牙醫初體驗@5Jul2017

小茄幫細佬仔約今天見牙醫，
因實冇咩特別，小茄只想幫細佬仔養成要定期牙齒檢查，
而且小妮子時經驗告訴小茄，今次都只係會同細佬仔玩下，
唔會做左咩treatment......加上細佬仔較慢熱關係，小茄覺得只係細佬仔唔會嚷著離開，已經係bonus了！(小茄要求係咪好低呢？🤔🤔🤔)

始終細佬仔呢個係新症，所以小茄預早少少到達，處理好文章，等叫名.......

當細佬仔入到診斷室內，小茄意識到細佬仔開始有少少抗拒，所以小茄示意助護可否關門？因怕細佬仔跑左出去.......一如所料：細佬仔唔敢坐在電椅上，醫生安排細佬仔坐在小茄大脾上，而且很細心解釋現時情況，只好用盡一切方法讓細佬仔唔抗拒見牙醫......其實小茄又真係冇咩所謂🤷🏼‍♀️🤷🏼‍♀️，話晒原意不是要洗牙、檢查，只係想佢接觸一下咋嘛......但醫生好犀利......係同細佬仔玩嘅過程中，可以睇到沒有蛀牙、數晒牙仔，仲教埋刷牙、認識埋牙醫用具.......細佬仔玩得好開心丫！😄😄😄😄


而且仲送左好多禮物俾佢添......希望佢年尾再見牙醫時都一樣咁開心啦！醫生希望到佢可以幫佢洗牙，起碼兩隻門牙，睇黎牙醫比小茄更 aggressive😅😅😅😅

薯蓉飯@5Jul2017

材料：
薯仔、牛肉、牛油、忌廉、飯

做法：
1. 牛肉剁碎，薯仔洗淨
2. 把薯仔和牛肉碎放在飯面跟飯一起煮

3. 待飯熟時，把薯仔壓成蓉，再把薯蓉、牛肉碎和白飯拌勻
4. 加入牛油和忌廉，拌勻至牛油溶化和忌廉一起被吸收

完成！😋😋😋

小妮子要求......所以先整😏😏😏

家教會活動週 Day 1 @5Jul2017

由今天開始，小妮子可以係學校參與由家教會攪嘅活動週，

小茄應邀回校幫手........熨膠珠☺️

待小妮子上校車後，小茄和細佬仔帶埋手作仔嘅格仔盒(s)乘小巴到學校.......
慢慢準備好所需材料、紙樣，
向其他義工家長講解一下，

 同學們由老師分派座位，安頓下來......

小茄開始講解整個活動流程，再開始協助維持同學們嘅秩序，見到佢地真係好耐心慢慢排好膠珠，小茄真心覺得佢地好犀利啦！而且佢地慢慢交給義工家長熨，小茄之後幫手穿掛飾繩.......如是者，今早和兩班小學生玩啦！😍😍😍

而細佬仔竟然全程好合作，冇扭計，跟住小茄滿場走 - 實行做跟得阿B😄😄😄😄

還有三天，加上其中一節時間係小妮子果班，唔知會點呢？🤔🤔🤔

自家製100%新鮮提子汁橡皮糖

材料：
鮮搾提子汁.........................270cc
魚膠粉/吉士丁粉.................50克
玉米糖漿.............................4湯匙
鮮搾檸檬汁.........................2茶匙

做法：
1. 所有材料先拌勻，以細火煮至稠身
2. 同一時間係模具掃一層油，以便凝固後較易脫模
3. 提子汁稠了，倒入模具
4. 放入雪櫃雪 15分鐘後，取出小心地脫模......




