筷子的運用(續)

可能有新玩意，

所以進一步提升了韻慈對食得興趣......

小茄沒想到韻慈會自己慢慢學會「扒」飯及自行夾餸，

雖然會食到面仔有飯，

但總算食完整餐飯，

同埋見到佢面仔上的飯都幾可愛.....

(哈哈哈哈！)

第一次見到成果！

早前小茄需要開番一個似曾相識的電腦軟件－AI[Adobe Illustrator](http://frankiengfung.blogspot.hk/2014/02/blog-post_24.html)，
對住呢個軟件，
小茄甚至忘記時間(http://frankiengfung.blogspot.hk/2014/02/lesson-2-on-260214.html)，
但總算已完成了！
今次真係攞去印刷公司印，
佢地真係印得很好！
效果都幾唔錯！ :)

等候時都要練習

今午當韻慈放學回家，

換好衫，飲完水，

自己走左入房......

攞左本故事書出黎

邊睇邊學故事，

雖然佢未必講番故事內容，

但佢會嘗試另作一個合情理的故事......

其實小茄唔想太局限韻慈的思想，
更唔介意佢天馬行空.......

謝謝Patsy姐姐送了這套書給韻慈，
讓韻慈常常可以使用這套道具 :)

理髮 030314

由於遲些小茄坐月，

老公不能像小茄一樣地處理好韻慈的頭髮......

所以老公講左要小茄今午幫韻慈剪後邊的頭髮，

咁.......小茄要攞番剪髮用具出黎先......

為怕韻慈的碎髮跳到周圍都係，
所以先整濕先...... 

剪完！
露番條頸出黎......
(今次係咁多次以來最順利的一次) 

吹乾個頭之後......
睇落都唔太差， 

正面：發現韻慈塊面大左好多！ 

修完髮後，
貪靚的韻慈開始擔心還可以紥辮子及夾髮夾嗎？

其實剪到咁短，
露出條頸出黎，
會否較易冷親？
要小心、小心！

上學look 030314

今早應該係小茄短期內應該最後一次需要處理韻慈後邊的頭髮，

因老公交低要求小茄今日要幫韻慈剪後邊的頭髮.......

小茄今早先把一半頭髮紥起，

再向內繞一繞...... 

之後夾上三朵絲帶玫瑰的髮夾， 

正面：點解會大細眼嘅？ 

又轉涼了！

今早當小茄起床時，

其實只得不足16度，

而且又怕會下雨.......
所以今早要攞番件毛毛褸出來 :) 

筷子的運用

老公在一田購物(http://frankiengfung.blogspot.hk/2014/03/010314.html)

時買了一雙筷子給韻慈，

韻慈知道後非常開心，

還立刻用添.......

相信很多跟韻慈同齡的小朋友已經可以好好運用筷子，
但小茄選擇待韻慈可以好好執筆後才讓她運用筷子，
只希望她用筷子時唔會覺得太辛苦......
正如所料，
韻慈一開始運用筷子時，
已經可以很快地掌握到！
而且整餐都食/玩得很開心！

小茄就是愛讓韻慈開心地學習！

在一田購物 010314

昨天，老公話練完船可以到一田睇一睇.......

其實在小B的用品清單裏，

還欠摺盤、儲奶樽及奶泵的配件......

點解要買過，唔用番韻慈的呢？

因韻慈時用的浴盤比較阻位，

同埋韻慈唔再需要用浴盤，

把浴盤掉了之後才有小B.......

而儲奶樽及奶泵配件雖然還在，

但都已經近兩年冇用了，

而當中的薄膜較易爛，

小茄曾試過因薄膜爛了而泵唔到....

所以一定要買定後備！

老公回來時一大包野......

原來一田有儲奶樽及奶泵配件賣，

還要比嬰兒用品店平添......

另外老公還買了......

－母乳墊：在家可以用可洗的乳墊，但出街都係用番乳墊好點，特別當生完住院期間又已上奶時就更方便.......

－Chu chu奶樽蓋：因韻慈時有一個玻璃樽可以留俾小B用，但樽蓋都已經過左近 3年了，所以都要換了！

－0-6個月安撫奶咀：在韻慈初出世時，小茄容許她可選擇食手指或食安撫奶咀，其實叫做俾多一個選擇讓她可以平伏心情，所以都會同樣地讓小B選擇.......

－奶樽洗潔液(無香味)：韻慈時用BabyGanics，因佢係全植物天然配方，過水容易，所以唔會有化學成份殘留係度，聞落一點都唔香，正因為佢冇添加人造香料，所以份外安心.....

雖然中文翻譯為奶樽洗潔液，但其實可以用它清洗餐具，所以韻慈咁大都只係買左一支洗潔液係細時洗奶樽，大少少時洗餐具囉......

－嬰兒洗衣液(無香味)：韻慈時都係用BabyGanics，因都係全植物配方天然酵素，避免皮膚敏感，但又可以徹底清洗污跡，所以小茄通常會用係洗尿布時用的......

但要留意：支洗衣液係高度濃縮，每次只用少少就足夠了！

所以經濟又環保......

除了小B用品外，
老公還為韻慈買了一對筷子！
可能韻慈見到有自己份，
所以會覺得好開心！

還有個半月.....

又到了月初了！

度肚的時間到了！

其實小茄真係覺得好無聊，

但度左又真係會安心一點......

正如過去幾個月一樣，

每個月肚圍大一寸，

依家已經有39寸了！

(呢個唔係小茄最高數字，唔駛擔心！

但開始要加倍留意脊柱受壓嘅問題)

而磅數開始有合乎健康院要求的增長，

在過去一個月－即四星期有四磅嘅增長，

現在比未有孕時正增長六磅......

因健康院姑娘話每星期應有 500克嘅增長，

而小茄在過去八個月都不能達標......

雖然小B在上次檢查時已經頭仔頂實恥骨，

小茄嘗試盡量夾埋雙腳，

希望可以頂番住，

當然小茄唔知小B的頭仔有冇再落，

但感恩.....小茄在過去個多星期還算平安......

向小B可以足月才出世已走多一少步了！

求主繼續保守小茄身體、老公有平安及喜樂、韻慈適應、小B健康及最適當嘅出世時間......

雖然小茄還有擔憂，
但相信主必有安排，
既然主已安排得嘅，
一定會助小茄渡過！

健康的早餐－簡單的蛋治 020314

今早小茄見老公剛用完鑊，

鑊裏還有少少油，

所以決定今早唔烚蛋，

利用鑊裏的少少油炒蛋，

烘熱兩片麵包，

整蛋治當早餐啦！

再加多一杯全脂奶便成為小茄今早的早餐了！ 

多功能的......

在上星期，

韻慈安排了一張床(小椅子)給她的好朋友(http://frankiengfung.blogspot.hk/2014/02/blog-post_5065.html)，

但原來唔只係一張床咁簡單，

原來韻慈每晚臨瞓前會放她的拖鞋在小椅子底，

早上從小椅子底取出拖鞋，
韻慈見小茄似有疑問就解釋：係丫！擺左入去，對拖鞋就唔會阻住＆整到人啦！

小茄頓時覺得韻慈好細心，
同埋見佢識得自己運用空間(小茄冇提過佢)而值得加許！
讓佢按需要而自由發揮都係一件唔錯嘅事！