想得太多差點嚇親

韻慈突然話：爸爸，依家12月啦！不如買狗狗丫.....
爸爸答：狗唔係買賣ga喎......
韻慈就轉話：爸爸，不如整狗狗丫！
爸爸驚訝地反問：點樣整先.......
韻慈解釋話：用膠水貼，剪紙，整比比.......

小茄起初聽到韻慈話整狗，都幾驚訝，以為........
但原來韻慈只係想請爸爸一齊做手工，咁都安心D

又扮野－野餐篇

今早，正當小茄吸完塵在補blog之時，

韻慈突然將D紙舖在地上，

之後將D玩具放在紙上......

細聽韻慈所講嘅野，

原來佢角色扮演緊同校車朋友在野餐中.....

仲玩得好開心添！

已足夠

今早好似都係16-17度左右，

但韻慈竟然著咁少就話足夠.....

哈哈哈哈！摸佢背脊都真係熱嘅咁算啦！

是日早餐 301113

今早，韻慈起床要求食三文治，

還要好像平時爸爸整的一樣.....

但老公要出海，

所以已經出了門口啦！

(就算老公整定都凍哂，唔好食啦！)

唯有硬著頭皮整啦！

雞蛋三文治

希望滿足到韻慈的要求啦！

由上環引伸出黎.......

由於要跟韻慈去話劇團，
所以小茄需要跟韻慈乘車到上環....

在途中，韻慈可能醒起自己要到上環，
但就刻意地講下環、左環、右環、中環.....
離開不遠有兩位小學生聽見後取笑 :-/

但小茄欣賞韻慈還記得課堂上所學的，
(上下左右中這個課題都好似已學了一段時間了)
除了記得，竟然還會嘗試用番出黎，
雖然感覺上有點亂黎，
但不竟佢都敢於嘗試....
所以藉得欣賞嘅......

韻慈的第一個興趣班＠香港話劇團 (lesson 10 on 291113)

不知不覺間，今堂原來已經係第10堂了！
慶幸小茄已經收到第二階段課程的確認信.....
即韻慈可以繼續玩了！

導師一見到韻慈帶著口罩醒覺地問：是不適還是保護呢？
小茄代答：只係保護，因聖誕會外出旅行，
所以唔想呢段時間病......

小茄等韻慈入課堂後，
在中心附近行了一行，
返回中心邊聽電台聽等待......

到導師出來簡報今堂內容時，
小茄發現今堂的練習跟星期日工作坊所做的很相似，
估唔到K1呢個階段都可以實踐到！哈哈！

到韻慈下課時，
導師話問過韻慈下個月去邊度旅行？
韻慈答假日牧場.....
(哈哈哈哈！)
小茄解釋番原來韻慈記錯左上星期學校去假日農莊旅行......

學校假期 ＠291113

由於今天係教師培訓日，

所以韻慈不用上課，

亦因為要照顧韻慈關係，

小茄不能到健身室做運動.....

但不要緊.....

因小茄可以重拾韻慈未開始上學的感覺！

早上7:20，韻慈起床，

在韻慈食早餐時，

小茄開始預備整麵包，

到韻慈食完早餐，

見未可以去街時就自己玩玩具，

待小茄完成整麵包的初期工作，

韻慈就換衫準備出門口，

外出行了幾個多小時後回家，

韻慈自行換衫，

再進行自學時間.....

而小茄就繼續整其他野....

待午餐準備好時，

韻慈自動自覺坐好食飯，

到食完飯後，就慢慢準備去話劇團上課.....

其實感覺都幾好，

只係會覺得有少少疲倦.....

但其實間中重拾這種感覺都唔太差 :)

291113 的黃昏

剛回家就見到呢個景色，

感謝主！

讓小茄留意到.....

但小茄突然有個問題：

點解同早上(http://frankiengfung.blogspot.hk/2013/11/291113.html)的咁似ga呢？

麥多過白的兩溝包

今天小茄又要整包包啦！

係磅粉時先發現原來家中的白麵粉差不多用完.....

