由於在上一次產前檢查時，
並體諒小茄情況約了早上 9:30期......
其實早上 9:30對小茄來說，
時間相當充裕，
因韻慈通常會在早上 8:20-8:30上校車，
而以小茄性格係唔會先回家，
令寧願多少許時間在交通上，
今早小茄用了 20分鐘等 54號小巴，
(真係有點耐，小茄腰有少少痛.....)
但上了小巴(上車時間 8:39)後，
很快便到瑪麗醫院(下車時間 8:48)
但小茄還是上去等......
今次檢驗：
體重：過去一星期只重了 0.4kg.....
血壓：136/9X要覆檢，但覆檢還是踩界.......
(唉！下次再坐耐少少先得.....)
之後小茄邊看書邊等見醫生，
約等半小時後入內見醫生了！
醫生先了解一下會否見有不適？
小茄只好說：恥骨位及大脾位會見痛.....
醫生見小茄所指位置立即反應：就快了！
再問小茄做了乙型鏈球菌感染檢查沒有？
小茄被勾起回憶後答：做左！
醫生再睇記錄話：剛星期一才做，應該未出報告.....
之後摸頭位，
小茄感覺到今次位置的確比上次檢查低，
醫生再度肚，
小茄感覺到胎高位跟上次差唔多，
胎底位真係比上次檢查低得多了！
當醫生再聽埋小B心跳後，
小茄還是向醫生查詢小B究竟落了幾多？
醫生只答：放心！未落晒！
小茄聽到，真係放心！
醫生繼續安慰：就算依家出世都已經唔算早了！
其實在過去幾星期，
小茄真的擔心小B成為早產嬰.......
之後醫生向小茄問番上胎生韻慈時由作動到出世的情況，
她把資料入電腦，
好讓醫院為小茄準備，
她提及到今次好大機會比上胎快，
所以也跟小茄傾今胎情況.....
(醫生真係好細心！)
醫生之後話：由於小茄血壓有幾次踩界，雖然相信小茄平時正常的，但為安全起計，下星期還是返醫院檢查，所以會收記錄冊，同埋乙型鏈球菌感染檢查報告......
(其實小茄都冇再理會乙型鏈球菌感染檢查結果......)
最後到文職約期後離開！
當小茄離開醫院才發現，
醫生完全冇提到體重問題！
(感謝主！小茄唔駛再擔心這個問題了！)
回到家，
小茄不服氣地量血壓......
結果：105/58！？！
(有冇攪錯！激死人啦！)
No comments:
Post a Comment