過了一半 041213

已經20週了！過了孕期的一半！

已經感覺到小B郁動一段時間了！

今日藉得令小茄興奮的.......
因為今早過磅，小茄終於追平10磅了，
即在起初因害喜而輕了的10磅，
今日20週多少少，終於追番了！
依家的磅數等於未有小B時的磅數.....
其實情況跟陀韻慈一樣！

而肚圍.......原來已經36寸了！
其實一個月前度已經有35寸......
小茄唔敢想像到小B出世時個肚會有多大，
只希望唔好似韻慈那時的45寸肚......
可能重心開始變，
所以小茄也開始感覺到脊柱開始受壓，
為免脊柱側彎問題加劇，
小茄只好多加留意姿勢及拉番鬆D筋！

求主繼續保守餘下日子，生產過程，韻慈心理及一家人嘅適應啦！ :)

041213 未睡醒

今早，當小茄想叫醒韻慈時，

發現韻慈未醒嘅樣都幾.....

可愛！

忙碌的12月份

依家多用Calendar先發現，

原來呢個12月都幾多野要攪，

例如：

要帶韻慈去兩個興趣班玩，

學校聖誕興祝會，

要去做檢查，去旅行，

還有......成長班活動......

小茄！要努力！

試新髮夾 031213

小茄今早整了仿麂皮花髮夾，

所以請韻慈幫手試用.......

先幫韻慈紮髻，

再夾上髮夾......

紮了髻的韻慈，都幾可愛...... 

仿麂皮花髮夾 DIY [DIY Polyester Lace Flower Headpin]

由於要收菜，

所以今早小茄冇去到健身室做運動，

只留在家.......

襯韻慈上學期間，

不如整髮夾啦！

由於學校要求紅色、藍色及白色，

所以家中的物料多是呢三隻色.....

今次用紅色配少少白色啦！

先預備：仿麂皮布、白色珠子、紅色絲帶、紅色線及髮夾

將珠子用針線穿成小花 

再用絲帶打蝴蝶結 

用針線把珠子及蝴蝶釘好 

把仿麂皮布剪出似正方形 

慢慢把布摺成風琴狀 

用針線於中間位置釘好 

再把之前已合併的蝴蝶及珠子釘在仿麂皮布上 

將蝴蝶尾修好，記得用少少熱力令絲帶邊少少溶 

最後把髮夾釘在後，完成！ 

睇星

間中小茄都會開apps睇星星，

突然在想：如果睇星唔駛靠apps，直接向天望到就好了！

聖誕樹鎖匙扣 DIY

踏入12月了！

小茄準備開始整聖誕飾物......

今次小茄想整聖誕樹鎖匙扣！

先預備綠色絨布

為免左右唔對稱，
所以會先對摺..... 

再用白色(其實所有淺色都可以)顏色起初稿， 

之後先剪兩個大小近符一樣的正方形， 

再一起對摺..... 

剪出兩個樹形..... 

然後，慢慢用針線將邊位縫合，
由於小茄慢縫得太醜，
所以用綠色線，就算真係縫得醜都唔起眼......

當縫到一半時，另準備綿芯， 

慢慢將少許綿芯塞入樹裏..... 

有些尖位綿芯較難入時，
小茄利用一支筆幫忙..... 

繼續將樹的邊縫合，
同時間需要加入綿芯......

將邊縫合後，
留意：盡量令到聖誕樹漲卜卜...... 

在樹頂加入所需的鎖匙扣， 

加上了鎖匙扣後，
可以裝飾樹了！
小茄先用針線幾大顆的珠了釘上，

當然底面都要啦！ 

將用萬能膠把從小珠鏈剪下來的小珠子黏上， 

完成！
正面： 

背面： 

021213 的黃昏

今天，小茄竟然可以有機會兩次欣賞到黃昏景色......

17:15

18:00 

真想不到只差幾十分鐘，
景色會另有一番風味！

薑檸水

小茄都要飲熱檸水之時，

又點會少得煲整薑檸水俾韻慈同老公飲呢....

係接校車前倒定一杯，
到韻慈回到家應該涼左少少，
適合飲用ga啦！

熱檸水

可能呢兩日天氣較乾燥，

所以小茄氣管好似有點異樣，

為免身體變差，

還是及早補足維他命C，

雖然小茄每天都會食奇異果，

今日冒著可能會冇哂胃口嘅結果，

但都要沖番杯熱檸水飲啦！

021213 的早晨

每朝見到這麼美的景色，

真值得感恩！