大年初一了＝4歲了！

是日農曆大年初一，

亦是韻慈的農曆生日......

今日佢農曆 4歲了！

沒錯！

佢正是2010年年初一(2月14日－情人節)出世的，

自從 4年前開始，

每年的年初一已不只得一個意思啦！

而且每年的例行節目，

都是待自然醒後，

韻慈換好拜年衫，

便要出發到嫲嫲家拜年食齋.....

準備紅封包

既然韻慈已學識在農曆新年有紅封包，

那麼今年就邀請韻慈準備紅封包吧！

又想不到，

韻慈都能掌握技巧，

手指還算靈活！

一定要話我知ga.......

當韻慈在睇有關生BB嘅節目，
都會話：媽咪，你生BB時一定要話我知......
小茄通常都會問：點解呢？
韻慈就會解釋：因為你生BB時會攪到地下污髒哂！
小茄邊笑邊回應：哦！
之後韻慈會接著解釋：如果媽咪生BB時唔同我講，我就會唔知，咁就幫唔到媽咪打電話......
小茄繼續笑笑地問：咁你打電話去邊？俾邊個？
韻慈會話：打電話俾爸爸囉！

韻慈......經常令小茄啼笑皆非，
但的確聽到時會令小茄幾窩心的！

玩天然環保積木

經過韻慈多番要求，

今午玩天然環保積木－PlayMais，

其實只需要小量清水就可以玩，
但小茄並沒有特別講解，
就讓韻慈自行摸索吧！

韻慈可能見到盒上的說明，
所以便知道要點點水，
之後就可以黏實...... 

雖然小茄唔知韻慈砌甚麼，
但冇所謂啦...... 

最後，韻慈解釋：原來佢砌緊支咪......
哈哈哈哈！

玩完之後，
要收拾啦！
切.....切.....切...... 

反而收拾比砌還要開心......
因為切.....切......切.......

遊數碼港 290114

今早，小茄決定跟韻慈到數碼港跟陽光玩遊戲！

先在廣場內，
睇一睇新年佈置......

其實還有桃花、桔及菊花，
但韻慈話唔影lu......

所以之後就到海濱長廊散步...... 

韻慈玩得都幾開心...... 

點解會咁嘅樣呢？ 

又扮野！！！！ 

行了不足兩小時，
小茄跟韻慈要乘小巴回家啦！ 

點解小茄會選擇數碼港？
因可以曬下太陽，又不太多人，可以除下口罩.....

薑檸水

昨天晚上，

老公請小茄今日要煲薑檸水俾韻慈飲，

所以小茄在出門口前就浸定薑先，

待回家後開始煲.......

煲完......
當然係要俾韻慈飲番一杯啦！ 

簡單的午餐 290114

通常只得小茄跟韻慈兩個人食午餐，

而韻慈又表示要食通粉時，

小茄就會簡簡單單烚少少意大利麵，

再加兩款不同的菜及少少肉作配搭.......

今次就用魚翅瓜加番茄，

再煮幾隻餃子，

配螺絲粉.......

其實的確有點九唔搭八，
但勝在簡單，
同埋一個字「懶」！

但最緊要係韻慈都食得很開心 :) 

靜都驚.......

今午當小茄在廚房煮午餐時，

突然發現廳安靜哂......

以韻慈性格，

其實真係冇可能這樣安靜ga.....

所以偷望一望，

原來韻慈自行坐在飯枱睇書.....

真係嚇C！

輕鬆地放年假

韻慈學校的農曆年假其實在上星期五家長懇談日開始了！

這次連續放兩星期多，

直到二月第二個星期新開期上學......

可能日數比聖誕節多，

所以假期功課都比聖誕時多......

但今天.....

韻慈已經完成了九成功課，

同樣還餘下的：閱讀課外書！

而且韻慈已經把所有功課放回學校功課袋，再放入書包了！

節日氣氛

還有不足一星期就是大年初一了！

望一望月曆是日已係年廿七了......

