潮順記粉麵茶餐廳早餐 - 營養早餐 A

是日星期四，小茄需要帶小頌祈到幼稚園熟習環境，唔想行得太遠啦！所以近近地係附近茶餐廳食早餐.......




睇下牆身嘅memu先.....

小茄唔諗啦！早餐A啦！牛油方飽、腸胃煎蛋、火腿通粉、熱檸茶......落完單之後，姐姐好細心地預備個碗仔&茶匙俾細佬仔.....


黎到.....份量好足夠丫.....小茄分左一半通粉俾細佬仔，都有大半碗㗎！但個湯就......明顯味精囉.......所以全部隔湯......😓

腸仔.....外脆內熱冇燶
煎蛋.....小茄要求反蛋，但蛋汁還在，所以小茄分左蛋白俾細佬仔食，而小茄再反一反個蛋黃......但竟然冇穿到！😁


到杯熱檸茶.....紅茶很香濃，有少少澀，但加埋檸檬嘅香，感覺好似小茄小時候聞到茶餐廳熱檸茶嘅味度.....

全個早餐 $29/，係丫.....真係三十蚊都唔駛丫......