第一次學校家長個別懇談會＠121013

上次家長會由爸爸出席，
所以今次家長懇談會由小茄出席......

由於老師相約下午2：00，
所以小茄可以跟爸爸、韻慈及奶奶飲完茶之後才回校......

估唔到今次由主任跟小茄懇談.....
(其實小茄最欣賞呢間學校係好似唔覺得有階段觀念，小茄成日都接觸到校長及主任.....)

主任講番韻慈係學校情況：
很活潑、很開心、願意參與課堂活動、求知力高、喜歡分享家中的人﹠事、喜歡畫家中的人﹠事.....

但........
專心有時要改善，特別係剛剛跟朋友仔玩完之後，會較難專心聽講，但提一提都可以.....
雖然活潑，但喜歡跑跑跳跳，有時都需要老師提一提.....
有時講野比較急，所以可能會講得唔清楚，但老師提佢慢慢黎，當韻慈停頓一下，講野就好好多，有組織有結構，甚至發音都準好多.......

小茄聽到主任所講嘅問題，
其實爸爸跟小茄一早係屋企都發現，
所以才幫韻慈幫佢報興趣班，希望可以改善......
但小茄相信學校同時間都幫韻慈改善緊呢D問題....

另外小茄帶出一個問題，就係教韻慈期間時令小茄好頭痛的問題......
韻慈好多野都識，但佢唔會表達話自己識，所以小茄好多野都不停重復，但當佢真的認識時就會唔專心，甚至不感興趣.....
但呢個情況係韻慈開學後，好似有所改善.....

主任聽到小茄帶出這個問題，
都講番佢地所留意到：

佢地都發現韻慈在校有呢個情況，可能屋企比學校較有安全感，所以韻慈肯表達多左......
雖然依家韻慈在校有呢個問題，老師們都留意到韻慈雖然唔會係小組分組當中直接表達佢識定唔識，但韻慈好多時會係畫紙中會表達到自己的認識，另外老師也嘗試以單對單形式問韻慈時，韻慈也願意表達.......
(韻慈好似冇左佢D認叻野，唔知會唔會係小茄諗錯隔離呢？)
所以主任話其實韻慈只係慢熱，係未有足夠安全感時唔會表達自己，所以唔駛擔心！
但係過去呢段時間，老師們都見到韻慈成長，見佢都願意舉手表達，及由於佢好學，所以佢會舉手參與......
(聽到呢度，小茄真覺得感恩！冇為韻慈選擇錯了！)

另外再傾多少少野，是次懇談會完結啦！

當小茄離開課室時，發現已經2：45，
但其實老師只係預每位家長約 30分鐘時間.....
即足足overrun左15分鐘......
真的唔好意思！

韻慈的第一個興趣班＠香港話劇團 (lesson 3 on 111013)

由於上兩堂，小茄跟韻慈都早左到達上課地點，
所以今次小茄決定盡量夾番好D時間先......

今次，小茄約在2：50才出門口，
之後讓韻慈在遊樂場玩耍，
玩到大約3：15才開始起程，
結果3：35多少少到達上課地點.....
今次幾好，唔駛留太耐.....

導師見雖然未夠鐘，但已有大部份小朋友到達，
所以開左D玩具俾小朋友慢慢warm up......
韻慈.....當然玩得好開心啦！

玩左一陣，韻慈要上課啦！
小茄都不久留了，周圍行下坐下啦！

到小茄再望時間時，已經係4：40，
但4：45韻慈下課.....
小茄唯有急急腳返回中心啦！
攪到小茄覺得好辛苦..... :(

雖然回到中心，已經遲過4：45，
小茄問過其他家長，知道導師還未出來簡報，安心D！

當小茄回到中心不久，導師出後簡報及交代功課.....
then到導師就著個別小朋友報告啦！
韻慈係上一份功課原來有D畫錯了，
但係分享時又識得講番岩.....
(其實唔緊要啦！最緊要佢可以享受過程)
而且導師欣賞韻慈今次係每次分享及回覆之前，
會停下來，好似諗一諗咁再表達......
小茄聽到好開心！
因為呢個方法就算小茄或爸爸提韻慈多次都好似冇用咁......
但突然從他人口中聽到這個改善，真令小茄樂透了！
(小茄欣賞導師係初初幾星期發現到韻慈呢個問題，亦留意到呢個改變！)

小茄的婚戒又轉位

首先唔好誤會，

其實呢隻婚戒早係7月中時已經轉左一次位ga啦！

 由最初係無名指轉成係中指......

 但估唔到唔駛3個月，又再一次轉位，今次要由中指轉到食指......

小茄估計轉埋今次，除非轉番轉頭，或者要取下來暫時讓它休息一下.......

都係果句啦！老公，唔駛擔心！我都係唔會要求買另一隻......

弄污了小腳

突然收到學校主任來電，

解釋番原來今日在校韻慈參加了其中一個活動，

需弄污了她的小腳.......

其實係韻慈回家後，

韻慈已經跟小茄講過自己隻腳仔弄污了，

小茄只係話：咁沖涼時洗乾淨咪得囉......

係韻慈沖涼時，主動解釋：

今日，主任同我地玩左個遊戲，韻慈取左鞋襪，用小腳印畫.....

哈哈哈哈！聽落幾得意喎......

剛剛主任致電解釋，

原來連主任都同韻慈一樣用腳印畫.....

吓！估唔到連老師都咁玩埋一份.....

主任見韻慈已經解釋了都感到安心......

