為自己身體努力Day13

今早小茄好多野要攪，其實只有 30分鐘左右空閒，不過還是要堅持的，因明天係幼稚園學校假期，之後就係週末，下星期一係紅假......咁即係小茄要下星期二才可以上健身室......

雖然只跑了 24分鐘左右，但都已經消耗了 171卡路里，只不過未完成整個programme，所以唔知心跳率嘅情況係點......

咁樣郁一郁.....都好過冇丫......

I003：貓耳帽配蝴蝶巾禮盒

既然織得套裝(http://frankiengfung.blogspot.hk/2017/09/h003.html)，當然Vega by Frankie還有提供禮盒啦！


(https://www.facebook.com/vegabyfrankie/photos/a.316397622042060.1073741836.316384248710064/526441421037678/?type=3&theater)

嘩！靚晒😍☺️

希望 B 女嘅爸爸媽媽和 B 女都喜歡啦！

如欲查詢、報價或訂購，歡迎留言或私訊。

#希望可以帶溫暖的祝福俾人 #VegabyFrankie

D005 ：粉紅色帶花點帽

係織完貓耳帽(http://frankiengfung.blogspot.hk/2017/09/d004.html)後，小茄織番頂傳統帽先.....



(https://www.facebook.com/vegabyfrankie/photos/a.316390628709426.1073741831.316384248710064/526061194409034/?type=3&theater)

如欲查詢、報價或訂購，歡迎留言或私訊。

#希望可以帶溫暖的祝福俾人 #VegabyFrankie

為自己身體努力Day12

今早去到健身室......嘩！好多人丫！

橫掂健身單車同跑步機都冇位，試下其他先.....

試呢部.....行左 21x步，真係好吃力！同埋小茄見健身單車有位啦！咁呢 21x步就當熱身啦！

完成 60分鐘，消耗了 296卡路里，最高心跳率 144bpm，平均心跳率 131bpm......個range好似唔算相差好大喎......

H003 ：貓耳帽 + 蝴蝶巾套裝(粉紅色)

Vega by Frankie除了單獨作品外，還會製作套裝......

今次為B 女織了貓耳帽(http://frankiengfung.blogspot.hk/2017/09/d004.html)和蝴蝶巾(http://frankiengfung.blogspot.hk/2017/09/a008.html)


(https://www.facebook.com/vegabyfrankie/photos/a.316396885375467.1073741835.316384248710064/525651344450019/?type=3&theater)

越睇越覺得可愛😍😍

希望 B 女嘅爸爸媽媽和 B 女都喜歡啦！

如欲查詢、報價或訂購，歡迎留言或私訊。

#希望可以帶溫暖的祝福俾人 #VegabyFrankie

D004 ：粉紅色貓耳帽

過去半個月，雖然小茄忙著義織(http://frankiengfung.blogspot.hk/2017/09/blog-post_25.html)，但也不忘代織😊，繼月初完成了蝴蝶巾(http://frankiengfung.blogspot.hk/2017/09/a008.html)，今次小茄用同一pattern - cluster stitch(http://frankiengfung.blogspot.hk/2017/09/cluster-stitch.html)


織一頂貓耳帽(https://www.facebook.com/vegabyfrankie/photos/a.316390628709426.1073741831.316384248710064/525649244450229/?type=3&theater)，再加了一隻小蝴蝶，好可愛唷☺️☺️

希望 B 女嘅爸爸媽媽和 B 女都喜歡啦！

如欲查詢、報價或訂購，歡迎留言或私訊。

#希望可以帶溫暖的祝福俾人 #VegabyFrankie

為自己身體努力Day11

上星期五小茄要去聽簡介會，所以冇得去健身室做運動，再加上週末要留係屋企照顧孖寶......即停了一個long weekend冇郁動啦！

今早小茄按照時間表，做完義工姨姨之後再去健身室，不過今早健身單車已全部有人用緊......所以小茄轉到跑步機......

其實小茄一直只用健身單車係因為脊柱側彎問題，但既然轉用跑步機，為免脊柱突然痛到用唔到力而產生意外，所以小茄決定扶住扶手，而小茄的確太耐冇跑了，未知心肺可否負荷得到，所以小茄覺得暫時以急步行比跑適合......

今早小茄選擇斜度係 4，速度慢慢由 4加到 6，最高加到 6.5，由於扶住扶手，所以可以睇到心跳率......嘩！全程都超過 130 bpm，好多時都升到上 14X- 15X bpm，難怪由第 8 分鐘開始，不停流汗啦！但係跑步機上唔似得好似健身單車咁可以輕易飲水補充水份......

