080214 葡萄糖耐量檢驗[飲「糖水」]＠瑪麗醫院

昨天忐忑了一整天(http://frankiengfung.blogspot.hk/2014/02/blog-post_5094.html)，
整個星期沒睡得好，
為的就是今早的葡萄糖耐量檢驗！

雖然健康院姑娘約小茄早上 9時回醫院，
但小茄可能睡得不太理想，
所以早上 7時多就起了床，
本想拖到 7時 30分後才正式起床，
但韻慈又怎會容許呢？
雖然天氣好似涼了，
但小茄為方便抽血，
還是選擇著短袖加件防風褸.....
結果小茄 8時就出門口，
等乘小巴到醫院，
當小茄抵達醫院還只是 8時 23分，
由於醫院都幾大風，
小茄也不想周圍行，
唯有照去登記，
試睇睇可否提早登記啦！

好在......可以提早登記咋......

已經攞到籌了！ 

約等了半小時，

小茄在 9時正抽第一次血......

之後就要飲呢杯「糖水」......

其實小茄自小就好甜，
只係在懷孕期間，
口味轉成少甜，甚至走甜......
所以呢杯「糖水」對小茄的確唔難入口，
但飲完之後都咳了兩聲......

跟據廣播小茄需要在 10分鐘內飲完呢杯「糖水」，
而且需要自行記低完成時間，
等兩小時後再入抽血房抽血......

所以小茄唯有影低時間啦！ 

在飲完杯「糖水」，
小B在肚內不停地郁，
似在有控訴咁，
小茄只好跟小B講：要耐心等待，要抽埋第二次血先可以走得......
小B聽後開始放靜下來，
跟平時一樣的郁動就算了！
而小茄就開始打發這等待的時間，
先睇報紙，
再繼續織冷衫....... 

很快就過了頭一小時......

到踏入等待的第二小時，

小茄開始覺得有點不對路，

麻醉藥的感覺又開始了，

跟陀韻慈果次很相似，

只係次序有點不同，

今次由心臟開始少少不適，

再到胃，落肚，之後腳、手及頭.......

小茄今次唔理，

見有少少唔對路就開始飲一細啖暖水，

雖然不適還在，

但總比冇飲嘅好一點......

到最後 15分鐘，

小茄跟本已經不能集中精神織冷衫，

唯有打一陣機啦！

終於等了兩小時了！

在這兩小時，

小茄不停冒汗，

直到抽完第二次血後，

小茄要離開醫院才著番防風褸.......

由於老公跟韻慈睇兒童床

(係丫！韻慈要換床啦！佢張嬰兒床瞓到4歲咋！)，

再加上已過了四分三孕期，

所以小茄決定買入院用品......

既然完成檢驗，

結果係點都好，

小茄都已經控制唔到了！