪，
難得佢今日全日跟學校去旅行，小茄同小妮子講明有好多野要攪，所以唔陪佢啦！

材料：
芒果.......4個

做法：

1. 把芒果起肉，用攪拌器攪成漿

2. 倒入冰棒模具，雪至凝固

小妮子今日終於可以去完旅行回家食雪條lu😋😋😘

雙花牛丸飯@21Jul2017

材料：
西蘭花、椰菜花、牛肉、雜豆、飯

做法：
1. 把西蘭花和椰菜花先汆水備用
(汆水可縮短之後煮嘅時間，和可清除花內的蟲)
2. 牛肉搓成小丸子
3. 煲滾少少水加入牛丸，待牛丸浮面時加入雜豆和雙花
4. 煮至所有材料熟便可

慢慢排番好雙花，小伙子食得開心！☺️☺️

久違的掃描

昨天小妮子上完學校暑期班回來表示：學校工友教佢掃描，話要求下星期三第一堂要掃一個正方體......
其實小茄好想知小妮子會畫成點呢？🤔🤔🤔

咦......小茄都好似好耐冇畫過啦喎！
突然癮起......
搵支筆黎玩下先😄😄😄😄

真係太耐冇畫啦！
冇咁得心應手，線條有點生硬，如果俾之前讀design教畫畫嘅阿sir見到，應該會有更多意見了！🤦🏼‍♀️🤦🏼‍♀️🤦🏼‍♀️🤦🏼‍♀️🤦🏼‍♀️

Lunch box for school picnic of summer class

明天小妮子又跟學校去旅行了！

今天老師係手冊上貼了注意事項，第一件事係要準備午餐......之前整壽司.....小茄今次唔想再卷壽司了！不如整小丸子飯糰啦！😋😋😋😋

小茄見今天午餐食青瓜(http://frankiengfung.blogspot.hk/2017/07/20jul2017.html)，咁不如留定1/4條青瓜整午餐盒啦！

今次材料有：
青瓜、甘荀、蟹柳、紫菜、飯

做法：

1. 把青瓜和甘荀切粒，蟹柳解凍
2. 先把甘荀放入飯煲跟米一起煮，待飯熟前 5分鐘放入青瓜和蟹柳
(由於小茄想分開三色，所以青瓜、甘荀和蟹柳是分開放的)

3. 飯熟後分開盛起

4. 把紫菜剪成小段

5. 三色飯分別把飯餸拌勻
6. 把少許飯餸放在保鮮紙中間，拉起保鮮紙四角，把飯餸迫至中間扭實

7. 用紫菜卷起，方便小妮子食用


有大有小，感覺冇咁悶......
排好晒入飯盒，再放入雪櫃雪好，
明天帶埋雪種......攪掂！

青瓜肉片飯@20Jul2017

材料：
青瓜、豬肉、蒜頭、飯

做法：
1. 豬肉切片，青瓜去部分皮切片
2. 燒熱少少油，加入蒜頭，慢慢爆香
(**可轉細火因蒜頭易燶變苦)
3. 轉中大火，加入豬肉，炒至轉白色後，加入青瓜略炒
4. 加少少水煮至全熟

食得！😋

勝瓜牛肉湯飯@17Jul2017

材料：
勝瓜、牛肉、鮮菇、飯

做法：
1. 勝瓜滾刀切角，牛肉切片
2. 燒熱少少油，加入牛肉略炒至表面轉色，盛起
3. 加入勝瓜和鮮菇略炒，加入水煮至勝瓜熟時，加入牛肉片，煮至全熟完成

16 Jul：番茄薯仔紅蘿蔔洋蔥煲豬骨

是日靚湯：番茄薯仔紅蘿蔔洋蔥煲豬骨

材料：
番茄、薯仔、紅蘿蔔、洋蔥、南北杏、薑及豬骨

做法：
1. 南北杏洗一洗，之後浸起碼 15分鐘
2. 豬骨汆水，洗淨，備用
3. 薑洗淨D泥，拍扁佢😅😅
4. 番茄去頂，切角
5. 紅蘿蔔、薯仔洗淨外面嘅泥 (小茄連皮用，冇去皮)，以滾刀切角
6. 洋蔥去外衣後一開二
7. 煲2/3煲水，把所有材料放進，用大火煲15分鐘，轉細火煲兩小時
8. 如有需要，有少少鹽調味


#又煲自己🍅🍅
#小茄湯水
#😋😋😋😋
#加左洋蔥多份香甜
#有齊孖寶喜愛的

突如其來的義工？

是日小妮子學校暑假班旅行，小茄本來諗住讓小妮子跟學校老師一起去，所以昨天為佢預備午餐盒(http://frankiengfung.blogspot.hk/2017/07/blog-post_29.html)

但當今早小茄陪小妮子回校，之後老師邀請可以自行搭車到香港公園，所以小茄和兩位家長一起到......

