韻慈的第三個興趣班(第二階段)＠香港話劇團 (lesson 3 on 280214)

到了星期五，

韻慈最期待的其中一天，

因今午韻慈又可以返香港話劇團......

由於韻慈被安排了今天要做分享，

雖然上星期韻慈已定了今午分享的物件，

但小茄見韻慈最近似愛上另一件物件，

所以再問一問是否需要轉分享另一件物件呢？

韻慈最後還是決定分享原定的物件，

小茄喜歡韻慈係咁專一，

或者佢在過去一星期裏預備好如何分享卦......

(唔知道啦！

因小茄一早定了不論校內或校外的功課，

小茄會幫手跟第一個學期，

由第二個學期開始，

小茄會放手讓韻慈自己處理，

因韻慈要學懂得為自己所做的事負責，

而且佢嘅功課係要對自己交代而不是對小茄交代，

所以不論係好還是唔好、有冇錯、靚或醜，

佢都要學習面對，

而且要在錯誤中學習，

如果遇到唔識就要主動問......)

今次韻慈早了準備好出門口，

所以小茄可以跟韻慈到細公園玩一陣，

但由於細公園有工程進行中，

所以就只能玩了一陣就乘車回中心了！

當回到中心，

好在未有開放玩具，

所以韻慈可以邀請其他同學仔幫忙做功課.......

待上課時間到了！

小朋友跟著導師入內，

而小茄也是坐在一旁......

但由於手機上網出現問題，

所以小茄要先處理好這個問題，

而冇心機織野........

當處理好時，

已經到了小朋友小休時間，

今次小茄見韻慈還帶著口罩感安慰......

到下課時間到了！

導師跟小茄講番韻慈分享表現，

竟然係有條理及能夠清楚表達到自己想分享嘅野......

(韻慈真係進步了！)

而課堂表現，

當然還有改善嘅空間啦......

(只希望韻慈可以慢慢改善！

其實小茄唔喜歡把韻慈跟其他人比較，

只希望韻慈不斷有進步，

因小茄覺得做好自己就足夠了！)

上學look 280214

對住今早的天氣數字，

小茄決定都係要幫韻慈梳起晒後邊的頭髮，
紮孖辮先......

兩邊都向內繞一繞，
目的希望收埋碎髮，
但好明顯高低辮添..... 

 夾番兩隻蝴蝶髮夾......

韻慈知道自己遲左出門口，
所以好留心地睇下校車到未....... 

健康的早餐－芝蛋多士 280214

昨天整完兩溝包(http://frankiengfung.blogspot.hk/2014/02/blog-post_27.html)，

再聽到韻慈的意見(http://frankiengfung.blogspot.hk/2014/02/blog-post_5656.html)後，

小茄在想：冇理由唔整芝蛋多士ga......

由於想食就要整心態，

所以.....小茄立即整了！

做法：http://frankiengfung.blogspot.hk/2014/02/110214.html

可能感覺上加了麥粉的兩溝包比全白麵包健康，
所以小茄食得幾開心！好滿足！

成功的兩溝包－食家意見

通常每次整完包包，

小茄都會問一問韻慈：麵包好唔好食？

以往韻慈都只係會話：好食！

昨天整完包包(http://frankiengfung.blogspot.hk/2014/02/blog-post_27.html)，

韻慈應該係第一個試食，

所以小茄都會問韻慈：今次嘅麵包好食嗎？

今早韻慈都會話：好食！好鬆軟......

當小茄細看麵包，

睇落真係好多窿喎.....

怪不得韻慈話鬆軟啦！

早餐遊戲

其實早在年假時，

韻慈就愛上了一個早餐遊戲－剝蛋殻，

可能韻慈覺得自己已經長大了，

所以總愛要求自己剝蛋殻.....

正因為韻慈有呢個想法，

如果韻慈早上沒有懶床又聽話時，

小茄就會讓她自己剝蛋殻，

可能韻慈知道要機會冇得玩時，

所以會乖乖地爭取自己剝蛋殻嘅機會......

