為自己身體努力Day33

又忙左兩日啦！
今早因下微雨，所以親子體操取消，而義工家長果邊又可以早完成，小茄再留校排練家長聖誕表演，完成所有事情......時間還早丫😆😆可以到健身室啦！

今早不是甚麼原因，越行越快，但又沒有吃力嘅感覺，反而覺得越來越輕鬆......



經過 60+ 2分鐘努力，剛剛完成 15個圈，消耗了 645卡路里，D汗流到件T-shirt濕晒！睇黎身體又好似衝破左D野🤔🤔，所以小茄借用健身室外嘅磅量一量體重，輕左 3磅......🙄🙄又好似快左少少喎！

忙碌的一天

岩岩遇著剛剛......小妮子嘅學校同細佬仔嘅學校都係今日攪聖誕佈置......小茄之前已經在家準備好前期工作(http://frankiengfung.blogspot.hk/2017/11/round-1.html)&(http://frankiengfung.blogspot.hk/2017/11/round-2.html)

小茄早上留係幼稚園佈置，下午帶埋細佬仔到小學佈置......

你可能會問：做乜攪到咁忙做咩丫？

原因好簡單：因為小茄到學校做義工，孖寶會好開心囉......每朝當小茄係幼稚園見到細佬仔，佢都會好活躍、好開心、好sweet咁入課室，而小妮子原來昨天好開心跟另一位媽媽講：媽咪整左好多個小天使，連果位媽媽都覺得小妮子"seems that she is so proud of you being a parent volunteer in helping her school"

就係呢D細緻位讓小茄繼續有動力去堅持到學校參與義工媽媽。

聖誕掛飾@K1

話說細佬仔係黎緊嘅單元需要準備小掛飾回校，

咁不如陪細佬仔一齊做下手工，一齊玩下啦！



用紙碟同碎冷整成......
效果都幾得意😇

學校聖誕裝飾 round 2

由於小茄幫小妮子學校準備天使👼🏻👼🏻(http://frankiengfung.blogspot.hk/2017/11/round-1.html)，而細佬仔學校.....小茄都會幫手佈置......咁不如整一批天使到細佬仔學校啦！


再

整 10個.....

盡量唔同髮型嘅......

剪好晒紙樣

 10 個都盡量唔同樣㗎！

小茄幾喜歡晚上開工，因晚上腦海會清醒一點，所以相對順利好多😉😉

來自法國聖誕老人的回信

繼收到加拿大聖誕老人回信(http://frankiengfung.blogspot.hk/2017/11/blog-post_16.html)後，第二封回覆係來自法國的.....


一睇封面地址就知，因"CHINE"囉
信封嘅正面

同背面都好靚㗎☺️

回信內容好似都係一樣

不過回信背面有唔同

有野玩㗎😆😆

為自己身體努力Day32

自從上星期三跟義工媽媽團行山(http://frankiengfung.blogspot.hk/2017/11/22nov2017.html)後，每天都忙過不停，攪到又拖左幾日先可以到健身室了！



經過 60分鐘努力，完成了近 12個圈，消耗了 486卡路里......

希望唔駛再隔好耐可以再做運動啦！😔😔

學校聖誕裝飾 round 1

今年小茄有幸獲小妮子學校嘅老師邀請一齊佈置聖誕裝飾......
經同老師初商後，小茄負責整天使👼🏻&明星🌟


開工......

天使出黎啦😆😆😆！

明星完成之後......閃到😎😎😎

謝謝欣賞☺️☺️

剛剛小茄外出入貨......
係車程中，小茄遇到兩位外籍人士突然指着小茄掛係袋嘅

Lavender  Bunny，當他們見到小茄好奇地望住，他們向小茄送上👍🏻👍🏻，小茄只好微笑地回一句thank you......

感謝他們的欣賞，這份欣賞已是小茄很好的鼓勵，小茄會繼續努力創作🤗🤗

黃時鐘花的記錄@17Nov2017

雖然花已凋謝(http://frankiengfung.blogspot.hk/2017/11/blog-post_19.html)，但都係會繼續記錄的.....

呢個星期：


有 22厘米高，還是 8 片葉子

天氣開始冷，可以同陽光玩遊戲嘅時間又少左.......🤔🤔🤔

希望佢可以繼續健健康康渡過啦！🙏🏻🙏🏻🙏🏻🙏🏻

義工媽媽行山團@22Nov2017

入秋過後，有義工媽媽建議可以行下山，做下運動......