當韻慈出街時，

見到樓下管理處已完成節日佈置了！

(可能早兩天已完成，只係小茄跟韻慈沒有外出，唔知道！)

韻慈又怎會放過影相的機會呢？

270114 出街look

小茄上星期大病，

之後忙了兩天，

所以韻慈一直都不能出外......

今日......終於有機會，

可以去下公園，

去下圖書館還書借書了！

270114 新的啟示

經過昨天晚上跟哥哥在團年飯後的傾談後，

小茄再一次上了寶貴的一課，

今次很明確地指出問題所在，

因小茄一直都似生活在某人的影子下，

但哥哥勸小茄一定要改變，

放心！我會努力地transform，

要擺脫過去的綑鎖，

會好好學習開心的生活！

今天開始小茄要有新的開始，

就從這簡單的早餐開始，

感謝主！讓我有哥哥可以提醒我！

執屋

由於快到農曆新年，
再加上小B快要出世，
所以老公一早已經開始執屋，
清番D位出黎......
而小茄當然都要執啦！
特別係要執番琴譜，
同埋一些有用書藉出來，
而且都清走一些一直沒有理會的垃圾.......
結果：竟然將四箱書減至得番兩箱書！
哈哈哈哈！但兩箱書有一半都係琴譜，
其實會否有點誇張呢？
望著那些琴譜，
小茄想著：會否還會彈呢？

曳的代價

話說有個小朋友今早一直都唔聽大人話，

之後仲要係度扭計......

結果：這個小朋友俾媽咪請佢企定一個位置冷靜一下......

而這個小朋友當然會雙眼通紅啦！

第二次學校家長個別懇談會＠240114

由於老師約左今(閒日)午，
冇理由要爸爸特別請假，
所以今次都係由小茄帶同韻慈出席......

跟上次一樣，
老師都係約左下午二時，
所以小茄只好把午餐時間提早，
但都遲左少少出門口，
好在小巴司機只用了 10分鐘就到，
比平時縮短了一半時間，
所以小茄跟韻慈不至於遲到！

小茄跟韻慈在課室門外等到約2時15分，
就入內開始是次懇談，
而老師安排了韻慈同坐在課室內進行揮春製作，
小茄早在校曆表知道在是次懇談裏，
老師會派埋上學期的身心發展及學習報告，
可能小茄日對夜對關係，
所以預左呢份報告唔太理想，
而對小茄來說，
現在只係幼兒班，
如有進步空間，
對韻慈黎講都係一件好事......
所以當老師將韻慈多數做到(不是常常做到)的項目指出來傾談時，
小茄驚訝竟然不是所有項目.....
細看韻慈認知學科比操行好......
睇黎小茄不能在操行方面太鬆了！

另外老師報告指出韻慈的自我管理能力已有進步，
但可以鼓勵作多方面嘗試，
提升佢均衡學習......
而肌肉協調都算良好，
但安全意識就要提升......
(呢樣小茄都知韻慈成日都得意忘形，
如果唔係就唔會出現早前在校的意外啦！)

小茄再跟老師傾了一些韻慈迎接小B的心理輔導問題後，
就完結是次懇談會啦！

由於遲了入課室，
所以都比預定時間遲離開課室.......

小茄變病茄

昨天產檢時，
小茄已有兩聲咳，
所以影響了血壓，
怎知昨天回家後，
小茄開始起燒.....
雖然唔算太高，
但足以令小茄「吽」哂.....
幸好老公可以照顧韻慈，
所以小茄可以6時左右開始上床瞓，
瞓醒吃完晚餐再瞓，
小茄好耐冇試過7時半就開始瞓，
雖然瞓下醒下，
半夜還發冷添，
但經過一晚休息，
總算退燒了！
但令到老公冇得好好休息，
真有點過意唔去.....

回想事源：
應該係有晚落街時，
小茄一時忘記帶口罩......
咁就中招了！

真唔明白，
點解依家係街有病嘅就唔帶口罩，
反而冇病嘅為預防就要帶口罩呢？
攪到一時忘記就中招！
討厭！！！！

230114 產前檢查＠母嬰健康院

終於過左6個星期了！

今午小茄又要返健康院檢查.....