這樣，
小茄就可以減少韻慈唔聽話嘅機會，
而且韻慈又可以食得開心點及多一點滿足感！

兩溝芝士包

家中的包包今早已食晒了！

雖然今早小茄要陪韻慈回校做親子體操(http://frankiengfung.blogspot.hk/2014/02/270214.html)，

但當小茄想到明天下午又不能留在家整包，

如果今早唔整的話，

就要到星期六才可以整，

那麼呢兩天韻慈食咩做早餐呢？

而且當小茄諗番起之前睇過有關坊間買到嘅麵包的調查，

見到佢地嘅鈉含量及添加劑，

小茄真的怕怕了！

所以今早小茄一起床就立即準備整包的份量(http://frankiengfung.blogspot.hk/2014/02/blog-post_3697.html)，

因家中有全麥高筋麵粉，

所以今次高筋麵粉有少少改變，

只用 200g白麵粉加 175g全麥粉整兩溝包......

攪完材料，
搓好麵糰，
準備好進行第一次發酵，
小茄食過少少早點，
再幫韻慈變髮(http://frankiengfung.blogspot.hk/2014/02/look-270214.html) ，
總算準時出門口.......

到小茄回家後，
其實都已經過了三個多小時，
好在今早天氣暖，
相對濕度又高，
所以經過第一次發酵後，
麵糰的表現都不太差..... 

小茄立即把大麵糰分開進行鬆馳，

之後再造型及進行第二次發酵，
經過第二次發酵，
真係發得比預期理想！ 

當準麵包被焗到一半時，
小茄在上面加芝士，

之後再把準麵包再焗埋下半場...... 

今次製成品真係唔錯...... 

待涼後切......

感覺幾好！

今次很成功喲！

上學look 270214

由於小茄今早很忙，

所以只可以簡單地替韻慈整理頭髮，

但由於今早接近廿度，

小茄希望可以幫韻慈紥起頭髮，

讓她覺得清爽一點......

唯有先紥一條馬尾，

之後向內繞一繞......

再夾上仿麂皮花髮夾(http://frankiengfung.blogspot.hk/2013/12/diy-diy-polyester-lace-flower-headpin.html)，完成！ 

正面：感覺上應該會清爽一點...... :)

親子體操 270214

星期四又到了！
今日沒有下雨，
而且氣溫超過10度，
小茄相信是日的親子體操如常進行的.......

雖然今早小茄很忙碌，
但總算可以準時跟韻慈出門口，
等了一會兒校車到了！
小茄待韻慈上校車後，
自行乘小巴回校......
今次非常幸運地有最後的座位，
唔駛再等第二班小巴......
所以小茄還是比韻慈早回到學校.......

當韻慈在校下車時見到小茄，
表現得非常開心！
(其實有時見到佢呢個開心樣，
幾攰、幾忙都值得嘅......)

今次親子體操其實小茄可以做到嘅唔多，
但可能小茄在場，
韻慈又好似安心點......
特別是遊戲時間，
韻慈很投入，很開心！
(小茄有時在想：真係要好好珍惜可以陪韻慈嘅時間了！)

體操時間完結後，
小茄見韻慈回到課室，
就跟其他家長去食早餐，
吃過早餐後，
小茄便要回家繼續忙了！

韻慈的第二個興趣班＠學校 (第二階段 lesson 2 on 260214)

又到了星期三了！
其實小茄記得今午要陪韻慈回校上興趣班的，
所以在接校車前已經煮定午餐......
但當食完午餐後，
小茄見還有些時間，
所以開左AI做野！
怎知......小茄完全冇留意時間，
當小茄再望時間時，
原來已經到了2:11，
小茄立即提韻慈換衫準備出門口，
但韻慈又點可能可以快到用幾分鐘就換完衫丫....
所以遲左少少出門口，
遲了搭小巴......
好在還可以準時在上課前回到學校.......

