突然要求紥辮

昨天晚上，小妮子突然要求話要紥辮上學......

今早換好校服，小茄正當準備替小妮子梳頭時，
小妮子要求話：媽咪，我想紥孖辮丫，可唔可以丫？

冇難度丫！

🤣🤣🤣🤣🤣🤣

Sun mobile 新優惠

話說今早小茄去交電話費，
銷售員辦理收錢時話：依家有個新優惠 $96 / 3000分鐘，每月首 5GB，最高 21Mbps，之後嘅就降至上限 128kbps.

🤣🤣🤣🤣🤣

其實同之前簽嘅最大分別係價錢同分鐘......

如果咁計.....同之前薯嘜通相比平丫～

有點心郁添......

細佬仔剪完個靚髮(http://frankiengfung.blogspot.hk/2017/03/blog-post_99.html)，小茄見時間都唔早，不如去交埋電話費啦，但還有少少時間......咁去一田逛一逛啦！

係一田.....
小茄見到呢部意式雪糕機......



好似幾好咁喎！

實物又唔係好大部，令小茄心郁了！
但理性上.....小茄需要諗清楚....會唔會常用先......
俾D時間讓自己諗清楚！ 😝

剪個靚髮先

小茄見細佬仔D頭髮開始長，而之前幫襯果間上海髮廊因業主大幅加租而冇左，所以之前係面書群組求街坊介紹會替小童剪髮的salon......

有街坊介紹第三街 U select隔離嘅呢間.......

小茄見橫掂都要帶細佬仔上幼稚園適應 (http://frankiengfung.blogspot.hk/2017/03/blog-post_5.html)，咁不如順路去剪頭髮啦！

細佬仔最初好抗拒坐低，但半推半就下，及小茄及姨姨不停地讚佢叻叻&坐得定，都總算剪完.....

臨離開前，細佬仔好留心地觀察門外兩龜的動靜.....

小茄便叫細佬仔：認住兩隻龜龜，下次再黎探佢......

逢星期四跟學校的約會(以準幼兒班學生身分參加)

雖然家姐仔已經幼稚園畢業，但細佬仔還有繼續上幼稚園玩，特別係上年知道學校取錄細佬仔成為 2017-18年度幼兒班學生後，小茄為免內斂的細佬仔係返學時會喊，所以趁著逢星期四學校嘅親子體操，便帶細佬仔上學校玩下......

今早食過早餐便搭小巴上學校......
細佬仔由最初要樹熊式抱佢上學校，到依家會自己慢慢行條小斜路上學校，之後係佢最喜歡嘅......睇校車泊車.....佢好留心地睇興奮地叫......

當親子體操開始時，小茄帶著細佬仔企係低班及高班的哥哥姐姐後邊參與......細佬仔也會跟著搖，跟著跳.....
但佢嘅耐性真的未可以參與全程.....
今日，細佬仔選擇跑來跑去，之後坐在校園裏的蒲桃樹下，觀察枯葉，摸一摸D泥.....
幾好玩！😁😁😁😁

匯寶小廚早餐-羅宋湯底配秘製豬扒轉通粉

由於今早小茄需要帶小頌祈到幼稚園適應，所以近近地係屋企附近食早餐......

睇完句memu......

小茄叫左羅宋湯底配秘製豬扒轉通粉，跟番茄粒炒蛋伴牛油多士，飲熱飲茶。

炒蛋份量.....相信可能用細size嘅蛋......

熱檸茶.....有少少澀，但就算小茄唔加糖都入到口嘅.....

羅宋湯底配秘製豬扒轉通粉.....個湯底偏酸，而豬扒似係一半.....食落都有少少咬口，但豬扒有少少鬆....唔知會唔會用鬆肉粉呢？

以呢個價錢黎講，算合理嘅.....但下次會試其他配搭

「學校的四旬期運動」化成動力

由於小韻慈讀緊天主教嘅小學，所以都會有四旬期運動，今日派左填色比賽番黎.....

但為左小韻慈可以有動力溫習默書
(http://frankiengfung.blogspot.hk/2017/03/blog-post_24.html)，所以小茄要求小韻慈先溫習完，才可以填色.....
結果.....小韻慈當然會專心溫習啦！😜😜😜😜

「好似」好忙咁.......

感謝天父為小韻慈安排了依家呢間小學俾佢，
雖係街坊口中是一間「寶校」，
但勝在功課唔多，測考默書都唔算密，
小一、二沒有測驗，只有評估(但到依家下學期都冇係評估前收到溫習範圍，上學期.....都唔知原來做了評估)，而默書就一星期中默，一星期英默，隔住黎嘅，老師亦會係一星期前派默書範圍，所以有一星期時間慢慢溫習......

不過.....都會有重疊嘅日子嘅，因中文老師安排左星期四默中默，英文老師安排左星期二默英默，所以隔一個星期三就會好忙，要溫晒兩科......但係因為中默已經溫習了近一星期，所以可以好快溫完


溫完中默.....便要溫英默了！
老師把默書分三部分，所以小茄會要求小韻慈最起碼都要溫熟第一部分嘅生字，之後慢慢再加埋句子及常用字.....

無聊地變髮

以往小茄多數為小韻慈變髮，但當佢升小學後，冇之前咁多時間了.....

所以.....幫自己攪攪新意啦！

登登登登！



清楚少少.....

其實好簡單....先把上半部分嘅頭髮紥起，
係中間拉鬆少少，
把下半部分頭髮從下向上經中間拉鬆了嘅位置.....之後放好！

攪掂！

去超級市場玩車車

昨天提到小茄很喜歡帶小朋友到超級市場(http://frankiengfung.blogspot.hk/2017/03/blog-post_7.html)，而細佬仔最喜歡拉小茄到西寶城內嘅惠康逛逛，原因其實好簡單，因為細佬仔自小便喜歡車車，而呢間惠康有車車手推車.......

你睇佢幾開心.....

全程不停呠呠......呠呠.....呠呠.....呠呠.....呠呠.....呠呠.....

但呢間車比普通手推車重，所以要用多少少力推，而且車身較長，所以轉彎時要預留多少少位轉.....

XX媽媽.....

自從小韻慈入幼稚園後，小茄便多了一個稱呼：韻慈媽媽！
由果時開始，每當小茄去到學校，或時接送小韻慈校車時，都會有其他同學仔(不論比韻慈大或小)走來跟小茄說：韻慈媽媽，早晨！

今早，當小茄跟細佬仔行街時，突然聽到這個好親切嘅稱呼，
小茄回頭一望，見到有著住校服嘅小朋友向著小茄揮手👋🏻👋🏻👋🏻，其實小茄認到校服，但認唔到小朋友名字😔😔對唔住丫！🙏🏻🙏🏻

再行多幾步....適見幼稚園校車，校車有過半的小朋友向著小茄揮手👋🏻👋🏻👋🏻，小茄只好向校車內的小朋友揮手👋🏻👋🏻👋🏻......

之後，小茄在想：小朋友的記性真好！小韻慈已畢業大半年時間，但學校嘅師弟師妹還記得佢...小韻慈人緣都算幾好丫！(自我安慰中😅😅😅😅)

接下來小頌祈準備入幼稚園，校長、老師們及書記努力地改口叫小茄做頌祈媽媽，當然如果有關小韻慈嘅事，都會叫番小茄做韻慈媽媽！☺️☺️