送俾小妮子的獎勵

小茄昨天見家長攞成績表(http://frankiengfung.blogspot.hk/2017/07/8july2017.html)，小茄見小妮子真係努力溫習，而成績都唔錯，

所以決定買件小禮物俾佢作獎勵，亦鼓勵佢繼續努力啦！

自問：自己對小朋友要求高嘅，但著眼點不是成績，而係著重佢地過程有冇努力付出？有冇進步呢？

增肥薯蓉飯@9Jul2017

材料：
薯仔、豬肉、雜豆、牛油、忌廉、飯

做法：
1. 豬肉剁碎，薯仔洗淨
2. 把薯仔、雜豆和豬肉碎放在飯面跟飯一起煮
3. 待飯熟時，把薯仔壓成蓉，再把薯仔、雜豆和豬肉碎和白飯拌勻
4. 加入牛油和忌廉，拌勻至牛油溶化和忌廉一起被吸收


完成！😋😋😋

小妮子要求......所以先整😏😏😏

香蕉蛋糕@9Jul2017

材料：
熟透香蕉............3隻(壓成蓉)
雞蛋...................1隻(打散)
牛油...................30克(先融化)
雲呢拿香油........0.5茶匙
鹽......................0.5茶匙
低筋麵粉............120克

做法：
1. 預熱焗爐至 175度
2. 把牛油加入香蕉中拌勻，加入雞蛋、雲呢拿香油再拌勻
3. 加入鹽拌勻，分三次篩入低筋麵粉拌勻至無粒狀物



4. 把拌好粉漿倒入小蛋糕紙杯中，放入焗爐烘焙 1小時

完成啦！😋😋😋😋😋

9 Jul：粟米鬚水

材料：粟米鬚、水




做法：
把所做材料洗淨，放入煲內以慢火煲 45分鐘完成！

功效：
祛濕消暑、降低血糖、利尿減肥

#小茄湯水
#祛濕消暑降低血糖利尿減肥

努力過後嘅獎勵@8July2017

個多月前，當小妮子開始需要溫習下學期期考時，爸爸見小妮子唔專心，所以對小妮子提出：如今次有進步的話，便以自助餐作獎勵。

當學校派卷，小妮子雖說有D科目係跌左，但有用心溫習嘅成績就好高......直到今早見家長攞成績表(http://frankiengfung.blogspot.hk/2017/07/8july2017.html)......真係有進步！

所以爸爸對現承諾，

帶佢地去六國酒店食lunch buffet

細佬仔果set餐具好cute😍😍

小妮子，要繼續努力！💪🏻💪🏻💪🏻💪🏻

一年級下學期家長日@8July2017

是日係學校的下學期家長日，班主任約小茄今早8:10-8:20見面，以小茄唔愛遲到嘅習慣，7:50已到學校了！



在課室外等時留意到......原來有呢張表.....

等到近 8:00 ，班主任出現了！她問小茄：既然已到，介唔介意將時間對調？小茄當然覺得冇咩所謂啦！

當見到小妮子嘅成績表時，覺得小妮子嘅付出沒白費，平均分不跌反升了幾分，班主任都讚佢進步幾明顯，都幾高分......

跟老師傾談韻慈溫習情況，老師都話：可放心！Rhycee應付到，而且佢做得好好，當然相信佢可以做得更好！希望小二繼續......
老師再提韻慈雖然多說話，明顯有進步，但佢唔會撩同學同攪亂秩序，小茄已覺得安慰，因之前收到同事家長向小茄提出對小妮子嘅指控：話小妮子攪擾住佢女兒令佢女兒不能上課......

老師也說要多提韻慈有咩事要即時出聲，唔只係啞忍同學對自己嘅欺負，因事情發生越耐，老師們也越難跟進......

跟老師傾完，我好感動！😭😭
Proud of my lovely daughter
韻慈，要繼續努力！Work hard Play hard！Enjoy your school life！😘😘😘😘

清熱菊花茶@7July2017

做法：http://frankiengfung.blogspot.hk/2017/04/13apr2017.html


由於小茄近日要到學校做義工，所以係早上出門口前整定，


待中午回家便可以飲用了！

家教會活動週 Day 3 @7Jul2017

話說昨天提到今天輪到小妮子所屬班別啦(http://frankiengfung.blogspot.hk/2017/07/2-6jul2017.html)！冇錯！第一堂就要面對啦！

當小茄準備要開始講解時，發現滿口「螺絲」，立刻緊張起來，小茄轉一轉身，一位義工姨姨鼓勵，再內心對自己說：要克服！加油！
當小茄再轉身時，一切如常！正常地講解.......

小妮子和同學們努力後嘅成果..........

細佬仔陪了小茄帶 3堂興趣班，雖然第一堂(即小妮子果堂)會攪住家姐，但其實表現得幾好！


小妮子在放學回家後話：今日係第一次可以係學校同媽咪玩遊戲......
小茄再回想一下🤔🤔：🤔又好似係喎！幼稚園果時都只係協助老師工作，升小之後到學校都係攪攤位，而小妮子真係自然去玩，而小妮子要係度聽我講解嘅.....今次真係第一次！

對小茄黎講呢一次嘅經驗真係好寶貴！第一次真係阿女面前做presentation......

家教會活動週 Day 2 @6Jul2017

家教會活動週在昨天開始了(http://frankiengfung.blogspot.hk/2017/07/1-5jul2017.html)，今早小茄如昨天有一樣待小妮子上校車後，本想乘小巴到學校，可惜滿座.......唯有轉乘地鐵啦！

吸取昨天的經驗，小茄今天更利用白板作圖解，感謝老師可即場翻譯，感謝其他義工姨姨協助，

同學們都整得幾靚😍

而細佬仔雖然陪小茄帶連續 3堂興趣班，竟然話好開心，佢識得自己搵位玩車車！今早細佬仔有大進步：慢慢開始唔做跟得阿B，即使小茄要暫離課室都沒有扭計，還肯和叔叔傾計同玩，仲笑到卡卡聲😂😂😂，相信今次活動可以大大咁幫到佢破冰！

明天......到小妮子嘅考驗黎啦！因輪到小妮子所屬班別參與活動啦！唔知會唔會出現問題呢？

節瓜粒湯飯@6Jul2017

材料：
節瓜、香菇、牛肉、雞蛋、飯

做法：
1. 香菇浸軟切粒，浸香菇水留用
2. 節瓜去皮切粒，牛肉切粒，雞蛋打散
3. 水滾後加入節瓜、香菇及香菇水
4. 煮至節瓜熟時，加入牛肉，待再滾起時加入雞蛋後熄火

天氣熱，食湯飯都係幾好嘅選擇👍🏻👍🏻

收縮膠片初體驗-鏈墜製作@5Jul2017

今早小茄到小妮子學校幫手(http://frankiengfung.blogspot.hk/2017/07/1-5jul2017.html)，雖然負責熨珠，但愛玩嘅小茄留意到其他活動，如熱縮膠.......
所以小茄回家後又試下先.....


簡單地試下畫一個心形.....
整出黎都唔太差.....

加少少材料，變成鏈墜，再加在手鏈......

簡單得黎都幾靚...😍😍