在等下課期間，
小茄跟其他家長閒聊及繼續起稿......
希望可以快點完成啦！

再來蓮蓬煲鴨蛋

事先聲明：每人體質都不同，請先向家中長輩或中醫查詢。

由於今日的相對濕度偏高，

小茄為免像上星期初覺得易攰，

所以再煲蓮蓬鴨蛋，

去一去濕，略為清一清熱......

做法：http://frankiengfung.blogspot.hk/2014/02/blog-post_3588.html

再次提醒：每人體質都不同，請先向家中長輩或中醫查詢。

上學look 260214

經過幾天的嘗試，

小茄留意到原來除了擯辮外，

把碎髮繞一繞也可以令碎髮唔再飛起......

今早，

小茄將韻慈部份前額碎髮繞一繞，

 再紮起一半頭髮，
(怕佢會太熱......)

再夾一個小髮夾...... 

正面：一個古惑樣.....
哈哈哈哈！ 

好朋友的床

話說有個小朋友每晚都會帶埋她的好朋友－比比、牛牛及小抱抱回房陪她睡，

但今早爸爸跟小茄發現她的好朋友會放在小椅子上都覺得有點奇.......

今晚當小茄見到好朋友們被放在小椅子上時，

小朋友立即解釋：我俾左張床(即小椅子)俾佢地瞓.....

小茄問：點解呢？

小朋友繼續解釋：因為呢......咁就唔會焗到佢地，又唔會壓到佢地，佢地又唔會跌落床.....

小茄聽後又覺得係喎！好合理喎！

睇佢幾開心！

生活中的認字遊戲

突然韻慈在繪畫練習(http://frankiengfung.blogspot.hk/2014/02/blog-post_4020.html)期間，

取了由教會寄來的信出來，

並且把信中的「四」字圈起來，

小茄見到當然會問韻慈點解有呢個舉動啦？

韻慈解釋：因為見到星期四嘅「四」字，所以將佢地圈出黎囉.......

繪畫練習

很多時，

韻慈都會要求要畫公仔......

其實小茄好少會開題，

通常都會由韻慈自行決定畫甚麼，

畫完韻慈需要解釋畫了甚麼......

其實小茄主要想知韻慈當刻在想甚麼......

牙齒護理光碟

昨天韻慈第一次見完牙醫(http://frankiengfung.blogspot.hk/2014/02/blog-post_8814.html)後，

可能韻慈留意到牙醫給小茄一隻有關牙齒護理的光碟，

所以今天便要求小茄播給她看.......

幼兒班觀課日＠學校 250214

由於幼兒班學習開始了個多學期，

再加上學校也要為幼兒班同學升低班準備，

所以為幼兒班家長分批到校觀課，

讓家長了解小朋友在學嘅情況......

經過校長簡單的講解後，

家長們先到幼兒班課室，

當然主題學習進行中，

小朋友跟老師互動學習.....

家長們睇左一陣，

校長解釋番小朋友的表現及教學方法，

之後家長們再入課室時，

小朋友已變成分組學習......

小茄見韻慈在英語小組學習角，

所以小茄先留在該處了解一下韻慈學習情況.....

整個過程中，

小茄覺得韻慈玩得很開心，

當然佢也不時想跟小茄分享佢嘅學習啦！

老師在活動後安排小朋友做工作紙加深學習.....

估不到韻慈都可以幾專心

小茄再到其他角睇一睇，

嘗試想像平時韻慈是如何學習的.......

校長也帶家長們到高班及低班的課室觀課，

見到哥哥姐姐所做嘅野之後，

小茄開始估到所做的功課背後原因，

對韻慈在這個多學期的成長及改變明白更多，

亦令小茄對韻慈在日常生活中每事問的態度改觀......

(老實講：之前小茄會覺得佢樣樣野都要問，

其實都幾煩，但原來可以幫佢增加在課堂裏的投入感....)

