好耐冇整過嘅全麥包

其實家中麵包早以食完，

但因小茄如果去完健身室回來，

時間上會遲了兩小時，

所以得老公同意，小茄可以留番今早才整包.....

小茄見已經有全麥粉，

所以決定今次整全麥包......

係發酵期間，

小茄可以外出購買新會柑及起柑皮，

時間幾充實......

但可能小茄太耐冇整全麥包，

雖然經第一次發酵後，粉團比原來大了2.5倍，

但成品好似好實咁......

睇黎小茄要花D時間搵番整全麥包的感覺回來.....

2013年果皮BB出世了！

雖然小茄今年俾間舖激到曾經有諗過唔曬新果皮，

但當諗到明年小茄可能仲唔得閒，

所以小茄再搵到人幫忙係果欄攞貨，

而小茄跟韻慈今早拖手推車去買左一箱15斤嘅新會柑回來......

小茄要開工啦！

目測好似多過往年那箱......

小茄數過有114個，但其中有一個爛了，

所以今次要同呢113個柑做手術啦！

 

首先幫佢地洗白白先.....

因以往經驗，其實佢地好污穢ga，上年甚至見到有雀糞乾，所以一定要幫佢地洗白白ga......

而呢個亦係小茄堅持自己起果皮的原因，

雖然市面好多水果檔都會有已起的果皮出售，

但是否乾淨真係唔知，同埋佢地嘅果皮一定比自己起貴......

 洗完抹乾後，感覺上有光澤D，可能D柑面油出左黎卦......

 但抹完之後再望一望抹布，幾辛苦、幾麻煩都值得嘅.....

 嘩！洗完白白嘅新會柑...一個膠筒有多...今年嘅15斤...咁多嘅......

開始做手術啦！

小茄先用1.5小時起左一半先......

都唔少ga喎......

 待煮完飯，小茄繼續努力起埋佢地.....

 所有手術完成哂！百幾個柑肉......

點處理好呢？

今年小茄唔食得喎......

 小茄頭尾用左近 3小時完成所有手術，

其間要煮飯同整麵包.....

百幾個柑皮變成 3幢野.....

 小茄再慢慢將一塊一塊串起佢，

及把佢地掛在窗邊吹乾，

感謝主！天文台話今日嘅濕度普遍低過百份之五十.....

咁應該掛幾日就乾，之後就慢慢曬啦！

 百幾塊，分 3行......

果皮BB，你地慢慢曬太陽啦！

今年韻慈可以參與其中﹣幫小茄換盤，當韻慈見到小茄盤中的柑已整完，佢就會自動自覺地再幫小茄填滿一盤柑.......
同埋韻慈好留心地望住小茄起皮，唔知幾時佢可以落手一齊整呢？

韻慈的第一個興趣班＠香港話劇團 (lesson 4 on 181013)

經過上一次經驗，
小茄決定照跟上次時間，
但今次交通上有D塞車，
所以差點遲到.......

韻慈見到導師時，急不及待地交功課......

係接放學時，
小茄相信今日課堂時間可能唔足夠俾所有同學分享，
韻慈可能不能跟其他同學分享，
韻慈顯然有點失望......
但小茄還在韻慈臉上見到笑容.....

導師跟小茄講番今日課堂上玩了鱷魚先生遊戲，
但呢條鱷魚唔會咬人，只會錫人.......
係遊戲當中，
有位男同學錫左韻慈一啖，
而韻慈又錫左另一位男同學一啖.....
導師講完之後，
小茄見韻慈若無其事，
咁小茄都覺得冇咩特別......

今次的家課有點難度：
係要畫番一班同學構思出來的主角

離開時，竟然有一位男同學跟其媽咪講要等埋韻慈先肯走，
而可能姨姨叫韻慈做慈慈.....
所以韻慈完全冇理會姨姨........

香茅驅蚊包 DIY

話說昨天晚上有隻餓蚊偷偷飛入屋內，

小茄不停俾針，直到半夜1點幾，

終被小茄拍C了！

事情提醒了小茄全屋的驅蚊包包已有一段時間冇換.......

所以今早小茄做完運動後，

決定到街市買香茅換哂佢地.....

4蚊買4支換4個包包.....

做法：

將香芽洗淨.....

 用刀拍扁.....

 之後再切碎.......

入紗袋(D袋其實係之前買野時嘅packing，小茄見幾靚所以留起)......

入哂4個......

 幚係窗花度......

親子體操＠學校 171013

昨天，當韻慈落校車時，
不停嚷著要參加學校體操，
小茄當刻完全醒唔起咩一回事......

當小茄睇番老師係聯絡簿度嘅告示之後，
小茄明白了！

原來韻慈係想講佢想參加逢星期四係學校嘅親子體操.....
其實小茄之前都跟韻慈提過話學校將會攪呢項活動，
韻慈要求爸爸媽咪陪佢回校參加，
小茄解釋：爸爸要上班，所以不能出席，
韻慈強烈要求媽咪阿佢.....
小茄見自己身體還容許可以陪佢，
所以就跟韻慈建議：如果明天媽咪冇見唔舒服，而韻慈又快手快腳食完早餐換好校服的話，媽咪就陪佢啦！

結果：
韻慈可能有呢個動力，所以今早真係很快完成早餐及換好校服，而小茄見身體都冇大問題.....
咁好啦！小茄對現承諾，陪韻慈回校啦！

由於平時韻慈是乘校車上學的，但今早由小茄帶韻慈乘小巴回校，所以小茄出門口時一定要跟校車褓姆交代一聲，唔希望校車因要等韻慈而拖慢時間......

