今日是2013年12月31日，
又到了今年最後的一天，
每年到了這一天，
小茄都會嘗試回顧過去一年所發生的事，
對神的恩典再次回味......
2013年......
最大的事：
是韻慈開始她的上學生涯，
記得上年年尾，
小茄還為韻慈 K1面試及選校煩惱中，
在回想整個過程中，
感謝主！祂讓小茄去嘗試，
而祂早已為韻慈預備適合學校......
由適應至正式開學，
完全可以令慢熱的韻慈慢慢適應，
也令到小茄可以完全放心地讓韻慈學習慢慢離開自己身邊......
由開學至今，
小茄見到韻慈成長了不少.......
而第二件的大事：
感謝主！讓吾家將會增添一位新成員......
在韻慈臨開學前，
小茄發現自己再懷孕，
其實小茄真係驚多於喜......
因自家母上年離世時，
幸好小茄有哥哥一同面對，
否則小茄獨個兒面對，
真會有點兒徬惶，
再加上之後面對難題時，
多一個人商量總比一個人想方法解決好.....
當小茄靜下來想：
如果同一事情發生在韻慈身上，
要韻慈獨個兒面對，
佢心情會如何呢？
將來小茄跟爸爸離世後，
當韻慈面對困難，
要佢獨個兒想方法解決，
會否太辛苦呢？
所以小茄決定再次交由主去安排是否需要照顧多一個小朋友......
但當小茄再懷孕時，
小茄開始擔心小B出現對韻慈的衝激，
怕韻慈會唔開心，
感謝主！當祂賜福給小茄跟爸爸同時也為韻慈預備，
祂安排了學校老師跟韻慈進行心理預備工作，
祂也安排了學校校長及老師安慰小茄，
讓小茄可以慢慢放鬆......
雖然依家只係 24週，
離小B出世還有幾個月時間.....
當小B出世時，
韻慈身心靈會有甚麼轉變，
小茄完全預測不到，
但小茄相信主必會有安排！
就好像小B的預產期一樣......
4月20日對小茄是一個失落的日子，
因家母是在上年4月20日離世，
起初當聽到小B的預產期是 4月20日時，
小茄真不想接受，
甚至醫院及健康院姑娘都話小B應該會比預產期早出世......
其實依家小茄覺得既然主安排得呢日係預產期，
相信祂一定會有所安排的！
在2014年，小茄預計變化將會很大，
但其實很多事情都不能由小茄預測到，
所以小茄來年功課將會係學習交托及聽主話.......
Tuesday 31 December 2013
成長班感恩週＠291213
由於成長班感恩週在水警總部舉行，
所以爸爸、小茄跟韻慈有機會入內.....
經弟兄安排，
爸爸跟韻慈有機會跟警犬合照，
隻警犬很明顯比韻慈乖，
影相識得望鏡頭......
還有機會參觀水警輪......
當韻慈返回餐廳時，
韻慈開始攪餐廳內的擺設.....
(希望冇俾韻慈整壞啦！)
Day 5 @ 聖誕台灣飛牛牧場體驗之旅 [24-28 Dec 2013]
到了最後一天，
感謝主！終於見到陽光了！
當見到陽光，心情好得多了！
決定還是留在酒店收拾行裝，
休息一下，及再想一想還有甚麼需要買......
經Uncle Simon介紹，
決定去吃番茄麵......
只不過稍為咸了少少......
但小茄冇再出現水腫了！
正等待已聯絡好的的士，
韻慈要求跟酒店的入口的馬影相......
(唔知將來韻慈會否有機會學騎馬呢？
到佢真係想先啦！)
但唔多理會了！
因要準備上的士前往機會.....
呢位林司機很友善，
而且揸得好穩定.....
如果下次再到台灣時，
希望可以再請他接送.......
到機場check-in時，
航空公司職員竟然有點猶疑地地問小茄是否有孕，
難道小茄望落還似肥嗎？
(唔理lu！生完餵完母乳先再減肥啦！)
我們先到候機室等......
