第二次學校家長個別懇談會＠240114

由於老師約左今(閒日)午，
冇理由要爸爸特別請假，
所以今次都係由小茄帶同韻慈出席......

跟上次一樣，
老師都係約左下午二時，
所以小茄只好把午餐時間提早，
但都遲左少少出門口，
好在小巴司機只用了 10分鐘就到，
比平時縮短了一半時間，
所以小茄跟韻慈不至於遲到！

小茄跟韻慈在課室門外等到約2時15分，
就入內開始是次懇談，
而老師安排了韻慈同坐在課室內進行揮春製作，
小茄早在校曆表知道在是次懇談裏，
老師會派埋上學期的身心發展及學習報告，
可能小茄日對夜對關係，
所以預左呢份報告唔太理想，
而對小茄來說，
現在只係幼兒班，
如有進步空間，
對韻慈黎講都係一件好事......
所以當老師將韻慈多數做到(不是常常做到)的項目指出來傾談時，
小茄驚訝竟然不是所有項目.....
細看韻慈認知學科比操行好......
睇黎小茄不能在操行方面太鬆了！

另外老師報告指出韻慈的自我管理能力已有進步，
但可以鼓勵作多方面嘗試，
提升佢均衡學習......
而肌肉協調都算良好，
但安全意識就要提升......
(呢樣小茄都知韻慈成日都得意忘形，
如果唔係就唔會出現早前在校的意外啦！)

小茄再跟老師傾了一些韻慈迎接小B的心理輔導問題後，
就完結是次懇談會啦！

由於遲了入課室，
所以都比預定時間遲離開課室.......