雖然上一次係約左今午3時，

但小茄見老公都回來照顧韻慈，

咁不如早少少出去，

可以幫韻慈攪D野......

但原來就算小茄慢慢行，

係2時許就已經到達健康院，

唯有照登記啦！

之後繼續磅重、驗尿及量血壓......

磅重：今次小茄重得多左少少......

驗尿：正常！

量血壓：第一次嘅上壓竟然14X，小茄開始驚了！

姑娘安排第二次再量時，上壓都KEEP住有132，

小茄未試過再量都咁高ga！！！

究竟發生咩事呢？

到見姑娘時，

姑娘先安排返瑪麗飲糖水......

呢樣野其實小茄仲怕，

在陀韻慈時因照超聲波出來的所有結果都比LMP嘅期大一週，

所以當然被安排要飲糖水，

其實要空肚唔太大問題，

但當抽完第一次血後，

飲果大碗暖糖水，

小茄已經覺得很甜，

很不容易飲完了！

在等抽第二次血期間，

小茄感覺得自己肌肉很痛，

呢個感覺就好似要全身麻醉落麻醉藥嘅感覺一樣.....很辛苦！

小茄根本不能集中精神織野......

但由於姑娘冇話可以飲水，

所以小茄真的唔敢飲水，

只係買定一支水，

希望抽完第二次血後飲！

到第二次抽血時，

小茄跟姑娘講番呢個反應，

姑娘才說其實可以飲少少水......

早知就唔駛咁辛苦啦！

上次結果：小茄被問到會否成日見暈，還被建議放定少許糖在手袋，如見暈時就要食糖.......

而今次......

其實當小茄知道有孕時，

因在網上討論區知道瑪麗醫院的所有準媽媽都要飲糖水，

小茄都有猶疑過.....

但既然天父有呢個安排，

小茄唯有接受......

在是次檢查，

姑娘聽小B心跳時，

聽到小茄有幾聲咳，

則安慰小茄講如果病緊血壓是會高少少，

幸好的是下壓7X都唔算太高，

而體重方面，

雖然超過佢地要求每星期重0.5kg，

但可能之前維持了一段時間比未有孕輕，所以姑娘冇咩理會！

只說睇一睇今次飲糖水結果先再算......

而今次唔需要再見醫生了，

安排在四星期後再返去檢查......

在等約期時，

小茄需要幫韻慈申請把成長評估記錄由第二間健康院轉過黎......

因黎緊韻慈需要做視力普查，

如果沒有小B，

小茄的確可以獨力帶韻慈過海做檢查，

但依家......還是幫韻慈轉番附近健康院好一點......

職員話要預兩星期工作天轉牌板，

當記錄成功黎到，

韻慈將會收到信，

當收到信後再致電到健康院約普查日期......

幫韻慈交完表，

再約埋下次產檢時間，

走得！離開時3時許......

小茄可以先到健康院附近的一間嬰兒用品店，

原來佢地沒有摺盤賣，

小茄有點失望，

但就見到佢地有話適合瑪麗醫院產婦用的走佬用品套裝.....

價錢比網上店舖平，

所以小茄決定下次產檢後就買一裝，

就算上次照結構姑娘話預左會早，

但小茄相信天父都唔會讓小B過早出世的.....

咁就算到時才準備走佬袋都未算太遲啦！

親子體操 230114

今早，

可能韻慈知道快放假，

竟然話唔駛上學，

但當她知道今早有親子體操，

仲要係本學期最後一次，

就立刻加快速度準備出門口......

由於時間早了關係，

今早可以乘電車，

再慢慢步行回校啦！

韻慈回校後，

自行換鞋、交功課，

把書包櫃內的後備衣服放回書包，

之後就返回課堂看書，

小茄覺得呢個時間的韻慈係最乖的！！！

到體操時間開始，

韻慈跟著老師帶領，

步出戶外遊樂場，

韻慈見到小茄當然想嗲小茄啦！

但小茄要求韻慈要留心老師的說話，

咁......韻慈就望住老師，

在熱身過後，

開始跳舞啦！

就連校長都話韻慈跳得好開心 :)

過跳舞過後，

開始今天的活動－舞獅啦！

舞獅頭.....

