醫生早上檢查時話驗血報告出了,
雖然指數回落,
但未算正常水平,
小茄緊張地問:可以出院嗎?
醫生反問:你想出院?
小茄即答:緊係啦!我想返屋企,見我個女,我好掛住佢丫!
醫生了解後話:好啦!但要覆診,覆診前要抽血,睇下指數是否繼續跌至正常水平,另外係屋企要繼續量血壓......
感謝主!終於可以出院了!
老公跟韻慈來醫院接出院,
當小茄見到韻慈(不是隔著電話)時,
小茄開心到差點喊出來,
自韻慈出世後,
未試過咁耐時間見唔到呢個女,
好想抱佢,
但揹著小B......抱唔到!
眼見呢個女在幾日間長大了不少......
回到家,
韻慈見到小B睡在餐椅上,
表現得很開心!
她的小B回家了!
韻慈開心了一會兒便問:點解小B瞓呢度?佢唔係同我瞓咩?
小茄解釋完,
韻慈只好扁咀地離開房間,
讓小B休息......
No comments:
Post a Comment