創意畫

突然老公傳來的相......

原來韻慈真係會在任何題目也會把爸媽加在內.....

見到呢個情況，
小茄真感欣慰！

好大雨丫！290314

雖然是日學校旅行(http://frankiengfung.blogspot.hk/2014/03/blog-post_29.html)，

但由於小B預產假將近，

所以小茄今次又唔方便一起去旅行了！

其實小茄本想襯機在附近走走......

但天突然下大雨......

天文台發出了黃色暴雨，

小茄見呢個情況，

還是留在家好一點，

免得令老公擔心......

小茄望出窗外......

白濛濛.....

雨濕濕.....

還是待停雨後才落街行啦！

WebRep

currentVote

noRating

noWeight

很無聊！？

今晚，
爸爸諗住陪韻慈睇卡通片，
爸爸跟小茄都睇到卡卡聲笑，
怎知.....
韻慈竟然話：好無聊！

小茄頓感錯愕！
點解韻慈會咁成熟呢？

WebRep

currentVote

noRating

noWeight

韻慈的第三個興趣班(第二階段)＠香港話劇團 (lesson 7 on 280314)

令韻慈興奮的星期五下午又到了！
期待了一整星期，
韻慈已經可以準時地準備好出門了！
所以小茄跟韻慈也可以準時地乘車回中心，
也準時地回到中心等待上課.......

在中心，
韻慈跟其他同學仔一起玩了一會兒.....
又係時候入課室了！
小茄待韻慈入課室後，
還在坐在中心一旁睇書，休息一下......
直到韻慈下課，
導師講番今堂表現：
導師覺得韻慈很有自信地做到導師的要求，
還有很積極地提供意見！
(哈哈哈哈！)

280314 產前檢查＠瑪麗醫院

由於在上一次產前檢查時，

醫生話今個星期檢查需返回瑪麗醫院(http://frankiengfung.blogspot.hk/2014/03/200314_20.html)，

並體諒小茄情況約了早上 9:30期......

其實早上 9:30對小茄來說，

時間相當充裕，

因韻慈通常會在早上 8:20-8:30上校車，

而以小茄性格係唔會先回家，

令寧願多少許時間在交通上，

今早小茄用了 20分鐘等 54號小巴，

(真係有點耐，小茄腰有少少痛.....)

但上了小巴(上車時間 8:39)後，

很快便到瑪麗醫院(下車時間 8:48)

其實比預約時間真係早了很多，
但小茄還是上去等......

今次檢驗：
體重：過去一星期只重了 0.4kg.....
血壓：136/9X要覆檢，但覆檢還是踩界.......
(唉！下次再坐耐少少先得.....)

之後小茄邊看書邊等見醫生，
約等半小時後入內見醫生了！

醫生先了解一下會否見有不適？
小茄只好說：恥骨位及大脾位會見痛.....
醫生見小茄所指位置立即反應：就快了！

再問小茄做了乙型鏈球菌感染檢查沒有？
小茄被勾起回憶後答：做左！
醫生再睇記錄話：剛星期一才做，應該未出報告.....

之後摸頭位，
小茄感覺到今次位置的確比上次檢查低，
醫生再度肚，
小茄感覺到胎高位跟上次差唔多，
胎底位真係比上次檢查低得多了！
當醫生再聽埋小B心跳後，
小茄還是向醫生查詢小B究竟落了幾多？
醫生只答：放心！未落晒！
小茄聽到，真係放心！

醫生繼續安慰：就算依家出世都已經唔算早了！
其實在過去幾星期，
小茄真的擔心小B成為早產嬰.......

之後醫生向小茄問番上胎生韻慈時由作動到出世的情況，
她把資料入電腦，
好讓醫院為小茄準備，
她提及到今次好大機會比上胎快，
所以也跟小茄傾今胎情況.....
(醫生真係好細心！)

醫生之後話：由於小茄血壓有幾次踩界，雖然相信小茄平時正常的，但為安全起計，下星期還是返醫院檢查，所以會收記錄冊，同埋乙型鏈球菌感染檢查報告......
(其實小茄都冇再理會乙型鏈球菌感染檢查結果......)

