在過去週末,
韻慈最期望的其中一個活動是今早回校製作脆麻花,
聽韻慈覆述老師曾在課堂上簡單講解整個脆麻花的製作過程,
所以韻慈不停自我溫習這個過程.....
今早當韻慈上校車後,
小茄自行乘電車再步行回校,
在親子製作之前,
有義工姨姨再講解一次,
小茄第一次見到韻慈聽講的情況,
可能老師安排韻慈坐在旁邊位關係,
所以小茄見原來佢都可以幾專心,
或者可能韻慈知道小茄在後望到自己都唔定.......
到親子製作時間,
由於義工姨姨已預早造好粉糰,
所以小茄跟韻慈只需繼續完成後期製作就可以了!
韻慈努力地壓平粉糰......
當然以韻慈獨力未足以把粉糰壓至2mm,
所以借小茄之力一起壓.....
之後切邊再切長方形及中間切一刀,
然後韻慈把每條都扭一扭,
再交給義工姨姨炸......
最後,可以當茶點啦!
韻慈食得幾開心 :)
食時點少許蜜糖更好味! :) :)
親子製作完結後,
小茄決定韻慈如常地放學後乘校車回家,
而小茄則自行步行回家......
接校車時,
韻慈手拿著一小包脆麻花回家.....
真係又食又拎......
(哈哈哈哈!)
而今天的家課,
小茄發現老師細心地把整個食譜印了出來......
那麼,小茄有機會跟著做.....
但這個機會都幾低,
除非小茄搵到可以不用油炸的就可以試一試....
因小茄都幾怕處理用後油,
另外這樣炸完都唔太健康!
No comments:
Post a Comment