不過小茄竟然可以完成 60分鐘......總共消耗 401卡路里，完成 5.87km，約 14.6個圈，平均心跳率係 137 bpm，平均速度係 10.31 min/km......



下次繼續努力💪🏻💪🏻💪🏻

全低針長頸巾

睇開小茄織房嘅都會知道，其實小茄好怕織全低針，因真係好易䀫眼睏，不過小茄想趁空閒時間參與一些義織項目，繼續媽媽生前嘅事，而今次機構要求係灰色全低針嘅長頸巾，所以由 9 月初開始為義織獻出雙手(http://frankiengfung.blogspot.hk/2017/09/c005.html)，


而是還連氣織了 14條(https://www.facebook.com/vegabyfrankie/posts/525654117783075)......
其實真係可以好快完成的😊😊

#希望可以帶溫暖的祝福俾人 #VegabyFrankie

為自己身體努力Day10

昨天試過行得太快，攪到心跳太快......今早....唔敢啦！

經過過去日子嘗試，小茄搵到適合自己嘅阻力同埋速度.....

由 5度開始，待出汗後阻力加至 7度......

小茄八卦地望見.....呢個表幾有用，當然係作參考啦！

經過 60分鐘努力，消耗左 285 卡路里，最高心跳率係 153 bpm，平均心跳率係 120bpm......

小茄過磅，比上星期少左 1磅多少少......要繼續努力！💪🏻💪🏻💪🏻

係喎.....今日第十日......之後嘅就已經係抵左啦～

為自己身體努力Day9

由於身體有改善，成為了小茄做運動嘅動力...... Yeah！✌🏻✌🏻

可能小茄趕住去健身室，所以心跳得很快......

經過 60分鐘努力後，消耗左 211卡路里，平均心跳率 114bpm，最高心跳率 188bpm😱😱😱應該係初段......

為自己身體努力Day8

昨天開始呼吸困難(http://frankiengfung.blogspot.hk/2017/09/blog-post_17.html)，小茄心諗......橫掂都做運動，不如睇下會唔會好D？

所以小茄依舊係細佬仔學校做完義工，之後再上健康室啦！

可能呼吸未暢順，所以剛開始時的確覺得好辛苦，但還是要用意志克服！

當感覺身體適應到之後，小茄嘗試深呼吸......得喎！好順暢！

小茄繼續努力，完成 60分鐘後，消耗了 240卡路里，



平均心跳率係 115 bpm，


最高心跳率係 126 bpm......

係呢 60分鐘內，小茄覺得點坐都唔舒服，不停嘗試搵個舒服嘅位置......咦！得喎！冇話腰酸背痛喎！值得繼續.....

不過明天要開會，所以要停一日.....

頂唔順啦......

小茄如常織緊野，但突然留意到......點解自己好似呼吸唔到咁嘅？


立即上環保署睇一睇空氣污染指數......嘩！難怪啦......

小茄只好乖乖食藥啦！😔😔😔

雖然還是要食藥，但今次其實已經叻女左，以往係一開始甚高水平時便要食藥，今次已經隔左兩日先要食藥，小茄相信或多或少是做運動嘅功效.....👍🏻👍🏻

還有......

早上起床一望，

翠蘆莉又有花花啦！

心情立即開心起來.......

可以帶著呢個心情到細佬仔學校開家長會啦！✌🏻✌🏻

為自己身體努力Day7

昨天試過做完義工後到健身室做運動，時間都很充裕......
所以今天繼續試呢個時間表......
一切順利地到達健身室......

一開始就有汗，到完成 13分鐘後，成個背脊濕晒！

小茄繼續努力做......

完成 60分鐘後，共消耗 225卡路里，最高心跳率係 119bpm，而平均心跳率係 110bmp.....

小茄又要停兩日先可以再下健身室了！😤😤

為自己身體努力Day6

由於星期二健身室大清洗，而昨天小茄需到學校聽簡介會，所以又停左兩日啦！有D身痕😒😒😒😒

小茄由今天開始決定盡量抽時間去幼稚園做義工姨姨，所以時間要再排一排，由原來係細佬仔上校車後到健身室，改為做完義工後才到健身室，小茄諗過應該可以嘅😏😏😏

今早實踐.....都OK，做完義工，

之後係健身室踩 60分鐘健身單車，全程不停流汗，不過流完一身汗，個人又好精神喎！

小茄一邊踩一邊睇冷同pattern，估唔到不知不覺就消耗左 203卡路里，做完運動.....個人精神晒！

Cluster Stitch

Cluster Stitch
**a multiple of 3



Abbreviations :
K          = knit
P          = purl
Cluster = knit 3, slip those 3 stitches from right needle onto a cable needle or same size as needle used in the project, then wrap the working yarn in anti-clockwise around those 3 stitches six times, after that slip those 3 stitches back to right needle.

