學校親子旅行＠假日農莊 221113

由於早上沒有校車服務，
所以需自行回校......

由於小茄身體依家不便在多人之處，
其實小茄身體冇咩問題，
只係唔想容易被傳染，
所以就小茄幾想一起參與都好，
最後都決定只由爸爸陪韻慈一起參加...... :(

在爸爸跟韻慈出門口之後，
小茄發現外邊下著毛毛雨，
小茄擔心是次旅行會否取消呢.....
因韻慈期待去旅行都已經幾個星期，
如果取消了，韻慈一定會好失望......
好在旅行如期舉行......

聽爸爸覆述：
當去到目的地，老師請小朋友們一起做體操及玩遊戲，
韻慈可能去到一個新環境，
所以不願參與，
但慢慢熟習了就願意跟其他小朋友一起玩.....

到自由時間，韻慈分別餵了牛牛及玩網床....
係餵牛牛期間，韻慈竟然怕牛牛搶佢手中的草......
(哈哈哈哈！唔緊要，我地下個月再去餵牛牛，今次小茄會陪住，幫韻慈一把)
而玩網床前，因韻慈係在爸爸唔知情時想走上網床，
爸爸一見到立即大聲叫停，
相信應該有不少老師及家長聽到.....
(哈哈哈哈！等韻慈自己知衰啦！)
除左玩之外，爸爸跟韻慈都有用午膳，
聽爸爸講，係韻慈食野期間，
有個K3姐姐會黎問韻慈食完野未？可以一起玩未？
經韻慈証實原來K3姐姐就係住係同一幢大廈，
平時一起坐校車的姐姐，
原來佢一直都好照顧韻慈，
小茄聽後都覺得欣慰，
因安排韻慈坐校車，
就係想韻慈可以係車上認識一些同校不同班的同學，
而現階段一定係K2&K3的哥哥姐姐(師兄師姐)......

到回程時，可能韻慈玩的太累，
所以在車上小睡了20-25分鐘，
之後再趕去話劇團上興趣班了！

爸爸最後總結話：韻慈成日都會問起媽咪，但可惜小茄不能參與.......