因要預交通時間，所以小茄跟韻慈較早就已到達學校，但唔算太早.......

等待活動開始時，
小茄發現韻慈好獨立，
所有野都係自己做，
反而俾韻慈見到小茄係度仲累事.......

親子體操時間：
起初韻慈不停尋找媽咪.....
可能佢擔心媽咪已走....
當韻慈見到媽咪後，小茄從韻慈眼神見到安心的感覺！
(傻妹，媽咪應承你嘅就唔會走左去啦！)
係整個過程當中，其實都係唱番平時韻慈係學校唱嘅歌，同埋俾佢地伸展一下......都幾唔錯丫！
小茄起碼知道韻慈係呢兩個月學左好多好多新歌，有國語的、英語的、廣東話的......
雖然韻慈在家都會唱，但小茄終於明白整首歌啦！
唱歌後，見韻慈跟同學仔玩火車遊戲......
小茄見韻慈真係好開心！
最緊要韻慈享受係個過程當中！感謝主！

在小茄跟韻慈分開前，
老師安排學生跟家長說再見......
韻慈跟小茄say bye bye，還提媽咪要小心D！
小茄當時真係好窩心！

當小茄見韻慈也很安心地聽老師指示返回課室，
小茄都係時候要離開了！

離開學校之後，
小茄決定去健身室繼續做運動！

南北杏水

老公跟小茄發現韻慈因天氣突然乾燥而開始有咳，

所以老公建議煲南北杏俾韻慈飲.......

因之前有朋友介紹原來煲南北杏水對咳咳有幫助.....

材料：南北杏少許、果皮少許(今次用左半角，因小茄要用另外半角整其他野)

[小茄會將所有材料切碎，方便韻慈食埋]

做法：

煲約3碗水，

待水滾，放入所有材料，

煲15﹣20分鐘，熄火，

焗一焗，飲得....

果皮寶寶

今日小茄見有番少少陽光，

再加上天氣開始乾燥，

所以決定攞番D果皮BB出黎曬一曬先.....

由2011年秋開始曬，

已曬了兩年，

之前水果檔老闆娘教小茄起碼曬三年就開始有效，

當然越曬越好啦！

所以小茄決定慢慢曬.......

提到老闆娘，唔知係唔係轉左手呢？

今年再去時見到新面貌，

想請佢地幫手係果欄買貨，

三推四請都不單止，

仲要冇誠信，

小茄見到佢地自己起哂皮，

仲想叫小茄買佢地起左皮果D......

小茄當然唔會咁幫佢買啦！

大不了.....

今年唔曬新的，

等小茄再搵下有冇其他水果檔可以出年幫忙先......

為身體著想﹣一個月了

估唔到小茄係開始做運動之後一個月嘅今日，

竟然會繼續買月票，繼續做運動......

回顧過去一個月，

其實小茄唔算勤力，

跟本不可能每天都去做，

因每當韻慈在家，而小茄需要照顧韻慈的日子就唔可以去做了！

有咩野令小茄仲會繼續做呢？

原因好簡單：

1. 因小茄有個勤力的老公，就算幾冇時間都好，佢都會好爭取係上班前先到健身室做運動先......

咁佢咁冇時間都可以做到，小茄冇理由再懶惰ga......

2. 當小茄見到自己嘅血壓正常番，雖然個心跳好似高左D，但對小茄現時情況唔緊要啦！

3. 做運動可以幫小茄減少水腫嘅問題，明顯地發現大腿細左D，冇左D水腫......咁希望對小茄有幫助啦！ 

係唔係應該覺得乖呢？

剛剛小茄要準備晾衫，

要求韻慈讓出少許位置俾小茄.....

當小茄行開時，

聽到韻慈話：

比比、小抱抱、獅子，你地要坐好，俾番個位俾媽咪晾衫丫！

當小茄出來時，

見到韻慈及公仔們都坐好！

可愛菜蟲的啟發

今早收菜，小茄冇理會，

只將農夫送來的菜蔬放在洗衣機面，

當小茄收拾好菜蔬後，

發現洗衣機面留下一D綠色嘅野，

細看之下，小茄發現原來係一條肥大的菜蟲......

哈哈哈哈！

小茄完全唔覺得驚(因小茄不嬲都唔驚蟲蟲)，

但小茄見到佢覺得安心！

因既然D菜可以養到條蟲咁肥，

即係D菜好安全啦！

韻慈的新髮型 151013

由於爸爸早兩日反映韻慈前額頭髮開始長了，

要求小茄幫韻慈修剪一下.......

所以今日小茄略為幫韻慈修一修，

過多星期後再修番齊先....

今次難得韻慈冇特別反對，

剪完仲識笑......

因今次真係等到D頭髮整到對眼，

讓佢清楚明白點解要為佢剪髮......

所以今次修剪完，韻慈竟然貪靚地不停照鏡！呵呵呵呵呵！