Pattern Begin :
Row 1 : all P
Row 2 : all K
Row 3 : all P
Row 4 : K4, [ Cluster, K3 ], repeat [ to ], end K
Row 5 : all P
Row 6 : all K
Row 7 : all P
Row 8 : K1, [ Cluster, K3 ], repeat [ to ], Cluster, K

Repeat Row 1 to Row 8 for length desired

Enjoy your knitting ! ☺️☺️

為自己身體努力Day5

由於週末孖寶唔駛番學，所以小茄去唔到健身室😔😔

不過一到星期一，孖寶上左校車之後，小茄可以繼續啦！

雖然停左兩日，但當開始做熱身時，小茄感覺到身體很快已變暖，在這 60分鐘裏，背脊不停流汗......

60分鐘過去，共消耗 186卡路里，平均心跳係 115bpm，最高心跳係 128bpm，比之前高，但小茄沒覺得不適(其實以小茄年齡黎講都只係低至中運動量嘅心跳)，反而覺得好開心......

不過明天健康室需要進行大清洗(雖然可到其他中心做)，星期三小茄又有事要做，即係又要停兩日......😔😔😔😔

香蕉蛋糕@10Sep2017

材料：
熟透香蕉............5隻(壓成蓉)
牛油...................20克(先融化)
蛋......................1隻(打散)
鹽......................0.5茶匙
低筋麵粉............150克

做法：
1. 預熱焗爐至 175度
2. 把牛油加入香蕉中拌勻，加入雲呢拿香油再拌勻
3. 加入鹽拌勻，分三次篩入低筋麵粉拌勻至無粒狀物

4. 把拌好粉漿倒入小蛋糕紙杯中，放入焗爐烘焙 1小時

C005 ：成人長頸巾(灰色)

今次要求全低針(平針).......

小茄真係好怕會瞓著，所以一邊煲劇，一邊織......


(https://www.facebook.com/vegabyfrankie/photos/a.316388398709649.1073741830.316384248710064/517399028608584/?type=3&theater)


  #希望可以帶溫暖的祝福俾人 #VegabyFrankie

為自己身體努力Day4

昨天小茄發現當加了阻力，身體起初都覺得辛苦，但如果分散注意力，身體又會慢慢適應到果個阻力，所以今早小茄嘗試由 5度阻力開始，慢慢加......

最高試過加到 16度(😱😱印象中未試過丫)，但又唔算太辛苦丫.....

過去 60分鐘後，消耗了 185卡路里，平均心跳係 106bpm，最高心跳係 114bpm......

不過小茄今天想去圖書館，而踩完 60分鐘後，圖書館還未開，所以小茄決定踩多一會......


係多踩嘅近 20分鐘，消耗了 43.7卡路里......小茄便離開健身室啦！

落一層到圖書館，小茄應孖寶要求，小妮子要求中文關於文字嘅，細佬仔要求車車嘅書，去得圖書館嘅，小茄當然會為自己借書啦！

結果......一共借左 22本書......好重丫！😤😤😤

為自己身體努力Day3

昨天踩完 60分鐘(http://frankiengfung.blogspot.hk/2017/09/day2.html)，小茄覺得身體開始適應做運動，而做完運動晚上瞓得好左，日間精神左......所以小茄當然會繼續啦！同埋點解小茄要買月票？因為小茄都怕自己半途放棄囉，係錢果方面睇：$17/小時，$180/月，即如果一個月內做 11小時就已經抵過啦！咁如果每日做 1小時，去 11天就已經值門票價啦！😅😅😅😅用 11小時讓身體堅持下去成為習慣，小茄覺得值得投資丫！😝😝😝😝

好！今天小茄又踩 60分鐘，經昨天嘅嘗試，小茄知道加了阻力可以幫身體warm up.......
真係......踩左 10分鐘後，開心流汗啦！
之後小茄留意自己心跳......

整個過程一直維持 100-114bpm，其實以小茄年紀黎講，呢個心跳算係低運動量嘅心跳......


最後今天消耗了 194卡路里，而 60分鐘內嘅平均心跳係 104bpm，最高都只係 114bpm......

