薑檸水後記

過去兩天，小茄都為韻慈特製檸檬水加薑，

當係FB分享後，都有朋友會問同一個問題－有咩功效呢？

在韻慈飲完兩日之後，
今早起床後的確已經好轉了！
雖然還有一聲咳，但韻慈係咳後已經可以清哂頑痰，
而且把聲清哂，回復嚮亮.......

如果要問小茄薑檸水有咩功效？
其實小茄只希望可以幫韻慈清番體內嘅痰出黎，
一直以來，小茄都會幾緊張韻慈的氣管，
因小茄自己有氣管敏感，
雖然好多時都係因致敏原而起，
但小茄還記得係自己沒有好好處理頑痰問題，
令自己氣管變差.....

所以依家當小茄出現有痰咳時，
自己會飲薑汁清痰，
記得家母話過薑汁可以驅風(可以嘔或排番D痰出黎)及有修護(咳傷喉嚨都會慢慢修補番)作用.......
而朋友也曾經咳到失聲，試過飲完薑汁可以開番聲.....

但如果要韻慈飲薑汁，
佢又真係幾難接受到......

記得佢初起咳時，
老公都煲了薑茶俾韻慈飲，
但就算加左糖，
韻慈還是不能接受得到.....

小茄唯有轉煲檸檬水俾韻慈飲，
希望讓她吸取多點維他命C，
讓韻慈自己慢慢好番.....

但可惜每當韻慈每次都總會好易被感染，
而且就算停了甜食(包括通知學校安排)，
韻慈都會好容易"起痰"......
所以小茄就要想方法令韻慈可以不經意地飲到薑，
最好當然係接受到薑啦！

就是這樣，小茄就煲薑檸水俾韻慈飲囉！