似曾相識的軟件

小茄突然有需要用AI(Adobe Illustrator)做文件，

對住呢個版面似曾相識，
但其實都已經有一段時間冇用了！

而在用AI做文件前，
小茄還是覺得應用畫簿起晒草圖出來先......
哈哈哈哈哈！

上學look 240214

今天韻慈唔駛帶冷帽，

咁小茄再可以多少少空間幫韻慈變髮啦！

今次還是在基本－紮了一半頭髮，

之後擯，再向內繞一繞，

再夾上一個紅絲帶整成的蝴蝶夾...... 

完成！

正面： 

見到韻慈咁開心，
而且又唔駛用太多時間......

希望可以繼續維持到啦！ :)

第一次入廚幫手啦！

早在年假時，

韻慈已經表現出入廚的興趣(http://frankiengfung.blogspot.hk/2014/02/blog-post_4564.html)，

在今天晚上終於有機會可以讓韻慈入廚幫手啦！

所以小茄都開番個《韻慈廚房》來記錄一下......

今天晚上，

韻慈幫手加豉油、鹽、糖及油去醃肉，

另外搣菜.....

不錯的開始，
起碼幫手後的韻慈會覺得晚飯份外好味，
而且足足開心了一整晚.....

寶貝女，呢個只係一個開始，希望你可以好好練習，將來可以自己照顧自己！

是日午餐＠Piccolo Pizzeria & Bar 230214

今日韻慈要求外出用膳，

而且要求食薄餅，

所以決定到Piccolo Pizzeria & Bar，

點解會到Piccolo Pizzeria & Bar？

因佢地還是用明火烤的，

而且可以透過玻璃窗看到製作薄餅的過程，

這樣可以讓韻慈對薄餅的製作過程有初步了解.......

每次我們都會選擇一個薄餅及一個意大粉麵，
而今次我們選擇了一個火腿磨菇薄餅及自家製豬肉腸長通粉( Pasta Penne Salsiccia)，

其實兩個都好好味，
當中薄餅的餅底又薄又脆，

韻慈一個人可以食了三件，

而由於自家製豬肉腸帶少許辣，

所以韻慈只食了幾條長通粉，

其實都預左，

因佢個胃都已經被薄餅填滿了！

在永安購物 220214

老公話會經過永安，

所以會買埋張乳膠墊俾小B換片時用，

其實韻慈時都有買呢張墊，

而且覺得好方便，

因摺埋只需要少許位置，

如果弄污了，

可以用清水洗一洗，

掛起就好快乾了！

WebRep

currentVote

noRating

noWeight

「我要幫爸爸！」

昨天晚上，

當洗完爸爸練船的衫，

爸爸準備晾衫之際，

韻慈就話：「我要幫爸爸攞D衫出黎！」

之後就跑了入廚房幫手，

從洗衣機取衫出來，

之後，把衫掛在衣架上.......

薑檸水跟熱檸水

昨天，當小茄在話劇團見到韻慈除下口罩，

小茄有預感韻慈會被傳染(http://frankiengfung.blogspot.hk/2014/02/lesson-2-on-210214.html)，

結果在回家途中，

韻慈就開始流鼻水了！

雖然已經立即飲檸水，

但只可以㩒到少少......

今早開始有兩聲咳，

所以小茄只好煲薑檸水，

緩解病徵及促進血液循環，

希望佢可以快點痊癒......

每小時一飲...... 

而小茄自己都要打打底，
繼續熱檸水..... 

在崇光購物 210214

昨天，

老公突然話要到崇光買小B用品，

因原來 2月19-23日崇光有嬰兒服飾及用品勁減優惠，

部份品牌會有折扣優惠(http://www.sogo.com.hk/cwb/images/stories/latest_promotion/21feventhall.jpg)，

其中包括Chu chu及 Combi等品牌，

雖然折後可能不比嬰兒用品店平，

但可以同時用信用咭儲積分就較少機會，

及可以節省不少花在交通上的金錢及時間.....