但小茄冇試過，因開始怕味濃的食物，
所以唔敢再試了！
當然都要為韻慈影相啦！
台灣bye bye啦！
準備食飛機餐了！
還記得係隨意鳥果餐，
小茄要求一杯熱檸水，
佢地竟然俾左杯酸到令小茄差點嘔嘅檸檬汁......
睇番D禮物先：
首先係航空公司係出發果程機所送的禮物－曲奇餅
(很可愛喲！)
到係台北買嘅野啦！
包括：
有黑糖.......對身體好......
小茄坐月時可以用，
及花旗參.....
臨到預產期時飲......
係台灣Uniqlo買左幾件衫，
因為台灣比香港平D，同埋較齊碼......
再係地下街買了尿床巾、雨褸及手套，
這些物件都是香港較難搵到，
或是較難搵到合心意的.......
後感：
感謝主！保守我們在旅程中有平安的腳步，
在整個行程，都感覺得天父對身心的看顧......
謝謝老公！適心的安排，特別係交通上細微的安排......
今次對小茄其實都幾大嘅挑戰，
因幾年前陀韻慈時，老公也曾要請過小茄去旅行，
但小茄當然真怕懷孕去旅行會有不適所以推卻，
而今次旅行，小茄在各方面都好小心，
當然有老公的適心安排啦！
小茄回家發現：
在整個旅程中，小茄重了10磅，
但比未有小B前只重了5磅......
未知呢個磅數可以維持多久呢？
Day 4 @ 聖誕台灣飛牛牧場體驗之旅 [24-28 Dec 2013]
休息了一晚......
韻慈整晚不停踢爸爸或小茄......
所以小茄只可以背向韻慈，
免得令腹中小B月受傷......
不過唔緊要，最重要係韻慈可以瞓得好......
(哈哈哈哈！)
原來韻慈係臨瞓前開著了床頭鬧鐘，
所以多個鬧鐘吵醒了韻慈......
餐廳用具好靚.....
回到房.....小茄發現雖然房間向住宅，
但小露台也佈置得好靚.....
只可惜......唔可以出去.....
經老公朋友推介，
所以午餐去試一試呢間餐廳.....
老公發現有租借公共自行車服務.....
味道幾好！魚生新鮮！
值得推介......
主要想悠閒地過及買東西.....
值得推介呢間蚵仔煎真係幾好味......
而呢間燒烤幾好.....
睇下韻慈呢個「為食樣」......
(嘻嘻嘻嘻！)
而另一間[已忘記名字的店舖]有麻辣臭豆腐及蚵仔大腸麵線嘅食物實在太咸了！
就是他們的麵線令小茄雙腳出現了輕微水腫，
幸好及時發現，所以小茄都可以解決到呢個問題......
如再有下次，小茄可能唔會再光顧了！
Subscribe to:
Posts (Atom)
為自己身體努力Day33
又忙左兩日啦！ 今早因下微雨，所以親子體操取消，而義工家長果邊又可以早完成，小茄再留校排練家長聖誕表演，完成所有事情......時間還早丫😆😆可以到健身室啦！ 今早不是甚麼原因，越行越快，但又沒有吃力嘅感覺，反而覺得越來越輕鬆...... 經過 60+ 2分鐘努...
-
剛剛完成了小B的背心， 今次要準備織小B的蝴蝶巾， 雖然話係NB蝴蝶巾， 但就算為韻慈織蝴蝶巾， 小茄都在呢款蝴蝶巾作少許變化..... 先起 3 針.... 之後每次係RS都加 1 針...... 直到加至 20 針為止....... ... -
睇開小茄織房嘅都會知道，其實小茄好怕織全低針，因真係好易䀫眼睏，不過 小茄想趁空閒時間參與一些義織項目，繼續媽媽生前嘅事，而今次機構要求係灰色全低針嘅長頸巾，所以 由 9 月初開始為義織獻出雙手 ( http://frankiengfung.blogspot.hk/2017/09...