自家製薑醋 (二)

早兩日幫呢批有機薑洗完白白(http://frankiengfung.blogspot.hk/2014/03/blog-post_3537.html)，

雖然冇咩陽光可以俾佢地曬日光浴，

又唔算太大風可以吹乾點，

小茄只好開抽濕機令佢地可以乾爽點......

佢地乾爽了！

小茄又要開工，

開始要幫佢地去皮啦！

一舊小薑......

出到咁少薑皮咋.......

小茄約用了一小日戈

幫了佢地去皮.....

都唔算太多薑皮......

但其實都幾好玩.......
黎緊呢兩日都要幫其他薑去皮，
希望快少少開始浸啦！

060314 產前檢查＠母嬰健康院

兩個星期話咁快又過了！

今天下午小茄又要返健康院檢查了！

上次姑娘約左今天下午2時，

小茄最快都要1:56才到！

由於今日好多準媽媽都要返健康危檢查，
所以等了好耐先可以量血壓......
唔緊要丫！
小茄繼續織野囉！

約等了廿分鐘，
終於可以量血壓了！
量血壓的姑娘都認得小茄，
因昨天陪韻慈到健康院做視力普查(http://frankiengfung.blogspot.hk/2014/03/050314.html)... 
可能已在健康院的大堂坐了一會，
所以今次血壓雖然上壓都係132，
但唔需要覆檢，
小茄好似係第一次唔駛覆檢咋！
而重量......在過去兩星期，
小茄只重了 0.5KG，
小茄心想：又輕番！已經不停食野，點會咁？會否俾姑娘煩死呢？

到見姑娘啦！
姑娘第一時間話血壓都算正常，
但都有少少踩界，
如果可以低番少少會更好......

到摸肚啦！
小茄見姑娘開始摸肚時皺一皺眉，
心知應該有點問題......
由其係當佢按一按恥骨兩側時小茄覺得痛.....
估計小B頭仔應該開始落了！
但小茄都會問一問：頭仔冇調番上黎嗎？
姑娘好笑地答：邊個話佢會轉上黎呢？
小茄話上次姑娘話有可能調番上黎.....
姑娘再話：唔駛擔心，個頭仲係下面.....
終於度完肚，
聽小B心跳啦！
小茄感覺到今次心跳個位真係低過上一次好多，
甚至比姑娘起初預計的還要低，
但姑娘最後都可以搵到，
並且話小B心跳速度好正常！
小茄終於忍唔住地問姑娘：咁小B個頭落左幾多？
姑娘見小茄咁問都直接地答：大約落左五分一頭仔啦！放心！

之後，姑娘講低話兩星期後返健康院見醫生，
所以都係要約下午 2時，
還叮囑千萬唔好遲到，
因要見醫生，可能會耐少少......
下次見完醫生，
再下一次就要返醫院.....
(返醫院！唔好卦！其實小茄都幾抗拒醫院，因會好多人要等好耐！同埋成日都令小茄好緊張！)
另外要幾期返贊育做預防新生兒乙型鏈球菌感染檢查，
咁就完成了今次產前檢查啦！

由始至終，
姑娘冇話體重及食量問題，
小茄估計：可能佢地都覺得再講都可能已經沒用！
小茄其實都覺得奇怪，
因依家都八個半月，
體重正增加了八磅，
而小茄其實已經不停地食了！
但點都好啦！
姑娘唔出聲，
小茄都唔多問，
只希望小B可以繼續係呢個月內住在小茄肚裏，
所以小茄繼續慢慢拖啦！

WebRep

currentVote

noRating

noWeight

親子體操 060314

又到星期四，
又有親子體操了！

但今早韻慈發脾氣，
攪到差點上唔到校車，
好在總算都搭到，
而小茄就自行乘小巴回校.......

