030714 的黃昏

感謝主！

近幾天的黃昏，

真的很美！

令小茄的勞累一一忘卻了！
感謝主，
讓女兒有急充電的時間......

朱古力豆豆？

最近在小頌祈手臂出了粒朱古力豆豆，

但呢粒朱古力豆豆唔食得，

其實只係小頌祈初出世係醫院接種卡介苗所出現的反應，

而小茄見它又紅又腫，

有點似朱古力豆......

在小頌祈個半月時，

小茄覺得奇怪，

韻慈時已經爆了，

但小頌祈還未有反應......

估不到尋日已經腫成這個樣子，

小茄相信應該這兩天會爆了......

話口未完，

今日幫小頌祈沖涼時已經爆了，

可能已有韻慈時嘅經驗，

所以今次小茄唔再驚，

只係慢慢幫小頌祈沖涼乾淨，

之後印乾血水，

保持乾爽，

再留意還有冇血水出，

便算了！

哈哈哈哈！

朱古力豆豆再見啦！

肯郁啦！

踏入兩個月，
小頌祈已經開始唔再係「一舊飯」，
例如：
當小頌祈躺在床上蕉枕，
再開著床邊的床鈴時......

小頌祈除了看得見，
還開始會嘗試動手攪公仔啦！
哈哈哈哈！:D

在詩歌中改變

當小頌祈慢慢成長，
開始多運用舌頭時，
帶來另一個麻煩的問題－食奶時唔專心，
小頌祈在食奶中途(開始有飽的感覺)時，
便會用舌頭頂番出來，
起初小茄以為可能有氣在肚，
所以幫小頌祈掃風，
但掃完風之後，
當小茄希望小頌祈食奶時，
他總會勁喊，
小茄還以為可能是打完針的反應，
剛巧小茄受啟發，
其實可以在他開始唔專心食奶時唱下歌，跟他傾計......
小頌祈也慢慢改善！

每當小頌祈食完奶後，
小茄會邊掃風邊唱《For the Beauty of the Earth》，

小頌祈聽見似安心地坐定定讓小茄掃風，
而小茄又可以輕輕鬆鬆幫小頌祈掃完近 4分鐘，
小頌祈肚內的氣也可以清到出來......

整件事由麻煩的搏鬥，
在詩歌中改變了......

感謝主！
讓女兒有機會學習，
也可以有時間練下歌 :)

姊弟相處 3 －要練習啦！

每天韻慈都很期待一件事，

就是幫韻慈弟弟練習......

韻慈扮做小老師，

慢慢讓弟弟練習聽覺，

練習方向、距離......

相比韻慈小時，
小茄今次舒服得多了！
哈哈哈哈！

270614 的晚霞

今天竟然有空睇一睇晚霞.....

真的很美！

特別在幾分鐘後，
變得更美！ 

感謝主！

砌畫

估下韻慈做緊甚麼？
佢利用磁石的顏色來砌圖畫.....

砌了甚麼？
韻慈解釋：藍色係海，黃色係沙灘

哦！明白了！

咁樣玩都得......
佢覺得得就得啦！
哈哈哈哈！

做咩好呢？

小茄發現如果自己在泵奶時，

唔專注係出奶情況的話，

出產會多一些，

所以小茄一直會分散自己注意......

最近小茄喜歡一邊泵奶時，

一邊玩數獨.....

時間過得快一點，
變得輕輕鬆鬆了！

2014年製咸柑桔 (續四)

又有幾個月冇睇到柑桔啦！

(http://frankiengfung.blogspot.hk/2014/03/2014.html)

因這幾個月小茄真的很忙！

今早小茄記得它們，

所以攞出黎望一望先......

好似有部份鹽已經溶了.....

有粒黑左.....
但底層有粒還很橙喎...... 

開燈睇下先.....
變左深啡啦！ 

頂層嘅鹽真係溶左好多，
但還蓋著.....

檢查完，
收番埋佢地去床底先......

咁就可以搖啦！

小茄見到韻慈把盒子套在筒裏便問：點解要咁整嘅？
韻慈答：本身個盒唔可以郁唔可以搖嘛，將佢套入筒度，咁佢咪可以搖囉，搖黎搖去，唔會再唔識郁唔識搖啦！

節瓜煲豬尾骨

是日週末，

老公出海，

最好.....當然煲湯，

做湯飯啦！

WebRep

currentVote

noRating

noWeight