路線係由香港大學行上山頂，之後再落番香港大學。

其實小茄未行過這條路線，不過有媽媽話呢條路好容易、好輕鬆，咁小茄就試下啦！

可能同一班義工媽媽一邊行一邊傾緊，而且天氣真係好好，涼風送爽，又有和暖的陽光，大家用左約 1小時行到上山頂......
(講真：小茄覺得最辛苦係香港大學要行樓梯果段😅😅)


上到山頂，令小茄最懷念係呢間餐廳，在這裡嘅回憶盡是美好🤗🤗🤗🤗

媽媽團係商場休息一陣，補充體力後，行落山啦！

話晒小茄真係好耐冇行山，不過今次呢個體驗幾好👍🏻👍🏻，睇下大家幾時再攪先😉😉😉

十多年了！

天氣涼了，識得小茄都知道，當氣溫低過廿度時，頸巾便會開始出動啦，因小茄有氣管敏感，如果唔好好為氣管保暖，只會不停的咳，不停的喘。


小茄通常會用呢條粉藍＋白色頸巾，因為呢條係小茄第一件為自己織嘅成品，數數手指......佢已經陪伴小茄 14個年頭了，還記得當時小茄覺得粉藍色毛冷比想要嘅深色，所以決定將粉藍色毛冷夾另一粒白色毛冷一起織......織了幾個月(依家當然唔駛咁長時間啦😊)後，終於完成了！其實雖然睇落織得好似好齊整，但再細看這條頸巾，有些織紋是東歪西倒，呢個問題係咁多年後已避免了這個問題了☺️☺️
別睇佢已經 14年丫，睇落還還新的，因為呢款冷可以洗衣機洗的，而且手織比機織更耐用，天溫暖，所以小茄才繼續手織的😊😊

#VegabyFrankie

為自己身體努力Day31

上星期做完運動後，小茄感覺身體似在把儲備轉換(http://frankiengfung.blogspot.hk/2017/11/day30.html)，別問小茄怎知，因當小茄陀兩個小朋友做飲糖水測試，留意到身體的變化......不過點都好......冇阻小茄做運動嘅決心......


經過 60分鐘＋2分鐘的努力，完成了 5.49公里，即13.7個圈，消耗了 580個卡路里，小茄除了堅持全程以 15度斜度外，小茄在起初的 15分鐘以 5.0嘅速度完成，之後加到 5.5嘅速度，甚至最高以 5.8嘅速度，不過小茄沒有一點吃力嘅感覺，只係成身是汗.....

要繼續努力💪！

時間真係短暫

黃時鐘花今早開花(http://frankiengfung.blogspot.hk/2017/11/blog-post_20.html)，小妮子好興奮喲.....


到臨瞓前發現開始縮埋啦......
花開嘅時間雖然好短，
但真係好靚😍
多謝你😘😘

開花啦！

正當小茄在想黃時鐘花會幾時開花(http://frankiengfung.blogspot.hk/2017/11/17nov2017.html)之際，今早小茄突然醒來見

原來黃時鐘花已經悄悄地開花了！😍😍😍


待太陽伯伯出來時，再影多一張先......
真係好靚丫！😍😍😍😍

黃時鐘花的記錄@17Nov2017

繼續做番個記錄先......
呢個星期：
黃時鐘花有 21厘米高，依然有 8片葉子，

花蕾比上星期大了，

唔知幾時開呢？🤔🤔🤔🤔

為自己身體努力Day30

過去幾天，小茄開始搵藉口讓自己懶惰，不過今天早上過磅(http://frankiengfung.blogspot.hk/2017/11/blog-post_17.html)令小茄更有動力繼續做運動！💪🏻💪🏻💪🏻



經過 62分鐘的跑步機練習加cool down，完成了 5.01公里，即 12.5個圈，消耗了509卡路里，全個過程嘅斜度一直維持住 15度，速度係 5.0，其實唔算係太快，不過之前總會覺得吃力，而中途要減低斜度，今天竟然堅持到，而且沒有出現任何吃力感覺......

