南北杏水

韻慈突然有幾聲咳，

可能昨天晚上相對濕度乾一乾......

小茄唯有煲一煲南北杏水俾佢潤一潤先......

材料：南北杏少許、果皮少許(今次用左半角，因小茄要用另外半角整其他野)

[小茄會將所有材料切碎，方便韻慈食埋]

做法：

煲約3碗水，

待水滾，放入所有材料，

煲15﹣20分鐘，熄火，

焗一焗，飲得....

飲得.... 

050414 的黃昏

感謝主！

讓小茄可以見到這樣美的景色......

雲像一片片的魚鱗..... 

雖然隔住窗，
都覺得很美...... 

開窗望下先..... 

嘩！真係好吸引丫！ 

自家製薑醋 (十一)

不知不覺原來浸了近一個月(http://frankiengfung.blogspot.hk/2014/03/blog-post_4042.html)了！

在昨天晚上外出食飯(http://frankiengfung.blogspot.hk/2014/04/tapaella-grill-040414.html)遇到鄰居，

傾談之間知道有鄰居以為小B已出世，

因成日都聞到很香的薑醋......

但當再想到未聽到嬰兒喊聲，

所以估計還在待產中.......

小茄聽到這個因翻煲以來的美麗誤會
頓覺得開心！

是日晚餐＠Tapaella Grill 040414

其實在星期日晚，

小茄曾提出想外出食飯，

但當時天氣差

所以還是留在家好點！

到了昨天晚上，

老公跟韻慈由話劇團回來後，

老公在網上見到附近有間食肆一致好評，

再想到小B隨時出世，

所以建議到呢間食肆－Tapaella Grill試一試......

我們吃過餐廳提供的餐前麵包後，
(雖然老公話小茄自家製較好味，
但其實小茄都覺得幾好味！)

今次我們選擇了：

－蘑菇配蒜蓉及白酒汁
好味！
雖然感覺有點油，
但那些蒜油令蘑菇更香，
再加少許香草......
真係很好味！

－自製腸(其實小茄忘記了它的名字)
印象中第一次食西班牙自製腸，
感覺：比德國腸更有肉汁，更有肉味，
雖然有 3款口味，
但所加入的配料沒有蓋過肉的鮮味！
好味道！

－西班牙海鮮飯
食西班牙菜，
不如試下個海鮮飯啦！
別睇佢個窩好似好淺，
但其實份量十足！
老公估計這個飯應該足夠 4人份量......
而且很足料！
海鮮有其鮮味！正！

雖然我們好似唔係食左好多，
但都覺得很滿足！

WebRep

currentVote

noRating

noWeight

040414 產前檢查＠瑪麗醫院

感謝主！

終於冇雷暴警告，

天色幾好！

小茄又要返醫院檢查，

因懷孕後期需每星期檢查一次，

上星期(http://frankiengfung.blogspot.hk/2014/03/280314.html)已預約了今早 9：30了！

由於上次檢查時血壓再一次踩界，

但回家後血壓正常，

為免今次返醫院血壓又再一次踩界，

醫生誤會小茄真係血壓高，

所以小茄每日都乖乖在家量血壓，

今早臨出門再量一次......
(正常的！)

其實小茄都唔知點解每次(不論陀韻慈還是小B都好)返醫院檢查血壓都會高，
特別係今次陀小B，
照計時間充裕，
一點都沒趕時間.....
每次都係 8:50左右到！

小茄還有時間在門外等候，
之後慢慢攪手續及磅重，
呢個星期小茄重了1 kg！
(頓時超開心！好滿足！)

之後量血壓......
第一次量：14X/9X
(又咁高嘅！
雖然可以覆檢，
但究竟發生咩事？)
覆檢：13X/7X
(雖然係回落，
但又踩界，
會唔會俾醫生寫紙入院？
小茄真係唔想喎！
又要老公請假照顧韻慈，
同埋小茄自己知道係醫院會覺加瞓唔到！)
小茄開始真係驚！

約等了半小時左右，
小茄要見醫生啦！

醫生見到小茄已經說：今次血壓都有少少踩界......
小茄答：係丫！但唔知點解丫？
小茄唯有俾番過去量血壓的相俾醫生睇及再解釋：係屋企真係好正常的！
醫生睇完相後說：唔駛擔心！我唔會捉你入院，其實可能你返醫院會覺得緊張，所以血壓會高少少，而呢種情況健康院又唔知如何處理好，只會要求你再上黎醫院檢查，而依家每星期要檢查一次，為免你兩邊走，所以下次都係返黎檢查啦！ 
(小茄聽到醫生話唔會捉入院已經安心了！
其實小茄返醫院檢查係會較方便，
但就真係擔心每次醫院檢查血壓都會偏高......)