學校老師除了安排同學去玩外，

還安排茶具文物館有導賞員解釋茶具......
小妮子同小伙子都學多左野☺️☺️☺️

學校旅行的午餐盒

明天係小妮子暑假英語班旅行，需要自備午餐......
小妮子便要求帶壽司.....
簡單地幫佢預備豆、蟹柳、甘荀、飯、壽司紫菜，
全部都係佢喜歡的😅😅😅😅


將豆、蟹柳、甘荀、飯整熟晒先
之後卷.....卷.....卷......
之後再切.....切.....切......


再排好晒入飯盒
最後放係雪櫃先，明早帶埋冰種出去......

攝時間準備午餐

小妮子由今日開始放暑假，

不過佢參加左學校嘅暑期英文班，而且沒有校車服務，即係小茄要接送小妮子返學放學.....

為免接完小妮子放學回家煮飯會太晏食午飯，所以小茄決定要好好利用電飯煲的預設時間功能先，當然食材方面需要多層考慮啦！要選擇耐煮的食材......

今日準備薯仔、雜豆、豬肉(剁碎)

預設時間係13：10，

煮熟後加少少牛油拌勻.......食得啦！😋😋

家教會活動週 Day 4 @10Jul2017

小茄幫手嘅活動對象係初小-即小一至小三，共 12班，而上星期 3天已完成了小一和小二共 8 班的興趣班，今天早上小茄需要處理 4班小三嘅興趣班，其實今早小茄嘅心情已輕鬆好多，因上星期五已處理小妮子所屬班別(http://frankiengfung.blogspot.hk/2017/07/day-3-7jul2017.html)，一直以來小茄真係唔知點解好怕係小妮子面前認真做野，可能真係怕小妮子突如其來嘅反應或者問題卦......但總算克服了！

雖然今日要處理 4班，但小茄相信一定可以應付.......

幸好今日中途學校有火警演習，可以舒緩一下......


見到同學們嘅創意，又真係幾靚丫！😍

經過 4天 12班初小嘅興趣班，小茄開始露疲態了！只想立即唔出聲......養下把聲😉😉😉

而細佬仔由初段時想曳，到慢慢定番乖番.....good👍🏻👍🏻😘

情信？

小茄剛剛入小朋友房時見到


其實小妮子真係好愛、好緊張細佬仔㗎！
呢個情景好多時都會係學校活動時見到㗎😘😘😘😘

送俾小妮子的獎勵

小茄昨天見家長攞成績表(http://frankiengfung.blogspot.hk/2017/07/8july2017.html)，小茄見小妮子真係努力溫習，而成績都唔錯，

所以決定買件小禮物俾佢作獎勵，亦鼓勵佢繼續努力啦！

自問：自己對小朋友要求高嘅，但著眼點不是成績，而係著重佢地過程有冇努力付出？有冇進步呢？

增肥薯蓉飯@9Jul2017

材料：
薯仔、豬肉、雜豆、牛油、忌廉、飯

做法：
1. 豬肉剁碎，薯仔洗淨
2. 把薯仔、雜豆和豬肉碎放在飯面跟飯一起煮
3. 待飯熟時，把薯仔壓成蓉，再把薯仔、雜豆和豬肉碎和白飯拌勻
4. 加入牛油和忌廉，拌勻至牛油溶化和忌廉一起被吸收


完成！😋😋😋

小妮子要求......所以先整😏😏😏

香蕉蛋糕@9Jul2017

材料：
熟透香蕉............3隻(壓成蓉)
雞蛋...................1隻(打散)
牛油...................30克(先融化)
雲呢拿香油........0.5茶匙
鹽......................0.5茶匙
低筋麵粉............120克

做法：
1. 預熱焗爐至 175度
2. 把牛油加入香蕉中拌勻，加入雞蛋、雲呢拿香油再拌勻
3. 加入鹽拌勻，分三次篩入低筋麵粉拌勻至無粒狀物



4. 把拌好粉漿倒入小蛋糕紙杯中，放入焗爐烘焙 1小時

完成啦！😋😋😋😋😋

9 Jul：粟米鬚水

材料：粟米鬚、水




做法：
把所做材料洗淨，放入煲內以慢火煲 45分鐘完成！

功效：
祛濕消暑、降低血糖、利尿減肥

#小茄湯水
#祛濕消暑降低血糖利尿減肥

努力過後嘅獎勵@8July2017

個多月前，當小妮子開始需要溫習下學期期考時，爸爸見小妮子唔專心，所以對小妮子提出：如今次有進步的話，便以自助餐作獎勵。

當學校派卷，小妮子雖說有D科目係跌左，但有用心溫習嘅成績就好高......直到今早見家長攞成績表(http://frankiengfung.blogspot.hk/2017/07/8july2017.html)......真係有進步！

所以爸爸對現承諾，

帶佢地去六國酒店食lunch buffet

細佬仔果set餐具好cute😍😍

小妮子，要繼續努力！💪🏻💪🏻💪🏻💪🏻