做完運動後幾小時，小茄感覺到身體好似把以往的儲備轉換出來，其實呢種感覺早係剛開始做運動時出現過.....上次係停兩天再繼續努力......今日再出現.....🤔🤔🤔橫掂週末要照顧孖寶，唔可以到健身室，咁就當休息兩日啦！☺️

開始有成果啦！

今早小茄突然想過磅，
一睇.....139.x 磅！？
小茄真不敢相信自己雙眼，
因係開始做番運動之前，
小茄印象中係 16x磅，
經過短短兩個多月，
雖然忙到不能每天都到健身室做運動，
但竟然少左廿多磅......
小茄真係唔敢相信咁快冇左廿磅.....

依家呢個數字係細佬仔剛出世嘅磅數，
其實係幾年之間，
小茄自知真係重左好多，
而且新陳代謝都差左好多......
所以更要的起心肝要做運動，
希望趁自己年紀還未太大時，
KEEP番好自己嘅身體........

小茄，要努力丫！💪🏻💪🏻

來自加拿大聖誕老人的回信

係上月尾，小茄同孖寶準備俾各國聖誕老人的信(http://frankiengfung.blogspot.hk/2017/10/blog-post_27.html)已寄出了，小茄沒想到半個月後開始有回信啦！


第一封回信係來自加拿大嘅聖誕老人，

佢地把我地寄出嘅信，信封背面的回郵地址剪下，再貼在信封面......
(小茄覺得呢個方法好理想，因唔駛擔心抄錯地址，而且一剪一貼，出錯嘅機會都可以減低)

背面都好靚☺️

回覆......相信係大量印刷的，但佢地都會寫番D細字的......

小妮子很開心喲😊😊😊😊

親子體操@16Nov2017

又到星期四啦！
又有細佬仔好期待嘅親子體操，而今次嘅親子體操跟平時嘅有點不同，因為今次係長者親子體操......

今早有好多嫲嫲婆婆黎到學校，細佬仔起初見咁多陌生人，表演得很緊張，不停擰轉頭望小茄，不過很快習慣了，心情亦好快平復了......

老師開始邀請同學一起帶領做動作，起初細佬仔都想舉手，不過當老師話要同長者一起帶領，細佬靜靜地放低手......

小茄觀察到雖然細佬仔冇出去帶領做動作，但佢係自己個位度都好認真地做每一個動作。之後玩遊戲時，佢好留意地聽老師講解，亦好投入地玩......

細佬仔真係好enjoy係學校嘅每一個環節，小茄真係好開心☺️☺️

為自己身體努力Day29

又夠一個月，又需要買月票啦！

上星期因為眼疾而沒有到健身室，連職員都覺得小茄浪費了月票的費用，但其實上個月......小茄到健身室嘅日數有 15天(http://frankiengfung.blogspot.hk/2017/11/blog-post_12.html)，其中有一天做了兩小時(http://frankiengfung.blogspot.hk/2017/10/day25.html)，所以小茄沒有浪費的☺️☺️☺️

其實買月票除左可以讓小茄繼續堅持外，另一個好處就係不受時間限制，就好似今天早上，小茄只有不足一小時的空檔，係跑步機完成 5X分鐘，完成了 10個圈多少少，消耗了 405卡路里，出一身汗......應覺幾好！😉😉😉

再開花了！

唔知係唔係新來的黃時鐘花疑似有花蕾(http://frankiengfung.blogspot.hk/2017/11/11nov2017.html)，舊有的翠蘆莉怕會失寵，

所以今早小茄繼續見到翠蘆荊開花了！😘😘

懶惰了一星期啦！

過去一星期，小茄沒有做運動嘅記錄，因為小茄眼膜發炎而休息，及後要開家教會......所以整個星期都沒有到健身室了！

不過當小茄再數一數過去呢一個月，原來已有 15次記錄了.....嘩！😲😲😲😲很開人喲......

今早小茄突然心血來潮地過磅，體重竟然沒有上升，反而繼續下降，由 9 月開始做運動至現在，小茄一共少左 18磅多D，著嘅衫由大碼(中碼會覺得很窄)到依家著番中碼(剛剛好)......新陳代謝好似好左，心肺功能亦有進步，這就是小茄繼續做運動的動力！

要加油喲！💪🏻💪🏻💪🏻💪🏻

11 Nov：蓮藕眉豆豬骨湯

是日小茄靚湯：蓮藕眉豆豬骨湯

材料：
蓮藕、眉豆、豬骨、薑

做法：
1. 眉豆洗淨，浸 15分鐘
2. 豬骨汆水，洗淨，備用
3. 蓮藕洗乾淨，去皮，切片
4. 薑洗淨D泥，拍扁！
5. 煲 2/3煲水，把所有材料放入煲內，大火煲 15分鐘，轉細火煲 3小時
6. 如有需要，可加鹽調味。 

紅莓乾麵包

次次都係齋麵包，唔好話孖寶會覺得悶丫，就連小茄整都覺得悶......所以小茄會加其他材了，曾試過提子乾、芝麻...通常係做型時加..孖寶都覺得好好味.....