最後到文職約期後離開！

當小茄離開醫院才發現，
醫生完全冇提到體重問題！
(感謝主！小茄唔駛再擔心這個問題了！)

回到家，
小茄不服氣地量血壓......
結果：105/58！？！
(有冇攪錯！激死人啦！)

WebRep

currentVote

noRating

noWeight

執拾被鋪

通常當韻慈起床後，

小茄都會幫她摺被，

執拾被鋪.......

今早當小茄如常想幫她執拾時，

韻慈突然話：我自己摺丫！

小茄還不相信自己所聽的，

但見韻慈堅持的樣子，

小茄只好返回廳啦！

隔了一會兒，

當韻慈得意地走出來時，

小茄再入韻慈房間一望.......

原來佢真係識執拾！

(哈哈哈哈！)

如果佢可以維持每天都執拾好嘅話，

小茄又可以放手交俾佢自行處理啦！

蓮蓬煲鴨蛋(第6次－最後一次)

事先聲明：每人體質都不同，請先向家中長輩或中醫查詢。

由於明早小茄要做檢查，

所以雖然今早要陪韻慈回校做親子體操(http://frankiengfung.blogspot.hk/2014/03/270314.html)，

但防水腫呢樣野係不能懶的！

轉眼間原來已經煲了第六次了！

做法：http://frankiengfung.blogspot.hk/2014/02/blog-post_3588.html

今次亦會係最後一次......
其實小茄都已經盤算過，
只要小B足月，
小茄就可以再做運動(http://frankiengfung.blogspot.hk/2014/03/270314.html)，
到時小茄唔需要再靠蓮蓬煲鴨蛋來去及防水腫......
而且蓮蓬都算係中藥，
小茄都唔想食太多......


再次提醒：每人體質都不同，請先向家中長輩或中醫查詢。

自家製薑醋 (十)

由開始浸(http://frankiengfung.blogspot.hk/2014/03/blog-post_4042.html)至今，

翻煲了近三星期了！

薑.......已變黑了！

小茄希望呢個情況係因為甜醋已溶入薑裏所致......

親子體操 270314

又到了星期四－親子體操了，
其實昨天晚上小茄睡得未算太理想，
老公都建議留在家休息，
但見到韻慈強烈要求小茄可以陪她一起做親子體操，
小茄還是陪她吧！

當然小茄依然比乘校車的韻慈早回到學校，
所以校車回到學校，
韻慈在車上見到小茄已到學校，
直情開心到彈起.....
(哈哈哈哈！連校長見到都覺得佢好開心！)
韻慈執好書包加入體操，
但今早韻慈真係唔太投入，
就算小茄不停提醒或者小茄跟住做動作，
韻慈都表現得悶悶不樂.....

幸好在遊戲時間，
韻慈還玩得很開心，
但遊戲時間完結後，
韻慈又變得不太開心！
小茄心想：發生咩事呢？
但很快問題解決了！
當韻慈見到好朋友返到時，
韻慈立即精神晒！
原來佢知道好朋友病了，
擔心佢今日要請病假，
所以覺得唔開心！
(哈哈哈哈！呢個女真係呢......)

WebRep

currentVote

noRating

noWeight

260314 的黃昏

感謝主！

今日終於夾到時間可以再見到個「咸蛋黃」啦！

真的很美！

收拾入院用品(執「走佬袋」)

其實入院用品早在 2月初已買定(http://frankiengfung.blogspot.hk/2014/02/blog-post_8.html)了，

但由於小茄唔想再重蹈韻慈時的問題，

所以所有物資都只放在一旁，

一直都沒有收拾好！

昨天晚上，

老公提醒小茄考慮要準備定入院嘅「走佬袋」啦！

因小B似乎真係落到很低，

似隨時想出黎，

勸小茄唔好再任性了！

雖然小B現在還是36週多，

但既然老公有這樣的擔心，

小茄還是好好的收拾這些入院用品啦！

原來贊育一早已派了清單，

比BK會員分享的簡單得多......

由於所有用品都一早準備好，
只欠入袋，
所以不需 10分鐘，
小茄的「走佬袋」便執好了！ 
就連小B出院嘅衣物都執埋啦！

當然還有少許後加用品暫時不能入袋，
唯有留待作動時才入袋啦！ 

小茄的「走佬袋」！