早在 11月尾,學校發出課程預告時,
小茄留意到 12月 20日(即今天)學校會舉行化妝舞會,
而家長需與學生商量製作適合的服飾......
在韻慈所就讀果班,
老師已設定主題為鴨子爸爸/媽媽/小鴨子,
當韻慈聽到後,
即要求要做鴨媽媽......
既然韻慈有咁嘅要求,
小茄唯有盡力配合啦!
起初小茄諗住不如借爸爸件黃色出海衫黎扮,簡單又快捷,
但當小茄想到韻慈可能有機會整爛件衫嘅時候,
再加上果件衫對韻慈黎講可能會太長,
小茄決定放棄呢個想法......
再係自己唔多著嘅衫裏找.....
啊!搵到啦!
搵到一件多年前教會活動的T-shirt,
但小茄好耐冇著了,因係一次洗衫過程中,
件衫不小心被染色......
所以小茄就決定今次用佢啦!
由於件衫底色以白色為主,
所以小茄另外買了黃色縐紙,
(其實小茄想買橙黃色多D,只可惜搵唔到!)
另再加橙色、白色及黑色顏色紙,
將縐紙貼在T-shirt上,
之後再剪成條狀,
扮似羽毛,
整件衫的前面都由韻慈貼及剪,
小茄只在旁觀察有否出意外.....
而背面及袖位就由小茄完成!
小茄另外用了韻慈的鴨咀帽貼上橙色顏色紙做鴨咀,
但由於帽子原本是粉紅色的,
所以小茄另加了陀住佢時織的米黃色冷帽,
再用針線釘上用白色及黑色顏色紙製成的大眼睛,
當製作時,小茄都忍唔住笑.......
除此之外,由於韻慈要求扮鴨媽媽,
所以小茄另搵了一件長袖衫俾韻慈扮圍裙.....
結果,出黎似家鄉雞果隻雞多過似鴨......
唔緊要啦!韻慈覺得開心就OK了!
韻慈勇於著到咁上台表演.....
哈哈哈哈!
No comments:
Post a Comment