主任講番韻慈見到小腳弄污時嘅反應：

哦！？污穢左！

(小茄諗到都覺得好笑)

其實小茄真係冇咩所謂，

小茄相信既然老師諗得出呢D教學方法，

一定有佢地嘅用意，

同埋弄污了咪洗乾淨囉！最緊要都容易洗乾淨咪得囉！

哈哈哈哈！但真係估唔到連老師都會一齊玩埋一份，同埋真係冇諗過會玩得咁開心！

為身體著想﹣近一個月成效

開始去健身室做運動都差唔多一個月啦！

雖然小茄都只係踩健身單車，
但身體真的好似好左D.....

雖然都會傷風感冒，
但小茄起碼唔會覺得頭暈.....

係呢段時間，
雖然小茄唔可能每天都到健身室，
但小茄都可以去了10磅水腫.....
而且血壓終於可以正常D啦！
上壓可以去番110以上，下壓都可以去番60以上啦！

最明顯嘅係小茄最初踩30分鐘都已經覺得好攰，
到依家可以踩到60分鐘，
而且阻力可以由最初的3，加到依家17都可以踩到......


小茄真係多謝老公係上個月前嘅提醒，
小茄終於唔駛驚好易入院啦！
多謝老公！

愛上外藉老師.......上堂

話說學校安排了由今個星期一開始，
每星期有兩天會有外藉老師幫學生上課......

係星期一接放學校車時，
韻慈已經很高興地話有外藉老師uncle Wayne黎同佢地上英文堂，
咁小茄就了解下，外藉老師上課係做D咩ga啦？
韻慈話：Uncle Wayne同我地唱歌，講故事俾我地聽，一齊玩遊戲，仲會傾計......

睇黎韻慈對英語冇抗拒喎！
雖然上次去新加坡旅行時，韻慈都願意跟他人以英語對答，
但英語始終對韻慈黎講都係外語，所以小茄都會想多留意韻慈對外語嘅接受能力.......

唔知呢位外藉老師係點樣ga呢？
因昨天韻慈會突然話希望可以快D跟Uncle Wayne上課......
而今早又因為今天會有外藉老師嘅堂，韻慈所有動作都快好多.......
雖然小茄唔知呢位外藉老師係點樣，但小茄只知韻慈上佢堂應該幾開心......

包書......

學校派了課本了......

由於韻慈暫時都未識包書，

唯有小茄代勞啦！

唔知係唔係太耐冇包書嘅關係，

小茄包得唔算太理想......

慶幸嘅係學校不是一次過派哂所有課本，

所以小茄還有練習的機會......

韻慈的小衣櫥也要保暖啦！

立秋後，早晚都較涼爽.....

小茄見天文台預告最低溫度得24﹣25度，

襯唔係太涼時就幫韻慈的衣櫥換季先.....

首先要整理好夏季的衣服，

放在下一隔，

再將冬天合身的衣服放回上隔....

期間取可以著上學的掛在一邊.....

但由於依家中午都有成30度，

所以都會放少許上學的短袖衫在上隔，

方便靈活替換.....

小茄今次用了近半小時幫衣櫥換季.....

完成後發現韻慈的衫都幾壯觀.......

再做白麵包

近排小茄記性真係差左好多......

家中的全麥粉已經用完一段時間，

但小茄還是忘記補充.....

今次唯有都係整白麵包啦！

韻慈的第一個興趣班＠香港話劇團 (lesson 2 on 041013)

經過上週末解釋後，

韻慈依家會好期待每星期五下午到香港話劇團上課.......

係等緊上課嘅時候，

韻慈好努力地鼓起勇氣請其他同學仔係自己的戲劇日誌度畫樣子，

起初韻慈真係唔願意ga，

直情話：我唔想丫，因為我好驚丫！

小茄勸完再勸，再解釋，韻慈終於肯嘗試啦！

到夠鐘上課啦！

當老師帶動小朋友講完一陣見之後，

小茄都決定離開了，

因韻慈見到小茄未走，會走出黎say bye bye......

為免韻慈分心，還是離開的好！

一小時過去了，都差唔多下堂，

小茄慢慢返回中心，在課室外邊織冷衫邊等候.....

不久，

老師簡報番原來今堂曾有已完成家課在課堂上presentation，

唔知韻慈會點呢？

老師又交低呢個星期的家課：要畫水果......

係個別簡報時，老師話韻慈好好，都清楚表達到自己畫過嘅野，同埋都好願意分享......(其實可能係學校已經有presentation嘅經驗，所以韻慈應該慢慢可以掌握﹠發揮到)

老師又話係presentation上話佢想表演嘅同之前畫低嘅唔同，小茄覺得冇咩所謂，佢覺得想表演其他野，只要佢解釋得到，就算同之前畫低嘅唔一樣都冇問題，因每一刻想表演都可以唔同，但最緊要佢思路清楚就OK......

唔知小茄呢個答案會唔會嚇親老師呢......老師突然問小茄係唔係讀education嘅野？小茄當然冇讀過education嘅野啦！小茄只不過係曾經做過少少關於education嘅工作........同埋係有韻慈之後，小茄都會睇一些關於education嘅書及文章......

為了考驗韻慈的記憶力，小茄唔會即晚就即刻完成話劇團功課，留番今早先做功課啦！

估唔到韻慈還覺得.......

慶幸小茄有呢SET顏色，任由韻慈點發揮都可以........

所以同韻慈一齊做呢份功課，簡直係令小茄開心的事.......

番茄薯仔洋蔥豬骨湯

其實小茄一家都真係好鍾意食番茄，

所以好多時都會煲番茄湯，

今次就煲番茄薯仔洋蔥煲豬骨，

當然加番少少薑啦！