家中的包包今早宣告已食完了!
所以小茄今天要整包包......
正當小茄預備材料時,
發現原來家中沒有全麥粉,
但小茄今天點都需要整包,
否則明早韻慈就沒有包包作早餐,
所以迫於無奈今次只好整白麵包啦!
小茄在壓平粉糰時,
突然想起昨天在學校,
小茄想協助義工媽媽準備脆麻花時,
當小茄跟幾個媽媽坐下時,
其中一個義工媽媽直問:你地識唔識整ga?
小茄沒想到會被這樣問,所以隨口回答:平時都係咁整麵包......
其他義工媽媽聽後竟然目定口呆,
而提問的義工媽媽只係點點頭......
其實對小茄來說兩者真係好似:
兩者同是把材料攪混成粉糰,
之後才有少許分別,
脆麻花不一定要發酵,
據老師昨天在功課印本沒有提及,
但小茄認知是需要的;
而麵包則一定需要發酵及鬆馳(需要留意濕度及溫度),
再之後兩者都需要造型的,
及後脆麻花需要用油炸熟;
而麵包則需要經過第二次發酵,
並用焗爐焗熟、蒸窩或煎鑊整熟.....
返回今次的白麵包,
可能是全白麵包關係,
經過第一次發酵後,
粉糰竟然比原本發漲四倍有多......
在待涼時因西斜令麵包睇落都幾靚......
雖然焗完出黎望落好似同以往的一樣的醜,
但當切麵包時,小茄感覺麵包外很脆,
而嘗試少少時,
小茄覺得今次的麵包外邊的確很脆,
而內裏卻很煙韌......
No comments:
Post a Comment