今次試下用紅莓乾啦！


效果都幾得意喎～😉😉

黃時鐘花的記錄@11Nov2017

由於小妮子係每星期都需要記錄黃時鐘花的成長和變化，而且也需要有相片的，所以小茄每星期都會幫黃時鐘花相照記錄......


呢個星期......黃時鐘花已有 19厘米高，有.....1.....2.....3.....4.....5.....6.....7.....8......有8片葉子了！

咦！呢個位.....唔似係葉喎.....唔通.....係花蕾？

今朝有陽光一睇.....真係似係花蕾喎......
再繼續留意下先......

親子體操@9Nov2017

又到星期四了，今早如常有親子體操......
雖然上星期開始時，細佬仔好似懶洋洋咁，不過今天早上細佬仔竟然由一開始就已經好投入......只係偶爾會擰轉頭望一望小茄......細佬仔今早比上星期跟得足了，而且開心好多，係遊戲時間願意先動動腦筋去解決問題👍🏻👍🏻👍🏻👍🏻👍🏻

細佬仔雖然番學兩個多月，但真係進步好多，小茄也敢到安慰，真係冇選擇錯☺️☺️☺️

為自己身體努力Day28

今早小茄遲左去到健身室，所以已經比較多人了！

小茄選擇踩健身單車，但時間所限，只完成了 40分鐘，消耗了 150卡路里，但都已經流汗了！

小茄做番運動差唔多兩個月，覺得身體好似好左，夜晚瞓覺好似好左......所以要繼續努力！💪🏻💪🏻💪🏻

為自己身體努力Day27

今早小茄陪細佬仔做親子體操(http://frankiengfung.blogspot.hk/2017/11/2nov2017.html)，之後留係學校做義工後，依舊到健身室做運動，過去兩日因要係細佬仔學校幫手專題學習，所以冇去做運動。另外小茄氣管嘅老毛病亦因天氣變得乾燥而出現氣喘，講真狀態真係唔太理想，但小茄知道如果再停嘅話，身體便會開始懶惰了，所以還是堅持去做運動啦！

經過 60分鐘努力，小茄沒想到自己可以堅持到全程以 15度嘅斜度而又唔覺得吃力，


完成了 4.76km，即近 12個圈，消耗了 477卡路里，平均心跳率係 114bpm，感覺好似幾好咁喎！


回家途中，小茄用apps檢查心跳率，都係 118bpm，雖然比平時高，但小茄又冇覺得不適，反而自我感覺又真係幾好喎！

加油丫！💪🏻💪🏻💪🏻

親子體操@2Nov2017

踏入 11月份，期待已久嘅學校親子體操開始啦！
雖然之前細佬仔都有參加過，但今早係細佬仔第一次以學生身分參加，以過往嘅經驗......小茄只希望細佬仔可以投入去玩，同埋分開時唔好喊就好了！

開始時，細佬仔掛住玩口罩，之後又時不時望轉頭搵小茄，但小茄堅持企在後面，雖然見到細佬仔不停地望，但都扮睇唔到......
慢慢老師開始邀請小朋友出去帶領做體操，細佬仔還是懶洋洋地似舉手又唔知係唔係舉手咁.....
到開始唱歌啦！細佬仔竟然跟到動作喎，當然未算做得好好，但起碼肯做唔係企係度......老師又邀請小朋友帶領做動作，細佬仔突然舉得好直，老師好似知道小茄好怕企係人前(其實小茄係有點怕嘅，但叫到嘅話都會克服到嘅，同埋小茄覺得可以嘅話讓其他人參與啦！)，但見細佬仔舉手舉得咁直，又唔可以唔請佢出黎......當然小茄也跟住一齊出啦！首歌嘅動作......小茄唔識㗎，只係望住老師跟住做，同埋見到旁邊嘅細佬仔做，雖然有不足，但覺得佢好努力地做......小茄已經好開心了！😘😘😘
唱完歌仔，開始玩遊戲啦！小茄同細佬仔一齊玩，見到佢玩得好開心，笑到卡卡聲.....😆😆😆過程中有位同學加入......細佬仔又冇被影響，繼續玩.....
玩完之後，再唱了一會歌後，細佬仔準備要入課室啦！小茄開心地同佢say bye bye，細佬仔又慢慢跟住老師指示入課室......冇喊喎！👍🏻👍🏻👍🏻
小茄覺得細佬仔係開學至今兩個多月，長大了不少，情緒管理進步了，細佬仔，要繼續努力！💪🏻💪🏻💪🏻