做完三天運動，小茄過磅......少左 1磅，可能流左汗囉！

明顯身體開始真係進入狀態......
要繼續加油！💪🏻💪🏻💪🏻💪🏻

為自己身體努力Day2

經過昨天第一天嘅開始(http://frankiengfung.blogspot.hk/2017/09/day1.html)，小茄晚上瞓得好左......
呢個誘因足夠成為小茄做運動嘅動力，但冇咩汗出、新陳代謝呢個問題真係要處理......

今天小茄決定踩 60分鐘，而且加番少少阻力......
當踩到 10分鐘，身體開始熱，到 30分鐘時，開始有點汗啦！

當踩完 60分鐘，原來消耗了 175卡路里......
呢個感覺幾好！

見到身體開始改善，小茄覺得今日嘅努力冇白費嘅......
要繼續努力！💪🏻💪🏻💪🏻💪🏻

A008：粉紅色蝴蝶巾

好似好耐冇織蝴蝶巾啦！
今次為一個未出世嘅 B 女準備蝴蝶巾，以往小茄通常開 3針之後開始織，但小茄覺得兩邊尾尾唔係太靚，所以今次試開 6針........而pattern 就用cluster stitch (http://frankiengfung.blogspot.hk/2017/09/cluster-stitch.html)


(https://www.facebook.com/vegabyfrankie/photos/a.316385588709930.1073741828.316384248710064/515455372136283/?type=3&theater)

效果幾好👍🏻👍🏻
送禮自用都靚☺️☺️

希望 B 女嘅爸爸媽媽和 B 女都喜歡啦！

如欲查詢、報價或訂購，歡迎留言或私訊。


#希望可以帶溫暖的祝福俾人 #VegabyFrankie

分株嘅都有啦！

過去開花嘅都係主盤嘅翠蘆莉開花，
不過小茄有天晚上都見到分株果盤都有花蕾，
但無奈遲遲都未見佢開花......


今天早上，小茄等到啦！
分株果盤都有花開啦！☺️☺️☺️☺️☺️

為自己身體努力Day1

繼細佬仔都正式開學(http://frankiengfung.blogspot.hk/2017/09/blog-post.html)，小茄都要好好安排一下佢番學果幾小時嘅時間，除左到學校做義工家長、做織女和煮定飯等細佬仔放學番黎食之外，小茄覺得需要開始做番運動，因過去幾年冇咩時間做運動，攪到周身病痛，氣管敏感同脊柱側彎經常黎攪擾，而之前陀細佬仔初時血壓低容易頭暈，試過去健身室做運動(http://frankiengfung.blogspot.hk/2014/01/blog-post_6148.html)，血壓有所控制，可以食少左藥，晚上又瞓得好左，而且體重降低，唔駛再做肥妹......所以小茄決定再到康文署健身室做運動......

早上小茄陪完小妮子同細佬仔等校車後，慢慢行到體育館，

首先買月票先......估唔到幾年後都係$180喎！

小茄先拉筋，做好熱身後，開始踩健身單車......
話晒都幾年冇做運動，所以都要俾機會身體適應一下，而且小茄有脊柱側彎問題，同埋體重都唔輕，所以暫時輕鬆D，踩下健身單車啦！


踩左大半小時，只係背脊有少少汗出......嘩！新陳代謝真係差左好多......但幾年冇做運動，小茄唔敢一開始就太盡......唯有之後繼續努力啦！

開學啦！

這個星期陪住細佬仔漸漸式開學，由第一天要黏實小茄或小妮子，到今早乖乖搭校車返學放學......

過去幾日，小茄好難唔擔心細佬仔嘅適應，但知道如果俾細佬仔知道，會令細佬仔有壓力，當小茄知道細佬仔因分離而喊，如果小茄話冇唔開心嘅話，一定係講緊大話，每次見到或聽到細佬仔喊，小茄內心都會忍忍作痛，不過小茄知道唔可以心軟，因細佬仔要學習，同埋小茄要相信學校老師可以幫到細佬仔......

係呢五日，小茄鼓勵細佬仔嘗試踏多一步，而小茄也要配合老師係適當時候迴避一下，還跟細佬仔做不同嘅約定.......

今早成功啦！雖然細佬仔還有少少緊張，因第一次自己搭校車，但細佬仔已經做得好好！👍🏻👍🏻👍🏻

細佬仔，要繼續努力丫！💪🏻💪🏻💪🏻💪🏻媽咪，會一直陪住你去面對......