Yeah ! 完成啦！

小妮子已要求多次，所以......整黎氹下佢啦！

薯仔牛肉飯@4Jul2017

材料：
薯仔、牛肉、牛油、飯

做法：
1. 牛肉切粒，薯仔滾刀切角
2. 用少少牛油起鑊，先煎一煎牛肉粒，倒起備用
3. 加入薯仔略炒，加水煮至薯仔熟透
4. 加入牛肉粒拌勻，待牛肉熟熄火

番茄蛋通粉@3Jul2017

材料：
番茄、雞蛋、通粉、芝士粉、黑椒、鹽

做法：
1. 番茄切粒，雞蛋打散
2. 燒熱少少油，加入雞蛋拌混，倒起備用
3. 加入番茄略炒，加入熱水煮滾，加入通粉，煮至通粉全熟
4. 加入雞蛋拌混，加入芝士粉、少少黑椒和鹽調味

拌混，完成！😋😋😋😋

檸檬水@3Jul2017

忙了一朝，又整蛋糕(http://frankiengfung.blogspot.hk/2017/07/3jul2017.html)，又整麵包......

停下來整杯檸檬水，為自己充一充電，打一打氣......

香蕉蛋糕@3Jul2017

材料：
熟透香蕉............2隻(壓成蓉)
雞蛋...................1隻(打散)
牛油...................30克(先融化)
雲呢拿香油........0.5茶匙
蘇打粉...............1茶匙
鹽......................0.5茶匙
低筋麵粉............120克

做法：
1. 預熱焗爐至 175度
2. 把牛油加入香蕉中拌勻，加入雞蛋、雲呢拿香油再拌勻
3. 加入蘇打粉、鹽拌勻，分三次篩入低筋麵粉拌勻至無粒狀物


4. 把拌好粉漿倒入小蛋糕紙杯中，放入焗爐烘焙 1小時

完成啦！😋😋😋😋😋

圓方餃子粥麵

話說小茄為小妮子嘅暑假準備(http://frankiengfung.blogspot.hk/2017/07/blog-post.html)而到深水埗，行到有少少肚餓.....所以搵野食😋😋😋😋

去到圓方餃子粥麵，睇下餐牌先......


小茄叫左：

蝦米腸粉：冇合益泰小食咁多豉油，雖然試過要求合益泰小食少豉油，但還是很多.....所以見到呢碟腸粉，小茄好開心，自行添加芝麻、甜醬，感覺就好似廣告話：收唔收宣傳廣告又我自己決定！

煎餃子：由於較遲黎，所以小茄決定食完腸粉先.....雖然好似會涼左D，但小茄覺得好在放涼一會，因為餃子煎到皮脆，餡料很熱，當小茄輕輕咬了一小口時，內裏的熱蒸氣散出.....小茄心想：好在！否則會熱傷......當小茄輕輕反轉餃子，有湯汁由小破口流出，都有半湯匙㗎😲😲......真係做到外脆而入面都仲好juicy㗎！😋😋😋😋😋

1 Jul：番茄薯仔紅蘿蔔洋蔥豬𦟌

是日靚湯：番茄薯仔紅蘿蔔洋蔥豬𦟌

材料：
番茄、薯仔、紅蘿蔔、洋蔥、南北杏、薑及豬𦟌

做法：
1. 南北杏洗一洗，之後浸起碼 15分鐘
2. 豬𦟌汆水，洗淨，備用
3. 薑洗淨D泥，拍扁佢😅😅
4. 番茄去頂，切角
5. 紅蘿蔔、薯仔洗淨外面嘅泥 (小茄連皮用，冇去皮)，以滾刀切角
6. 洋蔥去外衣切大粒

7. 煲2/3煲水，把所有材料放進，用大火煲15分鐘，轉細火煲兩小時
8. 如有需要，有少少鹽調味


#又煲自己🍅🍅
#小茄湯水
#😋😋😋😋
#加左洋蔥多份香甜
#有齊孖寶喜愛的

為暑期在家活動準備

踏入 7 月份，雖然小妮子還需上學，但小茄趁有時間都要為她計劃定暑假嘅活動......



所以小茄過左深水埗排檔


買拼豆嘅材料啦！
因小妮子係學校活動接觸過，覺得好玩，而小茄覺得又可以趁機訓練一下小妮子😏😏😏