為自己身體努力Day26

又過了一個週末啦！
小茄依舊到健身室做運動啦！

在跑步機上，小茄不停地汗流滿面......雖然速度一點都不快，好似維持住4定5呢🤔🤔🤔，只係斜度盡量維持 15，臨尾有幾分鐘的確覺得有點攰，所以減至 12，到之後覺得身體順暢番少少再加番去 15......

完成 60分鐘後，只完成了 3.97km，竟然唔夠 10個圈，卻已消耗了 545卡路里.....加埋cool down果 5分鐘，一共完成了 4.15km(10個圈多少少)，共消耗了 557卡路里.......

小茄，要繼續努力！💪🏻💪🏻💪🏻💪🏻

29 Oct：青紅蘿蔔青欖煲豬踭

材料：青蘿蔔、紅蘿蔔、青欖、南北杏、果皮、豬踭肉

做法：
1. 豬踭肉切件汆水洗淨
2. 南北杏洗淨，浸 15分鐘
3. 果皮浸軟去瓤
4. 青紅蘿蔔去皮切小塊
5. 青欖洗淨略拍
6. 水滾後加入所有材料，大火煲 15分鐘，轉小火煲 2小時


可加少少鹽調味。

小茄之前睇書見到青欖可以清熱、利咽、生津、對咽喉腫痛、咳嗽有幫助，係深秋後煲青紅蘿蔔湯時用......

偷影做記錄

為了方便小妮子係log book做記錄，


所以小茄每星期都幫黃時鐘花影下相先.....

高：16.5厘米

原先最底的葉子變黃了，但最頂有兩片嫩葉長出，所以現在有 6片葉子了！

給聖誕老人的信

N年前，小茄無意間係BK見到有會員話寄聖誕咭俾聖誕老人，所以好奇之下把聖誕老人的地均留下來(https://www.facebook.com/閒情逸致-1496240307327884/photos/?tab=album&album_id=1825089727776272)，到每年嘅 10月尾 11月初時，便會幫家中寶貝準備......之後做靜候回覆，係回覆內容會知道各地過聖誕節的習俗☺️☺️☺️☺️☺️

今年又係時候啦！
小茄開始同孖寶準備寄聖誕咭俾聖誕老人啦！

做法好簡單，信封面寫下各地聖誕老人的地址，記得在信封底面要寫上回郵地址，

之後貼足郵費，準備寄出！📤📤

為自己身體努力Day25

今日細佬仔學校親子旅行，由於爸爸請到假陪細佬仔去，而且細佬仔今早沒校車，小茄便可以專心一意照顧小妮子了！

早上陪小妮子等完校車，小茄便可以去健身室啦！

可能時間真係好早，所以有跑步機.......

60 分鐘過去，完成了 4.97分里，即🤔🤔🤔🤔 唔夠 12個半圈......消耗了 496卡路里......心跳率最高去到 15x bpm......

做完 1小時運動，平時小茄會選擇離開，不過今日早左到健身室，而且又唔駛趕住回家準備午餐俾細佬仔，所以小茄選擇繼續踩健身單車......

本來諗住踩多一陣就算，點知同個婆婆傾計，傾下傾下又踩了 1小時😲😲😲😲

而呢 60分鐘消耗了 224卡路里，最高心跳率係 121bpm，而平衡心跳率係 113bpm......

做完兩小時運動，夠啦！要趁細佬仔去旅行而小妮子未放學嘅呢段時間做好計劃左嘅一大堆事情先得啦！

為親子旅行準備

又要準備？唔係上星期已準備(http://frankiengfung.blogspot.hk/2017/10/blog-post_19.html)啦咩？
係......上星期係小妮子學校旅行，明天係細佬仔學校旅行......

今次細佬仔要求要好似上星期咁有飯糰、粟米、雞蛋.......