今次購入：
－細奶樽(5安奶樽)
雖然小茄諗住今次會像韻慈時一樣全人奶
(所以唔會有奶粉在家做後備)，
但小茄今次再唔會像韻慈時咁「聽話」一定要埋身餵，
所以都會買定奶樽，
方便泵完再餵，
以上一次經驗，
其實很少機會用到大奶樽(8安奶樽)，
上次買兩個都只係用了一個，
而細奶樽雖然話係5安奶樽，
但其實佢可以入到200ml奶，
咁除非阿B好大食，
否則細奶樽都足夠，
而且小茄完全唔認同要谷肥阿B而要佢食超過佢所需的，
小茄都係想佢可以維持係佢嘅成長線就足夠了！
另一個原因是關於厭奶問題，
當然小茄希望今次唔再出現啦！
－奶樽收納箱
其實韻慈時冇買的，
只係用大密實盒化替，
但感覺混亂，
希望今次可以整齊一點
－奶樽清洗擦
韻慈時試過幾款不同牌子的清洗擦，
最後覺得Chu chu比較好用......

除了買Chu chu外，
還訂了小B的餐椅床，
現在等送貨......

韻慈的第三個興趣班(第二階段)＠香港話劇團 (lesson 2 on 210214)

到了星期五，

韻慈最開心的，

因星期五又可以返話劇團玩啦！

吃過午飯，

準備在 3時出門口乘車到中心......

在等待上課時，

職員開了玩具讓小朋友們玩，

直到準備入課室時，

韻慈幫手收拾.......

待韻慈入課室後，

小茄為免再外出行了，

只好留在中心等待......

所以小茄只繼續密密織啦！

進度似有點慢......
依家還在織緊後幅 :(

在等待期間，
小茄見到韻慈除下口罩，
心想：唉！大鑊！好大機會被傳染了！

到下課了，
導師讚韻慈記憶力有進步，
(其實只要韻慈有興趣，佢就會記好耐......)

上學look 210214

其實韻慈的頭髮比較碎，

平時紥辮時都會有碎髮飛起，

而且小茄昨天見原來做多少少野(http://frankiengfung.blogspot.hk/2014/02/look-200214.html)，

感覺就會唔同，

所以今早先紥起少少前額頭髮，

再擯一擯.....

之後再紥起一半頭髮........

最後加番個髮夾..... 

雖然都係有少少碎散，
但就冇平時咁鬆散..... 

近鏡望一望韻慈呢個樣..... 

其實都幾可愛！
但感覺似男仔多點.....

在吉之島購物 200214

在網上得知吉之島最近買嬰兒用品有優惠，

老公見橫掂今午因小茄要產檢而請假，

所以老公幫小茄過去吉之島為小B買定些用品.....

事前小茄已做定一張購物清單，

亦記低以往曾光顧的嬰先用品店對某些產品的價錢，

方便老公在吉之島格價........

怎知......

老公睇完的反應係：原來吉之島計折扣後的價錢都不比嬰先用品店平.......

而且產品相比幾年前少選擇......

但有些物品都需要係吉之島購入，如：

－尿布

因韻慈小時都係用尿布，

所以小B將會都會用尿布，

竟然俾老公搵到韻慈果時用嘅尿布喎！

但價錢：＄459/20條，
好貴喎！ 
比韻慈時貴好多喎！

－紗布
其實都想可以搵番韻慈時用的有機紗巾，
但可惜.....搵唔到 :(
雖然話可以用普通紗巾，
但韻慈小時都會放紗巾入口，
所以還是小心選擇好點..... 

其實還有些嬰兒用品需要買，
但會再視乎其他百貨公司優惠後，
再睇下要在嬰兒用品店購物嗎？

老公，辛苦你了！

小B，爸媽未完成整條清單前，請你乖乖留在媽咪肚中啦！