但當小茄搭車時感覺到下著毛毛雨，
心想：唔知親子體操會否受影響呢？
可能天雨路滑，
再加上路上多車關係，
校車很遲才回到學校......
而老師也待乘校車的同學回學才開始體操時間，

今早韻慈表現.....一般啦！
唔算太投入到，
係直到體操後的遊戲時間，
韻慈開始投入了！

遊戲時間過後，
同學們都需要返回課室啦！

而小茄跟幾位家長去食早餐傾下計 :)

050314 視力普查＠母嬰健康院

今天是星期三，

所以韻慈需回校上興趣班，

但今日有少少不同，

由於區內的母嬰健康院只會在星期三全日提供小童視力普查，

所以韻慈上完興趣班後需趕到母嬰健康院進行視力普查.....

而當小茄幫韻慈約時間，

雖然已約最遲的預約時間(下午4:30)，

但健康院職員要求需提早 15分鐘到達健康院，

如果太遲的話需再約時間，

冇計啦！

小茄唯有向學校請求興趣班早退5-10分鐘啦！

好在學校老師都可以安排到......

最後小茄跟韻慈在下午 3:53離開學校(http://frankiengfung.blogspot.hk/2014/03/lesson-3-on-050314.html)，

其實學校跟健康院相隔幾個街口嘅距離，

但需要慢慢下山，

所以小茄跟韻慈也需要花約 15分鐘步行

結果在下午4時07分到達健康院登記.....

登記後，等叫名入房度高磅重......

突然間韻慈問小茄：媽咪，我地等咩？

小茄答：等叫名去度高磅重囉......

韻慈聽後好大反應話：唔好啦！我地走啦！

小茄只好答：未走得住丫！都未驗眼，要驗完先走得......

但韻慈依然話：唔好啦！我地走啦！

係呢個時候，姑娘叫韻慈名入房啦！

因要除下上磅，

韻慈表現得出奇地慢.......

韻慈的體重及身高都合乎標準，
姑娘見韻慈都冇其他野需要跟進，
所以把第五部的共享育兒樂交俾小茄，
等小茄可在家對韻慈作成長評估.....

度高磅重後，
韻慈還是要求離開，
不過很快韻慈再次被叫名入房做視力普查，
視光師幫韻慈就近視、遠視、色盲、斜視、散光及弱視作檢查，
韻慈其中一隻眼有輕微遠視，
而另一隻眼就冇度數......
視光師之後話到小一時再需要做一次視力普查，
到時就由學校約時間.....
今次檢查就完結了！
韻慈聽到走得，
立即再問：走得？
視光師答：係丫！走得啦！今次唔駛打針.....
韻慈安心地立即開門離開，
小茄聽到視光師提及「打針」二字，
終於明白點解韻慈一到健康院聽到度高磅重會立即要求離開啦！
因為以往佢每次到健康院度高磅重後都係打針，
未試過好似今次咁到健康院唔係為打針......
(哈哈哈哈！估唔到兩年半前的事，
佢還記得！)
韻慈安心晒！便要求在健康院玩一會......
最後小茄跟韻慈4時39離開......
(都幾快！)

韻慈的第二個興趣班＠學校 (第二階段 lesson 3 on 050314)

又到了星期三，
韻慈下午都需要回校上興報班，
今次小茄有留意時間，
可以準時出門口了！
雖然小巴遲左少少，
但小茄跟韻慈還可以準時回校，
回校不久，
韻慈需要排隊入課室了！

待韻慈入課室後，
小茄則在大堂等候，
因小茄唔想周圍行，
而且今次韻慈需要早退，
小茄也早已在校車簿內寫低，
到差不多時間，
韻慈由主任拖住出來，
小茄接過韻慈後，
繼續趕去下一站－母嬰健康院！
離開學校時間係3：53......

等待中的練習

今午當小茄在廚房煮午餐時，

韻慈竟然扒在地上，

用顏色筆在說明書上畫......

其實佢有意思嘅，
佢表達到點解會咁畫的，

咁就讓佢練習一下啦！

自家製薑醋 (一)

要開工啦！

其實今次係小茄第一次整薑醋，

因上胎有家母跟奶奶整，

但家母在近兩年前離世，

而奶奶年紀開始老了，

凡事總有第一次嘅......