服左佢啦！

為自己身體努力Day24

今早跑步機有位啦！

開始後唔駛 5分鐘，已經開始流汗啦！其實小茄一直好怕流汗，因覺得好污糟......不過當經歷過流唔出汗時，小茄覺得係需要俾機會自己流汗......排下毒嘅！

經過 60分鐘努力，完成了 4.82公里，即 12個圈多少少，消耗了 441卡路里......

出完一身汗，個人精神左，可以開工啦！

為自己身體努力Day23

繼上星期五嘅旅行(http://frankiengfung.blogspot.hk/2017/10/blog-post_20.html)、上星期追小巴和量心跳率(http://frankiengfung.blogspot.hk/2017/10/blog-post_84.html)，發現身體的確有改善......所以週末一過，小茄繼續為身體努力💪🏻💪🏻💪🏻💪🏻，今早雖然跑步機沒空位，但也可以簡簡單單踩健身單車.......

經過 60分鐘努力，消耗了 236卡路里，最高心跳率係 128bpm，而平衡心跳率係 116bpm......

其實踩健身單車比跑步機輕鬆，但總好過唔做囉！

為自己身體努力 - 好處！

早幾晚，小茄趕住到小妮子學校開校，見到有小巴喎......冇理由唔追㗎！？小茄以往趕車都會氣喘，好辛苦！不過今次竟然冇氣喘，而且仲可以係下個小巴站度等小巴埋站......呢個感覺幾好！👍🏻👍🏻

到今晚，小茄突然自己用apps量心跳率......



竟然係 65bpm，係未開始做運動時，心跳率通常都係 77-79bpm，偶爾算到上 8X bpm，睇黎心肺功能真係開始有進步了！

要加油！繼續努力！

跟陽光玩遊戲

早兩日小妮子係學校帶了黃時鐘花苗回來(http://frankiengfung.blogspot.hk/2017/10/blog-post_12.html)，即日換好盤......

趁今日陽光普照，光線充足時，

將佢放係窗邊曬下太陽，等佢可以同陽光玩下遊戲先......

翠綠色真係好靚丫！😍

21 Oct：粟米鬚水

昨天小妮子學校旅行(http://frankiengfung.blogspot.hk/2017/10/blog-post_20.html)，前日小茄準備粟米(http://frankiengfung.blogspot.hk/2017/10/blog-post_19.html)時當然留低左D粟米鬚啦！因為可以煲粟米鬚水，消暑袪濕丫嘛！

材料：粟米鬚、水

做法：把所有材料洗淨，放入煲內以慢火煲 45分鐘完成！


功效：袪濕消暑、降低血糖、利尿減肥

小二親子旅行@舂坎角

是日小妮子學校親子旅行，由於爸爸請唔到假，沒有人手可以接細佬仔校車，所以小茄係一星期前已幫細佬仔寫請假信了，實行小茄帶著孖寶去旅行......其實都幾大挑戰黎㗎！首先，小茄未試過帶孖寶去沙灘，而且今次去舂坎角，去過舂坎角嘅都會知道，落車後要行樓梯才到沙灘，以往小茄自己行都會喘氣，今次同孖寶一齊😔😔😔，另外今次係需要野餐嘅，小茄要帶定午餐.....還要幫孖寶執定多套後備衣服，因估計佢地實攪到成身都係沙......不過......準備好所有野，小茄接受呢次挑戰！💪🏻💪🏻


今日天氣好好丫，有陣陣涼風......

小妮子同同學們玩沙，細佬仔當然跟埋一齊啦！

係玩完沙之後，小妮子話肚餓啦！
要開餐啦！
除左昨天準備嘅粟米和飯糰(http://frankiengfung.blogspot.hk/2017/10/blog-post_19.html)外，小茄還準備了秋葵、雞蛋和雪梨，
孖寶都算俾面啦......只淨下兩個雪梨帶番屋企做下午茶😘😘😘😘
雖然小妮子都玩到套體育服浸左，但好在有後備衣服，所以換晒衫洗好腳就一切如常啦！😅😅😅😅
到離開時，小茄最擔心嘅考驗黎啦 - 行樓梯上馬路，可以細佬仔已玩到攰所以要求抱......唯有抱住佢行上 2/3段樓梯啦！因小茄都會攰㗎嘛😆😆😆，不過行完整段樓梯，小茄竟然冇喘喎！👍🏻👍🏻不枉小茄過去十多日到健身室做運動，體能上真係有改善的......☺️☺️