好在家中還有全麥粉，

所以今次繼續兩溝包啦！

由於今日的相對濕度太低，

所以小茄將水的份量加多少少－約多15mL水，

而且係攪粉團時，

小茄留意到粉團乾到不能成團，

所以再加了幾滴水......

至順利成粉團後停！

另外由於今日的氣溫較低，

所以在發酵期間，

小茄再換多兩次水，

確保粉團溫度唔會跌得太快.....

完成了！感覺應該密度會實少少，

因麥粉多了.....

但希望韻慈覺得OK啦！

好習慣？

由韻慈正式開學開始，

由於學校要求填寫體溫簿，

故小茄都會幫韻慈量體溫，

今早韻慈雖然唔駛上學，

但可能已經成了習慣，

小茄都會幫韻慈量體溫，

量完體溫，

知道韻慈體溫正常，

有著安心的感覺！

薑檸水

冇錯！今日小茄又煲薑檸水，

皆因今日的相對濕度太低，

現在的相對濕度只得27%，

可能太乾燥關係，

韻慈今早一起床就咳，

(因今年開始唔想再因乾燥而在韻慈房中開放濕機，嘗試讓韻慈氣管慢慢適應)

所以煲薑檸水潤一潤.....

 去完街街回家，讓韻慈飲番杯潤一潤驅一驅寒先

等待時做......

今早，

當小茄在廚房整麵包時，

發現外邊較靜，

所以探頭外望，

韻慈背向廚房，

究竟佢做緊D咩呢？

小茄行近少少......

哦！原來玩緊玩具，

到收拾玩具時，
韻慈主動解釋，
原來佢將磁石扮巴士..... 

(雖然小茄唔覺得似，但欣賞韻慈的主動及想像力！)

291113 的早上

感謝主！

竟然讓小茄見到這麼美的景色，

而且今天是學校假期，

韻慈不用上學，

所以不用趕時間！ :)

寒冷天氣警告 281113

天文台在下午4時20分發出寒冷天氣警告，

小茄頓時阿Q地想：好在韻慈明天不用上課，

否則韻慈又需要變成糉了！

但其實如果韻慈明天要求外出，

都應該會變糉的.....

(哈哈哈哈！)

環保小聖誕老人掛飾 親子 DIY

由於明天學校假期，

韻慈不用上課，

所以老師今天已派下星期推行的課程預告......

小茄閱後留意到今次要預備一件適合掛上樹上的小飾物，

今次寫明可以利用環保物品製作飾物，

所以小茄問韻慈想唔想一齊製作？

韻慈的答案當然係：想！

所以小茄就跟韻慈一齊廢物利用地用厠紙筒製作一個小掛飾啦！

先預備：厠紙筒、紅色紙、小三角形白色紙兩張、小毛毛球兩個、紅繩()、漿糊筆等用品

 

1. 請韻慈用漿糊筆塗滿紅色紙.....

2. 再請韻慈將厠紙筒打橫放在紙邊，
慢慢好似卷壽司咁卷個厠紙筒......

3. 之後將多出黎嘅邊位攝入紙筒裏，

再將其中一邊尾端先對摺，慢慢收好兩邊位(如下2張相)

4. 之後反轉，做法如3.，但留意兩邊尾端需呈十字(如下圖)

5. 將其中一邊夾扁

6. 用刀𠝹開少少位 

7. 將紅繩慢慢穿過.... 

8. 做成掛繩 

9. 在兩個小白色三角形上畫上聖誕老人的面容 

10. 再交給韻慈上色 

11. 上色後，用漿糊筆貼在紙筒上 

12. 再畫上腰帶  

或再加埋雙手

13. 把向下的兩隻角輕輕夾扁，
再填上黑色扮雙腳

14. 最後，在穿繩位用針線釘上小毛毛球或漿糊貼上 

完成啦！

但小茄要想方法，既韻慈可以方便帶回校，又不會破壞小掛飾

大洗日

小茄見相對濕度由今早的9X％慢慢跌到依家的6X%，

再加上昨天晚上換了床單，

所以將今天立為吾家大洗日.....