舞完獅頭，
要排到後邊舞獅尾了！ 

為身體著想－開始減量了 :(

由於肚子越來越大，
而且怕小B落得太快，
所以今早開始......
小茄只敢使用靠背健身單車，
而不敢再扶著跑步機慢行，
因踏入2014年，
肚子明顯低了很多，
如果小茄不減量，
真怕小B係未夠期就出黎，
所以為了小B可以健康點，
小茄還是減量......

雖然小茄慢慢減量，
到最後會停去健身室，
但小茄都要提醒自己要拉筋及到公園散步.....
繼續為身體健康努力！

小馬錢罌

今天小茄接韻慈校車時，

見到韻慈手執著錢罌，

小茄問韻慈：點解會有隻豬仔嘅？

韻慈立即更正解釋道：係小馬黎，老師話要入D錢入去的.....

揮春製作(二)＠學校

小茄從老師派回來的文件內，

見到原來在這兩天再在校製作揮春，

貼得都幾豐富！

當然會附送多一張由哥哥姐姐製作的揮春啦！ 

220114 上學look

今早，

當小茄起床時，

見到溫度原來再次跌破10度以下，

當小茄跟韻慈出門口時都只係升到10度多少少..... 

韻慈咁著，
既唔會太誇張，
而佢還可以活動自如..... 

無奈的白麵包

家中的包包今早宣告已食完了！

所以小茄今天要整包包......

正當小茄預備材料時，

發現原來家中沒有全麥粉，

但小茄今天點都需要整包，

否則明早韻慈就沒有包包作早餐，

所以迫於無奈今次只好整白麵包啦！

小茄在壓平粉糰時，

突然想起昨天在學校，

小茄想協助義工媽媽準備脆麻花時，

當小茄跟幾個媽媽坐下時，

其中一個義工媽媽直問：你地識唔識整ga？

小茄沒想到會被這樣問，所以隨口回答：平時都係咁整麵包......

其他義工媽媽聽後竟然目定口呆，

而提問的義工媽媽只係點點頭......

其實對小茄來說兩者真係好似：

兩者同是把材料攪混成粉糰，

之後才有少許分別，

脆麻花不一定要發酵，

據老師昨天在功課印本沒有提及，

但小茄認知是需要的；

而麵包則一定需要發酵及鬆馳(需要留意濕度及溫度)，

再之後兩者都需要造型的，

及後脆麻花需要用油炸熟；

而麵包則需要經過第二次發酵，

並用焗爐焗熟、蒸窩或煎鑊整熟.....

返回今次的白麵包，

可能是全白麵包關係，

經過第一次發酵後，

粉糰竟然比原本發漲四倍有多......

在待涼時因西斜令麵包睇落都幾靚...... 

雖然焗完出黎望落好似同以往的一樣的醜，

但當切麵包時，
小茄感覺麵包外很脆，
而嘗試少少時，
小茄覺得今次的麵包外邊的確很脆，
而內裏卻很煙韌......

講故事

今午，

韻慈自己做完功課後，

自動自覺地從房拿出圖書，

之後坐在sofa上，

抱住比比及牛牛，

幻想跟小B一起睇圖書，

一邊睇一邊講......

預演「我放學啦！」

話說今早韻慈出門口時叮囑小茄要安靜，

小茄還在想韻慈突然對玩伴這麼好呢？(http://frankiengfung.blogspot.hk/2014/01/blog-post_1229.html),

但當韻慈放學回家時，

一入屋就大叫：BB，我放學啦！細佬，我放學啦！

之後就撲過去！！

睇黎......
小茄又要跟韻慈傾一傾，
放學後唔好太興奮地大叫！
還有回家後第一時間要洗手漱口換衫！

薑檸水

由於天文台預告在未來幾天都會寒冷，

再加上見到韻慈的同學都帶病上學，

所以爸爸昨天晚上建議小茄今天要煲薑檸水..... 

而今次會加多少少檸檬， 

好讓韻慈吸取多一點維他命C