到摸頭仔、度肚及聽小B心跳：
當醫生見到小茄個肚時，即說：個肚大左D.....
小茄專心留意醫生度肚底位，
所以小茄已經忘記問醫生小B頭仔落到邊......
但醫生度完肚後已說：如果見有少少作動嘅感覺就要準備入院，唔好拖了！因已經唔係第一胎，所以會比上次快......怕你係屋企或未到醫院就生左了！寧願係詐糊，檢查完回家，好過趕唔切啦！

之後醫生再解釋血壓問題：
其實咁踩界主要係擔心會有妊娠高血壓，
但如果真係有嘅話唔係上胎而今胎出現，
同埋唔會只係返醫院先會血壓高，
醫生再查詢小茄家族史，
及反問小茄點解會家中有血壓計......
小茄解釋：其實係因為陀大女時，
每逢返醫院檢查血壓都會偏高，
當時瑪嘉烈果位高級醫生要求小茄自行在家要量血壓，
如果血壓持續偏高就需要入院，
所以老公立即買了血壓計回來，
而小茄亦每晚都量一量血壓.......
醫生聽後，似放心地說：咁你都繼續住自己係屋企量血壓就可以了！下星期再返黎見啦！記得有咩事唔好拖！立即入院！

小茄到預約處預約，
姑娘攞番記錄冊俾小茄，
及叮囑入院時一定要帶埋！
文職聽到說：如係在下次期前生得，就直接到K9，唔駛再理呢個期啦！
小茄有點愕然地想：未到預產期喎！

小茄離開醫院，
在屋企附近行左一陣，
之後才醒起：醫生好似冇提到乙型鏈球菌感染檢查報告，
但唔緊要啦！
因以政府野，
有野就一早講左啦！
既然醫生都冇講，
就唔多理會啦！

之後小茄趕回家準備接韻慈放學，
但小茄再次唔服氣，
所以再量血壓......
結果：106/59！？！？
(今次又係咁！有冇攪錯！激死茄啦！)

WebRep

currentVote

noRating

noWeight

挑戰全麥包

老公突然請小茄考慮今天整麵包，

小茄心想：雪櫃還有麵包......

再加上家中只得全麥粉，

要整全麥包.....

有點難度喎！

但小茄再諗到：小B隨時出世，

正所謂「今日唔知聽日事」，

老公咁提出得，

一定有佢嘅原因.....

橫掂又冇野做，

咁就整麵包啦！

而全麥包.....對身體好丫！

小茄都要慢慢掌握如何做出令家中大小朋友都喜歡的全麥包......

做法：http://frankiengfung.blogspot.hk/2014/02/blog-post_3697.html

其中麵粉全用高筋全麥粉......

在攪伴過程中另加入多少少水份.......

今日整麵包還有一個因素要考慮，

就是今早的相對濕度係100%，

但全麥粉需要的水份比白麵粉多，
所以小茄都要嘗試.....

結果：
雖然發得唔算太高，
但就一定唔會太實！

希望家中大小朋友都喜歡啦！

上學look 030414

自從韻慈剪了個小丸子頭後，

其實變髮空間不算太大，

只能利用好部份前額的頭髮作少連改變，

但隨著她的頭髮慢慢長番，

變髮的空間慢慢增大了！

黃昏 020414

老公突然借用電話，

因他見到窗外景色很美.......

老公影係唔同D嘅......
比小茄影更靚 :)

大雨下接放學 020414

天文台突然發出特別天氣提示，

小茄留意到外邊天色頓時轉黑......
不久便開始下大雨了！
但......接校車快到了......
小茄唯有準備一下先，
帶雨傘就唔少得啦！
但只帶下傘唔多足夠，
所以小茄只好著埋件防風防水褸啦！

著了這件褸就好似著左件雨褸一樣......
雖然件褸有點大，
但現在剛剛可以包住小茄個肚......
唔錯嘅選擇！

當韻慈下車時，
小茄只是輕輕的抱一抱起韻慈到大廈大門，
咁韻慈跟小茄就唔會被雨弄濕啦！

大家可以放心，
其實只係幾步路，
對小茄來說還可應付得到的！

日子快到了！

又到了月初，

又係時間度肚......

相信度埋今次，

唔駛再度啦卦！？

小茄都唔想再度了！

雖然度左係安心點，

因知道小B在成長，

但今次一度真係嚇一嚇，

因已經41寸半，

比上月初肚圍(http://frankiengfung.blogspot.hk/2014/03/blog-post_989.html)竟然多了2寸半，

已平了陀韻慈的紀錄了！

臨生韻慈前都只係41寸多少少，

現在小B剛足月就已經 41寸半，

咁即係要破記錄！？

雖然肚圍真係嚇一嚇，

但以磅數黎睇，

其實都唔算增長太多，

在過去四星期，

有四磅的增長，

現在剛剛好有雙位數字增長......

其實每次產前檢查，

小茄都留意到自己「平均」每星期只重到一磅，

當然有時一星期係不足一磅，

同埋每當檢查的早上，

小茄磅量總會發現體重又跌了！

可能在過去九個月，

小茄的體重增長一向都未能達標，

所以在上星期返醫院檢查醫生都冇理會了(http://frankiengfung.blogspot.hk/2014/03/280314.html)！

對小茄自己而言，

現在重了 10磅，

好似會合理一點，

相信小B重量加胎水再加胎盤應該都會有8-10磅卦！？

踏入 4月份，

小茄可以安心了！

因為小B已經足月了！

即小B就算現在要出世，

都唔會被標籤為早產嬰兒，

亦因著小B已經足月，

亦等於小B可以隨時出世了！

求主繼續保守小茄身體、老公有平安及喜樂、韻慈適應及唔好因著小茄入院而被嚇親、小B健康及最適當嘅出世時間......

雨後陽光 020414

今早雖然下大雨，

感謝主！

讓韻慈上校車時停一停雨，

待她在校車後才再下雨......

不久便放晴了！

雖然時間短暫，
但見到晴天，
心情總會好一點！