姐姐過來通知小茄二等病房有位了,
希望小茄可以收拾好物品,
待果邊執完床就可以轉過去,
另外選埋晚餐及第二日的餐單.......
小茄亦通知老公需要轉床,
原來老公擔心小茄在普通病房會休息得唔好,
會影響上奶及出奶,
所以煲了黃豆豬手湯及會煮定飯,
方便小茄可以在第二朝清早食用......
(老公,真係好細心喲!)
空間比普通病房大,
可能只係兩位病人共用一間病房,
所以比普通病房靜,
雖然沒有海景,
但沒有西斜,
小B可以好好睡覺,
小茄也可以小睡片刻........
小茄便開始了三小時餵一次奶,
小B瞓小茄又瞓,
鬧鐘響就準備餵奶,
由於開始谷,
小茄知道谷到實,
小B沒可能夠力啜的,
護士教每次餵奶前會用熱毛巾,
按一按鬆,
讓阿B可以啜到,
另外小茄會在小B啜奶時,
一隻手托住小B,
另一隻手推鬆乳房,
令母乳出得好一點......
慢慢見到小B有足夠的濕片,
而且有較稀的便便,
(有點似芝麻糊,
所以小茄唔再食芝麻糊了!
哈哈哈哈!)
護士解說:
有尿即食到前奶,
有足夠水份,
有便即食到後奶,
就可以增到磅了!
小B,努力丫!
No comments:
Post a Comment