今次小茄唯有頂硬上啦！

在懷孕初期，

小茄開始借書及上網搵資料，

因小茄對整薑醋嘅認識有限，

如只靠以往站在廚房門外睇家母整的幾個步驟嘅記憶，

相信一定失敗！

開始........

今早收到薑(http://frankiengfung.blogspot.hk/2014/03/blog-post_6376.html)，

今午就幫呢批薑洗白白， 

先洗走佢地身上嘅泥先...... 
求知慾強的韻慈一直企在小茄旁，
一邊睇小茄幫薑洗白白，
一邊問問題，如：點解要洗？點解要咁多薑？
佢甚至將依家洗薑跟一月初洗桔(http://frankiengfung.blogspot.hk/2014/01/2014.html)連在一起添......
(哈哈哈哈！咁都得！)

洗晒成批了！
等佢地乾才可以做下一步...... 

但由於本星期的相對濕度都幾高，
所以只好開埋抽濕機幫幫手....... 

待薑乾身後續...

我煮緊野丫！

通常韻慈企在大門口都唔會係好事！

但.......今午當小茄在廚房煮午餐時，

聽到韻慈好似好忙，

所以小茄探頭望一望，

原來韻慈自己企左係大門口......

韻慈見小茄探頭出來，即話：我係廚房煮緊野丫！

之後韻慈繼續投入其中話：加點洋蔥、

再加牛肉、

再加辣椒

好似有紋有路咁喎！
究竟佢煮緊咩呢？

訂薑

到了懷孕後期了，

要開始準備薑醋了，

叫得薑醋.....

咁即係基本要有薑及醋(http://frankiengfung.blogspot.hk/2014/03/blog-post_4.html)啦！

為怕買到曾浸水或曾加工的薑，

老公為左安心所以話用有機薑啦！

感恩！平時吾家訂開的農夫有種有機薑，

所以小茄當知道再次懷孕時，

而且跟農夫查詢起薑時間後，

已請他為吾家預留有機薑......

今次訂菜時，

見時間都差不多，

所以訂埋薑啦！

小茄呢個星期要開工啦！

訂醋－悅和醬園

到了懷孕後期了，

要開始準備薑醋了，

叫得薑醋.....

咁即係基本要有薑(http://frankiengfung.blogspot.hk/2014/03/blog-post_6376.html)及醋啦！

在眾多醬園之中，

老公話悅和醬園比較好一點，

所以今次我地在悅和醬園訂醋啦！

在星期日(即 3月2日)，

我地在悅和醬園網上訂購(http://www.yuetwo.com.hk/order-form)所需的醋，

並要求送貨......

確定訂單後，

小茄很快便收到確認電郵......

在星期一早上(即昨天－3月3日)，

小茄已收到醬園職員來電再次確認訂單，

及確認星期二可以送貨，

因港島區係星期二、五送貨，

小茄為了可以預到送貨時間，

所以問職員：大約咩時間呢？

職員立即問司機時間，

(小茄當刻覺得佢地好認真！)

職員查詢後回覆預計在早上 10時前.....

並提醒小茄到時留意電話，

因送貨前會先致電.....

(小茄覺得佢地好細心！ :D )

到今早 9:40左右，

小茄收到電話確認有人收貨，

不久.......

小茄收到了！

寫得好清楚...... 

有黑糯米醋 

甜醋 

小茄收貨後，
睇番時間， 
真係 10時前喎！

另提一提：

佢地有回收玻璃樽，

攞去荃灣舖，

每個HKD 20.00.......

上學look 040314

昨天理髮後，

韻慈最緊張修剪後還可以扮靚(http://frankiengfung.blogspot.hk/2014/03/030314.html)嗎？

對小茄來說當然還可以啦！

只不過冇長髮時咁多發揮空間......

就如今早，

小茄只紮起少許前額頭髮，

之後繞一繞...... 

夾上紅色蝴蝶髮夾...... 

睇番後方嘅頭髮，
剛剛還可以遮到少少頸，
應該足夠幫佢補暖嘅...... 

正面：又幾可愛喎！
小丸子！小蘋果！
(哈哈哈哈！)