先係今早外出前洗了一機床單，

回來時可以晾起.....

休息一陣後再洗多一機大人衫，

剛剛也晾起了！

今日韻慈又好乖地將放在學校的後備衫褲取回來，

(原來果套係短袖ga！)

待韻慈沖涼後再洗多一機衫......

天文台預計明天的相對濕度會更低，

所以明天會洗韻慈的床上用品，

相信應該都會好快乾的 :)

親子體操 281113

上星期由於早上下雨，
所以小茄冇跟韻慈回校......
但都答應韻慈如果今早冇下雨，
小茄就會陪韻慈回校.....

正正因為跟韻慈有這個承諾，
所以今早小茄見沒有下雨，
就決定陪韻慈回校啦！

可能韻慈都希望小茄陪伴回校，
所以今早竟然可以在未夠8點出到門口，
都有一段時間未試過了！

雖然今早吹著北風，
但小茄跟韻慈唔覺得凍.....
在行去小巴總站途中，
竟然截到小巴......

雖然學校附近比較多車，
但小茄跟韻慈都可以較早回到校.....

由於清晨果場雨很大，
而學校膠墊去水差少少....
所以原定戶外親子體操，
改為小朋友在室內做體操，
而家長則在課室外望.......

雖然唔可以一起做體操，
但感覺都幾特別！

禦寒衣物

由於今早起身時不足14度，

所以小茄替韻慈預備了厚褸一件..... 

長袖衫一件(著在校服內)...... 

再加要著校服，頸巾及背心一件方便韻慈回校後除下厚褸還有背心保暖......
正如小茄所料，韻慈回校後要求除褸再入課室.....

而小茄.....
今早還時短袖衫加呢件褸......

但都覺得熱......

在13度的早上上學 281113

今早只得13度多少少......

所以韻慈被小茄要求著到似一隻糉一樣.....

其實佢只係著了4件衫加頸巾，

但當她回到校已經覺得熱了！

一晚的變化

昨天晚上臨睡前.....

呢個時候開始下雨...... 

慢慢跌到曾經只得..... 

今早起床已升到...... 

為14度預備

雖然小茄有小暖爐，

但老公今年冇左層脂肪保暖，

所以會容易覺得凍......

為免佢半夜凍醒，

或者冷病......

小茄需趕緊把暖氈舖好......

舖暖氈之餘，

當然同時為床上用品換衫啦！

小茄為免老公回來見到自己換床單.....

(可能係高危動作.....)

所以小茄還是快手快腳處理好！

當然小茄所有動作都好小心，

冇以往咁大，

而且冇舉高手ga......

順利地係10分鐘舖好暖氈加換好床單.....

不禁唔俾個叻自己.....

(嘻嘻嘻嘻！)

真的累透了！

有個小朋友昨天晚上唔願瞓教，

而且今日又要上興趣班，

之後又行左去商場，

再加上這個清涼的天氣......

這個小朋友回家後，

睇完兩本圖書後，

坐在sofa不到兩分鐘就睡著了！

韻慈的第二個興趣班＠學校 (lesson 2 on 271113)

有著上星期的經驗，
所以今日小茄在接車之前已經煮定飯......

到韻慈回家換完衫之後，
在待食午飯時，
小茄可以跟韻慈做親子功課......

慢慢輕鬆地待2:20出門口，
乘小巴回校上興趣班，
到達學校等近5分鐘，
老師安排小朋友們入課室，
而小茄就在學校大堂睇書，
期間在網上留意到附近屋苑商場有比比的裝飾，
再望一望氣溫過廿度，
就算行過去都唔會太凍，
評估過韻慈應該都夠暖，
待韻慈下課後視乎韻慈會否太攰及想去與否再決定會否到商場望一望啦！

怎知......韻慈竟然話唔攰，
再加上聽到有比比，
決定行過去睇都唔搭車回家.....
(哈哈哈哈！呢個女真係呢.......)

  

睇完比比之後，
韻慈開開心心地行回家！