041113 日間不宜回家

由於大廈需做五年一次的電力大檢，
所以由上早九時至下午六時都需要停電作檢查......
由於大廈屬舊式樓宇，
所有都需要電力推動水泵才能供水，
所以如果一停電的話，
就等於停電停水......
所以小茄就算慢慢行上十幾層樓梯回到家，
也不能做任何事情.....
而且依家小茄身體狀況還能行十幾層樓梯都可能成疑問.......
故此，小茄決定不強自己所行，整天外出好過！

首先，小茄如常帶韻慈上校車，
係出門口之前，小茄小心地檢查關好電制、水龍頭......
待韻慈上校車後，
小茄決定先去健身室做運動！

因做了運動，果晚會睡得好一點.......
但以小茄現時狀況，一做運動就會成身汗，
所以小茄預先帶定沖涼用品及更換的衣物，
待小茄做完運動後，可在更衣室內沖身......
老公事前已經叮囑小茄可問職員借locker鎖匙，
因曾經有小偷出現，所以借用locker可以安心一點.....
所以小茄很聽話地，係做完運動後，填表向職員借匙，
老實講：小茄都真係需要少少時間研究如何將locker鎖上......
將locker鎖上安心行開，
係沖涼過程中，小茄不小心將眼鏡跌下.......
小茄不以為意拾起帶番，
發現左眼睇野唔清楚，
本以為只係蒸氣所致，抹一抹就冇事.....
怎知.....小茄拿了眼鏡布後發現，原來塊鏡係剛才一跌時甩了！
小茄在淋浴間尋回跌下來的鏡片，
嘗試整番好......竟然又整到！
但咁樣甩一甩，小茄擔心鏡片唔知會幾時，係不知情下又再甩.....
所以為安全起計，小茄決定立即到眼鏡舖整好副眼鏡先.....

到達眼鏡舖，小茄將剛剛發生事的過程複述一次，
而且都交代小茄所擔心的.....
職員明白小茄的憂慮，幫眼鏡的螺絲緊緊的上好.....
這樣，鏡片就可以固定好了！

離開眼鏡舖，小茄見還有時間，而且冇理由回家.....
倒不如去圖書館睇書「打書釘」啦！
到夠鐘接校車時，小茄發現兩本食譜可以花個多小時都未睇完....點解食譜內有咁多野睇ga呢？
但唔理太多了！小茄都要回到屋企樓下接韻慈的......
當小茄回到大廈大堂，
雖然管理員已在大堂擺放後備燈，
但小茄入到去，明顯覺得好暗及有點熱......
真的辛苦一班管理員還在工作，打點一切.....

接了韻慈後，由於不能回家，
所以小茄只好跟韻慈乘巴士找老公食午餐，
之後一家仨到大會堂圖書館繼續「打書釘」^_^，
其實去圖書館嘅好處係......
我們可以有個地方坐下，小茄可以舒服D.....
而且各人可以按自己興趣找到合適嘅書籍.....
所以在圖書館係一定唔會覺得悶，
而且可以舒服地過了一個下午.....

當離開圖書館時，又正值下班時間，天下著雨，
由於約了朋友食晚飯，
所以我們仨慢慢搭車到餐廳.....
其實小茄一家較少外出用膳，
但朋友相約為老公補祝生日，
亦值此機會聯誼一下，
感覺都幾好！

回到家，小茄覺得累透了！
數數手指，原來13小時，
難怪小茄會覺得累透，
而且小茄出現了少少水腫現象，
所以會覺得不適......
唯有立即沖個熱水涼後立即睡覺......
明天再去健身室做運動去水腫啦！