參觀完高班及低班哥哥姐姐上課情況後，

家長們回到幼兒班課室，

正值小朋友食茶點時間......

呢個小朋友完全冇理小茄.....

嘩哈哈哈哈！

茶點過後就係分享時間，

今日到韻慈分享，

其實小茄很想留低現場睇下韻慈分享情況，

但校長還有其他講解，

所以只好離開吧！

(唔知韻慈今次對架的士分享左咩呢？)

離開課室後，

校長對全日班有進一步講解後完結了是次觀課日

小茄見完結時，

都已到韻慈放學了，

所以決定自行接放學啦！

因小茄跟本趕唔切返回校車站接車.....

(其實自上年9月正式開學後，

小茄沒再親自接放學了！)

但當韻慈見到小茄接放學竟然唔太開心，

因韻慈話要帶埋今日分享了嘅的士回家......

之後，小茄跟韻慈等巴士回家，

小茄發覺韻慈對周圍所發生的細微野都好留心.......

有白頭髮......

這個小朋友，

人仔細細竟然已經有白頭髮啦喎！

但小茄完全沒有為她拔掉的衝動......

因之前理髮師在幫小茄剪髮時，

見到小茄有白頭髮，

只係輕輕剪了(沒處理髮根)，

亦解釋過坊間所講拔一條白髮會生三條的原因.....

上學 look 250214

由於韻慈今早慢手慢腳，

小茄只好超級簡單地紥起部份前額頭髮，

之後再用小髮夾把飛起的碎髮夾實...... 

正面睇落都幾施文.....
(其實.....可能係假象) 

第一次見牙醫

經過多次改期，

韻慈今天終於要見牙醫了！

其實不是有甚麼大問題，

只想幫佢建立定期見牙醫的習慣。

雖然今天下午小茄要留家等待收貨，

但由於韻慈突然好想去見牙醫，

所以小茄向送貨果邊查詢大約時間後，

決定早些到牙科中心.....

由於係第一次關係，

所以要帶韻慈的出世紙登記，

在登記完等叫名期間，

韻慈首先睇了關於蛀牙的錄影片段，

之後再睇了一陣雜誌， 

要入房見牙醫了！

入到房，
牙醫請韻慈坐在檢查椅上，
雖然韻慈很自願坐好，
但表現得很緊張......

而牙醫跟小茄講解，
因今次係第一次，
所以唔會跟小朋友洗牙，
只係跟佢數下牙仔，
及教下佢點刷牙，
讓佢可以輕鬆一點......

牙醫很有耐性地陪韻慈數牙仔，
其實小茄之前一直都冇理會韻慈口中有幾多牙，
只知道佢每天出牙都有幾有不適，
同埋小茄要留意韻慈有否發燒，
駛唔駛煲野幫佢降火......

經牙醫一數，原來韻慈已出齊牙了！
牙醫也在數牙時檢查韻慈的牙齒......
沒有蛀牙，只係有些食深色野要留下的污漬，
但這些污漬其實冇咩大礙的，
而且會慢慢減退的......

接下來教韻慈刷牙，
牙醫先用模型示範，
要先刷外面，
用牙刷近牙肉輕輕打圈地刷，
刷完外面刷裏面，
同樣用牙刷近牙肉輕輕打圈地刷，
最後要刷咀嚼面，
都係用牙刷輕輕打圈地刷， 

牙醫示範過後，
到韻慈在模型上嘗試一次，
之後再在自己的牙齒嘗試一次......

上完刷牙課後，

牙醫給小茄一隻關於刷牙的光碟，

可以讓韻慈溫故知新.....

到最後，牙醫可能為免韻慈下次檢查再表現得緊張，

所以用檢查椅跟韻慈玩了一陣......

韻慈玩得真係很開心！

第一次見牙醫就完結了！

回家路上，
韻慈不停講番要打圈地刷，
先刷外邊，
再刷裏面，
最後刷咀嚼面.......

睇黎今次的刷牙堂幾成功！